मुंबई, दि. ३० मार्च २०२६ – उन्हाळी हंगामात प्रवाशांची वाढती गर्दी लक्षात घेऊन मध्य रेल्वेने मुंबई सीएसएमटी –मडगाव–मुंबई सीएसएमटी दरम्यान विशेष साप्ताहिक गाडी चालवण्याचा निर्णय घेतला आहे.
गाडी क्रमांक ०१०१९ मुंबई सीएसएमटी–मडगाव स्पेशल ही गाडी दर रविवारी पहाटे ००:५५ वाजता मुंबई सीएसएमटीहून सुटेल. ही सेवा ०५ एप्रिल २०२६ ते ०७ जून २०२६ या कालावधीत चालणार असून, गाडी त्याच दिवशी दुपारी १५:१५ वाजता मडगाव येथे पोहोचेल.
तसेच, गाडी क्रमांक ०१०२० मडगाव–मुंबई सीएसएमटी स्पेशल ही गाडी दर रविवारी सायंकाळी १६:०० वाजता मडगावहून सुटेल आणि पुढील दिवशी पहाटे ०३:५० वाजता मुंबई सीएसएमटी येथे पोहोचेल. ही सेवा देखील ०५ एप्रिल २०२६ ते ०७ जून २०२६ या कालावधीत चालवण्यात येणार आहे.
या गाडीला दादर, ठाणे, पनवेल, पेण, रोहा, माणगाव, वीर, खेड, चिपळूण, सावर्डा, अरवली रोड, संगमेश्वर रोड, रत्नागिरी, आडवली, विलवडे, राजापूर रोड, वैभववाडी रोड, कणकवली, सिंधुदुर्ग, कुडाळ, सावंतवाडी रोड, थिवीम आणि करमळी या स्थानकांवर थांबा देण्यात येणार आहे.
या गाडीची एकूण रचना २२ डब्यांची असून त्यात २ एसी (१), ३ एसी (६), स्लीपर (९), जनरल (४) आणि एसएलआर (२) डब्यांचा समावेश आहे.
दरम्यान, गाडी क्रमांक ०१०२० साठी आरक्षण ०१ एप्रिल २०२६ पासून सर्व प्रवासी आरक्षण प्रणाली (PRS), इंटरनेट आणि IRCTC संकेतस्थळावर उपलब्ध होणार आहे.
