Category Archives: कोकण रेल्वे

Konkan Railway | एलटीटी-मडगाव एक्सप्रेस व तेजस एक्सप्रेसच्या फेऱ्यांत ०१ नोव्हेंबर पासून वाढ

Konkan Railway News: कोकण रेल्वेने प्रवास करणाऱ्या प्रवाशांसाठी एक महत्वाची बातमी आहे. पावसाळी हंगामात काही गाड्यांच्या फेऱ्यांमध्ये कपात केली गेली होती. या गाड्यांच्या फेऱ्या दिनांक ०१ नोव्हेंबर पासून पूर्ववत करण्यात येणार आहेत. कोकण रेल्वेने प्रसिद्ध केलेल्या एका प्रसिद्धी पत्रकानुसार खालील गाड्यांच्या फेऱ्या पूर्ववत करण्यात येणार आहेत.
1) 11099/11100 Lokmanya Tilak (T) – Madgaon Jn. – Lokmanya Tilak (T) Express
या दोन्ही गाड्या दिनांक ०३ नोव्हेंबर पासून आठवड्यातून ४ दिवस म्हणजे मंगळवार, शुक्रवार, शनिवार आणि रविवार या दिवशी धावणार आहे. पावसाळी हंगामात मान्सून वेळापत्रकानुसार या गाड्या आठवड्यातून फक्त दोन दिवस चालविण्यात येत होत्या.  
2) 22119/22120 Mumbai CSMT – Madgaon Jn. – Mumbai CSMT Tejas Express 
या गाड्या दिनांक ०१ नोव्हेंबर पासून सोमवार आणि गुरुवार वगळता आठवड्यातून ५ दिवस चालविण्यात येणार आहेत. पावसाळी हंगामात या गाड्या मान्सून वेळापत्रकानुसार आठवड्यातून फक्त तीनच दिवस धावत होत्या.  

Loading

कोकण रेल्वेचा ३३ वा स्थापना दिवस : अशी आहे कोकण रेल्वेची वेगवेगळ्या क्षेत्रातील सर्वोच्च कामगिरी

रत्नागिरी : कोकण रेल्वे महामंडळाच्या वतीने ३३ वा स्थापना दिवस वाशीतील सिडको एक्झिबिशन सेंटर सभागृहात साजरा करण्यात आला. स्थापना दिवसासह राष्ट्राला समर्पित असलेल्या अविरत सेवेची २५ वर्षे देखील कोकण रेल्वेने पूर्ण करून एक महत्वाचा टप्पा गाठला आहे. यानिमित्ताने कोकण रेल्वे व्यवस्थापनाच्या २५ वर्षांच्या अखंडीत सेवापूर्ती निमित्त महामंडळातील अधिकारी- कर्मचारी यांचा विशेष सत्कार कोकण रेल्वेचे अध्यक्ष तथा व्यवस्थापकीय संचालक संजय गुप्ता यांच्या हस्ते करण्यात आला.

याप्रसंगी कोकण रेल्वेचे संचालक राजेश भडंग (फायनान्स), संतोष कुमार झा (ऑपरेशन्स, कमर्शिअल ), आर. के.हेगडे (वे-वर्कस्) व्यासपीठावर उपस्थित होते. यावेळी कोकण रेल्वेचे उपमहाव्यवस्थापक (जनसंपर्क) गिरीश करंदीकर, कार्यकारी संचालक (प्रकल्प) एल. प्रकाश, डेप्युटी लेखा अधिकारी अरूप बागुई यांच्यासह विविधविभागातउल्लेखनीय काम केलेल्या विभागांना तसेच वैयक्तिक कामगिरी केलेल्या अधिकारी-कर्मचारी यांचा स्मृतीचिन्ह, प्रमाणपत्र देऊन सत्कार करण्यात आला. सदर कार्यक्रमात उल्लेखनीय कामासाठी कोकण रेल्वे जनसंपर्क विभागाला देखील पुरस्कार देऊन सन्मानित भ करण्यात आले. सदर सोहळ्यास कोकण रेल्वेच्या सर्व विभागातील विभागप्रमुख, अधिकारी-कर्मचारी आणि त्यांचे कुटुंबीय उपस्थित होते.

संजय गुप्ता यांनी कोकण रेल्वेने गेल्या १२-१८ महिन्यांत मिळवलेल्या कामगिरीची माहिती खालीलप्रमाणे दिली

 

माननीय पंतप्रधानांनी 27 जून 2023 रोजी व्हिडिओ कॉन्फरन्सिंगद्वारे गोवा – मुंबई CSMT वंदे भारत एक्सप्रेसला हिरवा झेंडा दाखवला.
26 मार्च 2023 रोजी माननीय रेल्वेमंत्र्यांनी नव्याने पूर्ण झालेल्या प्रतिष्ठित चिनाब पुलाची पाहणी केली.
जुलै 2023 मध्ये रेल्वे मंत्रालयाच्या अमृत भारत योजनेत मडगाव रेल्वे स्थानकाच्या विकासाचा समावेश करण्यात आला आहे.
कोकण रेल्वेने आपल्या मार्गाचे 100% विद्युतीकरण पूर्ण केले आहे.
कोकण रेल्वेने खालील क्षेत्रात आतापर्यंतची सर्वोच्च कामगिरी केली आहे.

 

  • आतापर्यंतचा सर्वाधिक प्रवासी महसूल – ₹962.43 कोटी
  • आतापर्यंतचा सर्वाधिक मालवाहतूक महसूल – ₹736.47 कोटी
  • आतापर्यंतचा सर्वाधिक प्रकल्प महसूल – ₹3274. 70 कोटी
  • आतापर्यंतचा सर्वाधिक एकूण महसूल – ₹५१५२.२३ कोटी
  • आतापर्यंतचा सर्वाधिक निव्वळ नफा – ₹२७८.९३ कोटी
  • रत्नागिरी येथे कोल्ड स्टोरेज आणि एकात्मिक पॅक हाऊसचे बांधकाम करण्यासाठी महाप्रीटसोबत करार करण्यात आला.
  • मे 2023 मध्ये, BSNL सोबत एक करार करण्यात आला, ज्या अंतर्गत BSNL ने 31 कोटी रुपयांची आर्थिक तरतूद केली जी फायबर ऑप्टिक लाईनच्या नूतनीकरणासाठी राखून ठेवली जात आहे.

Loading

राजापूर पोस्ट ऑफिसमध्ये रेल्वे आरक्षणाची सुविधा

राजापूर : राजापूर पोस्ट ऑफिस येथे ग्राहकांसाठी रेल्वे आरक्षण सेवा सुरू करण्यात आली आहे. या सेवेचा लाभ रेल्वे प्रवाशांनी घ्यावा, असे आवाहन डाकघर अधीक्षक एन. टी. कुरळपकर यांनी केले आहे. राष्ट्रीय टपाल सप्ताहाचे औचित्य साधून रेल्वे तिकीट आरक्षण सुविधेचे उद्घाटन करण्यात आले. राजापूर तालुक्यातील व इतर जवळच्या भागातील रेल्वे प्रवाशांसाठी आरक्षण सुविधा राजापूर पोस्ट ऑफिस येथे सुरू करण्यात आली आहे. जिल्ह्यात रत्नागिरी हेड ऑफिस, लांजा, संगमेश्वर या पोस्ट ऑफिसमध्ये भारतीय रेल्वे व भारतीय डाक विभाग यांच्या संयुक्त सहकार्याने ही सुविधा उपलब्ध करून देण्यात आली आहे. रेल्वे तिकीट आरक्षण सुविधा राजापूर पोस्ट ऑफिसमार्फत मिळावी, अशी मागणी स्थानिक रहिवासी, विद्यार्थी, नोकरदार व लोकप्रतिनिधी यांच्याकडून होत होती. ही सेवा पोस्ट विभागाच्या पुढाकाराने सुरू झाल्याने नागरिकांमध्ये समाधान व्यक्त होत आहे.

Loading

कोकण रेल्वे मार्गावर पुढील आठवड्यात मेगाब्लॉक; तुतारी एक्सप्रेससह चार गाड्यांच्या वेळापत्रकांवर परिणाम

Konkan Railway News: कोकण रेल्वे मार्गावर पुढील आठवड्यात दोन वेगवेगळ्या ठिकाणी रेल्वेच्या मालमत्तेच्या देखभालीसाठी मेगाब्लॉक घेण्यात येणार आहेत. या मेगाब्लॉक मुळे मार्गावर धावणाऱ्या ४ गाड्यांच्या वेळापत्रकांवर परिणाम होणार आहे.
A) बुधवार दिनांक १८ ऑक्टोबर रोजी आडवली – राजापूर रोड दरम्यान सकाळी ०८:०० ते ११:०० या वेळेत तर राजापूर रोड – नांदगाव रोड दरम्यान सकाळी ०७:४० ते १०:४० या वेळेत मेगाब्लॉक घेण्यात येत आहेत. या मेगाब्लॉक मुळे खालील गाड्यांच्या वेळापत्रकांवर परिणाम होणार आहे.
१) Train no. 11003 Dadar – Sawantwadi Road Tutari Express
दिनांक १८ ऑक्टोबर रोजी प्रवास सुरु करणारी ही गाडी रोहा ते रत्नागिरी दरम्यान २ तास १५ मिनिटे  उशिराने धावणार आहे.
२) Train no. 10106 Sawantwadi Road – Diva Express 
दिनांक १८ ऑक्टोबर रोजी प्रवास सुरु करणारी ही गाडी सावंतवाडी ते नांदगाव रोड दरम्यान १ तास १५  मिनिटे उशिराने धावणार आहे.
B) दिनांक २० ऑक्टोबर (शुक्रवार) रोजी गोकर्णा रोड – भटकळ दरम्यान दुपारी १४:४० ते १७:४० या वेळेत मेगाब्लॉक घेतला जाणार आहे. या मेगाब्लॉकमुळे खालील गाड्यांच्या वेळापत्रकांवर परिणाम होणार आहे.
१) Train no.12620 Mangaluru Central – Lokmanya Tilak (T) Matsyagandha Express
दिनांक २० ऑक्टोबर रोजी प्रवास सुरु करणारी ही गाडी ठोकूर ते भटकळ दरम्यान १ तास ५० मिनिटे  उशिराने धावणार आहे.
२) Train no. 06601 Madgaon Jn. – Mangaluru Central Special 
दिनांक २० ऑक्टोबर रोजी प्रवास सुरु करणारी ही गाडी मडगाव ते गोकर्णा रोड दरम्यान १ तास उशिराने धावणार आहे.

Loading

दिवाळी साठी कोकण रेल्वे मार्गावर धावणार साप्ताहिक विशेष गाडी

Konkan Railway News: दिवाळी सणासाठी  कोकणात गावी जाणाऱ्या चाकरमान्यांसाठी एक खुशखबर आहे. मध्य रेल्वे आणि कोकण रेल्वे दिवाळी सणासाठी मुंबई-मंगलुरु जंक्शन दरम्यान एक साप्ताहिक विशेष गाडी चालविणार आहे 
01185/01186  एलटीटी मुंबई  – मंगलुरु जंक्शन – एलटीटी मुंबई साप्ताहिक विशेष (14 सेवा) 
01185 एलटीटी मुंबई  – मंगलुरु जंक्शन विशेष ही गाडी दिनांक 20.10.2023 ते 01.12.2023 पर्यंत (एकूण 7 फेऱ्या) प्रत्येक शुक्रवारी  22.15 वाजता लोकमान्य टिळक टर्मिनस या स्थानकावरून सुटून दुसऱ्या दिवशी 17.05 संध्याकाळी मंगलुरु जंक्शन या स्थानकावर पोहचणार आहे. 
01186 मंगलुरु जंक्शन – एलटीटी मुंबई विशेष ही गाडी दिनांक ,21.10.2023 से 02.12.2023 पर्यंत (एकूण 7 फेऱ्या) प्रत्येक शनिवारी संध्याकाळी 18.45 वाजता मंगलुरु जंक्शन  या स्थानकावरून सुटून दुसऱ्या दिवशी दुपारी 14:25 वाजता लोकमान्य टिळक टर्मिनस या स्थानकावर पोहचणार आहे. 
या गाडीचे थांबे
ठाणे, पनवेल, रोहा, माणगाव, खेड़, चिपळूण, संगमेश्वर रोड, रत्नागिरी, कणकवली, सिंधुदुर्ग, कुडाळ, सावंतवाड़ी रोड, थिविम, करमाली, मडगांव, करवार, गोकर्ण रोड, कुमता, मुरुदेश्वर, भटकल, मूकाम्बिका रोड बिंदूर, कुंडापुरा , उडुपी, मुल्की, सुरथकल आणि ठोकुर
डब्यांची संरचना:
01 वातानुकूलित -2 टियर, 05 वातानुकूलित -3 टियर, 08 शयनयान श्रेणी , 07 जनरल आणि ०२ एसएलआर – (एकूण = 21 आईसीएफ कोच)
या गाड्यांचे आरक्षण सोमवार दिनांक १६ ऑक्टोबर पासून चालू होणार आहे अशी माहिती रेल्वे प्रशासनाकडून देण्यात आली आहे.
[pdf-embedder url=”https://kokanai.in/wp-content/uploads/2023/10/special-train.pdf” title=”special train”]

Loading

सावंतवाडी टर्मिनसला प्रा. मधू दंडवते यांचे नाव देणे व अन्य मागण्यांसाठी स्मारक समितीचा रेल्वेला अल्टिमेटम

सावंतवाडी : कोकण रेल्वेचे शिल्पकार माजी खासदार तथा माजी केंद्रीय रेल्वे व अर्थमंत्री प्रा. मधू दंडवते यांची स्मृती जपण्यासाठी कोकण रेल्वेच्या सावंतवाडी टर्मिनसचे ‘प्रा. मधू दंडवते टर्मिनस’, असे नामकरण करावे आणि अन्य मागण्यांचे  निवेदन प्रा. मधू दंडवते स्मारक समितीच्यावतीने रेल्वे प्रशासनास देण्यात आले. 
सावंतवाडी रेल्वे टर्मिनस चे नाव लवकरात लवकर पूर्ण करून त्यास माजी खासदार तथा माजी केंद्रीय रेल्वे व अर्थमंत्री प्रा. मधू दंडवते यांचे नाव देण्यात यावे, कोकण रेल्वे मार्गावरील स्थानकाच्या प्रवेशद्वारावर त्यांचे तैलचित्र लावण्यात यावे, रत्नागिरी स्थानक ते महामार्ग जोडणाऱ्या मार्गास त्यांचे नाव देण्यात यावे. तसेच प्रा. मधू दंडवते यांच्या नावाने एक रेल्वे सुरु करावी किंवा विन्द्यमान गाडीस त्यांचे नाव देण्यात यावे. सावंतवाडी स्थानकास टर्मिनस चा दर्जा देऊन तेथे सर्व गाडयांना थांबा मिळावा या मागण्या या निवेदनातून करण्यात आल्या आहेत. 
दिनांक २६ जानेवारी २०२४ पर्यंत या मागण्यांची अंबलबजावणी करण्यात यावी अन्यथा समितीतर्फे  कोकणातील सर्व स्थानकावर लाक्षणिक धरणे आंदोलन करण्यात येईल असा इशाराही देण्यात आला आहे.  
सावंतवाडीत स्मारक समितीचे निमंत्रक ज्येष्ठ पत्रकार अभिमन्यू लोंढे, भाई देऊलकर, मिहीर मठकर, सागर तळवडेकर यांनी येथील स्थानकात भेट देत याबाबतचे निवेदन सादर केले. यावेळी रेल्वेस्थानक रिक्षा युनियन अध्यक्ष संदीप बाईत, उपाध्यक्ष श्याम सांगेलकर, अजित सातार्डेकर, प्रदीप सोनवणे, दिलीप तानावडे, सचिन तळकटकर, सुरेंद्र गावडे, सचिन गावकर, अजित वैज, एकनाथ नाटेकर, अशोक गावडे, महेश खडपकर, भास्कर तांडेल आदी उपस्थित होते. या निवेदनावर सुमारे ३२० प्रवाशी नागरिकांच्या स्वाक्षरी आहेत. 

Loading

मध्य रेल्वेच्या १० गाड्यांच्या डब्यांत कायमस्वरूपी वाढ; कोकण रेल्वेमार्गावर धावणाऱ्या एका गाडीचा समावेश

Konkan Railway News :मध्यरेल्वेच्या काही गाड्यांना प्रवाशांचा प्रतिसाद आणि गर्दी लक्षात घेऊन काही गाड्यांच्या डब्यांत वाढ करण्याचा निर्णय मध्य रेल्वेतर्फे घेण्यात आला आहे. या निर्णयानुसार एकूण 10 एक्सप्रेस गाड्यांमध्ये  एकुण 34 (सर्व 10 गाड्यांचे मिळून) डबे कायमस्वरुपी वाढविण्यात येणार आहेत. 

या गाड्यांमध्ये कोकण रेल्वे मार्गावर चालविण्यात येणार्‍या नागपूर-मडगाव-नागपूर या गाडीचा समावेश आहे. या गाडीला एक थ्री टायर एसी आणि एक जनरल असे दोन अतिरिक्त डबे कायमस्वरूपासाठी जोडण्यात येणार आहेत. 

Nagpur – Madgaon Jn Special (Bi-Weekly) 01139 या  गाडीला दिनांक 14 ऑक्टोबर 2023 पासून तर 

Madgaon Jn – Nagpur Special (Bi-Weekly) 01140 या  गाडीला दिनांक 15 ऑक्टोबर 2023 पासून हे अतिरिक्त डबे जोडण्यात येणार आहेत.

या गाडीच्या डब्यांची सुधारित संरचना 

2 Tier AC – 01, 3 Tier AC – 05, Sleeper – 11, General – 05, SLR-02 =एकूण 24 आयसिएफ कोच. 

Loading

दिवा सावंतवाडी एक्सप्रेसला जोडण्यात आलेल्या एसी डब्यांना मुदतवाढ

Konkan Railway News : गाडी क्रमांक 50107 / 50108 सावंतवाडी – मडगाव – सावंतवाडी आणि त्याच रेकसह प्रवास विस्तार करणारी गाडी क्रमांक 10105 / 10106  दिवा – सावंतवाडी – दिवा एक्सप्रेस या गाड्यांना यंदाच्या  गणेशोत्सवासाठी  प्रथमच इकॉनॉमी थ्री टायर श्रेणीचे दोन वातानुकूलित डबे जोडण्यात आले होते. प्रवाशांची मागणी आणि गरज लक्षात घेऊन हे डबे  पुढील सूचना मिळेपर्यंत या गाडीला कायम ठेवण्यात येणार आहेत अशी माहिती रेल्वे प्रशासनातर्फे देण्यात आली आहे.  
मडगाव ते सावंतवाडी आणि पुढे सावंतवाडी दिवा या गाडीच्या प्रवासाला अधिक आरामदायी बनवण्यासाठी वातानुकूलित डबे जोडले जावेत अशी मागणी रेल्वेकडे करण्यात आले होती. कोकण रेल्वेने नुकत्याच झालेल्या गणेशोत्सवा त्याची अंमलबजावणी देखील केली. गणेशोत्सवात रेल्वेने जाहीर केल्याप्रमाणे इकॉनोमी थ्री टायर श्रेणीचे दोन डबे 14 ऑक्टोबर 2023 पर्यंत राहतील असे कळवले होते. मात्र आता त्यांना पुढील सूचनेपर्यंत मुदतवाढ देण्यात आली आहे.

Loading

सावंतवाडी टर्मिनससाठी निधी ‘सिंधुरत्न’ योजनेतून उपलब्ध करून दिला जाईल; दीपक केसरकर यांची ग्वाही

सावंतवाडी: कोकण रेल्वे मार्गावर धावणाऱ्या गाड्या सावंतवाडी रेल्वे स्थानकावर थांबल्या पाहिजेत यासाठी आग्रही आहे. सावंतवाडी टर्मिनस देखील झाले पाहिजे. कोकण रेल्वेकडे निधी नसेल तर सिंधुरत्न योजनेतून उपलब्ध करून दिला जाईल, अशी ग्वाही शालेय शिक्षण व मराठी भाषा मंत्री दिपक केसरकर यांनी दिली.
खासदार विनायक राऊत यांनी सावंतवाडी रेल्वे टर्मिनसचे स्वप्न निधी अभावी धुसर झाले अशा प्रकारे केलेले वक्तव्य चुकीचे आहे. रखडलेले काम मार्गी लागण्यासाठी सिंधुरत्नमधून मी आवश्यक असलेला निधी उपलब्ध करून देईन. त्याचबरोबर वंदे भारतसह अन्य गाड्या थांबविण्यासाठी केंद्रीय रेल्वेमंत्र्यांकडे आपण मागणी केली आहे, अशी माहिती शालेय शिक्षणमंत्री दिपक केसरकर यांनी आज येथे दिली
खासदार राऊत यांनी सावंतवाडी टर्मिनसचे रखडलेले काम मार्गी लावण्यासाठी रेल्वेकडे निधी नाही, त्यामुळे हा प्रकल्प होण्याची शक्यता धुसर बनली आहे, अशी वक्तव्य केले होते. याबाबत श्री. केसरकर यांना विचारले असता ते म्हणाले, “याठिकाणी वंदे भारत ट्रेनसोबत अन्य महत्वाच्या गाड्या थांबविण्यासाठी मी केंद्रीय रेल्वेमंत्र्याकडे मागणी केली आहे. टर्मिनसचे स्वप्न धुसर होणार, असे वक्तव्य करणे चुकीचे आहे. काही झाले तरी ते काम पुर्ण करण्यात येणार आहे. त्यासाठी आवश्यक असलेला निधी मी सिंधुरत्न योजनेतून उपलब्ध करून देणार आहे. रेल्वे राज्यमंत्री रावसाहेब दानवे यांची नुकतीच भेट घेऊन चर्चा केली आहे. त्यामुळे रेल्वे स्थानकावर प्रवाशांना सुविधा व रेल्वे गाड्या मिळवून देण्यासाठी प्रयत्न करत आहे. 

Loading

कोकण रेल्वे मार्गावर पुढील आठवड्यात दोन ठिकाणी मेगाब्लॉक; ५ गाड्यांच्या वेळापत्रकांवर परिणाम

Konkan Railway News: कोकण रेल्वे मार्गावर पुढील आठवड्यात दोन वेगवेगळ्या ठिकाणी रेल्वेच्या मालमत्तेच्या देखभालीसाठी मेगाब्लॉक घेण्यात येणार आहेत. या मेगाब्लॉक मुळे मार्गावर धावणाऱ्या ५ गाड्यांच्या वेळापत्रकांवर परिणाम होणार आहे.
मंगळवार दिनांक १० ऑक्टोबर रोजी कडवाई – रत्नागिरी या मार्गावर सकाळी ०७:४० ते १०:४० या  वेळेदरम्यान मेगाब्लॉक घेण्यात येत आहे. या मेगाब्लॉक मुळे खालील गाड्यांच्या वेळापत्रक परिणाम होणार आहे.
१) Train no. 19577 Tirunelveli Jn. – Jamnagar  Express
दिनांक ०९ ऑक्टोबर रोजी प्रवास सुरु करणारी ही गाडी ठोकूर ते रत्नागिरी या दरम्यान ३ तास उशिराने धावणार आहे.
२) Train no. 16346 Thiruvananthapuram Central – Lokmanya Tilak (T)  Netravati Express 
दिनांक ०९ ऑक्टोबर रोजी प्रवास सुरु करणारी ही गाडी ठोकूर ते रत्नागिरी या दरम्यान १ तास ३० मिनिटे उशिराने धावणार आहे.
३) Train no. 12051 Mumbai CSMT – Madgaon Jn. Janshatabdi Express
दिनांक १० ऑक्टोबर रोजी प्रवास सुरु करणारी ही गाडी खेड ते चिपळूण दरम्यान २० मिनिटे उशिराने धावणार आहे. 
गुरुवार दिनांक १२ ऑक्टोबर रोजी मडगाव – कुमता  या मार्गावर सकाळी ११:०० ते दुपारी ०२:०० या  वेळेदरम्यान मेगाब्लॉक घेण्यात येत आहे. या मेगाब्लॉक मुळे खालील गाड्यांच्या वेळापत्रक परिणाम होणार आहे.
1) Train no.06602 Mangaluru Central – Madgaon Jn. Special 
दिनांक १२ ऑक्टोबर रोजी प्रवास सुरु करणारी ही गाडी कुमता ते मडगाव दरम्यान रद्द करण्यात आली आहे.
2) Train no. 06601 Madgaon Jn. – Mangaluru Central – Special  
दिनांक १२ ऑक्टोबर रोजी प्रवास सुरु करणारी ही गाडी मडगाव ते कुमता दरम्यान रद्द करण्यात आली आहे.

Loading

Content Protected! Please Share it instead.  

Home
Kokan Blog
Downloads
Search