कोकण, कोकण रेल्वे

संगमेश्वर रेल्वे स्टेशनवर पोरबंदर व जामनगर एक्सप्रेसचे जंगी स्वागत

Posted on by Kokanai Digital
29
Dec

ढोल ताशांच्या गजरात, फुलांची उधळण करुन एक्स्प्रेस गाड्यांचे स्वागत करण्यात आले.

   Follow us on        

संगमेश्वर तालुक्यातील रेल्वे प्रवासाच्या दृष्टीने ऐतिहासिक ठरणाऱ्या या क्षणाचे साक्षीदार होण्याचा मान संगमेश्वर वासीयांना लाभला. दीर्घ काळच्या संघर्षानंतर पोरबंदर एक्सप्रेस व जामनगर एक्सप्रेस या दोन महत्त्वाच्या एक्सप्रेस गाड्यांना संगमेश्वर रोड रेल्वे स्टेशनवर अधिकृत थांबा मिळाल्यानंतर, या गाड्यांचे भव्य व जंगी स्वागत मोठ्या उत्साहात करण्यात आले.

पहिल्या दिवशी पोरबंदर एक्सप्रेस संगमेश्वर स्टेशनवर दाखल होताच फटाक्यांची आतषबाजी, ढोल-ताशांचा गजर, फुलांची उधळण आणि जल्लोषात स्वागत करण्यात आले. दुसऱ्या दिवशी जामनगर एक्सप्रेसचेही तितक्याच उत्साहात स्वागत करत संगमेश्वरवासीयांनी आपला आनंद व्यक्त केला.

या ऐतिहासिक यशामागे गेल्या अडीच वर्षांपासून सुरू असलेला सातत्यपूर्ण पाठपुरावा, आंदोलन, उपोषण आणि लोकशक्तीचा मोठा वाटा आहे. संगमेश्वर रेल्वे स्टेशनसाठी लढा देणाऱ्या सर्व कार्यकर्ते, नागरिक, तसेच पत्रकार संदेश सुरेश जिमन यांच्या प्रयत्नांचे यावेळी विशेष कौतुक करण्यात आले.

या दोन्ही एक्सप्रेस गाड्यांच्या थांब्यामुळे आता संगमेश्वर व परिसरातील नागरिकांना थेट गुजरातकडे प्रवास करणे सुलभ झाले असून, व्यापारी, विद्यार्थी, नोकरदार व भाविक यांना याचा मोठा फायदा होणार आहे. जलद प्रवास शक्य होणार असल्याने आता रेल्वे प्रवाशांची गैरसोय टळणार आहे.

 

संगमेश्वर रेल्वे स्टेशनवर सलग दोन दिवस उत्सवाचे वातावरण असून, हा थांबा म्हणजे संघर्षातून मिळालेला विजय आहे. यासाठी निसर्गरम्य चिपळूण संगमेश्वर फेसबुक (रेल्वे) ग्रुपचे सदस्य समीर सप्रे, दिपक पवार, जगदिश कदम, गणपत दाभोळकर, रुपेश कदम, अशोक मुंडेकर, जी. झेड. टोपरे, मंगेश बाईत, या सहकाऱ्यांनी प्रचंड मेहनत घेतली. यातून हे यश साध्य झाले. हा विजय आंदोलन , संघर्ष काळात पाठबळ बनलेल्या तालुक्यातील जनतेचा आहे.अशी भावना ग्रुपच्या सदस्यांनी व्यक्त केली.

Facebook Comments Box
इंग्रजी बातम्या, कोकण

​”Enough is Enough”: 17-Year Wait for Mumbai-Goa Highway Sparks Massive ‘Rasta Roko’

Posted on by Kokanai Digital
29
Dec
   Follow us on        

SANGAMESHWAR: Frustrated by the nearly two-decade-long delay in the completion of the Mumbai-Goa National Highway (NH-66), the Mumbai-Goa Mahamarg Janakrosh Samiti has called for a massive “Rasta Roko” (road block) protest.

​The “Rasta Roko” is scheduled to take place on Sunday, January 11, 2026, starting at 10:00 AM near the Sangameshwar Depot. Under the slogan “Chala Sangameshwar!” (Let’s go to Sangameshwar), organizers are urging residents of the Konkan region to join in large numbers to demand accountability for the 17-year-old pending project.

​Key Demands of the Protest

​The Janakrosh Samiti has outlined a 9-point charter of demands directed at the government and highway authorities:

​Independent Oversight: Formation of an independent committee for the highway project, including four representatives from the Janakrosh Samiti.

​Accountability: Strict action against officials and contractors responsible for delays and substandard work.

​Strict Deadlines: Announcement of a final completion date with mandatory regular progress reports.

​Safety Measures: Immediate installation of signboards, lights, reflectors, and speed breakers in accident-prone “black spots.”

​Bridge Completion: Rapid completion of the Sangameshwar bridge and other unfinished flyovers.

​Transparency: Publication of a transparent public report regarding the project’s status.

​Victim Support: Immediate aid for accident victims and fair compensation for the families of those deceased.

​Medical Facilities: Establishment of 24/7 modern trauma care centers along the highway.

​Environmental Restoration: Large-scale reforestation and conservation to replace trees lost during construction.

​The organizers, including Rupesh Darge, Surendra Pawar, Prashil Lad, Sanjay Jangam, and Jitendra Gije, have stated that the protest is a culmination of years of public anger over the dangerous road conditions and the economic toll the delay has taken on the region.

Facebook Comments Box
कोकण

Mumbai Goa Highway: १७ वर्षे रखडलेल्या महामार्गासाठी ‘जनआक्रोश’; ११ जानेवारीला संगमेश्वरमध्ये रस्ता रोको आंदोलन

Posted on by Kokanai Digital
29
Dec
   Follow us on        

संगमेश्वर:गेल्या १७ वर्षांपासून रखडलेल्या मुंबई-गोवा महामार्गाच्या कामामुळे कोकणवासीयांमध्ये तीव्र संताप उसळला आहे. या प्रलंबित कामाकडे सरकारचे लक्ष वेधण्यासाठी ‘मुंबई गोवा महामार्ग जनआक्रोश समिती’ आणि समस्त कोकणवासीयांच्या वतीने रविवार, ११ जानेवारी २०२६ रोजी संगमेश्वर येथे भव्य ‘रस्ता रोको’ आंदोलनाचे आयोजन करण्यात आले आहे.

गेल्या १७ वर्षांपासून प्रलंबित असलेल्या मुंबई-गोवा महामार्गाच्या कामामुळे कोकणवासीयांमध्ये प्रचंड संताप निर्माण झाला असून, याच्या निषेधार्थ रविवार, ११ जानेवारी २०२६ रोजी संगमेश्वर येथे भव्य रस्ता रोको आंदोलन पुकारण्यात आले आहे. मुंबई गोवा महामार्ग जनआक्रोश समिती आणि समस्त कोकणवासीयांच्या वतीने आयोजित हे आंदोलन सकाळी १०:०० वाजता संगमेश्वर डेपो जवळ पार पडणार आहे.

​प्रमुख मागण्या:

​जनआक्रोश समितीने या आंदोलनाद्वारे प्रशासनासमोर अनेक महत्त्वाच्या मागण्या ठेवल्या आहेत:

१. महामार्गासाठी स्वतंत्र तटस्थ समिती स्थापन करून त्यात समितीचे ४ प्रतिनिधी घ्यावेत.

२. कामातील विलंब आणि हलगर्जीपणासाठी जबाबदार अधिकारी व ठेकेदारांवर कठोर कारवाई करावी.

३. महामार्गाच्या उर्वरित कामाची अंतिम मुदत जाहीर करून नियमित प्रगती अहवाल सादर करावा.

४. धोकादायक वळणांवर तात्काळ साईनबोर्ड, लाईट्स आणि रिफ्लेक्टर बसवावेत.

५. संगमेश्वर ब्रिजसह सर्व अपूर्ण पुलांची कामे वेळापत्रकानुसार पूर्ण करावीत.

६. महामार्गावर २४x७ आधुनिक ट्रामा केअर सेंटरची उभारणी करावी.

७. अपघातातील मृतांच्या नातेवाईकांना योग्य भरपाई आणि जखमींना तात्काळ मदत मिळावी.

८. प्रकल्पासाठी तोडलेल्या वृक्षांच्या बदल्यात मोठ्या प्रमाणात वृक्षारोपण करण्यात यावे.

​कोकणवासीयांना एकत्र येण्याचे आवाहन:

​”चला संगमेश्वर!” अशी हाक देत समितीने सर्व कोकणवासीयांना या आंदोलनात मोठ्या संख्येने सहभागी होण्याचे आवाहन केले आहे. महामार्गाच्या दुर्दशेमुळे दररोज होणारे अपघात आणि प्रवासाचा खोळंबा आता सहनशक्तीच्या पलीकडे गेल्याची भावना समितीच्या पदाधिकाऱ्यांनी व्यक्त केली आहे.

Facebook Comments Box
महाराष्ट्र

Central Railway: आता प्रवास होणार अधिक सुरक्षित आणि सुखकर; मध्य रेल्वेच्या ‘या’ ८ गाड्या आधुनिक LHB कोचसहित धावणार

Posted on by Kokanai Digital
29
Dec
   Follow us on        

मुंबई:रेल्वे प्रवाशांचा प्रवास अधिक सुरक्षित, वेगवान आणि आरामदायी करण्यासाठी मध्य रेल्वेने एक मोठा निर्णय घेतला आहे. मध्य रेल्वेने आपल्या ८ महत्त्वाच्या गाड्यांमधील जुन्या पारंपारिक (Conventional) डब्यांच्या जागी आधुनिक LHB (Linke-Hofmann-Busch) कोच लावण्याचा निर्णय घेतला आहे. जानेवारी २०२६ पासून हे बदल टप्प्याटप्प्याने लागू होतील.

​LHB कोचमुळे काय बदलणार?

​LHB कोच हे जर्मन तंत्रज्ञानावर आधारित असून ते स्टेनलेस स्टीलपासून बनवलेले असतात. यांचे मुख्य फायदे खालीलप्रमाणे आहेत:

​सुरक्षा: या कोचमध्ये ‘अँटी-क्लायंबिंग’ फिचर असते, ज्यामुळे अपघात झाल्यास डबे एकमेकांवर चढत नाहीत.

​वेग: हे डबे १६० ते २०० किमी प्रतितास वेगाने धावण्यास सक्षम आहेत.

​आराम: डब्यांची लांबी जास्त असल्याने प्रवाशांना अधिक जागा मिळते. तसेच यात उत्तम सस्पेंशन, LED लायटिंग, ५-पिन चार्जिंग सॉकेट्स आणि कार्यक्षम डिस्क ब्रेक्स असतात.

​आणीबाणीची सोय: यात ४ आपत्कालीन खिडक्या आणि ६ तास बॅकअप देणारे आपत्कालीन लाईट युनिट (ELU) असते.

​या गाड्यांमध्ये होणार बदल (वेळापत्रकासह):

​१. मुंबई – चेन्नई एक्सप्रेस:

​गाडी क्र. २२१५७ (CSMT-Chennai): १४ जानेवारी २०२६ पासून.

​गाडी क्र. २२१५८ (Chennai-CSMT): १७ जानेवारी २०२६ पासून.

​(एकूण १६ डबे: २ एसी-टायर, ३ एसी-३ टायर, ५ स्लीपर, ४ जनरल, १ गार्ड ब्रेक वॅन, १ जनरेटर वॅन)

​२. पुणे येथून सुटणाऱ्या ४ गाड्या:

​पुणे-वेरावळ एक्सप्रेस (११०८८/८७): पुणे येथून १५ जानेवारी, तर वेरावळ येथून १७ जानेवारी २०२६ पासून.

​पुणे-भगत की कोठी एक्सप्रेस (११०९०/८९): पुणे येथून १८ जानेवारी, तर भगत की कोठी येथून २० जानेवारी २०२६ पासून.

​पुणे-भुज एक्सप्रेस (११०९२/९१): पुणे येथून १९ जानेवारी, तर भुज येथून २१ जानेवारी २०२६ पासून.

​पुणे-अहमदाबाद एक्सप्रेस (२२१८६/८५): पुणे येथून २१ जानेवारी, तर अहमदाबाद येथून २२ जानेवारी २०२६ पासून.

​(एकूण २० डबे: २ एसी-टायर, ४ एसी-३ टायर, ८ स्लीपर, ४ जनरल, १ गार्ड ब्रेक वॅन, १ जनरेटर वॅन)

​३. कोल्हापूर (श्री छत्रपती शाहू महाराज टर्मिनस) येथून सुटणाऱ्या ३ गाड्या:

​कोल्हापूर-नागपूर एक्सप्रेस (११४०४/०३): कोल्हापूर येथून १९ जानेवारी, तर नागपूर येथून २० जानेवारी २०२६ पासून.

​कोल्हापूर-हजरत निजामुद्दीन एक्सप्रेस (१२१४७/४८): कोल्हापूर येथून २० जानेवारी, तर निजामुद्दीन येथून २२ जानेवारी २०२६ पासून.

​कोल्हापूर-अहमदाबाद एक्सप्रेस (११०५०/४९): कोल्हापूर येथून २४ जानेवारी, तर अहमदाबाद येथून २५ जानेवारी २०२६ पासून.

​(एकूण १८ डबे: २ एसी-टायर, ४ एसी-३ टायर, ६ स्लीपर, ४ जनरल, १ गार्ड ब्रेक वॅन, १ जनरेटर वॅन)

​मध्य रेल्वेने घेतलेल्या या निर्णयामुळे लांब पल्ल्याच्या प्रवाशांना मोठा दिलासा मिळणार आहे. प्रवाशांनी अधिक माहितीसाठी रेल्वेच्या अधिकृत संकेतस्थळाला (www.enquiry.indianrail.gov.in) भेट द्यावी किंवा NTES ॲपचा वापर करावा, असे आवाहन करण्यात आले आहे.

Facebook Comments Box
देश

Railway Updates: भारतीय रेल्वेचा मोठा निर्णय; ‘या’ ४८ शहरांमधील रेल्वे क्षमता दुप्पट होणार

Posted on by Kokanai Digital
29
Dec
   Follow us on        

नवी दिल्ली: वाढती प्रवासी संख्या आणि रेल्वे प्रवासाची वाढती मागणी लक्षात घेता, भारतीय रेल्वेने आगामी ५ वर्षांत देशातील प्रमुख शहरांमधील रेल्वेगाड्या हाताळण्याची क्षमता दुप्पट करण्याचा महत्त्वाकांक्षी आराखडा तयार केला आहे. रेल्वेमंत्री अश्विनी वैष्णव यांनी या संदर्भात माहिती दिली असून, सन २०३० पर्यंत ही क्षमता वाढवण्याचे उद्दिष्ट ठेवण्यात आले आहे.

​या योजनेचा मुख्य भर गर्दी कमी करणे, नवीन गाड्या सुरू करणे आणि देशभरातील कनेक्टिव्हिटी सुधारणे यावर असेल.

​पुणे आणि मुंबईसह ४८ शहरांची निवड

​रेल्वे मंत्रालयाने या प्रकल्पासाठी देशातील ४८ प्रमुख शहरांची यादी प्रसिद्ध केली आहे. यामध्ये मुंबई, पुणे, नागपूर, दिल्ली, कोलकाता, चेन्नई आणि हैदराबाद यांसारख्या महानगरांचा समावेश आहे. विशेष म्हणजे, केवळ मुख्य टर्मिनल्सवर भार न टाकता आजूबाजूच्या उपनगरीय स्थानकांचाही विकास केला जाणार आहे.

​पुणे शहराचे उदाहरण: पुणे स्टेशनवरील ताण कमी करण्यासाठी हडपसर, खडकी आणि आळंदी या स्थानकांचा विकास करून तिथे प्लॅटफॉर्म आणि स्टॅब्लिंग लाईन्सची संख्या वाढवली जाईल.

​क्षमतेत वाढ करण्यासाठी ‘हे’ असतील ४ मुख्य टप्पे:

​१. टर्मिनल विस्तार: विद्यमान टर्मिनल्सवर अतिरिक्त प्लॅटफॉर्म, स्टॅब्लिंग लाईन्स आणि पिट लाईन्सची निर्मिती करणे.

२. नवीन टर्मिनल्स: शहरी भागाच्या परिसरात नवीन रेल्वे टर्मिनल्स शोधणे आणि विकसित करणे.

३. देखभाल सुविधा: गाड्यांच्या देखभालीसाठी ‘मेगा कोचिंग कॉम्प्लेक्स’ उभारणे.

४. तांत्रिक सुधारणा: सिग्नल यंत्रणेचे आधुनिकीकरण, मल्टी-ट्रॅकिंग आणि रेल्वे यार्डांमधील अडथळे दूर करणे.

​तात्काळ आणि दीर्घकालीन नियोजन

​हा प्रकल्प जरी २०३० पर्यंत पूर्ण करण्याचे लक्ष्य असले, तरी प्रवाशांना याचा लाभ लवकरात लवकर मिळावा यासाठी कामांची विभागणी ‘तात्काळ’, ‘अल्पकालीन’ आणि ‘दीर्घकालीन’ अशा तीन श्रेणींमध्ये करण्यात आली आहे. उपनगरीय (Suburban) आणि लांब पल्ल्याच्या (Non-suburban) अशा दोन्ही प्रकारच्या वाहतुकीसाठी स्वतंत्र नियोजन केले जाणार आहे.

​”आम्ही प्रवासी मागणी पूर्ण करण्यासाठी आणि स्थानकांवरील गर्दी कमी करण्यासाठी कोचिंग टर्मिनल्सचा विस्तार करत आहोत. या निर्णयामुळे रेल्वे नेटवर्क अधिक सक्षम होईल आणि कनेक्टिव्हिटी सुधारेल.”

— अश्विनी वैष्णव, केंद्रीय रेल्वेमंत्री

​यादीतील काही प्रमुख शहरे:

​दिल्ली, मुंबई, कोलकाता, चेन्नई, बेंगळुरू, अहमदाबाद, पुणे, नागपूर, वाराणसी, कानपूर, जयपूर, लखनौ, पटना आणि गुवाहाटी यांसह एकूण ४८ शहरांचा या विशेष योजनेत समावेश आहे.

​या निर्णयामुळे येत्या काळात रेल्वे प्रवाशांना अधिक गाड्या, कमी प्रतीक्षा यादी आणि स्थानकांवर चांगल्या सुविधा मिळण्याचा मार्ग मोकळा झाला आहे.

शहरांची यादी 

​१. दिल्ली (Delhi)

२. मुंबई (Mumbai – CR, WR)

३. कोलकाता (Kolkata – ER, SER, Metro)

४. चेन्नई (Chennai)

५. हैदराबाद (Hyderabad)

६. बेंगळुरू (Bangalore)

७. अमदावाद (Amdavad)

८. पटणा (Patna)

९. लखनौ (Lucknow – NR, NER)

१०. पुणे (Pune)

११. नागपूर (Nagpur – CR, SECR)

१२. वाराणसी (Varanasi – NR, NER)

१३. कानपूर (Kanpur)

१४. गोरखपूर (Gorakhpur)

१५. मथुरा (Mathura)

१६. अयोध्या (Ayodhya)

१७. आग्रा (Agra)

१८. पं. दीनदयाळ उपाध्याय जंक्शन (Pt Deen Dayal Upadhyay Jn)

१९. चंदीगड (Chandigarh)

२०. लुधियाना (Ludhiana)

२१. अमृतसर (Amritsar)

२२. इंदूर (Indore)

२३. भोपाळ (Bhopal)

२४. उज्जैन (Ujjain)

२५. जम्मू (Jammu)

२६. जोधपूर (Jodhpur)

२७. जयपूर (Jaipur)

२८. वडोदरा (Vadodara)

२९. सुरत (Surat)

३०. मडगाव (Madgaon)

३१. कोचीन (Cochin)

३२. पुरी (Puri)

३३. भुवनेश्वर (Bhubaneshwar)

३४. विशाखापट्टणम (Vishakhapatnam)

३५. विजयवाडा (Vijaywada)

३६. तिरुपती (Tirupati)

३७. हरिद्वार (Haridwar)

३८. गुवाहाटी (Guwahati)

३९. भागलपूर (Bhagalpur)

४०. मुझफ्फरपूर (Muzaffarpur)

४१. दरभंगा (Darbhanga)

४२. गया (Gaya)

४३. मैसूर (Mysore)

४४. कोइम्बतूर (Coimbatore)

४५. टाटानगर (Tatanagar)

४६. रांची (Ranchi)

४७. रायपूर (Raipur)

४८. बरेली (Bareilly)

Facebook Comments Box
अपघात, कोकण

हिवाळी पर्यटन जीवावर बेतले; गुहागरच्या समुद्रात बुडून एकाचा दुर्दैवी मृत्यू; आई आणि मुलाला वाचविण्यात यश

Posted on by Kokanai Digital
28
Dec

   Follow us on        

गुहागर: नाताळ आणि सरत्या वर्षाला निरोप देण्यासाठी कोकणात पर्यटनासाठी आलेल्या एका मुंबईकर कुटुंबावर काळाने घाला घातला आहे. गुहागरच्या समुद्रकिनाऱ्यावर पोहण्यासाठी उतरलेल्या एकाच कुटुंबातील तिघेजण समुद्रात बुडू लागले. स्थानिक जीवरक्षक आणि नागरिकांच्या प्रसंगावधानामुळे माय-लेकाचे प्राण वाचले असले, तरी कुटुंबप्रमुखाचा मात्र बुडून दुर्दैवी मृत्यू झाला.

नेमकी घटना काय?

मुंबईतील पवई परिसरात राहणारे अमोल मुथ्या (४२) हे आपल्या कुटुंबासह नाताळच्या सुट्ट्यांचा आनंद घेण्यासाठी गुहागर येथे आले होते. शनिवारी (२७ डिसेंबर) दुपारी १२:३० च्या सुमारास अमोल, त्यांची पत्नी आणि १४ वर्षांचा मुलगा समुद्रकिनाऱ्यावर फेरफटका मारत असताना पोहण्याचा मोह न आवरल्याने ते पाण्यात उतरले. मात्र, समुद्रातील पाण्याचा आणि लाटांच्या वेगाचा अंदाज न आल्याने हे तिघेही किनाऱ्यापासून दूर ओढले गेले आणि बुडू लागले.

जीवरक्षकांचे शर्थीचे प्रयत्न

तिघेजण समुद्रात बुडत असल्याचे लक्षात येताच समुद्रकिनाऱ्यावर तैनात असलेले गुहागर नगरपंचायतीचे जीवरक्षक आणि स्थानिक नागरिकांनी तात्काळ समुद्रात उड्या घेतल्या.. जीवरक्षकांनी अत्यंत वेगाने हालचाली करत अमोल यांची पत्नी आणि मुलाला सुखरूप बाहेर काढले. अमोल मुथ्या यांनाही बाहेर काढून त्यांना वाचवण्यासाठी ‘सीपीआर’ (CPR) सारखे प्रथमोपचार देण्यात आले. मात्र, उपचारांपूर्वीच त्यांचा मृत्यू झाला होता. घटनेची माहिती मिळताच स्थानिक पोलिसांनी घटनास्थळी धाव घेऊन पंचनामा केला.

पर्यटकांना खबरदारीचे आवाहन

सध्या वर्षाखेरच्या सुट्ट्यांमुळे कोकणच्या समुद्रकिनाऱ्यांवर पर्यटकांची मोठी गर्दी होत आहे. समुद्राचा अंदाज न येणे किंवा खोल पाण्यात जाणे जीवावर बेतू शकते. त्यामुळे पर्यटकांनी समुद्रकिनाऱ्यावरील सूचनांचे पालन करावे आणि समुद्राची भरती-ओहोटी पाहूनच पाण्यात उतरावे, असे आवाहन स्थानिक प्रशासनाकडून करण्यात आले आहे.

Facebook Comments Box
मुंबई

मुंबई लोकल ‘फास्टट्रॅक’ वर; पुढील ५ वर्षांत ७४९ नव्या फेऱ्यांचे नियोजन

Posted on by Kokanai Digital
28
Dec
   Follow us on        

मुंबई: मुंबई उपनगरीय रेल्वे आणि लांब पल्ल्याच्या गाड्यांमधून प्रवास करणाऱ्या लाखो प्रवाशांसाठी दिलासादायक बातमी आहे. मध्य आणि पश्चिम रेल्वेवर पुढील पाच वर्षांत एकूण ७४९ नव्या लोकल फेऱ्या सुरू करण्याचे नियोजन करण्यात आले आहे. राष्ट्रीय योजनेच्या अंमलबजावणी अंतर्गत, २०३० पर्यंत रेल्वेची प्रवासी वहन क्षमता दुप्पट करण्याचे केंद्र सरकारचे उद्दिष्ट आहे.

​नव्या फेऱ्यांचे असे आहे गणित:

​प्रवाशांची वाढती गर्दी लक्षात घेता, दोन्ही मार्गांवर अतिरिक्त फेऱ्यांचे नियोजन करण्यात आले आहे:

मध्य रेल्वे: सध्या १८१० फेऱ्या असून, ५८४ अतिरिक्त फेऱ्यांचे नियोजन आहे.

पश्चिम रेल्वे: सध्या १४०६ फेऱ्या असून, १६५ अतिरिक्त फेऱ्यांचे नियोजन आहे.

​याशिवाय, मुंबईतून सुटणाऱ्या मेल-एक्स्प्रेस गाड्यांच्या संख्येतही वाढ होणार आहे. मध्य रेल्वेवर सध्या ८२ मेल-एक्स्प्रेस असून त्यात ६८ वाढीव गाड्या, तर पश्चिम रेल्वेवर सध्या ४४ गाड्या असून ६५ वाढीव गाड्यांचे नियोजन आहे.

​पायाभूत सुविधांवर भर

​हे नियोजन प्रत्यक्षात आणण्यासाठी मोठ्या प्रमाणावर पायाभूत कामे हाती घेण्यात आली आहेत.

​मेगा टर्मिनस: पनवेल-कळंबोली, लोकमान्य टिळक टर्मिनस, कल्याण आणि परळ येथे नवीन मेगा टर्मिनस उभारले जात आहेत.

​प्लॅटफॉर्म विस्तार: विद्यमान स्थानकांवर प्लॅटफॉर्मची लांबी वाढवणे आणि नवीन रेल्वे मार्गिका (Lines) उभारण्याचे काम वेगात सुरू आहे.

​नव्या मार्गिका: एकूण २२ नवीन प्लॅटफॉर्म आणि ३६ नवीन मार्गिकांमुळे गाड्यांचे संचलन अधिक सुलभ होईल.

Facebook Comments Box
महाराष्ट्र

Konkan Railway: कोकण रेल्वे मार्गावर धावणार खातीपुरा – मडगाव स्पेशल एक्सप्रेस

Posted on by Kokanai Digital
27
Dec
   Follow us on        

Konkan Railway Updates: नवीन वर्षाच्या स्वागतासाठी आणि पर्यटकांची होणारी वाढती गर्दी लक्षात घेता उत्तर-पश्चिम रेल्वेने प्रवाशांना मोठा दिलासा दिला आहे. खातीपुरा (जयपूर) ते मडगाव जंक्शन (गोवा) दरम्यान विशेष शुल्कासह ‘वन-वे’ स्पेशल ट्रेन चालवण्याचा निर्णय रेल्वे प्रशासनाने घेतला आहे. कोकण रेल्वेमार्गे धावणाऱ्या या गाडीमुळे राजस्थान आणि महाराष्ट्रातील प्रवाशांना गोव्याला जाणे अधिक सोयीचे होणार आहे.

​गाडीचे वेळापत्रक खालीलप्रमाणे:

​गाडी क्र. 09701 खातीपुरा – मडगाव स्पेशल: ही गाडी २८ डिसेंबर २०२५ (रविवार) रोजी खातीपुरा येथून संध्याकाळी १६:५० वाजता सुटेल आणि तिसऱ्या दिवशी पहाटे ०४:४० वाजता मडगाव जंक्शन येथे पोहोचेल.

​गाडी क्र. 09702 मडगाव – खातीपुरा स्पेशल: ही गाडी ३० डिसेंबर २०२५ (मंगळवार) रोजी मडगाव जंक्शन येथून पहाटे ०५:४० वाजता सुटेल आणि दुसऱ्या दिवशी संध्याकाळी १६:१५ वाजता खातीपुरा येथे पोहोचेल.

​थांबे:

​ही ट्रेन प्रवासादरम्यान जयपूर जंक्शन, किशनगड, अजमेर जंक्शन, बिजायनगर, भिल्वाडा, चित्तोडगड, रतलाम जंक्शन, वडोदरा जंक्शन, सुरत, वसई रोड जंक्शन, पनवेल जंक्शन, रोहा, माणगाव, खेड, चिपळूण, संगमेश्वर रोड, रत्नागिरी, राजापूर रोड, वैभववाडी रोड, कणकवली, कुडाळ, सावंतवाडी रोड, थिवी आणि करमळी या  स्थानकांवर थांबेल.

​गाडीची संरचना (Composition):

​या विशेष ट्रेनला एकूण २० एलएचबी (LHB) कोच असतील. यामध्ये:

​AC २ टायर: २ कोच

​AC ३ टायर: ८ कोच

​AC ३ टायर इकॉनॉमी: २ कोच

​स्लीपर क्लास: ४ कोच

​द्वितीय श्रेणी आसन: २ कोच

​जनरेटर कार: २ कोच

या गाडीच्या अधिकृत वेळेसाठी आणि आरक्षणासाठी प्रवाशांनी www.enquiry.indianrail.gov.in या संकेतस्थळाला भेट द्यावी किंवा ‘KR Mirror’ अ‍ॅपचा वापर करावा, असे आवाहन रेल्वे प्रशासनाकडून करण्यात आले आहे.

Facebook Comments Box
कोकण, कोकण रेल्वे

Konkan Railway: महाराष्ट्राची ‘तुतारी’ गोवा राज्यात पळविण्याचा डाव

Posted on by Kokanai Digital
26
Dec
   Follow us on        

सावंतवाडी | प्रतिनिधी: गेल्या दहा वर्षांपासून आपल्या हक्काच्या रेल्वे टर्मिनससाठी संघर्ष करणाऱ्या कोकणी जनतेच्या जखमेवर मीठ चोळण्याचा प्रकार कोकण रेल्वे प्रशासनाकडून सुरू आहे. सावंतवाडी टर्मिनसचे काम पूर्ण करण्याऐवजी, आता चक्क महाराष्ट्राची हक्काची ‘तुतारी एक्सप्रेस’ गोवा राज्यात पळवण्याच्या हालचाली सुरू झाल्या आहेत. प्रशासनाचा हा आडमुठेपणा म्हणजे कोकणच्या विकासाला खीळ घालण्याचे एक मोठे षडयंत्र असल्याची संतप्त भावना सध्या तळकोकणात उमटत आहे.

​प्रशासनाची ‘टर्मिनस’ टाळण्यासाठी नवी खेळी?

​सावंतवाडी टर्मिनसचा प्रश्न मार्गी लागावा यासाठी स्थानिक जनता आणि प्रवासी संघटना गेली अनेक वर्षे लढा देत आहेत. मात्र, रेल्वे प्रशासन प्रत्येक वेळी नवीन तांत्रिक कारणे पुढे करून हे काम रेंगाळत ठेवत आहे. आता तर “टर्मिनस अपूर्ण आहे” असे लंगडे समर्थन देत तुतारी एक्सप्रेस गोव्यापर्यंत नेण्याचा घाट घातला जात आहे. मुळात टर्मिनसचे काम पूर्ण होऊच नये आणि ही गाडी कायमस्वरूपी राज्याबाहेर घालवावी, हीच प्रशासनाची छुपी खेळी असल्याचे स्पष्ट दिसत आहे.

​हा केवळ गाडीचा नाही, कोकणच्या अस्मितेचा प्रश्न!

​तुतारी एक्सप्रेस ही केवळ एक गाडी नसून ती कोकणी माणसाची जीवनवाहिनी आणि हक्काची एक्सप्रेस आहे. ही गाडी पुढे नेणे म्हणजे सावंतवाडी टर्मिनसच्या अस्तित्वावरच प्रश्नचिन्ह निर्माण करणे होय. प्रशासनाचा हा दृष्टिकोन कोकणच्या विकासाला दुय्यम स्थान देणारा असून, स्थानिक जनतेच्या सहनशीलतेचा अंत पाहणारा आहे.

Facebook Comments Box
कोकण

सरकारी दाखला पाहिजे असेल तर आधी एक झाड लावा; सावंतवाडीतील ग्रामपंचायतीचा ‘सही’ निर्णय

Posted on by Kokanai Digital
26
Dec
   Follow us on        

सावंतवाडी: पर्यावरण रक्षणासाठी केवळ भाषणे न देता प्रत्यक्षात कृती कशी करावी, याचा आदर्श सिंधुदुर्ग जिल्ह्यातील सावंतवाडी तालुक्यातील ​मळेवाड-कोंडूरे ग्रामपंचायतीने घालून दिला आहे. गावात विवाह नोंदणी असो किंवा मृत्यूचा दाखला, यांसारखी महत्त्वाची सरकारी कागदपत्रे मिळवण्यासाठी आता एक वृक्षारोपण करणे बंधनकारक करण्यात आले आहे.

​काय आहे हा उपक्रम?
गावचे सरपंच श्रीमती मिलन पार्सेकर यांच्या मार्गदर्शनाखाली एक नावीन्यपूर्ण निर्णय घेण्यात आला आहे. ​ या निर्णयानुसार, गावातील नवीन विवाहित जोडप्याला आपला विवाह नोंदणीचा दाखला हवा असल्यास, त्यांना एक फळझाड किंवा सावली देणारे झाड लावावे लागेल. तसेच कुटुंबातील एखाद्या सदस्याचे निधन झाल्यास, त्यांच्या स्मृतीप्रित्यर्थ वारसांना एक झाड लावावे लागेल, तरच मृत्यूचा दाखला दिला जाईल.
​
हे दाखले मिळविण्यासाठी झाड लावल्यानंतर त्याचा फोटो ग्रामपंचायतीत जमा करावा लागणार आहे. या उपक्रमामुळे गावात मोठ्या प्रमाणावर वृक्षसंपदा वाढण्यास मदत होणार आहे.

वाढते प्रदूषण आणि जागतिक तापमानवाढ (Global Warming) यावर मात करण्यासाठी स्थानिक स्तरावर प्रयत्न करणे अशी ​या निर्णयामागची भूमिका आहे तसेच येणाऱ्या पिढीला शुद्ध हवा आणि हिरवेगार गाव मिळावे हा यामागचा मुख्य उद्देश आहे.
​
​मळेवाड-कोंडूरे ग्रामपंचायतीच्या या निर्णयाचे कौतुक होत आहे. प्रशासकीय कामाची सांगड पर्यावरणाशी घालणारा हा राज्यातील पहिलाच किंवा अत्यंत दुर्मिळ असा प्रयोग मानला जात आहे. अनेक पर्यावरणप्रेमींनी “इतर ग्रामपंचायतींनीही या मॉडेलचा स्वीकार करावा,” अशी इच्छा व्यक्त केली आहे.

Facebook Comments Box

Content Protected! Please Share it instead.  

Home
Kokan Blog
Downloads
Search