Author Archives: Kokanai Digital

कोकण, कोकण रेल्वे

बाप्पा पावला! गणेशोत्सवासाठी कोकण रेल्वे मार्गावर अजून काही गाड्यांची घोषणा

Posted on by Kokanai Digital
29
Jul
   Follow us on        

Konkan Railway: गणेशोत्सव २०२५ दरम्यान कोकणात जाणाऱ्या प्रवाशांची संख्या लक्षणीय वाढण्याची शक्यता लक्षात घेता, प्रवाशांच्या अतिरिक्त गर्दीवर नियंत्रण मिळवण्यासाठी आणि त्यांच्या प्रवासाला अधिक सुलभ व आरामदायक करण्यासाठी कोकण रेल्वेने अजून काही अतिरिक्त विशेष गाड्या चालवण्याचा निर्णय घेतला आहे.

या गाड्या विशेषतः गणेशभक्त, सुट्टीसाठी कोकणात जाणारे प्रवासी आणि गावाकडची वाट धरू इच्छिणाऱ्यांसाठी नियोजित करण्यात आल्या आहेत. यामुळे प्रवाशांची गर्दी कमी होईल आणि त्यांना सुट्टीचा आनंद अधिक निर्बंधांशिवाय घेता येईल.

या विशेष गाड्यांचे वेळापत्रक, मार्ग व थांबे यांचा तपशील पुढीलप्रमाणे आहे:

१) क्रमांक ०११३१ / ०११३२ लोकमान्य टिळक (टी) – सावंतवाडी रोड – लोकमान्य टिळक (टी) विशेष (आठवड्यातून दोनदा): 

गाडी क्रमांक ०११३१ लोकमान्य टिळक (टी) – सावंतवाडी रोड विशेष (आठवड्यातून दोनदा) २८/०८/२०२५, ३१/०८/२०२५, ०४/०९/२०२५ आणि ०७/०९/२०२५ रोजी सकाळी ८:४५ वाजता लोकमान्य टिळक (टी) येथून सुटेल. ही ट्रेन त्याच दिवशी २२:२० वाजता सावंतवाडी रोडला पोहोचेल.

गाडी क्रमांक ०११३२ सावंतवाडी रोड – लोकमान्य टिळक (टी) विशेष (द्वि-साप्ताहिक) सावंतवाडी रोडवरून २८/०८/२०२५, ३१/०८/२०२५, ०४/०९/२०२५ आणि ०७/०९/२०२५ रोजी २३:२० वाजता सुटेल. ही गाडी लोकमान्य टिळक (टी) येथे दुसऱ्या दिवशी १२:३० वाजता पोहोचेल.

ही गाडी ठाणे, पनवेल, पेण, रोहा, माणगाव, खेड, चिपळूण, सावर्डा, आरवली रोड, संगमेश्वर रोड, रत्नागिरी, आडवली, विलवडे, राजापूर रोड, वैभववाडी रोड, नांदगाव रोड, कणकवली, सिंधुदुर्ग, कुडाळ आणि झाराप या स्थानकांवर थांबेल.

रचना : एकूण २२ कोच = ३ टायर एसी – ०२ कोच, स्लीपर – १२ कोच, जनरल – ०६ कोच, एसएलआर – ०२.

२) ट्रेन क्रमांक ०११३३ / ०११३४ दिवा जंक्शन – खेड – दिवा जंक्शन मेमू स्पेशल (दैनिक): 

गाडी क्रमांक ०११३३ दिवा जंक्शन – खेड मेमू स्पेशल (दैनिक) २२/०८/२०२५ ते ०८/०९/२०२५ पर्यंत दररोज दिवा जंक्शन येथून दुपारी १:४० वाजता सुटेल. ही ट्रेन त्याच दिवशी रात्री २०:०० वाजता खेड येथे पोहोचेल.

गाडी क्रमांक ०११३४ खेड – दिवा जंक्शन मेमू स्पेशल (दैनिक) २३/०८/२०२५ ते ०९/०९/२०२५ पर्यंत दररोज सकाळी ८:०० वाजता खेड येथून निघेल. ही ट्रेन त्याच दिवशी दुपारी १:०० वाजता दिवा जंक्शन येथे पोहोचेल.

गाडी निलजे, तळोजा पंचनंद, कळंबोली, पनवेल, सोमाटणे, रसायनी, आपटा, जिते, हमरापूर, पेण, कासू, नागोठणे, निडी, रोहा, कोलाड, इंदापूर, माणगाव, गोरेगाव रोड, वीर, सापे वामणे, करंजाडी, विन्हेरे,दिवाणखवती,कळंबणी बुद्रुक,येथे थांबेल.

रचना : एकूण 08 मेमू कोच.

३) गाडी क्रमांक ०१००४ / ०१००३ मडगाव जंक्शन – लोकमान्य टिळक (टी) – मडगाव जंक्शन साप्ताहिक विशेष: )

गाडी क्रमांक ०१००४ मडगाव जंक्शन – लोकमान्य टिळक (टी) साप्ताहिक विशेष (दैनिक) दर रविवारी म्हणजे २४/०८/२०२५, ३१/०८/२०२५ आणि ०७/०९/२०२५ रोजी १६:३० वाजता मडगाव जंक्शन येथून सुटेल. ही गाडी दुसऱ्या दिवशी सकाळी ६:०० वाजता लोकमान्य टिळक (टी) येथे पोहोचेल.

गाडी क्रमांक ०१००३ लोकमान्य टिळक (टी) – मडगाव साप्ताहिक विशेष गाडी लोकमान्य टिळक (टी) येथून दर सोमवारी म्हणजेच २५/०८/२०२५, ०१/०९/२०२५ आणि ०८/०९/२०२५ रोजी सकाळी ८:२० वाजता सुटेल. ही गाडी त्याच दिवशी रात्री २२:४० वाजता मडगाव जंक्शनला पोहोचेल.

थांबे – करमाळी, थिविम, सावंतवाडी रोड, कुडाळ, सिंधुदुर्ग, कणकवली, वैभववाडी रोड, राजापूर रोड, विलवडे, आडवली, रत्नागिरी, संगमेश्वर रोड, चिपळूण, खेड, माणगाव, रोहा, पेण, पनवेल आणि ठाणे

डब्यांची रचना : एकूण २० एलएचबी कोच = २ टायर एसी – ०१ कोच, ३ टायर एसी – ०३ कोच, ३ टायर एसी इकॉनॉमी – ०२ कोच, स्लीपर – ०८ कोच, जनरल – ०४ कोच, जनरेटर कार – ०१, एसएलआर – ०१.

या गाड्यांसाठी आरक्षणाची तारीख जाहीर करण्यात आली नसून लवकरच त्याची ती जाहीर करण्यात येणार आहे.

कोकण

कोकणातील नागपंचमी: सर्पपूजेचा श्रद्धेचा सण

Posted on by Kokanai Digital
29
Jul
   Follow us on        

भारताची संस्कृती ही निसर्गपूजेवर आधारित आहे आणि विविध जीवसृष्टीशी सहअस्तित्वाचा संदेश देणारे सण आपण साजरे करतो. त्यातीलच एक महत्त्वाचा सण म्हणजे नागपंचमी, विशेषतः कोकणातील नागपंचमी ही पारंपरिक, सांस्कृतिक आणि पर्यावरणपूरक श्रद्धेची सुंदर अभिव्यक्ती आहे.

नागपंचमीचा पारंपरिक संदर्भ

श्रावण महिन्यातील शुक्ल पक्षातील पंचमीला नागपंचमी साजरी केली जाते. यामागे प्राचीन आख्यायिका, धार्मिक कथा आणि लोकसाहित्य आहेत. पुराणानुसार, या दिवशी शेषनागाची पूजा केल्यास भय, रोग, संकट टळते आणि सुख-समृद्धी प्राप्त होते असे मानले जाते. कोकणात नागदेवतेबद्दल विशेष श्रद्धा असून घराघरांतून या दिवशी सर्पपूजा केली जाते.

कोकणातील सण साजरा करण्याची वैशिष्ट्ये

कोकणातील नागपंचमीची पूजा वैशिष्ट्यपूर्ण पद्धतीने केली जाते:

नागपंचमीला घरोघरी नागदेवतेच्या मूर्तीची पूजा केली जाते. पूर्वी घरोघरी स्त्रिया नदीकाठची किंवा विशिष्ट मऊ माती घेऊन नागदेवतेच्या मूर्ती स्वतः तयार करत असत. आता या मूर्ती बाजारात उपलब्ध होत आहेत. या मूर्ती घराच्या पूजास्थानी ठेवून त्यांची विधिपूर्वक पूजा होते. नागदेवतेला दूध, फळे, लाह्या, नारळ यांचा नैवेद्य दाखवला जातो. साखर घालून केलेले दूध सर्पांना अर्पण करणे ही श्रद्धेची खूण मानली जाते. काही घरांमध्ये हळद-कुंकवाने किंवा शाडूने भिंतीवर किंवा उंबरठ्यावर नागाचे चित्र रंगवले जाते. हे चित्र संकटांपासून रक्षण करणारे मानले जाते.

कोकणात जंगल आणि शेतीशी नाते असल्याने सर्पांशी अनेक वेळा थेट सामना होतो. त्यामुळे त्यांच्याशी सौहार्दपूर्ण सहअस्तित्व राखण्याचा संदेश या सणातून मिळतो.

सांस्कृतिक आणि पर्यावरणीय दृष्टीने महत्त्व

नागपंचमीचा सण हा केवळ धार्मिकच नव्हे, तर पर्यावरणीय जागृतीचा संदेशही देतो. सापांचा परिसंस्थेतील महत्त्वाचा सहभाग असून त्यांचं अस्तित्व शेती आणि निसर्गासाठी आवश्यक आहे. सर्पांना न मारता त्यांना वाचवण्याचा संदेश नागपंचमी देतो.

कोकणातील नागपंचमी हा केवळ एक सण नाही, तर निसर्गाशी नातं जोडणारा, सजीव सृष्टीविषयी आदर निर्माण करणारा आणि पारंपरिक श्रद्धा जपणारा एक संस्कृतिक पर्व आहे. मातीतून मूर्ती बनवणं, नैवेद्य अर्पण करणं, सहअस्तित्वाचा विचार – हे सर्व कोकणातील जीवनपद्धतीचं प्रतिबिंब आहे.

आज दिनांक, दिनविशेष

२९ जुलै पंचांग आणि दिनविशेष

Posted on by Kokanai Digital
29
Jul

आजचे पंचांग

  • तिथि-पंचमी – 24:48:47 पर्यंत
  • नक्षत्र-उत्तरा-फाल्गुनी – 19:28:34 पर्यंत
  • करण-भाव – 12:03:07 पर्यंत, बालव – 24:48:47 पर्यंत
  • पक्ष- शुक्ल
  • योग-शिव – 27:04:48 पर्यंत
  • वार- मंगळवार
  • सूर्योदय- 06:17
  • सूर्यास्त- 19:13
  • चन्द्र-राशि-कन्या
  • चंद्रोदय- 10:07:59
  • चंद्रास्त- 22:21:00
  • ऋतु- वर्षा

जागतिक दिन :

  • आंतरराष्ट्रीय व्याघ्र दिन
  • पावसाचा दिवस

महत्त्वाच्या घटना :

  • 1852 : जोतिबा फुले यांचा विश्रामबाग वाडा येथे स्त्री शिक्षणाचे भारतीय प्रणेते म्हणून पुणे महाविद्यालयाचे प्राचार्य मेजर कँडी यांच्या हस्ते गौरव करण्यात आला.
  • 1876 : फादर आयगेन, डॉ. महेंद्र सरकार यांनी इंडियन असोसिएशन फॉर कल्टिव्हेशन ऑफ सायन्सची स्थापना केली.
  • 1920 : अमेरिकेतील न्यूयॉर्क आणि सॅन फ्रान्सिस्को शहरांदरम्यान जगातील पहिली हवाई मेल सेवा सुरू झाली.
  • 1921 : ॲडॉल्फ हिटलर राष्ट्रीय समाजवादी जर्मन वर्कर्स पार्टीचा नेता बनला.
  • 1946 : टाटा एअरलाइन्सचे नाव बदलून एअर इंडिया करण्यात आले.
  • 1948 : 12 वर्षानंतर लंडनमध्ये 14 व्या ऑलिम्पिक खेळांचे आयोजन करण्यात आले.
  • 1957 : आंतरराष्ट्रीय अणुऊर्जा एजन्सीची स्थापना.
  • 1985 : मल्याळम लेखक टी. एस. पिल्ले यांना ज्ञानपीठ पुरस्काराने सन्मानित करण्यात आले.
  • 1987 : भारत-श्रीलंका शांतता करारावर स्वाक्षरी झाली.
  • 1997 : हरनाम घोष कोलकाता, स्मृती पुरस्कार दिलीप पुरुषोत्तम चित्रे यांना प्रथमच मराठी लेखकाला मिळाला.
  • 2021 : इंटरनॅशनल स्पेस स्टेशनचे रशियन मॉड्यूल इंजिनमध्ये बिघाड झाल्यानंतर तात्पुरते नियंत्रणाबाहेर गेले.

जन्मदिवस / जयंती / वाढदिवस:

  • 1838 : ‘शाहजहान बेगम’ – भोपाळच्या नवाब बेगम यांचा जन्म. (मृत्यू : 16 जून 1901)
  • 1883 : ‘बेनिटो मुसोलिनी’ – इटलीचा हुकूमशहा यांचा जन्म. (मृत्यू : 28 एप्रिल 1945)
  • 1898 : ‘इसिदोरआयझॅक राबी’ – नोबेल पारितोषिक विजेते भौतिकशास्त्रज्ञ यांचा जन्म.
  • 1904 : ‘जे. आर. डी. टाटा’ – भारतीय उद्योजग तसेच ते भारताचे पहिले वैमानिक आणि भारतीय विमान वाहतुकीचे जनक यांचा जन्म. (मृत्यू : 29 नोव्हेंबर 1993)
  • 1922 : ‘ब. मो. पुरंदरे’ – लेखक आणि शिवशाहीर यांचा जन्म.
  • 1925 : ‘शि. द. फडणीस’ – व्यंगचित्रकार यांचा जन्म.
  • 1937 : ‘डॅनियेल मॅकफॅडेन’ – नोबेल पारितोषिक विजेते अमेरिकन अर्थशास्त्रज्ञ यांचा जन्म.
  • 1953 : ‘अनुप जलोटा’ – भजन गायक यांचा जन्म.
  • 1954 : ‘हर्षद मेहता’ – भारतीय स्टॉक ब्रोकर आणि एक दोषी फसवणूक करणारा यांचा जन्म.
  • 1959 : ‘संजय दत्त’ – हिंदी चित्रपट अभिनेता यांचा जन्म.
  • 1981 : ‘फर्नांडो अलोन्सो’ – स्पॅनिश फोर्मुला वन रेस कार ड्रायव्हर यांचा जन्म.

मृत्यू / पुण्यतिथी / स्मृतिदिन:

  • 238 : 238ई.पुर्व : ‘बाल्बिनस’ – रोमन सम्राट यांचे निधन.
  • 1108 : ‘फिलिप (पहिला)’ – फ्रान्सचा राजा यांचे निधन. (जन्म : 23 मे 1052)
  • 1891 : ‘पं. ईश्वरचंद्र विद्यासागर’ – यांचे निधन.
  • 1781 : ‘योहान कीज’ – जर्मन गणितज्ञ आणि खगोलशास्त्रज्ञ यांचे निधन. (जन्म : 14 सप्टेंबर 1713)
  • 1890 : ‘व्हिन्सेंटव्हॅन गॉग’ – डच चित्रकार यांचे निधन. (जन्म : 30 ऑगस्ट 1853)
  • 1891 : ‘ईश्वरचंद्र विद्यासागर’ – बंगाली समाजसुधारक यांचे निधन. (जन्म : 26 सप्टेंबर 1820)
  • 1900 : ‘उंबेर्तो पहिला’ – इटलीचा राजा यांचे निधन
  • 1987 : ‘बिभूतीभूशन मुखोपाध्याय’ – भारतीय लेखक, कवी आणि नाटककार यांचे निधन. (जन्म : 24 ऑक्टोबर 1894)
  • 1994 : ‘डोरोथीक्रोफूट हॉजकिन’ – नोबेल पारितोषिक विजेती ब्रिटिश रसायनशास्त्रज्ञ यांचे निधन.
  • 1996 : ‘अरुणा असफ अली’ – स्वातंत्र्यसेनानी यांचे निधन. (जन्म : 16 जुलै 1909)
  • 2002 : ‘सुधीर फडके’ – गायक व संगीतकार यांचे निधन. (जन्म : 25 जुलै 1919)
  • 2003 : ‘जॉनी वॉकर’ – हिंदी चित्रपट विनोदी अभिनेता यांचे निधन. (जन्म : 11 नोव्हेंबर 1926)
  • 2006 : ‘डॉ. निर्मलकुमार फडकुले’ – मराठी संत साहित्यातील विद्वान यांचे निधन. (जन्म : 16 नोव्हेंबर 1928)
  • 2009 : ‘महाराणी गायत्रीदेवी’ – जयपूरच्या राजमाता यांचे निधन. (जन्म : 23 मे 1919)
  • 2013 : ‘मुनीर हुसेन’ – भारतीय क्रिकेटरपटू यांचे निधन. (जन्म : 29 नोव्हेंबर 1929)

दररोजच्या अपडेट्स साठी कृपया खालील लिंक वर क्लिक करून आमच्या ग्रुप मध्ये सामील व्हा.
आज दिनांक, दिनविशेष

२८ जुलै पंचांग आणि दिनविशेष

Posted on by Kokanai Digital
28
Jul

आजचे पंचांग

  • तिथि-चतुर्थी – 23:26:43 पर्यंत
  • नक्षत्र-पूर्व-फाल्गुनी – 17:36:38 पर्यंत
  • करण-वणिज – 11:00:20 पर्यंत, विष्टि – 23:26:43 पर्यंत
  • पक्ष- शुक्ल
  • योग-परिघ – 26:54:00 पर्यंत
  • वार- सोमवार
  • सूर्योदय- 06:16
  • सूर्यास्त- 19:14
  • चन्द्र-राशि-सिंह – 24:01:04 पर्यंत
  • चंद्रोदय- 09:18:00
  • चंद्रास्त- 21:48:59
  • ऋतु- वर्षा

जागतिक दिन :

  • जागतिक निसर्ग संवर्धन दिन
  • जागतिक हिपॅटायटीस दिवस

महत्त्वाच्या घटना :

  • 1821 : पेरूला स्पेनपासून स्वातंत्र्य मिळाले
  • 1933 : सोव्हिएत युनियन आणि स्पेन यांच्यात राजनैतिक संबंध प्रस्थापित झाले.
  • 1933 : अंडोराचा संयुक्त राष्ट्रात प्रवेश.
  • 1934 : पं. मदनमोहन मालवीय आणि बापूजी अणे यांनी काँग्रेस राष्ट्रीय पक्षाची स्थापना केली.
  • 1943 : दुसरे महायुद्ध – रॉयल एअर फोर्सने हॅम्बर्ग, जर्मनीवर बॉम्बहल्ला केला आणि 42,000 नागरिक मारले.
  • 1976 : चीनच्या तांगशान प्रांतात 7.8 ते 8.2 तीव्रतेचा भूकंप. अनेक ठार आणि जखमी.
  • 1979 : भारताचे 5वे पंतप्रधान म्हणून चौधरी चरण सिंग यांची नियुक्ती.
  • 1984 : लॉस एंजेलिसमध्ये 23व्या ऑलिम्पिक खेळांना सुरुवात झाली.
  • 1998 : सर्वोच्च न्यायालय आणि उच्च न्यायालयाच्या न्यायाधीशांच्या नियुक्त्या आणि बदल्यांवर नऊ न्यायाधीशांच्या घटनापीठाची स्थापना.
  • 1999 : भारतीय धवल क्रांतीचे शिल्पकार डॉ. वर्गीस कुरियन यांना पालोस मार ग्रेगोरिओस पुरस्कार प्रदान.
  • 2001 : इयान थॉर्प जागतिक स्पर्धेत सहा सुवर्णपदके जिंकणारा पहिला जलतरणपटू ठरला.
  • 2001 : आसामी लेखिका इंदिरा गोस्वामी यांना ज्ञानपीठ पुरस्काराने सन्मानित करण्यात आले.
  • 2017 : पाकिस्तानचे पंतप्रधान नवाझ शरीफ यांना भ्रष्टाचाराच्या आरोपात दोषी ठरवल्यानंतर पाकिस्तानच्या सर्वोच्च न्यायालयाने त्यांना आजीवन पदासाठी अपात्र ठरवले.

जन्मदिवस / जयंती / वाढदिवस:

  • 907 : ‘अर्ल टपर’ – टपर वेअरचे संशोधक यांचा जन्म. (मृत्यू : 5 ऑक्टोबर 1983)
  • 1925 : ‘बारूच सॅम्युअल ब्लमबर्ग’ – हेपटायटीस बी रोगजंतू चे शोधक यांचा जन्म. (मृत्यू : 5 एप्रिल 2011)
  • 1929 : ‘जॅकलिन केनेडी’ – जॉन एफ. केनेडी यांची पत्नी यांचा जन्म.
  • 1936 : ‘सरगॅरी सोबर्स’ – वेस्ट इंडीजचे क्रिकेट कर्णधार आणि फलंदाज यांचा जन्म.
  • 1945 : ‘जिम डेव्हिस’ – अमेरिकन व्यंगचित्रकार यांचा जन्म.
  • 1954 : ‘ह्युगो चावेझ’ – व्हेनेझुएलाचे राष्ट्राध्यक्ष यांचा जन्म. (मृत्यू : 5 मार्च 2013)
  • 1970 : ‘पॉल स्ट्रँग’ – झिम्बाब्वेचे क्रिकेट खेळाडू यांचा जन्म.

मृत्यू / पुण्यतिथी / स्मृतिदिन:

  • 450 : 450ई.पुर्व : ‘थियोडॉसियस दुसरा’ – रोमन सम्राट यांचे निधन. (जन्म : 10 एप्रिल 401)
  • 1794 : ‘मॅक्सिमिलियें रॉबिस्पियरे’ – फ्रेंच क्रांतिकारी यांचे निधन.
  • 1844 : ‘जोसेफ बोनापार्ते’ – नेपोलियनचा फ्रेंच भाऊ यांचे निधन. (जन्म : 7 जानेवारी 1768)
  • 1934 : ‘लुइस टँक्रेड’ – दक्षिण आफ्रिकेचे क्रिकेट खेळाडू यांचे निधन.
  • 1968 : ‘ऑटो हान’ – नोबेल पारितोषिक विजेते जर्मन रसायनशास्त्रज्ञ यांचे निधन. (जन्म : 8 मार्च 1879)
  • 1975 : ‘राजाराम दत्तात्रय ठाकूर’ – चित्रपट दिग्दर्शक यांचे निधन. (जन्म : 26 नोव्हेंबर 1923)
  • 1977 : ‘पंडित राव नगरकर’ – गायक आणि अभिनेते यांचे निधन.
  • 1981 : ‘बाबूराव गोखले’ – नाटककार यांचे निधन. (जन्म : 19 सप्टेंबर 1925)
  • 1988 : ‘सैद मोदी’ – राष्ट्रीय बॅडमिंटन स्पर्धेत सलग 8 वेळा विजेतेपद मिळवणारे यांचे निधन.
  • 2016 : ‘महाश्वेता देवी’ – बंगाली लेखिका व सामाजिक कार्यकर्त्या यांचे निधन.

दररोजच्या अपडेट्स साठी कृपया खालील लिंक वर क्लिक करून आमच्या ग्रुप मध्ये सामील व्हा.
कोकण, सिंधुदुर्ग

पेंडूर येथे २० फूट लांबीचा महाकाय अजगर आढळल्याने खळबळ; शेतकऱ्यांमध्ये भीतीचं वातावरण

Posted on by Kokanai Digital
27
Jul

   Follow us on        

पेंडूर (ता. मालवण) – मालवण तालुक्यातील कट्टा-नेरुरपार मार्गे कुडाळ येथे जाणाऱ्या हमरस्त्यावर, पेंडूर गावाच्या हद्दीत सुमारे १५ ते २० फूट लांबीचा एक महाकाय अजगर रस्ता ओलांडताना दिसून आला. रस्त्याने जात असलेल्या गावातील वाहनचालक व त्यांच्या सोबत असलेल्या व्यक्तींनी हा अजगर प्रत्यक्ष पाहिला असून, त्यातील एका युवकाने हा क्षण मोबाईलमध्ये चित्रीत केला. सध्या हाच व्हिडिओ सोशल मीडियावर जोरदार व्हायरल होत आहे.

या महाकाय सापाचे पहिल्यांदाच दर्शन झाल्यामुळे गावातील शेतकरी वर्गामध्ये भीतीचे वातावरण निर्माण झाले आहे. “कधी हा अजगर गुरांना गिळंकृत करेल की काय?” अशी काळजी शेतकऱ्यांच्या मनात आहे.

गावाच्या एका बाजूने वाहणारी कर्ली नदी, तसेच आजूबाजूच्या निसर्गसंपन्न भागामुळे यापूर्वी देखील वन्य प्राणी आढळले आहेत. काही वर्षांपूर्वी, एक भली मोठी मगर पेंडूर तलावात सापडली होती. ती स्थानिक नागरिकांनी वनविभागाच्या मदतीने पकडून पुन्हा नदीत सोडली होती.

   

याच पार्श्वभूमीवर गावकऱ्यांची मागणी आहे की, या अजगरालाही तात्काळ पकडून जंगलात सोडावे, जेणेकरून शेतकऱ्यांच्या गुरांना किंवा इतर जनावरांना धोका पोहोचणार नाही.

पेंडूर ग्रामस्थ आणि शेतकरी वर्गाकडून वनविभागाकडे या संदर्भात तात्काळ कार्यवाहीची मागणी करण्यात येत आहे.

कोकण, सिंधुदुर्ग

Kudal: कुडाळ आगारात टेलिफोन आणि एस टी फेऱ्यांचा सावळा गोंधळ

Posted on by Kokanai Digital
27
Jul
   Follow us on        

सिंधुदुर्ग जिल्ह्यातील कुडाळ आगाराला जो सावळा गोंधळ चालू आहे तो त्वरीत थांबवावा आणि कायम स्वरुपी नवीन चालू दूरध्वनी देण्याची व्यवस्था करावी अन्यथा आंदोलन केले जाईल अशी मागणी तारकर्लीचे सामाजिक कार्यकर्ते आणि विशेष मागास प्रवर्ग महाराष्ट्राचे उपाध्यक्ष सुरेश बापर्डेकर यांनी प्रसिद्धीस दिलेल्या पत्रकाद्वारे केली आहे. प्रासीद्धिस दिलेल्या पत्रकात बापर्डेकर म्हणाले की कुडाळ डेपोचा कोरोना काळापासून दूरध्वनी नव्हता तो आजमितीस सुस्थितीत नाही. अधून मधुन तिघांचे मोबाईल नंबर बाहेर पेपर फलकावर लावलेले परंतु तो ज्या आधीकारि वर्ग अगर विभाग नियंत्रक,वाहतूक नियंत्रकजवळ असतो ते कधीच फोन उचलत नाही . रिंग वाजून जाते . मुंबई हून कुडाळ रेल्वे स्टेशनला येण्यापूर्वी अगर स्टेशनला आल्यावर अगर मालवाहून कुडाळला जायचं असेल मग स्वतःचा फोन असुदे की इतरांच्या फोन वरून केव्हाही मालवण एस टी बस संबंधी विचारपूस करिता फोन केला तर त्याठिकाणी उपस्थित आणि ज्यांच्याजवळ आहे ते रिंग वाजली तरी फोन उचलत नाही अशावेळी दमून भागून आलेल्या प्रवाशांनी करावं तरी काय .खाजगी वाहन की रिक्षेला भरमसाठ पैसे देऊन प्रवास करावा की कमी पैशात एस टी महामंडळाने प्रवास करण्यास ताटकळत रेल्वे स्टेशनला किंवा मालवण राहावे? असा प्रश्न या पत्रकात विचारला आहे.

मालवण आगार व्यवस्थापनाला मानाव लागतं ते मालवण आगाराच्या सर्व अधिकारी ,कर्मचारी यांना कारण त्यांचा कोरोना काळापासून दूरध्वनी आणि वाहतूक काही अपवाद वगळता आजपर्यंत बंद नाही.वाहतूकही कुडाळ ची बंद नाही.कुडाळला विचारले तर त्याचं एकच उत्तर मालवणवाल्याच आम्हाला काही विचारू नका ती आली तर सोडू परंतु कित्येकवेळा रेल्वे स्टेशनला न जाता कुडाळ आगारातूंनच बस वळविली जाते.याला जबाबदार कोण? याचे मूळ कारण कुडाळ आगाराला वाली नाही त्याचे बाप हे वर्क शॉप ठिकाणी बसतात तक्रार घेऊन दूरवर त्यांच्या पर्यंत जाणे कोणत्याही प्रवाशांना शक्य नाही.कुडाळ मालवण कुडाळ एस टी फेऱ्याना प्रवाशांन बरोबर शाळा ,कॉलेज विद्यार्थी तर कित्येक वेळा सरकारी कर्मचारी असतात मग अचानक एखादी गाडी रद्द करणे कारण नसताना उशिरा एस टी सोडणे प्रवाशांसोबत पर्यटक इतरांना कितपत परवडणार याची माहिती संबंधित अधिकारी यांनी द्यावी .प्रवाशांनी लेखी तक्रार पुस्तकात तक्रार केली तर त्याच निरसन होत नाही.याला जबाबदार कोण आहेत. तरी येत्या पंधरा दिवसांत आगार व्यवस्थापक आणि आगार प्रमुख तसेच दूरध्वनी यांची व्यवस्था कायमस्वरूपी डेपोला ज्याठिकांनाहून जिल्ह्यातील बस सोडल्या जातात त्याठिकाणी करावी.अन्यथा आंदोलन करावे लागेल याची सूचना प्रसिद्धीस दिलेल्या पत्रकाद्वारे सुरेश बापर्डेकर यांनी दिली आहे

   
कोकण, कोकण रेल्वे

Konkan Railway: कोकण रेल्वे मार्गावर धावणाऱ्या गाडीच्या स्लीपर डब्यांत कायमस्वरूपी वाढ

Posted on by Kokanai Digital
27
Jul
   Follow us on        

Railway Updates: भारतीय रेल्वेने प्रवाशांच्या वाढत्या गर्दीचा विचार करून ह. निजामुद्दीन (दिल्ली) ते एर्नाकुलम (केरळ) दरम्यान चालणाऱ्या ‘दुरंतो एक्सप्रेस’ (गाडी क्रमांक १२२८४ / १२२८३) मध्ये कायमस्वरूपी अतिरिक्त डब्यांची वाढ करण्याचा निर्णय घेतला आहे.

लांब पल्ल्याची ही गाडी साप्ताहिक स्वरूपात धावत कोकण रेल्वे मार्गे जाते. प्रवाशांच्या सोयीसाठी आणि मागणी लक्षात घेता, डब्यांची रचना पुढीलप्रमाणे बदलण्यात येत आहे:

 

   

सध्याची कोच रचना (एकूण १९ LHB डबे):
फर्स्ट एसी (1A) – ०१
सेकंड एसी (2A) – ०२
थर्ड एसी (3A) – १०
स्लीपर क्लास – ०३
पँट्री कार – ०१
जनरेटर कार – ०१
एसएलआर – ०१

सुधारित कोच रचना (एकूण २२ LHB डबे):
फर्स्ट एसी (1A) – ०१
सेकंड एसी (2A) – ०२
थर्ड एसी (3A) – १०
स्लीपर क्लास – ०६ (पूर्वीपेक्षा ३ डब्यांनी वाढ)
पँट्री कार – ०१
जनरेटर कार – ०१
एसएलआर – ०१

यामुळे प्रवाशांना विशेषतः स्लीपर प्रवर्गात अधिक जागा उपलब्ध होणार आहे.

सुधारित कोच रचना लागू होण्याच्या तारखा:
गाडी क्र. १२२८४ (ह. निजामुद्दीन – एर्नाकुलम) : दिनांक ०२ ऑगस्ट २०२५ पासून
गाडी क्र. १२२८३ (एर्नाकुलम – ह. निजामुद्दीन) : दिनांक ०५ ऑगस्ट २०२५ पासून

गाडीच्या मार्गातील थांबे, वेळापत्रक आणि इतर तपशीलांसाठी कृपया www.enquiry.indianrail.gov.in या अधिकृत संकेतस्थळाला भेट द्या किंवा NTES (National Train Enquiry System) मोबाईल अ‍ॅप डाउनलोड करा. प्रवाशांनी याबदलांची नोंद घेऊन आपल्या प्रवासाचे नियोजन करावे असे आवाहन रेल्वे प्रशासनातर्फे करण्यात आले आहे.

 

आज दिनांक, दिनविशेष

२७ जुलै पंचांग आणि दिनविशेष

Posted on by Kokanai Digital
27
Jul

आजचे पंचांग

  • तिथि-तृतीया – 22:44:25 पर्यंत
  • नक्षत्र-माघ – 16:24:17 पर्यंत
  • करण-तैतिल – 10:39:08 पर्यंत, गर – 22:44:25 पर्यंत
  • पक्ष- शुक्ल
  • योग-वरियान – 27:13:32 पर्यंत
  • वार- रविवार
  • सूर्योदय- 06:16
  • सूर्यास्त- 19:14
  • चन्द्र-राशि-सिंह
  • चंद्रोदय- 08:24:59
  • चंद्रास्त- 21:15:59
  • ऋतु- वर्षा

जागतिक दिन :

  • CRPF स्थापना दिवस

महत्त्वाच्या घटना :

  • 1663 : ब्रिटीश संसदेने एक कायदा संमत केला ज्याने अमेरिकेसाठी बंधनकारक असलेल्या सर्व वस्तू इंग्रजी जहाजांमधून इंग्रजी बंदरांमधून पाठवणे बंधनकारक केले.
  • 1761 : माधवराव बल्लाळ भट हे मराठा साम्राज्याचे चौथे पेशवे झाले.
  • 1866 : व्हॅलेन्सिया बेट, आयर्लंड ते ट्रिनिटी बे, कॅनडापर्यंत समुद्राखालील केबल पूर्ण झाली. युरोप आणि अमेरिका यांच्यात टेलिग्राफिक संदेश पाठवणे शक्य झाले.
  • 1890 : डच चित्रकार व्हिन्सेंट व्हॅन गॉग यांनी स्वतःवर गोळी झाडली. दोन दिवसांनी त्यांचा मृत्यू झाला.
  • 1921 : टोरंटो विद्यापीठाचे सर फ्रेडरिक बँटिंग आणि चार्ल्स बेस्ट यांना शुद्ध स्वरूपात इन्सुलिन वेगळे करण्यात यश आले.
  • 1939 : CRPF अस्तित्वात आले.
  • 1940 : अ वाइल्ड हेअर या ॲनिमेटेड शॉर्ट फिल्ममध्ये बग्स बनी हे पात्र दिसले.
  • 1949 : जगातील पहिल्या प्रवासी जेट विमान, डी हॅविललॅंड कॉमेटचे पहिले उड्डाण.
  • 1955 : मित्र राष्ट्रांनी ऑस्ट्रियामधून आपले सैन्य मागे घेतले.
  • 1976 : जपानचे माजी पंतप्रधान काकुई तनाका यांना भ्रष्टाचाराच्या आरोपाखाली अटक करण्यात आली.
  • 1990 : बेलारूसने सोव्हिएत युनियनपासून स्वातंत्र्य घोषित केले.
  • 1997 : द्रमुकचे अध्यक्ष एम. करुणा निधी यांची सलग सातव्यांदा पक्षाच्या अध्यक्षपदी निवड झाली.
  • 1999 : द्रपेट्रोलियम मंत्रालयाने लिक्विफाइड पेट्रोलियम गॅस (एलपीजी) वाहनांसाठी इंधन म्हणून वापरण्याच्या प्रस्तावाला मंजुरी दिली.
  • 2001 : सार्वजनिक ठिकाणी, सरकारी इमारतींमध्ये सिगारेट, तंबाखू, गुटखा सेवनाच्या जाहिरातींवर बंदी घालण्याचा महाराष्ट्र मंत्रिमंडळाचा निर्णय.
  • 2012 : लंडनमध्ये 30व्या ऑलिम्पिक खेळांना सुरुवात झाली.

जन्मदिवस / जयंती / वाढदिवस:

  • 1667 : ‘योहान बर्नोली’ – स्विस गणितज्ञ यांचा जन्म. (मृत्यू : 1 जानेवारी 1748)
  • 1899 : ‘पर्सी हॉर्नी ब्रूक’ – ऑस्ट्रेलियन क्रिकेट खेळाडू यांचा जन्म.
  • 1911 : ‘डॉ. पां. वा. सुखात्मे’ – आंतरराष्ट्रीय कीर्तीचे संख्याशास्त्रज्ञ यांचा जन्म. (मृत्यू : 28 जानेवारी 1997)
  • 1915 : ‘जॅक आयव्हरसन’ – ऑस्ट्रेलियन क्रिकेट खेळाडू यांचा जन्म.
  • 1940: ‘भारती मुखर्जी’ – भारतीय- अमेरिकन लेखिका यांचा जन्म.
  • 1954 : ‘जी.एस. बाली’ – भारतीय वकील आणि राजकारणी यांचा जन्म.
  • 1955 : ‘अ‍ॅलन बॉर्डर’ – ऑस्ट्रेलियन क्रिकेटपटू यांचा जन्म.
  • 1960 : ‘उद्धव बाळासाहेब ठाकरे’ – महाराष्ट्र राज्याचे 19वे मुख्यमंत्री यांचा जन्म.
  • 1963 : ‘नवेद अंजुम’ – पाकिस्तानी क्रिकेट खेळाडू यांचा जन्म.
  • 1967 : ‘राहुल बोस’ – भारतीय अभिनेते, दिग्दर्शक, आणि पटकथालेखक यांचा जन्म.
  • 1983 : ‘सॉकर वेल्हो’ – भारतीय फुटबॉल खेळाडू यांचा जन्म.

मृत्यू / पुण्यतिथी / स्मृतिदिन:

  • 1844 : ‘जॉन डाल्टन’ – इंग्लिश भौतिक रसायनशास्त्रज्ञ यांचे निधन. (जन्म : 6 सप्टेंबर 1766)
  • 1895 : ‘उस्ताद बंदे अली खाँ बीनकार’ – किराणा घराण्याचे प्रवर्तक, रूद्र वीणाचे मधुर वादक यांचे निधन.
  • 1975 : ‘मामासाहेब देवगिरीकर’ – गांधीवादी नेते, खासदार, भारतीय राज्यघटनेचे मराठीत भाषांतर केले यांचे निधन.
  • 1980 : ‘मोहम्मद रझा पेहलवी’ – शाह ऑफ इराण यांचे निधन. (जन्म : 26 ऑक्टोबर 1919)
  • 1992 : ‘अमजद खान’ – हिन्दी चित्रपट अभिनेते यांचे निधन. (जन्म : 12 नोव्हेंबर 1940 – गझनी, अफगाणिस्तान)
  • 1997 : ‘बळवंत लक्ष्मण वष्ट’ – हिंदुत्त्ववादी कार्यकर्ते यांचे निधन.
  • 2002 : ‘कृष्णकांत’ – भारताचे 10वे उपराष्ट्रपती यांचे निधन. (जन्म : 28 फेब्रुवारी 1927)
  • 2007 : ‘वामन दत्तात्रय पटवर्धन’ – स्फोटके व शस्त्रास्त्र तज्ञ यांचे निधन. (जन्म : 30 जानेवारी 1917)
  • 2015 : ‘ए. पी. जे. अब्दुल कलाम’ – भारताचे 11 वे राष्ट्रपती यांचे निधन. (जन्म : 15 ऑक्टोबर 1931)

दररोजच्या अपडेट्स साठी कृपया खालील लिंक वर क्लिक करून आमच्या ग्रुप मध्ये सामील व्हा.
आज दिनांक, दिनविशेष

२६ जुलै पंचांग आणि दिनविशेष

Posted on by Kokanai Digital
26
Jul

आजचे पंचांग

  • तिथि-द्वितीया – 22:44:26 पर्यंत
  • नक्षत्र-आश्लेषा – 15:53:21 पर्यंत
  • करण-बालव – 11:00:02 पर्यंत, कौलव – 22:44:26 पर्यंत
  • पक्ष- शुक्ल
  • योग-व्यतापता – 28:06:11 पर्यंत
  • वार- शनिवार
  • सूर्योदय- 06:12:56
  • सूर्यास्त- 19:16:43
  • चन्द्र-राशि-कर्क – 15:53:21 पर्यंत
  • चंद्रोदय- 07:29:00
  • चंद्रास्त- 20:38:59
  • ऋतु- वर्षा

जागतिक दिन :

  • कारगिल विजय दिवस
  • राष्ट्रीय काकू आणि काका दिवस

महत्त्वाच्या घटना :

  • 1509 : सम्राट कृष्णदेवरायाने विजयनगर साम्राज्याचे पुनरुज्जीवन सुरू केले.
  • 1788 : न्यूयॉर्क हे अमेरिकेचे 11 वे राज्य बनले.
  • 1745 : गिल्डफोर्ड येथे इंग्लंडमधील पहिला महिला क्रिकेट सामना खेळला गेला.
  • 1847 : लायबेरिया स्वतंत्र झाला.
  • 1891 : फ्रान्सने ताहिती बेटे काबीज केली.
  • 1892 : दादाभाई नौरोजी ब्रिटनमधील पहिले भारतीय संसद सदस्य म्हणून निवडून आले.
  • 1953 : फिडेल कॅस्ट्रोच्या मोनकाडा बॅरेक्सवरील अयशस्वी हल्ल्याने क्यूबन क्रांती सुरू झाली, ही चळवळ 26 जुलै क्रांती म्हणून ओळखली जाते.
  • 1956 : जागतिक बँकेने अस्वान धरणाच्या बांधकामासाठी वित्तपुरवठा करण्यास नकार दिल्यानंतर इजिप्तचे राष्ट्राध्यक्ष गमाल नासर यांनी सुएझ कालव्याचे राष्ट्रीयीकरण केले.
  • 1963 : सिन्कोमा, पहिला भूस्थिर उपग्रह प्रक्षेपित झाला.
  • 1965 : युनायटेड किंगडमपासून मालदीवचे स्वातंत्र्य.
  • 1971 : अपोलो 15 चे प्रक्षेपण करण्यात आले.
  • 1994 : सनईवादक उस्ताद बिस्मिला खान यांना राजीव गांधी सदिच्छा पुरस्कार जाहीर.
  • 1998 : विश्वनाथन आनंदला बुद्धिबळातील कामगिरीबद्दल प्रतिष्ठित बुद्धिबळ ऑस्करने सन्मानित करण्यात आले.
  • 1999 : भारताचा कारगिल युद्धात विजय झाला.
  • 2005 : मुंबई परिसरात 24 तासात सुमारे 995 मिमी पाऊस, ज्यामुळे पूर आला आणि शेकडो लोकांचा मृत्यू झाला.
  • 2008 : अहमदाबादमध्ये झालेल्या बॉम्बस्फोटात 56 ठार आणि 200 जखमी.
  • 2016 : सोलार इम्पल्स 2 – पृथ्वीभोवती फिरणारे पहिले सौर उर्जेवर चालणारे विमान ठरले.
  • 2024 : 33 व्या उन्हाळी ऑलिंपिक आवृत्तीचे फ्रांस देशाची राजधानी पॅरिस शहरामध्ये सुरुवात.

जन्मदिवस / जयंती / वाढदिवस:

  • 1856 : ‘जॉर्ज बर्नार्ड शॉ’ – नोबेल पारितोषिक विजेते आयरिश लेखक आणि लंडन स्कूल ऑफ इकॉनॉमिक्सचे सहसंस्थापक यांचा जन्म. (मृत्यू : 2 नोव्हेंबर 1950)
  • 1865 : ‘रजनीकांत सेन’ – भारतीय कवी आणि संगीतकार यांचा जन्म. (मृत्यू : 13 सप्टेंबर 1910)
  • 1875 : ‘कार्ल युंग’ – मानसशास्त्रज्ञ व मानसोपचारतज्ञ यांचा जन्म. (मृत्यू : 6 जून 1961)
  • 1893 : ‘पं. कृष्णराव शंकर पंडित’ – ग्वाल्हेर घराण्याचे शास्त्रीय गायक यांचा जन्म. (मृत्यू : 22 ऑगस्ट 1989)
  • 1894 : ‘वासुदेव गोविंद मायदेव’ – कवी समाजसेवक यांचा जन्म. (मृत्यू : 30 ऑगस्ट 1969)
  • 1894 : ‘अल्डस हक्सले’ – इंग्लिश लेखक यांचा जन्म. (मृत्यू : 22 नोव्हेंबर 1963)
  • 1094 : ‘एडविन अल्बर्ट लिंक’ – फ्लाइट सिम्युलेटर चे शोधक यांचा जन्म. (मृत्यू : 7 सप्टेंबर 1981)
  • 1927 : ‘जी. एस. रामचंद’ – भारतीय क्रिकेट खेळाडू यांचा जन्म.
  • 1928 : ‘इब्न-ए-सफ़ी’ – भारतीय-पाकिस्तानी लेखक आणि कवी यांचा जन्म. (मृत्यू : 25 जुलै 1980)
  • 1939 : ‘जॉन हॉवर्ड’ – ऑस्ट्रेलियाचे 25वे पंतप्रधान यांचा जन्म.
  • 1942 : ‘व्लादिमिर मेसियर’ – स्लोव्हेकियाचे पंतप्रधान यांचा जन्म.
  • 1949 : ‘थाकसिन शिनावात्रा’ – थायलंडचे पंतप्रधान यांचा जन्म.
  • 1954 : ‘व्हिटास गेरुलायटिस’ – अमेरिकन लॉन टेनिसपटू यांचा जन्म. (मृत्यू : 17 सप्टेंबर 1994)
  • 1955 : ‘असिफ अली झरदारी’ – पाकिस्तानचे 11वे राष्ट्राध्यक्ष यांचा जन्म.
  • 1971 : ‘खलिद महमूद’ – बांगलादेशी क्रिकेटपटू यांचा जन्म.
  • 1986 : ‘मुग्धा गोडसे’ – अभिनेत्री मॉडेल यांचा जन्म.

मृत्यू / पुण्यतिथी / स्मृतिदिन:

  • 811 : 811ई.पुर्व : ‘निसेफोरस’ – बायझेन्टाईन सम्राट यांचे निधन.
  • 1380 : ‘कोम्यो’ – जपानी सम्राट यांचे निधन.
  • 1843 : ‘सॅम ह्युस्टन’ – टेक्सासच्या प्रजासत्ताकचे राष्ट्राध्यक्ष यांचे निधन.
  • 1867 : ‘ओट्टो’ – ग्रीसचा राजा यांचे निधन.
  • 1952 : ‘एव्हा पेरोन’ – अर्जेन्टिनाचे अध्यक्ष जॉन पेरोन यांची पत्नी यांचे निधन.
  • 1891 : ‘राजेन्द्रलाल मित्रा’ – बंगालमधील प्राच्यविद्या संशोधक, एशियाटिक सोसायटीचे पहिले अध्यक्ष यांचे निधन. (जन्म : 15 फेब्रुवारी 1824)
  • 2009 : ‘भास्कर चंदावरकर’ – मराठी नाट्य चित्रपट संगीतकार यांचे निधन. (जन्म : 16 मार्च 1936)
  • 2010 : ‘शिवकांत तिवारी’ – भारतीय राजकारणी यांचे निधन. (जन्म : 20 डिसेंबर 1945)
  • 2015 : ‘बिजॉय कृष्णा हांडिक’ – भारतीय वकील आणि राजकारणी यांचे निधन. (जन्म : 1 डिसेंबर 1934)

दररोजच्या अपडेट्स साठी कृपया खालील लिंक वर क्लिक करून आमच्या ग्रुप मध्ये सामील व्हा.
कोकण, महाराष्ट्र, हवामान

Weather Updates: पुढील २४ तास महत्त्वाचे! मुंबईसह कोकणातील किनारपट्टी जिल्ह्यांना ‘रेड अलर्ट’ जारी

Posted on by Kokanai Digital
24
Jul
   Follow us on        

Weather Update: पुढील २४ तासांसाठी रायगड, रत्नागिरी आणि सिंधुदुर्ग जिल्ह्यात तसेच पुणे, सातारा आणि कोल्हापूर घाट भागात रेड अलर्ट दिला असल्याची माहिती राज्य आपत्कालीन कार्य केंद्राने दिली आहे.

किनारपट्टी भागात उंच लाटांचा इशारा

भारतीय राष्ट्रीय महासागर माहिती सेवा केंद्र (INCOIS) यांच्याकडून महाराष्ट्रातील विविध किनारपट्टी जिल्ह्यांसाठी महत्त्वाचा हवामानविषयक इशारा जारी करण्यात आला आहे. या इशाऱ्यानुसार, २४ जुलै २०२५ रोजी संध्याकाळी ५.३० वाजल्यापासून ते २६ जुलै २०२५ रोजी रात्री ८.३० वाजेपर्यंत समुद्रात लाटांची उंची सुमारे ३.८ मीटर ते ४.७ मीटर पर्यंत असू शकते.

हा इशारा विशेषतः ठाणे, मुंबई शहर व उपनगर, रायगड, रत्नागिरी, पालघर आणि सिंधुदुर्ग या जिल्ह्यांमधील किनारपट्टी भागांसाठी लागू आहे. समुद्रात निर्माण होणाऱ्या उंच लाटा आणि संभाव्य वादळवाऱ्यांमुळे समुद्र परिस्थिती अतिशय अस्थिर राहण्याची शक्यता वर्तवण्यात आली आहे.

त्यामुळे, लहान होड्यांचे मालक, मासेमारी करणारे आणि किनारपट्टीवरील रहिवासी यांना खबरदारीचे उपाय घेण्याचे आणि या कालावधीत समुद्रात न जाण्याचे निर्देश देण्यात आले आहेत. प्रशासनाकडूनही स्थानिक पातळीवर योग्य ती खबरदारी घेण्याचे आवाहन करण्यात आले असून, समुद्र किनारी जाणाऱ्यांनी अधिक सतर्क राहण्याची आवश्यकता आहे.

 

 

Content Protected! Please Share it instead.  

Home
Kokan Blog
Downloads
Search