कोकण रेल्वे Archives - Page 59 of 60

28
Nov

Follow us on

Konkan Railway News : पर्यटनाचा हंगाम, तळकोंकणातील जत्रेचा हंगाम तसेच कोकण मार्गावरील गाडयांना गर्दी होत असल्याने कोंकण रेल्वेने ह्यावर उपाय म्हणून कोंकण मार्गावरील काही गाडयांना अतिरिक्त डबे जोडण्याचा निर्णय घेतला आहे.

हेही वाचा : कोकण रेल्वेचा दिलासा….कोकणातील उद्योजकांसाठी नवीन सुविधा….

खालील गाड्या ह्या अतिरिक्त डब्यांसहित धावणार आहेत.

अ. क्र.	ट्रेनचे नाव	अतिरिक्त डबे	दिनांक	कोकणातील थांबे
3	19260 Bhavnagar - Kochuveli Express	One Sleeper Coach	On 29/11/2022	Vasai Road, Panvel Jn, Roha, Chiplun, Ratnagiri, Sindhudurg, Thivim
4	19259 Kochuveli - Bhavnagar Express	One Sleeper Coach	On 01/12/2022	Vasai Road, Panvel Jn, Roha, Chiplun, Ratnagiri, Sindhudurg, Thivim
7	22908 Hapa - Madgaon Jn. Express	One Sleeper Coach	From 30/11/2022 to 28/12/2022	Vasai Road Panvel Jn, Khed, , Ratnagiri, Kudal, Thivim
1	20924 Gandhidham - Tirunelveli Express	One Sleeper Coach	From 28/11/2022 to 26/12/2022	Vasai Road, Panvel Jn, Ratnagiri
6	19577 Tirunelveli - Jamnagar Express	One Sleeper Coach	From 05/12/2022 to 27/12/2022	Boisar, Vasai Road, Panvel Jn, Ratnagiri
8	22907 Madgaon Jn. - Hapa Express	One Sleeper Coach	From 02/12/2022 to 30/12/2022	Vasai Road Panvel Jn, Khed, , Ratnagiri, Kudal, Thivim
5	19578 Jamnagar - Tirunelveli Express	One Sleeper Coach	From 02/12/2022 to 24/12/2022	Boisar, Vasai Road, Panvel Jn, Ratnagiri
2	20923 Tirunelveli - Gandhidham Express	One Sleeper Coach	From 01/12/2022 to 29/12/2022	Vasai Road, Panvel Jn, Ratnagiri

अधिक माहितीसाठी ww.enquiry.indianrail.gov.in ह्या अधिकृत संकेतस्थळास भेट देण्यात यावी. प्रवाशांनी ह्या सुविधेचा लाभ घ्यावा असे आवाहन रेल्वे प्रशासनामार्फत केले गेले आहे.

हेही वाचा : पेण येथे रेल रोको आंदोलन…”ह्या” आहेत मागण्या…

कोकण, कोकण रेल्वे

कोकण रेल्वेचा दिलासा….कोकणातील उद्योजकांसाठी नवीन सुविधा….

Posted on November 27, 2022 10:59 amNovember 27, 2022 3:40 pm by Kokanai Digital

27
Nov

Follow us on

Konkan Railway News :मुंबई गोवा महामार्ग गेल्या १२ वर्षांपासून रखडला आहे, अनेक ठिकाणी रस्त्याची दुर्दशा झाली असल्याने ह्या महामार्गाने वाहतूक करणे खूपच गैरसोयीचे झाले आहे. ह्या सर्वात कोकणातील उद्योजकांना कोकण रेल्वेने एक दिलासादायक बातमी दिली आहे. मुंबईतील जेएनपीटी बंदरापासून रत्नागिरीपर्यंत मालवाहतूक करण्यासाठी कोकण रेल्वे प्रशासनाकडून कंटेनर ट्रेन सुरू करण्याचा निर्णय घेतला आहे.

Read Also: पेण येथे रेल रोको आंदोलन…”ह्या” आहेत मागण्या…

सुरक्षित प्रवास आणि वेळेची बचत असा दृष्‍टिकोन रेल्वेने ठेवला असून पहिली कंटेनर ट्रेन २९ नोव्हेंबर २०२२ रोजी रत्नागिरी स्थानकातून सोडण्यात येणार आहे. या सुविधेचा व्यापाऱ्यांकडून लाभ घ्यावा, असे आवाहन कोकण रेल्वे प्रशासनाकडून केले गेले आहे. ह्या सुविधेंचा लाभ कोकणातील स्थानिक उद्योजकांना होणार आहे. मालाची वाहतूक अधिक वेगवान आणि कमी खर्चात करण्यासाठी ह्या सेवेचा लाभ घेता येईल. कोकणात उत्पादित उत्पादने मुंबईतील जेएनपीटी बंदरातून जगाच्या विविध भागात निर्यात केली जातात. येथील उत्पादनेही त्यांच्या गुणांसाठी ओळखले जातात. त्यामुळेच जगभरात प्रचंड मागणी असते. मुंबई गोवा हायवे वाहतुकीस योग्य नाही आहे. त्यावरुन वाहतूक करताना दमछाक होते आणि वेळही अधिक लागतो. रस्ते अपघाताची शक्यताही नाकारता येत नाही. त्यामुळे जेएनपीटी आणि रत्नागिरी दरम्यानचा हा प्रवास सुरळीत करण्यासाठी कोकण रेल्वेच्या रत्नागिरी विभागाने कंटेनर ट्रेन चालवण्याचा निर्णय घेतला आहे. या ट्रेनमध्ये चाळीस फूट आणि वीस फूट लांबीचे कंटेनर मालाच्या वाहतुकीसाठी उपलब्ध करून दिले जाणार आहेत. निर्यातीसाठी वातानुकूलीत आणि कोरडे कंटेनरही यामध्ये वापरले जाणार आहेत. मालाची वाहतूक सुलभ आणि गतिमान होण्यासाठी कोकण रेल्वेची ही सेवा उपयुक्त ठरणार आहे. कोकणातून होणाऱ्या व्यापाराला मोठ्या प्रमाणात चालना मिळेल.

Vision Abroad

मराठी तरुण-तरुणींना परदेशांत शिक्षण आणि नोकरीसाठी सर्वतोपरी मदत करणारी मराठी माणसांनी चालवलेली संस्था.

अधिक माहितीसाठी खालील लिंक वर क्लिक करा.

कोकण, कोकण रेल्वे

पेण येथे रेल रोको आंदोलन…”ह्या” आहेत मागण्या…

Posted on November 26, 2022 5:25 pmNovember 27, 2022 6:19 am by Kokanai Digital

26
Nov

Follow us on

पेण: आपल्या विविध मागण्याकरिता आणि पेण रेल्वे स्थानकात सध्याच्या गैरसोयी रेल्वे प्रशासनाच्या लक्षात आणून आणून देण्यासाठी माझं पेण आणि रेल्वे प्रवासी सन्मान समिती तर्फे पुढील महिन्यात ११ डिसेंबर २०२२ रोजी सकाळी ११ वाजता रेल रोको आंदोलन करण्यात येणार आहे.

ह्या मागण्यांमध्ये मुख्य मागणी म्हणजे ह्या स्थानकाला काही गाड्यांचे थांबे मिळवणे हि असली तरी अजून काही मागण्या आहेत. पेण तालुका हा जिल्ह्यातील मध्यवर्ती ठिकाण असून त्याची लोकसंख्या सुमारे २ लाखापेक्षा जास्त आहे. पेण तालुक्यातून मुंबई,नवी मुंबई, पनवेल, माणगाव, रोहा आणि इतर ठिकाणी नोकरी, शिक्षण तसेच व्यापाराच्या कारणासाठी नियमित प्रवास करतात. त्याचप्रमाणे काही मोठ्या कंपन्या पण तालुक्यात आहेत. सुबक मूर्तीसाठी पेण तालुका पूर्ण विश्वात प्रसिद्ध आहे. हे रेल्वे स्थानक मुंबई गोवा हायवे च्या जवळ आहे. ह्या सर्व गोष्टी अनुकूल असताना पेण ह्या रेल्वे स्थानकाला रेल्वे प्रशासनाकडून योग्य सन्मान भेटत नाही आहे अशी ह्या समितीची तक्रार आहे.

Read Also : मुंबई सीएसएमटी मडगाव जनशताब्दी एक्सप्रेस नेहमीच उशिरा – प्रवाशांचे हाल

काय आहेत मागण्या ?

१. कोरोना पूर्व काळात पेण स्थानकात थांबणारी दिवा-सावंतवाडी-दिवा (१०१०५/१०१०६) ह्या गाडीला पेण, कासू, नागोठणे, रोहा येथे पूर्ववत थांबा मिळावा.

२. कोरोना काळात सामान्य Passenger गाडयांना लावलेले अधिक तिकीट दर पूर्ववत करण्यात यावेत.

३. रोहा – पनवेल – रोहा या मार्गावर मेमू गाड्यांच्या फेऱ्या वाढवाव्यात आणि त्या नियमित वेळापत्रकानुसार असाव्यात.

४. पेण दिवा पेण मेमू शनिवार आणि रविवार देखील सुरु राहावी.

५ यादीतील किमान ५ एक्सप्रेस गाडयांना पेण येथे थांबा देण्यात यावा.

याचप्रमाणे स्थानकावर अतिरिक्त तिकीट खिडकी, तिकीट तपासणीस नेमण्यात यावा असे रेल्वेच्या हितासाठी काही मागण्या पण आहेत.

ह्या सर्व मागण्या दिनांक १०.१२.२०२२ पर्यंत पूर्ण करण्यात याव्यात नाहीतर दिनांक ११.१२.२०२२ रोजी सकाळी ११ वाजता रेल रोको आंदोलन करण्यात येईल असा इशारा “माझं पेण” आणि “रेल्वे प्रवासी सन्मान समिती” ने दिला आहे.

कोकण, कोकण रेल्वे

मुंबई सीएसएमटी मडगाव जनशताब्दी एक्सप्रेस नेहमीच उशिरा – प्रवाशांचे हाल

Posted on November 25, 2022 7:38 amNovember 27, 2022 12:56 pm by Kokanai Digital

25
Nov

Konkan Railway News :१२०५१/१२०५२ मुंबई सीएसएमटी मडगाव जनशताब्दी एक्सप्रेस हि चाकरमान्यांना मुंबईमधून कोकणात आणि कोकणातून मुंबईला कमी वेळात आणि कमी खर्चात पोहोचवणारी एक्सप्रेस म्हणून ओळखली जाते. एवढेच नाही तर ह्या एक्सप्रेस ने त्याच दिवशी कोकणात जाऊन पुन्हा मुंबईला येते असे ह्या गाडीचे वेळापत्रक आहे. सकाळी मुंबई सीएसमटी स्थानकावरून सकाळी ५.१० वाजता सुटणारी हि एक्सप्रेस मडगावला त्याच दिवशी दुपारी १४.१० ला पोचते. परतीच्या प्रवासात हि गाडी मडगाव स्थानकावरून १४.४० ला सुटून ती छत्रपती शिवाजी महाराज टर्मिनस, मुंबई येथे २३.३० ला पोहोचते. त्यामुळे ह्या गाडीला कोकणवासीयांची पहिली पसंदी आहे.

Related : पेण येथे रेल रोको आंदोलन…”ह्या” आहेत मागण्या…

पण अलीकडच्या काही दिवसात हि गाडी नेहमीच उशिरा धावत असल्याचे दिसत आहे. कोकणातून मुंबईला येताना प्रवाशांना खूप मनस्ताप करावा लागत आहे. ठाणे, दादर आणि छत्रपती शिवाजी महाराज टर्मिनस येथे हि गाडी रात्री १.३० / २.०० च्या दरम्यान पोचत असल्याने उपनगरीय लोकल्स ने पुढचा प्रवास करणाऱ्या प्रवाशांचे खूप हाल होत आहेत. कारण ह्या वेळेला उपनगरीय रेल्वे गाड्या बंद असतात, त्यामुळे दूर जाणाऱ्या प्रवाशांना सकाळच्या पहिल्या ट्रेन चे प्रतीक्षा करावी लागते किंवा इतर महागड्या पर्याय निवडावा लागतो.

Read Also : ओव्हर हेड एक्युपमेंट वायर तुटली.. कोकण रेल्वेची वाहतुक विस्कळीत

पावसाळी वेळापत्रक होते तेव्हा कोकण रेल्वे दोन स्वतंत्र गाड्या ह्या मार्गावर चालवीत असे, त्यामळे हि समस्या येत नसे. हि गाडी वेळेवर असे. आता १२०५१ जी गाडी दुपारी १४.१० ला पोहोचते तीच गाडी १४.४० ला १२०५२ परतीच्या प्रवासाला सोडण्यात येत आहे. त्यामुळे मुंबई वरून मडगाव ला जाणारी गाडी जर उशिरा गेली तर त्याचा परिणाम तेथून मुंबईसाठी सुटणाऱ्या १२०५२ गाडी वर होतो आणि उगमस्थानावरूनच हि गाडी उशिरा निघते. त्यामुळे दोन स्वतंत्र गाड्या वापरण्यात याव्यात अशी मागणी होत आहे.

कोकण, कोकण रेल्वे

ओव्हर हेड एक्युपमेंट वायर तुटली.. कोकण रेल्वेची वाहतुक विस्कळीत

Posted on November 25, 2022 3:31 amNovember 27, 2022 4:50 pm by Kokanai Digital

25
Nov

Block "Google News" not found

Konkan Railway News :कोकण रेल्वे मार्गावरील रत्नागिरी जिल्ह्यातल्या दिवाणखवटी ते विन्हेरे स्टेशनदरम्यान ओव्हर हेड एक्युपमेंट वायर तुटली आहे.यामुळे मध्यरात्रीपासून कोकण रेल्वेची वाहतूक विस्कळीत झाली होती. सर्व गाड्या इलेक्ट्रिक इंजिनवर धावत असल्याने कोकण रेल्वे मार्गावरील वाहतुकीचा खोळंबा झाला आहे.अनेक गाड्या विविध स्थानकांमध्ये खोळंबल्या होत्या.

मडगाव-मुंबई कोकणकन्या एक्स्प्रेस वीर स्टेशनवर रखडली होती. अनेक गाड्या विविध स्थानकांमध्ये खोळंबल्या होत्या. पण अखेर पाच तासांनी बिघाड दुरुस्त करण्यास रेल्वे प्रशासनाला यश आलं. त्यानंतर कोकणकन्या एक्सप्रेस मार्गस्थ झाली. कोकण रेल्वे प्रशासनाकडून इलेक्ट्रिकऐवजी डिझेल इंजिनची उपलब्धता करून हळूहळू एक्सप्रेस मार्गस्थ करण्यात येत आहेत. तरीही अद्यापही कोकण रेल्वे मार्गावरील वाहतूक उशिरानंच सुरु आहे. कोकण रेल्वे मार्गावरील अनेक गाड्या तीन ते चार तास उशिरानं धावत आहेत. कोकण कन्या, तुतारी, मंगलोर एक्स्प्रेस, मडगांव एक्स्प्रेस अशा अनेक गाड्या उशिरानं धावत आहेत. यामुळे प्रवाशांचे प्रचंड हाल झाले आहेत मुंबईच्या दिशेनं येणाऱ्या प्रवाशांना प्रचंड मनस्ताप सहन करावा लागत आहे.

कोकण, कोकण रेल्वे

कोकणातील सर्व रेल्वे स्थानकांचा लवकरच कायपालट

Posted on November 18, 2022 3:21 pm by Kokanai Digital

18
Nov

Konkan Railway News :रत्नागिरी व सिंधुदुर्ग जिल्हयातील कोकण रेल्वेच्या प्रमुख सर्व स्थानकांचे लवकरात लवकर सुशोभिकरण करण्याची प्रक्रिया येत्या सात दिवसांत सुरु करा, तसेच कोकण रेल्वेच्या सर्व स्थानकांच्या बाहेरील सर्व प्रमुख रस्ते काँक्रिटीकरण करण्याची प्रक्रिया तातडीने सुरु करण्याचे निर्देश सार्वजनिक बांधकाम मंत्री तथा सिंधुदुर्ग जिल्ह्याचे पालकमंत्री रविंद्र चव्हाण यांनी आज शुक्रवारी दिले. त्याचप्रमाणे कोकण रेल्वे मार्गावरील रत्नागिरी व कणवकवली येथे सुसज्ज रेल्वे पोलिस ठाणे उभारण्याच्या प्रक्रियेला वेग देण्याच्या सूचनाही मंत्री रविंद्र चव्हाण यांनी दिल्या. मंत्री चव्हाण यांच्या निर्णयामुळे कोकणवासियांना मोठया प्रमाणात दिलासा मिळणार असून लवकरच कोकण रेल्वेची स्थानके व परिसराचा कायापालट होणार असून प्रवाशांना अत्याधुनिक सुविधा मिळणार आहे.

कोकण रेल्वे स्थानक ते मुख्य रस्त्यांना जोडणा-या रस्त्यांचे मजबूतीकरण, नुतनीकरण, तसेच स्थानकांचे सुशोभिकरण आदी विविध विषयासंदर्भात सार्वजनिक बांधकाम मंत्री चव्हाण यांच्या प्रमुख उपस्थितीत आज कोकण रेल्वचे वरिष्ठ अधिकारी आणि रेल्वे पोलिस अधिकारी तसेच सार्वजनिक बांधकाम विभागाचे अधिकारी उपस्थित होते. मुंबईसह देशातील प्रमुख विमानतळांचे उत्कृष्टरित्या सुशोभिकरण व अत्याधुनिकीकरण करण्यात आल्यामुळे प्रवाश्यांना उत्तम सोयी-सुविधा उपलब्ध होतात. याच धर्तीवर कोकण रेल्वेमार्गावरील सर्व स्थानकांचे सुशोभिकरण व आधुनिकीकरण करण्याच्या सुचना यावेळी मंत्री चव्हाण यांनी दिल्या. तसेच, कोकण रेल्वे प्रशासनाने सुशोभिकरणासंदर्भात पुढाकार घेणे अत्यावश्यक आहे, असेही मंत्री चव्हाण यांनी स्पष्ट केले

कोकण, कोकण रेल्वे

KR UPDATES:कोचुवेळी यार्ड कामा निमित्त कोकण रेल्वेच्या ‘ह्या’ गाड्या रद्द

Posted on November 18, 2022 3:50 am by Kokanai Digital

18
Nov

Konkan Railway News: कोकण रेल्वे मार्गावरील कोचुवेळी येथे यार्ड च्या कामा निमित्त कोकण रेल्वे मार्गावर चालणाऱ्या काही गाड्या रद्द करण्यात आलेल्या आहेत. हे काम दिनांक ०८ डिसेंबर ते १२ डिसेंबर ह्या दरम्यान होणार आहे.

खालील गाड्या रद्द करण्यात आलेल्या आहेत.

गाडी क्रमांक १२२०२ दि ०८ डिसेंबर व ११ डिसेंम्बर
गाडी क्रमांक १२२०१ दि ०९ डिसेंबर व १२ डिसेंबर

प्रवाशांनी याची नोंद घ्यावी असे कोकण रेल्वेतर्फे आवाहन करण्यात आले आहे.

कोकण, कोकण रेल्वे

KR UPDATES – 16/11/22 -कोकण रेल्वेमागार्वर ‘ह्या’ गाड्या अतिरिक्त कोच सहित धावणार

Posted on November 16, 2022 5:36 pmNovember 16, 2022 5:50 pm by Kokanai Digital

16
Nov

Konkan Railway News: प्रवाशांची वाढती गर्दी लक्षात घेऊन कोकण रेल्वे प्रशासनाने कोकण रेल्वे मार्गावर धावणार्‍या काही काही गाड्यांना तात्पुरत्या स्वरूपात अतिरिक्त डबे जोडण्याचा निर्णय घेतला आहे.

खालील गाड्या Three Tier AC श्रेणीचे 2 अतिरिक्त कोच सहित चालविण्यात येणार आहे.

12133 Mumbai CSMT – Mangaluru Jn. Express

दिनांक : 16/11/2022 & 18/11/2022

12134 Mangaluru Jn. – Mumbai CSMT Express

दिनांक : 17/11/2022 & 19/11/2022

या दोन्ही गाड्यांचे थांबे

छत्रपति शिवाजी महाराज टर्मिनस, ठाणे, पनवेल जंक्शन, रत्नागिरी, कणकवली, करमळी, मडगांव जंक्शन, कारवार, कुमटा, भटकळ, बैन्दूर मूकांबिका रोड, कुंडापुरा, उडुपी, सुरथकल, मंगलूरु जंक्शन

कोकण, कोकण रेल्वे

कर्नाक बंदर पूल तोडण्यासाठी पॉवरब्लॉक – कोकणरेल्वेच्या गाड्यांवर परिणाम.

Posted on November 10, 2022 3:31 pmNovember 10, 2022 3:41 pm by Kokanai Digital

10
Nov

मुंबईः शहरातील पी डिमेलो मार्गावरून मनीष मार्केट, झवेरी बाजार, क्रॉफर्ड मार्केट, लोहार चाळ, टाइम्स ऑफ इंडिया इमारत, महापालिका मुख्यालय इमारतीकडे जाणाऱ्या रस्त्यांना जोडणारा कर्नाक बंदर पूल पुर्नबांधणी साठी तोडण्यात येणार आहे. त्यासाठी सेंट्रल रेल्वे तर्फे १९/११/२०२२ आणि २०/११/२०२२ रोजी एक पॉवर ब्लॉक घेणार आहे. ह्या दरम्यान मुंबई छत्रपती शिवाजी टर्मिनस ह्या स्टेशन वरून सुटणाऱ्या आणि येणाऱ्या गाडयांचा प्रवास त्याच्या अगोदरच्या स्टेशन पर्यंत मर्यादित करण्यात येणार आहे. ह्या कामामुळे कोकण मार्गावरून चालविण्यात येणाऱ्या खालील गाड्यांचा आरंभ किंवा शेवटच्या स्थानकामध्ये बदल करण्यात आलेले आहेत.

खालील गाड्यांचे आरंभ आणि शेवटचे स्थानक दादर असेल.

Train No.	Date
1. Train no. 12052 Madgaon Jn. – Mumbai CSMT Janshatabdi Express	19/11/2022 (Saturday) & 20/11/2022 (Sunday)
2. Train no. 22120 Madgaon Jn. – Mumbai CSMT Tejas Express	19/11/2022 (Saturday) & 20/11/2022 (Sunday)
3. Train no. 12051 Mumbai CSMT – Madgaon Jn. Janshatabdi Express	20/11/2022 (Sunday)
4. Train no. 22119 Mumbai CSMT – Madgaon Jn. Tejas Express	20/11/2022 (Sunday)

खालील गाड्यांचे आरंभ आणि शेवटचे स्थानक पनवेल असेल.

Train No.	Date
1. Train no. 10104 Madgaon Jn. – Mumbai CSMT Mandovi Express	19/11/2022 (Saturday)
2. Train no. 10112 Madgaon Jn. – Mumbai CSMT Konkankanya Express	19/11/2022 (Saturday)
3. Train no. 12134 Mangaluru Jn. – Mumbai CSMT Express	19/11/2022 (Saturday)
4. Train no. 10104 Madgaon Jn. – Mumbai CSMT Mandovi Express j	20/11/2022 (Sunday)
5. Train no. 10103 Mumbai CSMT – Madgaon Jn. Mandovi	19/11/2022 (Saturday)
6. Train no. 12133 Mumbai CSMT – Mangaluru Jn. Express	19/11/2022 (Saturday)
7. Train no. 10111 Mumbai CSMT- Madgaon Jn. Konkankanya	19/11/2022 (Saturday) & 20/11/2022 (Sunday)

प्रवाशांनी कृपया ह्याची नोंद घ्यावी

दि. १ नोव्हेंबरपासून कोंकण रेल्वेचे नवीन वेळापत्रक, जाणून घ्या बदललेले वेळापत्रक

कोकणवासियांसाठी खुशखबर, आठवड्यातून एक दिवस धावणारी ‘हि’ गाडी आता धावणार चार दिवस

कोकण, कोकण रेल्वे

KR UPDATES 09/11/2022- कोकण मार्गावरील काही गाड्यांच्या आरंभ स्थानकामध्ये तात्पुरत्या स्वरूपाचा बदल

Posted on November 9, 2022 1:40 pmNovember 9, 2022 1:52 pm by Kokanai Digital

09
Nov

मुंबई: मध्य रेल्वेच्या लोकमान्य टिळक टर्मिनस च्या सहाव्या मार्गिकेच्या अपग्रेडेशनचे काम दिनांक ०८/११/२०२२ ते १२/१२/२०२२ दरम्यान होणार आहे. ह्या दरम्यान ह्या स्टेशन वरून सुटणाऱ्या आणि येणाऱ्या गाडयांचा प्रवास त्याच्या अगोदरच्या स्टेशन पर्यंत मर्यादित करण्यात येणार आहे. ह्या कामामुळे कोकण मार्गावरून चालविण्यात येणाऱ्या खालील गाड्यांचा आरंभ किंवा शेवटच्या स्थानकामध्ये बदल करण्यात आलेले आहेत.

१) Train no. 16345/16346 Lokmanya Tilak (T) -Thiruvananthapuram Central – Lokmanya Tilak (T) Netravati Express (Daily)

हि गाडी दिनांक ०८/११/२०२२ ते 1३/१२/२०२२ पनवेल स्थानकापर्यंत चालविण्यात येणार आहे. हि गाडी १२:५५ वाजता पनवेल स्टेशन वरून सुटेल.

२) Train no. 12619/12620 Lokmanya Tilak (T) – Mangaluru Central – Lokmanya Tilak (T) Matsyagandha Express (Daily)

हि गाडी दिनांक ०८/११/२०२२ ते १२/१२/२०२२ पनवेल स्थानकापर्यंत चालविण्यात येणार आहे. हि गाडी १६:३३ वाजता पनवेल स्टेशन वरून सुटेल.

कृपया प्रवाशांनी ह्या बदलाची नोंद घ्यावी आणि हि पोस्ट शेयर करावी.

कोकणातील ताज्या आणि महत्वाच्या घडामोडी आपल्यापर्यंत पोहचवणारे डिजिटल बातमीपत्र - Kokanai Live News

Category Archives: कोकण रेल्वे

कोकण, कोकण रेल्वे

पर्यटनाचा हंगाम…कोंकणरेल्वे मार्गावरील ८ गाड्या अतिरिक्त डब्यांसहित धावणार

कोकण, कोकण रेल्वे

कोकण रेल्वेचा दिलासा….कोकणातील उद्योजकांसाठी नवीन सुविधा….

कोकण, कोकण रेल्वे

पेण येथे रेल रोको आंदोलन…”ह्या” आहेत मागण्या…

कोकण, कोकण रेल्वे

मुंबई सीएसएमटी मडगाव जनशताब्दी एक्सप्रेस नेहमीच उशिरा – प्रवाशांचे हाल

कोकण, कोकण रेल्वे

ओव्हर हेड एक्युपमेंट वायर तुटली.. कोकण रेल्वेची वाहतुक विस्कळीत

कोकण, कोकण रेल्वे

कोकणातील सर्व रेल्वे स्थानकांचा लवकरच कायपालट

कोकण, कोकण रेल्वे

KR UPDATES:कोचुवेळी यार्ड कामा निमित्त कोकण रेल्वेच्या ‘ह्या’ गाड्या रद्द

कोकण, कोकण रेल्वे

KR UPDATES – 16/11/22 -कोकण रेल्वेमागार्वर ‘ह्या’ गाड्या अतिरिक्त कोच सहित धावणार

कोकण, कोकण रेल्वे

कर्नाक बंदर पूल तोडण्यासाठी पॉवरब्लॉक – कोकणरेल्वेच्या गाड्यांवर परिणाम.

कोकण, कोकण रेल्वे

KR UPDATES 09/11/2022- कोकण मार्गावरील काही गाड्यांच्या आरंभ स्थानकामध्ये तात्पुरत्या स्वरूपाचा बदल