Follow us on        

मुंबई | ५ ऑगस्ट २०२५

रक्षाबंधन व स्वातंत्र्यदिनाच्या काळात प्रवाशांची होणारी वाढती गर्दी लक्षात घेऊन मध्य रेल्वेने प्रवाशांच्या सोयीसाठी एकूण १८ विशेष गाड्या चालवण्याचा निर्णय घेतला आहे. या गाड्या मुंबई, पुणे, नागपूर, कोल्हापूर आणि मडगाव या मार्गांवर धावणार आहेत. विशेषतः  दीर्घ सुट्टीत प्रवास करणाऱ्या प्रवाशांसाठी हा निर्णय उपयुक्त ठरणार आहे.

. या विशेष गाड्या खालील मार्गांवर धावणार आहेत:

• सीएसएमटी (मुंबई) ते नागपूर – सहा (६) फेऱ्या
• एलटीटी (मुंबई) ते मडगाव – चार (४) फेऱ्या
• सीएसएमटी (मुंबई) ते कोल्हापूर – दोन (२) फेऱ्या
• पुणे ते नागपूर – सहा (६) फेऱ्या

विशेष गाड्यांचा तपशील:

१) सीएसएमटी – नागपूर (दोन [२] फेऱ्या):

०११२३ विशेष गाडी ०९ ऑगस्ट २०२५ रोजी रात्री १२.२० वा. मुंबई सीएसएमटी येथून सुटेल आणि त्याच दिवशी दुपारी ३.३० वा. नागपूरला पोहोचेल.

०११२४ विशेष गाडी १० ऑगस्ट २०२५ रोजी दुपारी २.३० वा. नागपूरहून सुटेल आणि दुसऱ्या दिवशी सकाळी ५.२५ वा. मुंबई सीएसएमटी येथे पोहोचेल

 सीएसएमटी – नागपूर (चार [४] फेऱ्या):

०२१३९ विशेष गाडी १५ आणि १७ ऑगस्ट २०२५ रोजी रात्री १२.२० वा. सीएसएमटी येथून सुटेल आणि त्याच दिवशी दुपारी ३.३० वा. नागपूरला पोहोचेल.

०२१४० विशेष गाडी १५ आणि १७ ऑगस्ट २०२५ रोजी रात्री ८.०० वा. नागपूरहून सुटेल आणि दुसऱ्या दिवशी दुपारी १.३० वा. मुंबई सीएसएमटी येथे पोहोचेल.

थांबे: दादर, ठाणे, कल्याण, इगतपुरी, नाशिक रोड, मनमाड, जळगाव, भुसावळ, माळखेड, शेगाव, अकोला, मुरतिजापूर, बडनेरा, धामणगाव, वर्धा

डब्यांची रचना: दोन एसी-३ टियर, बारा स्लीपर, सहा जनरल, दोन ब्रेक व्हॅन

 

२) सीएसएमटी – कोल्हापूर (दोन [२] फेऱ्या):

०१४१७ विशेष गाडी ०८ ऑगस्ट २०२५ रोजी रात्री १०.३० वा. सीएसएमटी येथून सुटेल आणि दुसऱ्या दिवशी सकाळी १०.१५ वा. कोल्हापूरला पोहोचेल.

०१४१८ विशेष गाडी १० ऑगस्ट २०२५ रोजी सायं. ४.४० वा. कोल्हापूरहून सुटेल आणि दुसऱ्या दिवशी पहाटे ४.४५ वा. सीएसएमटी येथे पोहोचेल.

थांबे: दादर, ठाणे, कल्याण, लोणावळा, पुणे, जेऊरी, लोणंद, सातारा, कराड, किर्लोस्करवाडी, सांगली, मिरज

डब्यांची रचना: दोन एसी-३ टियर, बारा स्लीपर, सहा जनरल, दोन ब्रेक व्हॅन

 

३) एलटीटी – मडगाव (चार [४] फेऱ्या):

०११२५ विशेष गाडी १४ ऑगस्ट २०२५ रोजी रात्री १०.१५ वा. एलटीटी येथून सुटेल आणि दुसऱ्या दिवशी दुपारी १२.४५ वा. मडगाव येथे पोहोचेल.

०११२६ विशेष गाडी १५ ऑगस्ट २०२५ रोजी दुपारी १.४० वा. मडगावहून सुटेल आणि दुसऱ्या दिवशी पहाटे ४.०५ वा. एलटीटी येथे पोहोचेल.

०११२७ विशेष गाडी १६ ऑगस्ट २०२५ रोजी रात्री १०.१५ वा. एलटीटी येथून सुटेल आणि दुसऱ्या दिवशी दुपारी १२.४५ वा. मडगाव येथे पोहोचेल.

०११२८ विशेष गाडी १७ ऑगस्ट २०२५ रोजी दुपारी १.४० वा. मडगावहून सुटेल आणि दुसऱ्या दिवशी पहाटे ४.०५ वा. एलटीटी येथे पोहोचेल.

थांबे: ठाणे, पनवेल, पेण, रोहा, माणगाव, वीर, खेड, चिपळूण, संगमेश्वर, रत्नागिरी, आडवली, विलवडे, राजापूर रोड, वैभववाडी रोड, नांदगाव रोड, कणकवली, सिंधुदुर्ग, कुडाळ, सावंतवाडी रोड, थिवी, करमळी

डब्यांची रचना: एक एसी-१ टियर, तीन एसी-२ टियर, सात एसी-३ टियर, आठ स्लीपर, एक पँट्री कार, एक जनरेटर कार

 

४) पुणे – नागपूर (सहा [६] फेऱ्या):

विशेष गाडी क्रमांक ०१४६९ ही ०८.०८.२०२५ रोजी पुणे येथून सायंकाळी १९.५५ वाजता प्रस्थान करेल आणि नागपूर येथे दुसऱ्या दिवशी दुपारी १४.४५ वाजता आगमन करेल. (एक फेरफटका)

विशेष गाडी क्रमांक ०१४७० ही १०.०८.२०२५ रोजी नागपूर येथून दुपारी १३.०० वाजता प्रस्थान करेल आणि पुणे येथे दुसऱ्या दिवशी सकाळी ०५.२० वाजता आगमन करेल. (एक फेरफटका)

थांबे: दौंड चोर्ड लाईन, अहमदनगर, कोपरगाव, मनमाड, जळगाव, भुसावळ, माळकापूर, शेगाव, अकोला, बडनेरा आणि वर्धा.

रचना: दोन एसी-३ टियर डबे, १२ स्लीपर क्लास डबे, ६ सामान्य दुसऱ्या वर्गाचे डबे आणि २ द्वितीय आसन व गार्ड ब्रेक व्हॅन.

 

 आरक्षण माहिती:

०७ ऑगस्ट २०२५ पासून पुढील गाड्यांसाठी आरक्षण सुरू होईल:

०११२३, ०११२४, ०१४१७, ०१४१८, ०१४६९ आणि ०१४७०

०९ ऑगस्ट २०२५ पासून पुढील गाड्यांसाठी आरक्षण सुरू होईल:

०२१३९, ०२१४०, ०१४३९, ०१४४०, ०११२५ आणि ०११२७

प्रवाशांनी www.irctc.co.in या अधिकृत वेबसाइटवर किंवा जवळच्या संगणकीकृत आरक्षण केंद्रात जाऊन तिकीट आरक्षित करावे.

   Follow us on        

सावंतवाडी: बहुचर्चित शक्तीपीठ महामार्गाच्या प्रस्तावित आखणीत महत्त्वपूर्ण बदल करण्यात आला आहे. आंबोली येथील संवेदनशील परिसरातील पर्यावरणावर होणारा परिणाम टाळण्यासाठी आणि ३० किलोमीटर लांबीचा भव्य बोगदा खोदण्याची आवश्यकता टाळण्यासाठी आता केसरी-फणसवडे या पर्यायी मार्गाचा वापर केला जाणार आहे. यामुळे केवळ १० किलोमीटर लांबीचा बोगदा खोदून हा महामार्ग थेट मळगावला जोडला जाणार आहे.

या बदलामुळे आंबोलीतील इको सेन्सिटिव्ह भाग आणि बागायती क्षेत्रातून जाणाऱ्या महामार्गाची गरज टळणार आहे. ज्यामुळे स्थानिक पर्यावरण आणि कृषी क्षेत्राचे संरक्षण होईल.

आमदार दीपक केसरकर यांनी या संदर्भात माहिती देताना सांगितले की, “शक्तीपीठ” महामार्गाच्या प्रस्तावित आखणीत बदल करण्याचा निर्णय आम्ही घेतला आहे. आंबोली येथील इको सेन्सिटिव्ह आणि बागायतीच्या भागातून जाणारा महामार्ग आता अन्य भागातून वळवण्यात येणार आहे. यामुळे केसरी-फणसवडे या मार्गाचा वापर केला जाणार असून, आंबोलीतील तब्बल ३० किलोमीटर लांबीचा बोगदा खोदण्याची गरज लागणार नाही. त्याऐवजी फक्त १० किलोमीटर लांबीचा बोगदा खोदून हा महामार्ग मळगावला जोडला जाईल.” या बदलामुळे प्रकल्पाच्या खर्चातही बचत होण्याची शक्यता आहे, तसेच पर्यावरणीयदृष्ट्या अधिक शाश्वत पर्याय निवडला गेल्याने स्थानिक नागरिकांकडून समाधान व्यक्त केले जात आहे. शक्तीपीठ महामार्गाचे काम आता अधिक गतिमान होण्याची अपेक्षा आहे.

No block ID is set

Vande Bharat Express: नांदेडकरांसाठी एक आनंदाची बातमी आहे. लवकरच मुंबई ते नांदेड या मार्गावर वंदे भारत एक्स्प्रेस सुरू होणार आहे. पुढील महिन्यापासून मुंबई ते नांदेड असा प्रवास करता येणार आहे. काँग्रेसमधून भाजपमध्ये गेलेले अशोक चव्हाण यांनी यासंदर्भात ट्विट करून माहिती दिली आहे. ही ट्रेन मुंबई ते नांदेडदरम्यान (Mumbai to Nanded) 771 किलोमीटरचं अंतर तब्बल 8 तासात पूर्ण करणार असल्याची माहिती आहे.

मुंबई-नांदेड वंदे भारत एक्सप्रेस मुहूर्त ठरला असून 26 ऑगस्ट 2025 पासून ही एक्स्प्रेस सुरू होणार आहे. दरम्यान मुंबई-नांदेड वंदे भारत एक्स्प्रेसच्या स्वागतासाठी नांदेडकर सज्ज झाले असल्याचं अशोक चव्हाण यांनी ट्विट केलं आहे. याशिवाय त्यां मोदी सरकारचे आभारही मानले.

मुंबई-नांदेड वंदे भारत एक्सप्रेस
मुहूर्त ठरला!
२६ ऑगस्ट २०२५
जल्लोषात स्वागतासाठी नांदेडकर सज्ज…
मोदी सरकारचे आभार…
नांदेडकरांचे अभिनंदन…#VandeBharat #IndianRail #Mumbai #Nanded@BJP4Maharashtra @Dev_Fadnavis @RaviDadaChavan @AshwiniVaishnaw @raosahebdanve pic.twitter.com/NaAalkGBF0

— Ashok Chavan (@AshokChavan1958) July 8, 2025

   Follow us on        

Railway Updates: सामान्य डब्यांत होणारी अतिरिक्त गर्दी कमी करण्याच्या हेतूने मध्य रेल्वे प्रशासनाने आपल्या विभागातील तबबले २६ गाड्यांच्या सामान्य श्रेणीच्या डब्यांत वाढ करण्याचा निर्णय घेतला आहे. प्रशासन फक्त प्रीमियम दर्जाच्या गाड्या सुरू करून फक्त उच्च वर्गातील प्रवाशांकडे लक्ष देत असल्याचा आरोप होत होता. या पार्श्‍वभूमीवर रेल्वे मंत्र्यांनी  एकूण १०,००० सामान्य डबे गाड्यांना लवकरच जोडले जातील अशी ग्वाही दिली होती. सामान्य प्रवाशांचा प्रवास सोयीच्या व्हावा या हेतूने प्रत्येक गाडीला किमान ४ डबे सामान्य श्रेणीचे असावेत अशी दक्षता घेतली जात आहे. त्याच धर्तीवर हा निर्णय घेण्यात आला आहे.

मध्य रेल्वेने प्रसिद्ध केलेल्या माहितीपत्रकानुसार खालील गाडयांना कायमस्वरूपी ४ सामान्य दर्जाचे डबे जोडले जाणार आहेत.

Sr.no	Train no	With effect o­n – Station & Date
1	11001 CSMT- Balharshah Nandigram Express	Ex CSMT o­n 05.09.2025
2	11002 Balharshah – CSMT Nandigram Express	Ex Balharshah o­n 07.09.2025
3	11027 Dadar – Satara Express	Ex Dadar o­n 05.09.2025
4	11028 Satara – Dadar Express	Ex Satara o­n 06.09.2025
5	11041 Dadar – Sainagar Shirdi Express	Ex Dadar o­n 06.09.2025
6	11042 Sainagar Shirdi – Dadar Express	Ex Sainagar shirdi o­n 07.09.2025
7	22157 CSMT – Chennai Express	Ex CSMT o­n 05.09.2025
8	22158 Chennai – CSMT Express	Ex Chennai o­n 08.09.2025
9	11029 CSMT – Kolhapur Koyna Express	Ex CSMT o­n 07.05.2025
10	11030 Kohapur – CSMT Koyna Express	Ex Kolhapur o­n 05.09.2025
11	11139 CSMT – Hosapete Express	Ex CSMT o­n 05.09.2025
12	11140 Hosapete- CSMT Express	Ex Hosapete o­n 06.09.2025
13	11005 Dadar – Puducherry Express	Ex Dadar o­n 07.05.2025
14	11006 Puducherry – Dadar Express	Ex Puducherry o­n 09.09.2025
15	11021 Dadar – Tirunelveli Express	Ex Dadar o­n 09.09.2025
16	11022 Tirunelveli – Dadar Express	Ex Tirunelveli o­n 11.09.2025
17	11035 Dadar – Mysuru Sharavati Express	Ex Dadar o­n 11.09.2025
18	11036 Mysuru – Dadar Sharavati Express	Ex Mysuru o­n 14.09.2025
19	01025 Dadar – Balia Special Express	Ex Dadaron 08.09.2025
20	01026 Balia – Dadar Special Express	Ex Balia o­n 10.09.2025
21	01027 Dadar – Gorakhpur Special Express	Ex Dadaron 06.09.2025
22	01028 Gorakhpur – Dadar Special Express	Ex Gorakhpur o­n 08.09.2025
23	12135 Pune – Nagpur Express	Ex Nagpur o­n 06.09.2025
24	12136 Nagpur – Pune Express	Ex Pune o­n07.09.2025
25	11403 Kolhapur – Nagpur Express	Ex Kolhapur o­n 05.09.2025
26	11404 Nagpur – Kolhapur Express	Ex Nagpur o­n 06.09.2025

   Follow us on        

गोवा: पंढरपूरच्या विठ्ठल-रुक्मिणीच्या दर्शनासाठी जाणाऱ्या भाविकांसाठी एक आनंदाची बातमी आहे. आता गोव्यातून रेल्वेने थेट पंढरपूरला जाणे अधिक सोपे झाले आहे. दक्षिण-पश्चिम रेल्वेने कॅसल-रॉक येथून पंढरपूरसाठी विशेष रेल्वे सेवा सुरू केली आहे, ज्यामुळे भाविकांना मोठा दिलासा मिळणार आहे. रेल्वे प्रशासनाने दिलेल्या माहितीनुसार, कॅसलरॉक-मिरज एक्सप्रेस (गाडी क्रमांक १७३३४) ही रेल्वे ४ ते ९ जुलै या कालावधीत तात्पुरत्या स्वरूपात पंढरपूरपर्यंत वाढवण्यात आली आहे.

या महत्त्वपूर्ण निर्णयामुळे गोव्यातून निघणाऱ्या भाविकांना आता थेट पंढरपूरला रेल्वेने पोहोचणे शक्य होणार आहे. विशेषतः आषाढी वारीच्या पार्श्वभूमीवर हा निर्णय भाविकांसाठी अत्यंत सोयीचा ठरणार आहे.

रेल्वेने आजपर्यंत कोकण रेल्वे मार्गे पंढरपूरला जाणारी गाडी सोडलेली नाही!

कोकणातूनही बरेच भाविक आषाढी एकादशीच्या निमित्ताने पंढरीला जातात. या भाविकांमध्ये वयस्कर नागरिक मोठ्या प्रमाणात असतात. कोकणातून पंढरपूर रस्तेमार्गे जवळ असले तरी घाटमार्गावरील प्रवासामुळे वेळ अधिक लागतो त्यांचा प्रवास त्रासदायक होतो. रेल्वेने गेल्यास आरामदायक प्रवास होऊ शकतो. रेल्वे प्रशासनाने याकडे लक्ष देवून दिनांक १ जुलै, २०२५ ते १० जुलै, २०२५ पर्यंत सावंतवाडी – पंढरपूर मार्गावर विशेष गाड्या सोडाव्यात अशी मागणी अखंड कोकण रेल्वे प्रवासी सेवा समितीने केली होती. मात्र यावेळीही या मागणीकडे दुर्लक्ष झाल्याचे दिसत आहे.

   Follow us on        

एसटीच्या लांब व मध्यम पल्ल्याच्या (१५० कि.मी. पेक्षा जास्त) प्रवासासाठी आगाऊ आरक्षण करणाऱ्या पुर्ण तिकीट धारी (सवलतधारक प्रवासी वगळून) प्रवाशांना तिकीट दरात १५ टक्के सवलत दिली जाणार आहे. ही योजना दिवाळी व उन्हाळी सुट्टीचा गर्दीचा हंगाम वगळता वर्षभर सुरू राहणार आहे. या योजनेची सुरुवात १ जुलैपासून करण्यात येत आहे. तरी प्रवाशांनी याचा लाभघ्यावा असे आवाहन परिवहन मंत्री तथा एसटी महामंडळाचे अध्यक्ष श्री. प्रताप सरनाईक यांनी केले आहे.

१ जुनला एस टी च्या ७७ व्या वर्धापन दिन परिवहन मंत्री तथा एसटी महामंडळाचे अध्यक्ष प्रताप सरनाईक यांनी कमी गर्दीच्या हंगामामध्ये लांब पल्ल्याच्या बसमधून प्रवास करणाऱ्या प्रवाशांनी आगाऊ आरक्षण केल्यास त्यांच्या तिकीटामध्ये १५ टक्के सूट देण्यात येईल अशी घोषणा केली होती त्यानुसार ही योजना सर्व प्रकारच्या बससाठी १ जुलैपासून लागू करण्यात येत आहे. अर्थात, ही योजना पूर्ण तिकीट काढणाऱ्या प्रवाशांसाठीच लागू राहणार आहे.

येत्या आषाढी एकादशीला व गणपती उत्सवासाठी आगाऊ आरक्षण करणाऱ्या प्रवाशांना या योजनेचा लाभ घेता येऊ शकतो. राज्यभरातून पंढरपूर येथे जाणाऱ्या नियमित बसेसचे आरक्षण प्रवाशांनी केल्यास त्यांना त्यांच्या तिकीट दरात १५ टक्के सवलत उद्यापासून (१जुलै) लागू होत आहे. तथापि जादा बसेस साठी ही सवलत लागू असणार नाही. तसेच गणपती उत्सवासाठी कोकणात जाणाऱ्या चाकरमानी प्रवाशांना देखील आगाऊ आरक्षण केल्यानंतर या तिकिटाचा लाभ घेता येऊ शकतो.

   Follow us on        

मुंबई: तमाम मराठी भाषा प्रेमींसाठी खुशखबर आहे. तृतीय भाषा म्हणून हिंदी भाषेचा निर्णय अखेर महायुती सरकारने रद्द केला आहे. वाढता विरोध आणि संभाव्य मोर्चे तसेच निदर्शने लक्षात घेऊन हा मोठा निर्णय घेण्यात आला आहे. गेल्या काही दिवसांत ठाकरे गट, मराठी संघटना आणि जनतेमधून तीव्र प्रतिक्रिया उमटल्या होत्या. विशेषतः ५ जुलै रोजी ठाकरे बंधूकडून हिंदी सक्तीविरोधी मोर्चा काढण्याची घोषणा करण्यात आली होती. त्याआधीच सरकारने यावर पुनर्विचार करत निर्णय रद्द केल्याची घोषणा केली.

आज महायुतीच्या मंत्रिमंडळाची मंत्रिमंडळ बैठक पार पडली. महायुती सरकारच्या मंत्रिमंडळाच्या बैठकीत हिंदी सक्तीच्या प्रस्तावावर चर्चा झाली. त्यानंतर सरकारी स्तरावर जीआर रद्द करण्याचा निर्णय जाहीर करण्यात आला. याआधी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांच्यात काल रात्री सुमारे १५ मिनिटे याबाबत चर्चा झाली होती.