Follow us on   

मुंबई, दि. 22 ऑगस्ट 2025 : गणेशोत्सवाच्या पार्श्वभूमीवर आणि वाढत्या प्रवासी गर्दीचा विचार करून मध्य रेल्वेने महत्त्वाचा निर्णय घेतला आहे. मुंबई छत्रपती शिवाजी महाराज टर्मिनस (CSMT) – माडगाव (MAO) दरम्यान धावणाऱ्या वंदे भारत एक्स्प्रेस (गाडी क्र. 22229/22230) मध्ये तात्पुरत्या काळासाठी आठ डब्यांऐवजी सोळा डबे लावले जाणार आहेत.

रेल्वेच्या सूचनेनुसार, सध्या या गाडीत ८ डब्यांचा वंदे भारत रेक आहे. मात्र प्रवाशांचा वाढता ताण कमी करण्यासाठी वंदे भारत आता १६ डब्यांच्या रेकसह धावणार आहे. ही वाढीव सुविधा मर्यादित कालावधीसाठी उपलब्ध करून देण्यात आली आहे.

प्रवाशांसाठी कोणत्या दिवशी सुविधा?

मुंबईहून (गाडी क्र. 22229) : 25 ऑगस्ट, 27 ऑगस्ट, 29 ऑगस्ट 2025

माडगावहून (गाडी क्र. 22230) : 26 ऑगस्ट, 28 ऑगस्ट, 30 ऑगस्ट 2025

प्रवाशांना होणारा फायदा

या बदलामुळे हजारो प्रवाशांना अतिरिक्त आसनांची उपलब्धता होणार आहे. विशेषत: सणासुदीच्या दिवसांत प्रवासी तिकिटांची प्रचंड मागणी असते. त्यामुळे प्रवाशांना या तात्पुरत्या वाढीव डब्यांचा मोठा लाभ मिळेल, अशी रेल्वे प्रशासनाची अपेक्षा आहे.

आरक्षणाची सोय

वाढीव डब्यांनुसार आरक्षण व्यवस्थाही तत्काळ अद्ययावत करण्यात येणार असल्याचे कळविण्यात आले आहे. प्रवाशांनी आपली तिकिटे वेळेत आरक्षित करून घ्यावीत, असे आवाहन मध्य रेल्वेने केले आहे.

“प्रवाशांची गर्दी लक्षात घेऊन आम्ही तात्पुरती ही सुविधा उपलब्ध करून दिली आहे. आगामी सणासुदीमध्ये प्रवाशांना प्रवासाचा त्रास होऊ नये हीच आमची भूमिका आहे,” असे रेल्वे प्रशासनाकडून सांगण्यात आले.

   Follow us on        

वास्को:प्रवाशांसाठी आनंदाची बातमी! कोकण रेल्वेने वास्को-दा-गामा – मुझफ्फरपूर – वास्को-दा-गामा एक्स्प्रेस विशेष गाड्यांचा कालावधी वाढवण्याचा निर्णय घेतला आहे. दसरा, दिवाळी व छठपूजा उत्सवाच्या काळात वाढणारी गर्दी लक्षात घेऊन ही सुविधा उपलब्ध करून देण्यात आली आहे.

या गाड्यांचा तपशील:

• गाडी क्रमांक 07311 वास्को-दा-गामा – मुझफ्फरपूर एक्स्प्रेस विशेष

  • धावणार : प्रत्येक सोमवार

  • कालावधी : 08.09.2025 ते 22.12.2025 पर्यंत

• गाडी क्रमांक 07312 मुझफ्फरपूर – वास्को-दा-गामा एक्स्प्रेस विशेष

  • धावणार : प्रत्येक गुरुवार

  • कालावधी : 11.09.2025 ते 25.12.2025 पर्यंत

सुधारित वेळापत्रक (प्रमुख थांबे):

• गाडी क्र. 07311 (सोमवार)

  • वास्को द गामा : 14:30

  • मडगाव : 16:00 / 16:20

  • थिवी : 17:10 / 17:12

  • सावंतवाडी रोड : 17:42 / 17:44

  • रत्नागिरी : 20:50 / 20:55

  • चिपळून : 22:38 / 22:40

• गाडी क्र. 07312 (शनिवार)

  • वास्को द गामा : 14:55

  • मडगाव : 12:30 / 12:50

  • थिवी : 10:30 / 10:32

  • सावंतवाडी रोड : 10:00 / 10:02

  • रत्नागिरी : 06:40 / 06:45

  • चिपळून : 03:26 / 03:28

रोहा ते मुझफ्फरपूर दरम्यानच्या थांब्यांच्या वेळेत कोणताही बदल नाही. प्रवाशांनी नवीन वेळापत्रक लक्षात घेऊन प्रवासाची आखणी करावी, असे कोकण रेल्वेने आवाहन केले आहे.

   Follow us on   

मुंबई, दि. १९ ऑगस्ट २०२५ – मुंबई परिसरात झालेल्या मुसळधार पावसामुळे आणि पाणी साचल्यामुळे कोकण रेल्वे प्रवासावर परिणाम झाला आहे. कोकण रेल्वेने जारी केलेल्या माहितीनुसार अनेक गाड्या उशिराने सुटणार असून काही गाड्यांचे गंतव्यस्थानही बदलण्यात आले आहे.

गाड्यांचे वेळापत्रक बदल

गाडी क्रमांक १२६१९ लोकमान्य टिळक (टी) – मंगळुरू सेंट्रल मत्स्यगंधा एक्सप्रेस ही गाडी दुपारी ३:१० वाजता सुटण्याऐवजी संध्याकाळी ५:०० वाजता सुटेल.

गाडी क्रमांक २२११३ लोकमान्य टिळक (टी) – तिरुवनंतपुरम नॉर्थ एक्सप्रेस ही गाडी दुपारी ४:४५ वाजता सुटण्याऐवजी संध्याकाळी ६:०० वाजता सुटेल.


गाड्यांचे शॉर्ट टर्मिनेशन

गाडी क्रमांक १०१०४ मडगाव जं. – मुंबई सीएसएमटी मांडवी एक्सप्रेस ही गाडी मुंबईपर्यंत न येता पनवेल येथेच थांबवली जाणार आहे.


आरंभ स्थानकात बदल

गाडी क्रमांक २०१११ मुंबई सीएसएमटी – मडगाव जं. कोकणकन्या एक्सप्रेस ही गाडी आज मुंबईऐवजी पनवेल स्थानकातून सुटणार आहे.


यामुळे प्रवाशांना गैरसोय होणार असल्याचे रेल्वे प्रशासनाने मान्य केले असून प्रवाशांनी वेळापत्रकातील बदल लक्षात घ्यावा, असे आवाहन करण्यात आले आहे.

   Follow us on    

चिपळूण : गणेशोत्सव २०२५ दरम्यान वाढलेल्या प्रवासी गर्दीचा ताण कमी करण्यासाठी मध्य रेल्वे प्रशासनाने खास निर्णय घेतला आहे. प्रवाशांच्या सोयीसाठी चिपळूण–पनवेल–चिपळूण दरम्यान अतिरिक्त अनारक्षित मेमू विशेष गाड्या चालविण्यात येणार आहेत.

गाड्यांचा तपशील :

गाडी क्रमांक ०११६० चिपळूण–पनवेल मेमू विशेष

दिनांक : ५, ६ व ७ सप्टेंबर २०२५

प्रस्थान : चिपळूण येथून सकाळी ११:०५ वाजता

आगमन : पनवेल येथे दुपारी ४:१० वाजता

गाडी क्रमांक ०११५९ पनवेल–चिपळूण मेमू विशेष

दिनांक : ५, ६ व ७ सप्टेंबर २०२५

प्रस्थान : पनवेल येथून संध्याकाळी ४:४० वाजता

आगमन : चिपळूण येथे रात्री ९:५५ वाजता

गाड्यांना अंजनी, खेर्डी, दिवाणखवटी, विंहेरे, करंजडी, वेअर, माणगाव, इंदापूर, कोलाड, रोहा, नागोठणे, पेण, आपटा अशा महत्वाच्या स्थानकांवर थांबे असतील.

या गाड्यांची रचना ८ मेमू कोचेसची असून सर्वसामान्य प्रवाशांना मोठा दिलासा मिळणार आहे.

अधिक माहितीसाठी www.enquiry.indianrail.gov.in या संकेतस्थळाला भेट द्यावी, असे आवाहन रेल्वेकडून करण्यात आले आहे.

   Follow us on    

Chiplun: To manage the festive rush of passengers during Ganpati Festival 2025, Central Railway has decided to run additional unreserved MEMU special trains between Chiplun and Panvel.

Train Details as below.

Train No. 01160 Chiplun–Panvel MEMU Special

Dates: 5th, 6th & 7th September 2025

Departure: 11:05 hrs from Chiplun

Arrival: 16:10 hrs at Panvel

Train No. 01159 Panvel–Chiplun MEMU Special

Dates: 5th, 6th & 7th September 2025

Departure: 16:40 hrs from Panvel

Arrival: 21:55 hrs at Chiplun

The trains will halt at Anjani, Khed, Diwankhavati, Vinhere, Karanjadi, Veer, Mangaon, Indapur, Kolad, Roha, Nagothane, Pen, Apta and other important stations.

The train will run with 8 MEMU coaches, offering relief to passengers during the festive rush.

For detailed halts & timings, passengers may visit www.enquiry.indianrail.gov.in.

   Follow us on    

कोकणवासीय गणेशभक्तांसाठी यंदाही “मोदी एक्सप्रेस”चा डबल धमाका घेऊन येत आहे. पंतप्रधान नरेंद्र मोदी यांच्या प्रेरणेने सलग १३व्या वर्षी मुंबईहून कोकणात जाणाऱ्या चाकरमान्यांसाठी मोफत रेल्वे सेवा उपलब्ध करून दिली जात आहे.

गणेशोत्सवाच्या पार्श्वभूमीवर, २३ आणि २४ ऑगस्ट २०२५ रोजी या विशेष गाड्या धावणार असून प्रवाशांसाठी मोफत भोजनाची सोयही केली जाणार आहे.

ही सेवा खास करून लोकसभा आणि विधानसभेतील प्रचंड प्रतिसादाबद्दल जनतेचे आभार मानण्यासाठी आयोजित करण्यात आली आहे. बुकिंगसाठी ठिकाण: भाजप तालुका मंडळ अध्यक्ष, शिवाजी सुतार यांच्या मार्गदर्शनाखाली सकाळी ११ वाजता दादर स्टेशन, प्लॅटफॉर्म क्रमांक १४.

या उपक्रमाचे आयोजन केंद्रीय मंत्री नितेश नारायणराव राणे यांनी केले असून, यामुळे हजारो चाकरमान्यांना सोयीस्कर आणि मोफत प्रवासाची संधी मिळणार आहे.

   Follow us on    

राजापूर : कोकण रेल्वे प्रशासनाकडून राजापूरकरांसाठी मोठी आनंदाची बातमी आहे. १६३४५/१६३४६ लोकमान्य टिळक (टर्मिनस) – तिरुवनंतपुरम सेंट्रल “नेत्रावती” एक्स्प्रेसया गाडीला आता राजापूर रोड स्थानकावर थांबा देण्याचा निर्णय घेण्यात आला आहे. ही सुविधा १५ ऑगस्ट २०२५ पासून लागू होणार आहे. सुरवातीला हा थांबा प्रायोगिक तत्वावर असणार आहे.

गाडी थांब्याची वेळ
गाडी क्रमांक १६३४५ : लोकमान्य टिळक टर्मिनस – तिरुवनंतपुरम सेंट्रल “नेत्रावती” एक्स्प्रेस रोज संध्याकाळी ७:४० ते ७:४२ राजापूर रोड येथे थांबेल.

गाडी क्रमांक १६३४६ : तिरुवनंतपुरम सेंट्रल – लोकमान्य टिळक टर्मिनस “नेत्रावती” एक्स्प्रेस रोज सकाळी ७:३८ ते ७:४० येथे थांबेल.

अलीकडेच सांगली जिल्ह्याचे आमदार सदाभाऊ खोत यांनी या स्थानकावर जनशताब्दी एक्स्प्रेस आणि नेत्रावती एक्स्प्रेस या गाड्यांना राजापूर स्थानकावर थांबा द्यावा अशी मागणी केली होती — या मागणीचा पाठपुरावा करत महाराष्ट्राचे मुख्यमंत्री देवेंद्र फडणवीस यांनी केंद्र सरकारचे रेल्वेमंत्री अश्विनी वैष्णव यांना यावर्षीच्या मे महिन्यात पत्र लिहून कोकण रेल्वेवरील राजापूर रोड स्थानकावर महत्त्वाच्या गाड्यांना थांबा देण्याची विनंती केली होती.

राजापूर रोड स्थानक हे कोकण रेल्वेवरील एक महत्त्वाचे स्थानक असून, सिंधुदुर्ग आणि रत्नागिरी जिल्ह्यातील प्रवाशांसाठी ते मुख्य संपर्क केंद्र आहे. पूर्वी नेत्रावती एक्स्प्रेसला येथे थांबा नव्हता, त्यामुळे प्रवाशांना रत्नागिरी किंवा कणकवली स्थानकांचा वापर करावा लागत असे. स्थानिक नागरिक आणि प्रवासी संघटनांनी अनेक वर्षांपासून या गाडीला थांबा देण्याची मागणी केली होती.

नेत्रावती एक्स्प्रेस ही गाडी मुंबईतील लोकमान्य टिळक टर्मिनस आणि केरळची राजधानी तिरुवनंतपुरम यांना जोडणारी लांब पल्ल्याची महत्त्वाची सेवा आहे. दररोज धावणारी ही गाडी महाराष्ट्र, गोवा, कर्नाटक आणि केरळ या चार राज्यांतून प्रवास करते. ‘नेत्रावती’ नदीवरून या गाडीला नाव देण्यात आले आहे.

या प्रायोगिक थांब्यामुळे कोकणातील विशेषतः राजापूर आणि आसपासच्या भागातील प्रवाशांना थेट मुंबई, गोवा, मंगळुरू आणि केरळकडे जाणे सुलभ होईल. तसेच मुंबईहून परतताना प्रवाशांना घरी पोहोचणे सोपे होईल.

रेल्वे प्रशासनाने प्रवाशांना या सुविधेचा जास्तीत जास्त लाभ घ्यावा असे आवाहन केले आहे.

   Follow us on    

Konkan Railway : स्वातंत्र्यदिन आणि त्याला लागून आलेल्या सुट्ट्यांमध्ये कोकणात गावी जाणाऱ्या प्रवाशांसाठी एक आनंदाची बातमी आहे. प्रवाशांची वाढती गर्दी लक्षात घेऊन कोकण रेल्वेने विशेष गाड्या चालविण्याचा निर्णय घेतला आहे .

०१५०२ / ०१५०१ मडगाव जं. – लोकमान्य टिळक (टी) – मडगाव जं. साप्ताहिक विशेष गाडी

गाडी क्र. ०१५०२ मडगाव जं. – लोकमान्य टिळक (टी) साप्ताहिक विशेष गाडी मडगाव जं. येथून १७ ऑगस्ट (रविवार) रोजी दुपारी १६:३० वाजता सुटेल व दुसऱ्या दिवशी सकाळी ०६:०० वाजता लोकमान्य टिळक (टी) येथे पोहोचेल.

गाडी क्र. ०१५०१ लोकमान्य टिळक (टी) – मडगाव जं. साप्ताहिक विशेष गाडी लोकमान्य टिळक (टी) येथून १८ ऑगस्ट २०२५ (सोमवार) रोजी सकाळी ०८:३० वाजता सुटेल व त्याच दिवशी रात्री २२:४० वाजता मडगाव जं. येथे पोहोचेल.

थांबे: कारमळी, थिवीम, सावंतवाडी रोड, कुडाळ, सिंधुदुर्ग, कणकवली, वैभववाडी रोड, राजापूर रोड, विलवडे, आडवली , रत्नागिरी, संगमेश्वर रोड, चिपळूण, खेड़, माणगाव, रोहा, पेन, पनवेल व ठाणे.

रचना: एकूण २० एलएचबी डबे = एसी २ टियर – ०१ डबा, एसी ३ टियर – ०३ डबे, एसी ३ टियर इकॉनॉमी – ०२ डबे, स्लीपर – ०८ डबे, जनरल – ०४ डबे, एसएलआर – ०१, जनरेटर कार – ०१.

गाडी क्र. ०१५०२ आणि ०१५०१ साठी आरक्षण १२ ऑगस्ट २०२५ पासून सर्व पीआरएस केंद्रांवर, इंटरनेट व आयआरसीटीसी वेबसाईटवर खुले होईल.

गणपती बाप्पाच्या कृपाशीर्वादाने वेगवान हालचाली घडोत, हीच जनसामान्यांची कामना!

   Follow us on    

गेल्या काही दिवसांपासून संगमेश्वर वासी जनतेला आनंदाचं भरतं आलं होतं! कारणही तसंच खास, आपल्या मतदार क्षेत्राचे नामदार खासदार नारायण राणे आपल्या तीन एक्स्प्रेसना संगमेश्वर रेल्वे स्थानकात थांबा मिळावा या मागणीचे पत्रक घेऊन रेल्वे मंत्री अश्विनीकुमार वैष्णव यांना दिल्ली येथे भेटले. या वेळी कोकण रेल्वेकडून दिलेल्या सकारात्मक प्रस्तावाची प्रत जोडली होती.

योगायोग म्हणजे त्याच दिवशी खासदार सुनील तटकरे हे सुद्धा अंजनी, कोलाड या स्थानकांवर काही एक्स्प्रेसना थांबा मिळावा या मागणीसाठी रेल्वे मंत्र्यांच्या भेटीला गेले होते. तसा तो दिवस कोकणातील जनतेसाठी आनंदाचा. ऐन गणेशोत्सवात अतिरिक्त रेल्वे गाड्या, आणि सोबत एक्स्प्रेसना थांबा मिळणार म्हणून सगळेच आनंदात!

पण काही दिवसांनी अंजनी,कोलाड स्थानकावर रेल्वे गाड्यांना थांबा मंजूर झाल्याचे पत्र मिळाले. पण संगमेश्वरच्या जनतेला प्रतिक्षेत ठेवले होते. आता खूप दिवस झाले. जवळपास एक महिना लोटला तरी मागण्यांचा विचार रेल्वे बोर्ड किंवा कोकण रेल्वेच्या अधिकाऱ्यांनी केला नाही.

दोन्ही कार्यालयातील अधिकाऱ्यांशी चर्चा केली असता रेल्वे बोर्ड कोकण रेल्वे बोर्डाने अधिकृत आदेश दिले असल्याचे कळविले. खातरजमा करण्यासाठी कोकण रेल्वेच्या अधिकाऱ्यांशी चर्चा केली असता, अशा आशयाचे रेल्वे बोर्डाचे पत्र प्राप्त न झाल्याचे सांगितले जात आहे. चेंडूची टोलवाटोलव केली जाते आहे.

नेमकी रेल्वे बोर्ड आणि कोकण रेल्वे यांच्या डोक्यात नेमकं चाललंय काय?

एकाच दिवशी दोन वेगवेगळ्या मतदार क्षेत्रातील खासदार आपापल्या क्षेत्रातील समस्या घेऊन येतात. रेल्वे मंत्र्यांशी चर्चा करतात. त्यातील एका खासदारांच्या मागणीला त्वरित हिरवा झेंडा दाखवला गेला. मग मागील दोन अडीच वर्षांपासून कायम पाठपुरावा करीत असलेल्या मागणीला प्रतिक्षा यादीत ढकलून वजनाचा फेरफार रेल्वे बोर्ड आणि कोकण रेल्वे प्रशासनाने आमच्या निदर्शनास आणून दिला आहे काय? अशी आगपाखड जनसामान्यांनी केली आहे.

कोंबड्या बकऱ्यांसारखा खचखच गर्दीने भरलेल्या रेल्वेचा प्रवास कोकणी माणूस करतो. कधी जास्तीची अपेक्षा न करणारा कोकणी माणूस कायम अन्याय सहन करतो आहे. संगमेश्वर तालुक्यात छत्रपती संभाजी महाराज, अनेक धार्मिक स्थळे, गडकोट, निसर्गरम्य ठिकाणे यांमुळे आता पर्यटन वाढले. पण या कंटाळवाण्या रेल्वे प्रवासामुळे पर्यटक नाखुश आहेत.

ऐन सणासुदीच्या दिवसांत अतिरिक्त सोडण्यात येत असलेल्या रेल्वे गाड्या, त्यात मागणी जवळजवळ मान्य झाल्याचा विश्वास यामुळे सगळे चाकरमानी आणि संगमेश्वरची जनता खुशीत होती. पण खासदार नारायण राणे यांच्या भेटीनंतरही उपेक्षित रहावे लागत असेल तर हा मोठ्या प्रतिष्ठेचा विषय आहे. संगमेश्वरच्या या मागण्यांसाठी आमदार, खासदार रेल्वे मंत्र्यांशी संबंधित विभागाच्या अधिकाऱ्यांशी चर्चा करतात. पण तरीही मागण्यांचा विचार होत नाही. प्रतिक्षा यादीत कुठवर संगमेश्वर वासी यांच्या मागण्या घुटमळत ठेवणार? या गणेशोत्सवात थांबे मिळाले तरच बाप्पा पावले म्हणू!

नाहीतर जनसामान्यांचा असंतोष उफाळून येणार,हे मात्र नक्की!

-रुपेश मनोहर कदम/सायले