Category Archives: कोकण रेल्वे

कोकण, कोकण रेल्वे

कोकण रेल्वे मार्गावर पुढील आठवड्यात मेगाब्लॉक; तुतारी एक्सप्रेससह चार गाड्यांच्या वेळापत्रकांवर परिणाम

Posted on by Kokanai Digital
14
Oct
Konkan Railway News: कोकण रेल्वे मार्गावर पुढील आठवड्यात दोन वेगवेगळ्या ठिकाणी रेल्वेच्या मालमत्तेच्या देखभालीसाठी मेगाब्लॉक घेण्यात येणार आहेत. या मेगाब्लॉक मुळे मार्गावर धावणाऱ्या ४ गाड्यांच्या वेळापत्रकांवर परिणाम होणार आहे.
A) बुधवार दिनांक १८ ऑक्टोबर रोजी आडवली – राजापूर रोड दरम्यान सकाळी ०८:०० ते ११:०० या वेळेत तर राजापूर रोड – नांदगाव रोड दरम्यान सकाळी ०७:४० ते १०:४० या वेळेत मेगाब्लॉक घेण्यात येत आहेत. या मेगाब्लॉक मुळे खालील गाड्यांच्या वेळापत्रकांवर परिणाम होणार आहे.
१) Train no. 11003 Dadar – Sawantwadi Road Tutari Express
दिनांक १८ ऑक्टोबर रोजी प्रवास सुरु करणारी ही गाडी रोहा ते रत्नागिरी दरम्यान २ तास १५ मिनिटे  उशिराने धावणार आहे.
२) Train no. 10106 Sawantwadi Road – Diva Express 
दिनांक १८ ऑक्टोबर रोजी प्रवास सुरु करणारी ही गाडी सावंतवाडी ते नांदगाव रोड दरम्यान १ तास १५  मिनिटे उशिराने धावणार आहे.
B) दिनांक २० ऑक्टोबर (शुक्रवार) रोजी गोकर्णा रोड – भटकळ दरम्यान दुपारी १४:४० ते १७:४० या वेळेत मेगाब्लॉक घेतला जाणार आहे. या मेगाब्लॉकमुळे खालील गाड्यांच्या वेळापत्रकांवर परिणाम होणार आहे.
१) Train no.12620 Mangaluru Central – Lokmanya Tilak (T) Matsyagandha Express
दिनांक २० ऑक्टोबर रोजी प्रवास सुरु करणारी ही गाडी ठोकूर ते भटकळ दरम्यान १ तास ५० मिनिटे  उशिराने धावणार आहे.
२) Train no. 06601 Madgaon Jn. – Mangaluru Central Special 
दिनांक २० ऑक्टोबर रोजी प्रवास सुरु करणारी ही गाडी मडगाव ते गोकर्णा रोड दरम्यान १ तास उशिराने धावणार आहे.

Loading

कोकण, कोकण रेल्वे

दिवाळी साठी कोकण रेल्वे मार्गावर धावणार साप्ताहिक विशेष गाडी

Posted on by Kokanai Digital
13
Oct
Konkan Railway News: दिवाळी सणासाठी  कोकणात गावी जाणाऱ्या चाकरमान्यांसाठी एक खुशखबर आहे. मध्य रेल्वे आणि कोकण रेल्वे दिवाळी सणासाठी मुंबई-मंगलुरु जंक्शन दरम्यान एक साप्ताहिक विशेष गाडी चालविणार आहे 
01185/01186  एलटीटी मुंबई  – मंगलुरु जंक्शन – एलटीटी मुंबई साप्ताहिक विशेष (14 सेवा) 
01185 एलटीटी मुंबई  – मंगलुरु जंक्शन विशेष ही गाडी दिनांक 20.10.2023 ते 01.12.2023 पर्यंत (एकूण 7 फेऱ्या) प्रत्येक शुक्रवारी  22.15 वाजता लोकमान्य टिळक टर्मिनस या स्थानकावरून सुटून दुसऱ्या दिवशी 17.05 संध्याकाळी मंगलुरु जंक्शन या स्थानकावर पोहचणार आहे. 
01186 मंगलुरु जंक्शन – एलटीटी मुंबई विशेष ही गाडी दिनांक ,21.10.2023 से 02.12.2023 पर्यंत (एकूण 7 फेऱ्या) प्रत्येक शनिवारी संध्याकाळी 18.45 वाजता मंगलुरु जंक्शन  या स्थानकावरून सुटून दुसऱ्या दिवशी दुपारी 14:25 वाजता लोकमान्य टिळक टर्मिनस या स्थानकावर पोहचणार आहे. 
या गाडीचे थांबे
ठाणे, पनवेल, रोहा, माणगाव, खेड़, चिपळूण, संगमेश्वर रोड, रत्नागिरी, कणकवली, सिंधुदुर्ग, कुडाळ, सावंतवाड़ी रोड, थिविम, करमाली, मडगांव, करवार, गोकर्ण रोड, कुमता, मुरुदेश्वर, भटकल, मूकाम्बिका रोड बिंदूर, कुंडापुरा , उडुपी, मुल्की, सुरथकल आणि ठोकुर
डब्यांची संरचना:
01 वातानुकूलित -2 टियर, 05 वातानुकूलित -3 टियर, 08 शयनयान श्रेणी , 07 जनरल आणि ०२ एसएलआर – (एकूण = 21 आईसीएफ कोच)
या गाड्यांचे आरक्षण सोमवार दिनांक १६ ऑक्टोबर पासून चालू होणार आहे अशी माहिती रेल्वे प्रशासनाकडून देण्यात आली आहे.
[pdf-embedder url=”https://kokanai.in/wp-content/uploads/2023/10/special-train.pdf” title=”special train”]

Loading

कोकण, कोकण रेल्वे

सावंतवाडी टर्मिनसला प्रा. मधू दंडवते यांचे नाव देणे व अन्य मागण्यांसाठी स्मारक समितीचा रेल्वेला अल्टिमेटम

Posted on by Kokanai Digital
सावंतवाडी : कोकण रेल्वेचे शिल्पकार माजी खासदार तथा माजी केंद्रीय रेल्वे व अर्थमंत्री प्रा. मधू दंडवते यांची स्मृती जपण्यासाठी कोकण रेल्वेच्या सावंतवाडी टर्मिनसचे ‘प्रा. मधू दंडवते टर्मिनस’, असे नामकरण करावे आणि अन्य मागण्यांचे  निवेदन प्रा. मधू दंडवते स्मारक समितीच्यावतीने रेल्वे प्रशासनास देण्यात आले. 
सावंतवाडी रेल्वे टर्मिनस चे नाव लवकरात लवकर पूर्ण करून त्यास माजी खासदार तथा माजी केंद्रीय रेल्वे व अर्थमंत्री प्रा. मधू दंडवते यांचे नाव देण्यात यावे, कोकण रेल्वे मार्गावरील स्थानकाच्या प्रवेशद्वारावर त्यांचे तैलचित्र लावण्यात यावे, रत्नागिरी स्थानक ते महामार्ग जोडणाऱ्या मार्गास त्यांचे नाव देण्यात यावे. तसेच प्रा. मधू दंडवते यांच्या नावाने एक रेल्वे सुरु करावी किंवा विन्द्यमान गाडीस त्यांचे नाव देण्यात यावे. सावंतवाडी स्थानकास टर्मिनस चा दर्जा देऊन तेथे सर्व गाडयांना थांबा मिळावा या मागण्या या निवेदनातून करण्यात आल्या आहेत. 
दिनांक २६ जानेवारी २०२४ पर्यंत या मागण्यांची अंबलबजावणी करण्यात यावी अन्यथा समितीतर्फे  कोकणातील सर्व स्थानकावर लाक्षणिक धरणे आंदोलन करण्यात येईल असा इशाराही देण्यात आला आहे.  
सावंतवाडीत स्मारक समितीचे निमंत्रक ज्येष्ठ पत्रकार अभिमन्यू लोंढे, भाई देऊलकर, मिहीर मठकर, सागर तळवडेकर यांनी येथील स्थानकात भेट देत याबाबतचे निवेदन सादर केले. यावेळी रेल्वेस्थानक रिक्षा युनियन अध्यक्ष संदीप बाईत, उपाध्यक्ष श्याम सांगेलकर, अजित सातार्डेकर, प्रदीप सोनवणे, दिलीप तानावडे, सचिन तळकटकर, सुरेंद्र गावडे, सचिन गावकर, अजित वैज, एकनाथ नाटेकर, अशोक गावडे, महेश खडपकर, भास्कर तांडेल आदी उपस्थित होते. या निवेदनावर सुमारे ३२० प्रवाशी नागरिकांच्या स्वाक्षरी आहेत. 

Loading

कोकण, कोकण रेल्वे

मध्य रेल्वेच्या १० गाड्यांच्या डब्यांत कायमस्वरूपी वाढ; कोकण रेल्वेमार्गावर धावणाऱ्या एका गाडीचा समावेश

Posted on by Kokanai Digital
10
Oct

Konkan Railway News :मध्यरेल्वेच्या काही गाड्यांना प्रवाशांचा प्रतिसाद आणि गर्दी लक्षात घेऊन काही गाड्यांच्या डब्यांत वाढ करण्याचा निर्णय मध्य रेल्वेतर्फे घेण्यात आला आहे. या निर्णयानुसार एकूण 10 एक्सप्रेस गाड्यांमध्ये  एकुण 34 (सर्व 10 गाड्यांचे मिळून) डबे कायमस्वरुपी वाढविण्यात येणार आहेत. 

या गाड्यांमध्ये कोकण रेल्वे मार्गावर चालविण्यात येणार्‍या नागपूर-मडगाव-नागपूर या गाडीचा समावेश आहे. या गाडीला एक थ्री टायर एसी आणि एक जनरल असे दोन अतिरिक्त डबे कायमस्वरूपासाठी जोडण्यात येणार आहेत. 

Nagpur – Madgaon Jn Special (Bi-Weekly) 01139 या  गाडीला दिनांक 14 ऑक्टोबर 2023 पासून तर 

Madgaon Jn – Nagpur Special (Bi-Weekly) 01140 या  गाडीला दिनांक 15 ऑक्टोबर 2023 पासून हे अतिरिक्त डबे जोडण्यात येणार आहेत.

या गाडीच्या डब्यांची सुधारित संरचना 

2 Tier AC – 01, 3 Tier AC – 05, Sleeper – 11, General – 05, SLR-02 =एकूण 24 आयसिएफ कोच. 

Loading

कोकण रेल्वे

दिवा सावंतवाडी एक्सप्रेसला जोडण्यात आलेल्या एसी डब्यांना मुदतवाढ

Posted on by Kokanai Digital
10
Oct
Konkan Railway News : गाडी क्रमांक 50107 / 50108 सावंतवाडी – मडगाव – सावंतवाडी आणि त्याच रेकसह प्रवास विस्तार करणारी गाडी क्रमांक 10105 / 10106  दिवा – सावंतवाडी – दिवा एक्सप्रेस या गाड्यांना यंदाच्या  गणेशोत्सवासाठी  प्रथमच इकॉनॉमी थ्री टायर श्रेणीचे दोन वातानुकूलित डबे जोडण्यात आले होते. प्रवाशांची मागणी आणि गरज लक्षात घेऊन हे डबे  पुढील सूचना मिळेपर्यंत या गाडीला कायम ठेवण्यात येणार आहेत अशी माहिती रेल्वे प्रशासनातर्फे देण्यात आली आहे.  
मडगाव ते सावंतवाडी आणि पुढे सावंतवाडी दिवा या गाडीच्या प्रवासाला अधिक आरामदायी बनवण्यासाठी वातानुकूलित डबे जोडले जावेत अशी मागणी रेल्वेकडे करण्यात आले होती. कोकण रेल्वेने नुकत्याच झालेल्या गणेशोत्सवा त्याची अंमलबजावणी देखील केली. गणेशोत्सवात रेल्वेने जाहीर केल्याप्रमाणे इकॉनोमी थ्री टायर श्रेणीचे दोन डबे 14 ऑक्टोबर 2023 पर्यंत राहतील असे कळवले होते. मात्र आता त्यांना पुढील सूचनेपर्यंत मुदतवाढ देण्यात आली आहे.

Loading

कोकण, कोकण रेल्वे

सावंतवाडी टर्मिनससाठी निधी ‘सिंधुरत्न’ योजनेतून उपलब्ध करून दिला जाईल; दीपक केसरकर यांची ग्वाही

Posted on by Kokanai Digital
09
Oct
सावंतवाडी: कोकण रेल्वे मार्गावर धावणाऱ्या गाड्या सावंतवाडी रेल्वे स्थानकावर थांबल्या पाहिजेत यासाठी आग्रही आहे. सावंतवाडी टर्मिनस देखील झाले पाहिजे. कोकण रेल्वेकडे निधी नसेल तर सिंधुरत्न योजनेतून उपलब्ध करून दिला जाईल, अशी ग्वाही शालेय शिक्षण व मराठी भाषा मंत्री दिपक केसरकर यांनी दिली.
खासदार विनायक राऊत यांनी सावंतवाडी रेल्वे टर्मिनसचे स्वप्न निधी अभावी धुसर झाले अशा प्रकारे केलेले वक्तव्य चुकीचे आहे. रखडलेले काम मार्गी लागण्यासाठी सिंधुरत्नमधून मी आवश्यक असलेला निधी उपलब्ध करून देईन. त्याचबरोबर वंदे भारतसह अन्य गाड्या थांबविण्यासाठी केंद्रीय रेल्वेमंत्र्यांकडे आपण मागणी केली आहे, अशी माहिती शालेय शिक्षणमंत्री दिपक केसरकर यांनी आज येथे दिली
खासदार राऊत यांनी सावंतवाडी टर्मिनसचे रखडलेले काम मार्गी लावण्यासाठी रेल्वेकडे निधी नाही, त्यामुळे हा प्रकल्प होण्याची शक्यता धुसर बनली आहे, अशी वक्तव्य केले होते. याबाबत श्री. केसरकर यांना विचारले असता ते म्हणाले, “याठिकाणी वंदे भारत ट्रेनसोबत अन्य महत्वाच्या गाड्या थांबविण्यासाठी मी केंद्रीय रेल्वेमंत्र्याकडे मागणी केली आहे. टर्मिनसचे स्वप्न धुसर होणार, असे वक्तव्य करणे चुकीचे आहे. काही झाले तरी ते काम पुर्ण करण्यात येणार आहे. त्यासाठी आवश्यक असलेला निधी मी सिंधुरत्न योजनेतून उपलब्ध करून देणार आहे. रेल्वे राज्यमंत्री रावसाहेब दानवे यांची नुकतीच भेट घेऊन चर्चा केली आहे. त्यामुळे रेल्वे स्थानकावर प्रवाशांना सुविधा व रेल्वे गाड्या मिळवून देण्यासाठी प्रयत्न करत आहे. 

Loading

कोकण, कोकण रेल्वे

कोकण रेल्वे मार्गावर पुढील आठवड्यात दोन ठिकाणी मेगाब्लॉक; ५ गाड्यांच्या वेळापत्रकांवर परिणाम

Posted on by Kokanai Digital
08
Oct
Konkan Railway News: कोकण रेल्वे मार्गावर पुढील आठवड्यात दोन वेगवेगळ्या ठिकाणी रेल्वेच्या मालमत्तेच्या देखभालीसाठी मेगाब्लॉक घेण्यात येणार आहेत. या मेगाब्लॉक मुळे मार्गावर धावणाऱ्या ५ गाड्यांच्या वेळापत्रकांवर परिणाम होणार आहे.
मंगळवार दिनांक १० ऑक्टोबर रोजी कडवाई – रत्नागिरी या मार्गावर सकाळी ०७:४० ते १०:४० या  वेळेदरम्यान मेगाब्लॉक घेण्यात येत आहे. या मेगाब्लॉक मुळे खालील गाड्यांच्या वेळापत्रक परिणाम होणार आहे.
१) Train no. 19577 Tirunelveli Jn. – Jamnagar  Express
दिनांक ०९ ऑक्टोबर रोजी प्रवास सुरु करणारी ही गाडी ठोकूर ते रत्नागिरी या दरम्यान ३ तास उशिराने धावणार आहे.
२) Train no. 16346 Thiruvananthapuram Central – Lokmanya Tilak (T)  Netravati Express 
दिनांक ०९ ऑक्टोबर रोजी प्रवास सुरु करणारी ही गाडी ठोकूर ते रत्नागिरी या दरम्यान १ तास ३० मिनिटे उशिराने धावणार आहे.
३) Train no. 12051 Mumbai CSMT – Madgaon Jn. Janshatabdi Express
दिनांक १० ऑक्टोबर रोजी प्रवास सुरु करणारी ही गाडी खेड ते चिपळूण दरम्यान २० मिनिटे उशिराने धावणार आहे. 
गुरुवार दिनांक १२ ऑक्टोबर रोजी मडगाव – कुमता  या मार्गावर सकाळी ११:०० ते दुपारी ०२:०० या  वेळेदरम्यान मेगाब्लॉक घेण्यात येत आहे. या मेगाब्लॉक मुळे खालील गाड्यांच्या वेळापत्रक परिणाम होणार आहे.
1) Train no.06602 Mangaluru Central – Madgaon Jn. Special 
दिनांक १२ ऑक्टोबर रोजी प्रवास सुरु करणारी ही गाडी कुमता ते मडगाव दरम्यान रद्द करण्यात आली आहे.
2) Train no. 06601 Madgaon Jn. – Mangaluru Central – Special  
दिनांक १२ ऑक्टोबर रोजी प्रवास सुरु करणारी ही गाडी मडगाव ते कुमता दरम्यान रद्द करण्यात आली आहे.

Loading

कोकण, कोकण रेल्वे

आजपासून पुढील चार दिवसांत कोकण रेल्वेने प्रवास करणार असाल तर ही बातमी वाचाच; ‘या’ गाड्यांच्या आरंभ व अंतिम स्थानकांत बदल

Posted on by Kokanai Digital
05
Oct
Konkan Railway News: मुंबईतील छत्रपती शिवाजी महाराज टर्मिनसनजीकच्या वाडी बंदर यार्डामधील रेल्वे लाईन 3 ते 7 साठी कनेक्टिव्हिटीचे काम हाती घेण्यात आले आहे. हे काम दिनांक ०२ ऑक्टोबर ते ०८ ऑक्टोबर पर्यंत चालणार असून मुंबई सीएसएमटी स्थानकावरून सुटणाऱ्या काही गाड्यांवर त्याचा परिणाम होणार आहे. मध्य रेल्वे प्रशासनाने दिलेल्या माहितीनुसार कोकण रेल्वे मार्गावरील खालील गाड्यांवर या कामाचा परिणाम होणार आहे. 
१) Train no. 22230 Madgaon Jn. – Mumbai CSMT Vande Bharat Express
दिनांक ०५ ऑक्टोबरला ही गाडी आपला प्रवास दादर या स्थानकावर संपविणार आहे. 
२) Train no. 11004 Sawantwadi Road – Dadar Tutari Express 
दिनांक ०५ आणि ०६ ऑक्टोबर रोजी प्रवास सुरु करणाऱ्या या गाड्यांचा प्रवास पनवेल स्थानकावर संपविण्यात येणार आहे.
३) Train no. 12052 Madgaon Jn. – Mumbai CSMT Janshatabdi Express 
दिनांक ०७ ऑक्टोबरला ही गाडी आपला प्रवास पनवेल या स्थानकावर संपविणार आहे. 
४) Train no. 11003 Dadar – Sawantwadi Road Tutari Express
दिनांक ०७ आणि  ०८ ऑक्टोबर रोजी ही गाडी आपला प्रवास पनवेल या स्थानकावरून ०१:१५ वाजता सुरु करणार आहे. 
५) Train no. 12051 Mumbai CSMT – Madgaon Jn.  Janshatabdi Express 
दिनांक ०८ ऑक्टोबर रोजी वरील गाडी पनवेल या स्थानकावरून आपला प्रवास सकाळी ६ वाजून २५ मिनिटांनी सुरु जाणार आहे. 

Loading

कोकण, कोकण रेल्वे, वाचकांचे व्यासपीठ

मालगाडी अपघात | “…. तर कोकणातून परतणाऱ्या प्रवासांचे हाल झाले नसते.”

Posted on by Kokanai Digital
05
Oct

मालगाडी अपघातानंतर कोकण रेल्वे मार्गावरील वाहतुक चुकीच्या पद्धतीने हाताळली गेल्याचा आरोप.. 

मुंबई :गेल्या आठवड्यात कोकण रेल्वे मार्गावर वाहतूक विस्कळीत झाली होती त्याचे कारण साफ आणि स्वच्छ होते. पनवेल स्टेशनच्या पुढे दोन फरलांगावरती नवीन पनवेल जुना पनवेलच्या पुलाखाली मालगाडी घसरली पण ही मालगाडी घसरण्याचे कारण आता पुढे येत आहे तेथे असलेल्या नाल्यावर टाकलेले पाच स्लीपर चुकीच्या पद्धतीने टाकले गेले होते त्या स्लीपर च्या वरती अचानक लोड आल्यामुळे रेल्वे रूळ वाकले आणि मालगाडी घसरली असे समजते परंतु त्याच वेळेला कोकण रेल्वेच्या प्रवाशांचे दैव बलवत्तर म्हणून जवळपास च्या लाईन वरून कोकण रेल्वेची दुसरी गाडी येत नव्हती अन्यथा हा अपघात भीषण असा झाला असता.

या अपघाताची पार्श्वभूमी अशी आहे अगोदर शनिवारपासून हार्बर लाइन मार्गावरती बेलापूर ते पनवेल मेगाब्लॉक घेण्यात आला होता आणि तो मेगाब्लॉक चालू असताना बेलापूर पासून रेल्वे मार्ग पनवेल पर्यंत बंद करण्यात आला होता. परंतु ज्या वेळेला अपघात घडला त्यावेळेला कोकण रेल्वे मार्गावरील वाहतूक सुरळीत चालू झाली असती परंतु मालगाडीमुळे ही वाहतूक पुढे होऊ शकणार नव्हती याचे निदान स्पष्ट झाल्यानंतर त्वरित मेगा ब्लॉक रद्द करणे गरजेचे होते व कोकण रेल्वे मार्गावर येणाऱ्या गाड्या पनवेल पर्यंत आणून तिथे रिकाम्या करून त्या गाड्या कर्जत उरण मार्गावर वळवून पुढे उभ्या करून ठेवता आल्या असत्या, परंतु हे न करता सरळ पुढे गाड्या येऊन देण्याचा मूर्खपणा रेल्वेच्या अधिकाऱ्यांनी केला यावर कोणाचाच लक्ष जात नाही आहे कसे? पनवेलच्या पुढे रेल्वे घसरली म्हणजे पनवेल पर्यंत गाड्या आरामात येऊ शकत होत्या .पनवेलला एकंदरीत तीन गाड्या येऊन लागू शकत होत्या या तीन गाड्या रिकाम्या करून पुन्हा कुठेतरी पुढे कर्जत उरण मार्गावरती पाठवून येणाऱ्या गाड्यांना पनवेल पर्यंत येऊ द्यायला पाहिजे होते व मेगाब्लॉक रद्द करून प्लॅटफॉर्म क्रमांक एक दोन तीन चार वरून ठाणा गोरेगाव आणि सीएसटी वडाळा अशा लोकल सेवा चालू ठेवल्या पाहिजे होत्या परंतु मेगा ब्लॉक का रद्द केला गेला नाही ?तसेच या गाड्या पनवेल पर्यंत येऊ शकत होत्या पनवेलला त्या गाड्या रिकाम्या करून त्या गाड्या कर्जत उरण मार्गावरती नेऊन कुठेतरी सायडींगला उभ्या करून ठेवल्या पाहिजे होत्या तेवढी जर समय सुचकता रेल्वेच्या अधिकाऱ्यांनी दाखवली असती तर किमान गणपतीला गावाला गेलेले सगळे चाकरमानी सुखरुप पणे पनवेल पर्यंत येऊ शकले असते आणि मेगा ब्लॉक रद्द केला असता तर पनवेल पासून पुढे प्रवास करून लोक सुखरूप घरी गेली असती.तीस तीस तास रखडपट्टी झाली नसती 

 त्यात आणखीन एक शहाणपणा केला तो म्हणजे जनशताब्दी एक्सप्रेस लोढा मिरज मार्गे वळवली त्यामुळे पनवेलच्या पुढे मडगाव पर्यंत ती गाडी कुठेही स्टॉप वर थांबणार नव्हती ती गाडी लोढा मिरज मार्गे मडगाव करून मडगावला गेली मडगावला गेल्यानंतर तिथे नेत्रावती एक्सप्रेस तिथल्या लोकांना पाच मिनिटांसाठी चुकली मडगावच्या अधिकाऱ्यांनी पाच मिनिटं नव्हे तर अर्धा तास तरी नेत्रावती एक्सप्रेस थांबवुन ठेवली असती तर मडगाव पासून ते चिपळूण पर्यंतच्या प्रवाशांना नेत्रावती मध्ये जागा करून घेता आली असती कारण गाडीचा खोळंबा झाल्यामुळे नेत्रावतीचीअनेक तिकिटे रद्द झालेली होती आणि प्रवास फक्त पाच तासाचा होता रेल्वेच्या ह्या अधिकाऱ्यांच्या चुकीमुळे तिसपस्तिस तास मनस्ताप प्रवाशांनी का बरं सोसावा? याचे उत्तर रेल्वेच्या अधिकाऱ्यांनी देणे गरजेचे आहे आणि या प्रकरणाची गंभीरपणे चौकशी करणे गरजेचे आहे असे मला वाटते.

कोकण रेल्वेचे रेल्वे रूळ हार्बर लाइन मार्गावरती आज तीस वर्षे झाली अजून जोडलेले नाहीत ते जर जोडले असते तर गाडी ठाणा हार्बर मार्गे सुद्धा नेता आली असती याबाबतचे पत्र मी दोन ऑगस्ट २३ रोजी पा ठवलेले होते आता तरी गंभीर होऊन कोकण रेल्वे मार्ग हार्बर लाइन ला जोडला जावा जेणेकरून आपत्कालीन परिस्थितीमध्ये कोकण रेल्वे वाशी ठाणा मार्गे सीएसटी पर्यंत पोहोचू शकते आपला एक शेअर कोकण रेल्वेचे भविष्य बदलू शकते.

मे महिन्यात गणपती मध्ये वाशी बेलापूर येथून थेट केरळ कन्याकुमारी पर्यंत गाड्या सोडता येतील गणपती मध्ये बेलापूर वाशी येथून थेट गाड्या सावंतवाडी चिपळूण रत्नागिरी ला सोडता येतील

श्री. सुरेंद्र हरिश्चंद्र नेमळेकर.

मोबाईल क्रमांक -9404135619

Loading

कोकण, कोकण रेल्वे

कोकण रेल्वे मार्गावरील ‘या’ स्थानकांच्या तिकीट खिडक्यांचे यूटीएस-कम-पीआरएस खिडक्यांमध्ये रूपांतर करण्याची मागणी

Posted on by Kokanai Digital
04
Oct

Konkan Railway News: कोकण रेल्वेवरील वीर, सावर्डा, आरवली रोड, संगमेश्वर रोड, आडवली, विलवडे, राजापूर रोड, वैभववाडी रोड, नांदगाव रोड, सिंधुदुर्ग आणि पेडणे स्थानकांवरील मॅन्युअल कोटा आरक्षण प्रणाली (क्यूआरएस/QRS) बुकिंग काउंटर कोरोनानंतर बंद करण्यात आले. त्यामुळे प्रवाशांना संबंधित स्थानकांवरून आरक्षित तिकिटांचे व्यवहार करता येत नाहीत. काही ठिकाणी पोस्टात आरक्षण केंद्रे आहेत, परंतु ते आरक्षण सुरु होणेच्या वेळेत (सकाळी ८ वाजता) सुरू होत नसल्यामुळे व काही वेळा योग्य इंटरनेट कनेक्शन अभावी बंद असल्यामुळे प्रवाशांना तोही पर्याय उपलब्ध नाही. 

याचाच विचार करून जल फाउंडेशनने वरील स्थानकांतील अनारक्षित तिकीट प्रणाली (UTS) बुकिंग काउंटरचे यूटीएस-कम-पीआरएस (UTS-cum-PRS) काउंटरमध्ये रूपांतर करण्याची मागणी केली आहे. यासंदर्भातील पत्र आज मंगळवार दि. ३ ऑक्टोबर, २०२३ रोजी केंद्रीय रेल्वे राज्यमंत्री मा. श्री. रावसाहेब दानवे यांच्या कार्यालयात देण्यात आले. याबाबतची माहिती जल फाउंडेशन (कोकण विभाग) चे संस्थापक अध्यक्ष नितीन सखाराम जाधव यांनी दिली आहे.

Loading

Content Protected! Please Share it instead.  

Home
Kokan Blog
Downloads
Search