मुंबई गोवा महामार्गाबाबत सह्याद्री अतिथीगृहात कोकणातील लोकप्रतिनिधी आणि सार्वजनिक बांधकाम खात्याच्या अधिकाऱ्यांसोबत आज बांधकाममंत्री रविन्द्र चव्हाण यांनी आज एक बैठक आयोजित केली होती.

गणेशोत्सव साजरा करण्यासाठी कोकणात येणाऱ्या चाकरमान्यांचा रस्तेमार्ग प्रवास अधिक सुखकर होण्यासाठी कोकणातील रस्त्यांच्या दुरुस्तीची कामे २५ ऑगस्टपर्यंत पूर्ण करावीत. पूर्ण ताकदीने आणि युद्धपातळीवर काम करा, अशा सूचना बांधकाममंत्री रविन्द्र चव्हाण यांनी या बैठकीत दिल्या.

प्रत्येक जिल्ह्यात रस्ते दुरुस्तीचे काम करणाऱ्या एजन्सीज वाढवून येत्या आठवड्यात प्रामुख्याने खड्डे भरण्याचे काम पूर्ण करणार तसेच याबाबत कोकणातल्या लोकप्रतिनिधींना घेऊनच ते स्वतः सदर कामाच्या प्रगतीचा आढावा प्रत्यक्ष स्थळावर जाऊनच घेणार असे ते बोलले.

याच बरोबर संपूर्ण महामार्गावर वाहतूक पोलिसांच्या मदतीसाठी जास्तीत जास्त ट्रॅफिक वॉर्डन तैनात करून वाहतुक व्यवस्थापन सुरळीत ठेवण्याचे आदेशही या बैठकी दरम्यान वाहतूक विभागाला दिले आहेत असे त्यांनी पुढे सांगितले.

या बैठकीत शालेय शिक्षण व मराठी भाषा विभाग मंत्री दीपक केसरकर, खासदार सुनील तटकरे, खासदार विनायक राऊत, आमदार प्रवीण दरेकर, भरत गोगवले, नितेश राणे, वैभव नाईक,आदिती तटकरे, सार्वजनिक बांधकाम विभागाचे सचिव (रस्ते) एस. एस. साळुंखे, सचिव (बांधकाम) पी. डी. नवघरे, मुख्य अभियंता (राष्ट्रीय महामार्ग) संतोष शेलार, कोकण विभागाचे मुख्य अभियंता एस. एन. राजभोग, रायगडच्या वरिष्ठ अभियंता श्रीमती सुषमा गायकवाड, रत्नागिरीच्या वरिष्ठ अभियंता श्रीमती नाईक, रत्नागिरीचे कार्यकारी अभियंता (राष्ट्रीय महामार्ग) श्री. जाधव आदी उपस्थित होते.

कालच माध्यमांवर सर्वत्र मुंबई गोवा महामार्गाच्या काही भागाचा खड्ड्यांमुळे झालेल्या अवस्थेचा विडिओ व्हायरल झाला होता. पुढच्याच आठवडय़ात गणेशोत्सवासाठी ह्या मार्गावर खूप मोठ्या प्रमाणात रहदारी होणार आहे. ह्या सर्व पार्श्वभूमीवर ही बैठक घेण्यात आल्याचे समजते.

Related कोकणात गणेशोत्सवासाठी गावी जाणार्‍या चाकरमान्यांचे हाल… मुंबई – गोवा महामार्गावर अक्षरशः खड्ड्यांची रांगोळी….

रत्नागिरी : कालची बातमी मीडियाकडून चुकीच्या पद्धतीने दाखवली गेली आहे. जनतेला घटनास्थळी नेमके काय घडले होते हे सांगण्यासाठी मी हा विडिओ पोस्ट करत आहे असे  आज माजी खासदार निलेश राणे हे म्हणाले आहेत. त्यांनी आपल्या बोलण्याच्या पूर्ण विडिओ आज ट्विटर वर पोस्ट केला आहे.

आंदोलनकर्त्यांचा आरोप होता कि माझ्यासोबत असलेल्या कार्यकर्त्याने शिवी घातली, कदाचित अनावधानाने असा प्रकार घडला असेल त्यामुळे मी माफी मागितली. मी माघार घेतली कारण ती सर्व आपलीच माणसे होती आणि काही अनुचित प्रकार घडू नये आणि प्रकरण हाताबाहेर जाऊ नये आम्ही थोडे नमते घेतले, कारण काही विपरीत घडले असते तर माझ्या त्या आई बहिणींवर केसेस पडल्या असत्या आणि मला ते नको होते, म्हणून मी हात जोडलेत. एवढेच नाही तर मी त्यांना तुम्ही मला बोलवाल तिथे मी चर्चेसाठी यायला तयार आहे. त्यांचे ते आंदोलन यशश्वी झाले असून पूर्ण देशभर पोहोचले आहे त्यामुळे आता त्यांनी हे आंदोलन थांबवावे ह्यासाठी मी त्यांना विनंती केली होती. पण हि सर्व बातमी काहीश्या चुकीच्या पद्धतीने मीडिया वर दाखवली गेली होती त्यामुळे मला हा विडिओ पोस्ट करावा लागला आहे असे ते म्हणाले आहेत.

कुडाळ :मराठी माणसं व्यवसाय करत नाहीत, व्यवसायात करण्यात कमी पडतात. मागे पडतात आणि म्हणुन दुसर्‍या राज्यातील लोक ईथे येऊन उद्योगधंदे करतात हे कुठे तरी थांबले पाहीजे म्हणुन सगळेच बोलतात, लिहीतात आणि जोरदार टिका पण करतात पण ह्यात बदल घडवून आणायचा असेल तर फक्त बोलून लिहून नाही चालणार तर गरज आहे प्रत्यक्षात कृती करण्याची आणि आपल्या मातीतल्या उद्योजकांना साथ देण्याची.

आपल्या मालवणी, कोकणी, मराठी माणसांना व्यावसायिक बनवण्यासाठी, त्यांच्या व्यवसायाला प्रसिद्धी देण्यासाठी, प्रोत्साहित करण्यासाठी, मार्केट उपलब्ध करुन देण्यासाठी अभिनव उद्योग प्रबोधिनी सतत वेगवेगळे उपक्रम राबवत आहे.

गणेशोस्तवाच्या पार्श्वभूमीवर अभिनवच्या टीमने कुडाळ येथे सिंधुदुर्ग जिल्ह्यातील स्थानिक व्यावसायिकांचा भव्य शॉपिंग फेस्टिव्हल आयोजित केला आहे.

कुडाळ येथील सिद्धिविनायक हॉल परिसरात हा शॉपिंग फेस्टिव्हल 26-27-28-29 ऑगस्ट रोजी सकाळी 10 ते सायंकाळी 8 पर्यंत असणार आहे.

ह्या परीसरातील प्रत्येकाने या प्रदर्शनाला अवश्य भेट द्यावी आणि आपल्या स्थानिक लोकांकडून खरेदी करावी, त्यांना प्रोत्साहन द्यावे

सिंधुदुर्गनगरी, दि. 14 (जि.मा.का.) : देशाची फाळणी ही दु:खद करणारी गोष्‍ट आहे. या फाळणीमुळे स्‍थलांतरण प्राण गमावलेल्‍या आणि विस्‍थापनामुळे अनंत वेदना सहन केलेल्‍या भारतवासियांचे स्‍मरण करु या आणि त्‍यांना श्रध्‍दांजली वाहू या अशा शब्‍दात जिल्‍हाधिकारी के. मंजुलक्ष्‍मी यांनी श्रध्‍दांजली वाहिली.

14 ऑगस्‍ट 2022 या फाळणी दु:खद स्‍मृती दिनानिमित्‍त जिल्‍हा नियोजन समितीच्‍या सभागृहात प्रदर्शन भरविण्‍यात आले. यानिमित्‍त झालेल्‍या कार्यक्रमास मुख्‍य कार्यकारी अधिकारी प्रजित नायर, पोलीस अधीक्षक राजेंद्र दाभाडे, निवासी उपजिल्‍हाधिकारी दत्‍तात्रय भडकवाड, जिल्‍हा नियोजन अधिकारी दिलीप पवार, जिल्‍हा क्रीडा अधिकारी विद्या शिरस, प्रांताधिकारी वंदना खरमाळे, प्रशांत पानवेकर, उप मुख्‍य कार्यकारी अधिकारी राजेंद्र पराडकर आदी उपस्थित होते.

जिल्‍हाधिकारी के. मंजुलक्ष्‍मी, मुख्‍य कार्यकारी अधिकारी श्री. नायर, पोलीस अधीक्षक श्री. दाभाडे यांनी या चित्रप्रदर्शनाची सुरुवातीला पाहणी केली. यानंतर जिल्‍हाधिकारी के. मंजुलक्ष्‍मी म्‍हणाल्‍या, फाळणीवर आधारित अनेक चित्रपट आणि पुस्‍तकांची निर्मिती झालेली आहे. ही चित्रपट पाहिल्‍यानंतर आणि पुस्‍तक वाचल्‍यानंतर फाळणीमध्‍ये भारतवासियांना त्‍यावेळचा क्‍लेष कसा होता, त्‍यांनी काय भोगलय हे आपल्‍याला समजून येते. फाळणीचा इतिहास सर्वांनी विशेषत: विद्यार्थ्‍यांनी समजून घ्‍यावा. यानिमित्‍ताने वेदना भोगलेल्‍या प्राण गमावलेल्‍या भारतवासियांचे स्‍मरण करु आणि श्रध्‍दांजली वाहू. मुख्‍य कार्यकारी अधिकारी श्री. नायर आणि पोलीस अधीक्षक श्री. दाभाडे यांनीही या वेळी श्रध्‍दांजली वाहिली. प्रास्‍ताविकात निवासी उपजिल्‍हाधिकारी श्री. भडकवाड यांनी फाळणीबाबत माहिती दिली. फाळणीच्‍या दरम्‍यान मोठ्या प्रमाणात दंगली झाल्‍या. लाखो लोकांचे स्‍थलांतरण झाले अनेक लोक मृत्‍यू पडले कित्‍येक जखमी झाले कित्‍येकांचे कुपोषणामुळे बळी गेले. रेल्‍वे रुळावर अनेकांचे बळी गेले. अनेकांच्‍या संपत्‍तीच्‍या अतोनात नुकसान झाले. विस्‍थापनामुळे अनंत वेदना सहन केलेल्‍या भारतवासियांना त्‍यांनी श्रध्‍दांजली वाहिली. 

Source and Credit – diosindhudurg

रत्नागिरी ते मडगाव ह्या दरम्यान चालविण्यात येणाऱ्या 10101 रत्नागिरी-मडगाव आणि 10102 मडगाव-रत्नागिरी ह्या दोन गाड्या तात्पुरत्या काळापुरती रद्द केल्याचे कोकण रेल्वे प्रशासनाने जाहीर केले आहे.

ह्या आधी एका दिनांक 16/06/2022 रोजी काढण्यात आलेल्या परिपत्रकाद्वारे ह्या गाड्या दिनांक 15/08/2022 पर्यन्त रद्द असल्याचे जाहीर करण्यात आले होते. आता ती मुदत दिनांक 31/10/2022 पर्यंत वाढविण्यात आलेली आहे.