आज दिनांक, दिनविशेष

१५ मार्च पंचांग आणि दिनविशेष

Posted on by Kokanai Digital
15
Mar

आजचे पंचांग

  • तिथि-प्रथम – 14:36:15 पर्यंत
  • नक्षत्र-उत्तरा-फाल्गुनी – 08:55:02 पर्यंत
  • करण-कौलव – 14:36:15 पर्यंत, तैतुल – 27:47:10 पर्यंत
  • पक्ष- कृष्ण
  • योग-गण्ड – 13:59:02 पर्यंत
  • वार- शनिवार
  • सूर्योदय- 06:49
  • सूर्यास्त- 18:46
  • ‘चन्द्र-राशि-कन्या
  • चंद्रोदय- 19:45:00
  • चंद्रास्त- 07:15:00
  • ऋतु- वसंत

जागतिक दिन :
  • जागतिक ग्राहक हक्क दिन
महत्त्वाच्या घटना :
  • 1493: कोलंबस भारताच्या पहिल्या मोहिमेतून स्पेनला परतला, भारताचा शोध घेतल्याने आनंद झाला. प्रत्यक्षात तो भारतात पोहोचला नाही तर वेस्ट इंडिज मार्गे परत गेला.
  • 1820 : मेन हे अमेरिकेचे 23 वे राज्य बनले.
  • 1827 : टोरांटो विद्यापीठाची स्थापना.
  • 1831 : गणपत कृष्णाजींनी मुंबईत मराठीतील पहिले छापील पंचांग विकायला सुरुवात केली.
  • 1877 : जगातील पहिला अधिकृत क्रिकेट कसोटी सामना इंग्लंड आणि ऑस्ट्रेलिया यांच्यात खेळला गेला.
  • 1906 : रोल्स रॉईस या अलिशान कार कंपनीची सुरवात झाली.
  • 1919 : हैद्राबादच्या उस्मानिया विद्यापीठाचे उद्घाटन झाले.
  • 1939 : दुसरे महायुद्ध – जर्मनीने चेकोस्लोव्हाकियाला जोडले.
  • 1950 : नियोजन आयोगाची स्थापना
  • 1956: ब्रॉडवेवरील मार्क हेलिंगर थिएटरमध्ये माय फेअर लेडीचा पहिला प्रयोग( प्रीमियर) झाला.
  • 1961 : दक्षिण आफ्रिकेने ब्रिटीश राष्ट्रकुल सोडले.
  • 1985: इंटरनेटवरील पहिले डोमेन नाव, symbolics.com, नोंदणीकृत झाले.
  • 1990 : सोविएत संघाने लिथुआनियाचे स्वातंत्र्य नाकारले.
जन्मदिवस / जयंती / वाढदिवस:
  • 1767 : ‘अँड्र्यू जॅक्सन’ – अमेरिकेचे 7 वे राष्ट्राध्यक्ष  यांचा जन्म. (मृत्यू: 8 जून 1845)
  • 1809 : ‘जोसेफ जेनकिंस रॉबर्ट्स’ – लाइबेरियाचे पहले आणि सातवें राष्ट्रपति (मृत्यू: 24 फेब्रुवारी 1876)
  • 1860 : ‘डॉ. वाल्डेमर हाफकिन’ – प्लेग व कॉलरा प्रतिबंधक लसीचा शोध लावणारे रशियन सूक्ष्मजीवशास्त्र यांचा जन्म. (मृत्यू: 26 ऑक्टोबर 1930)
  • 1865 : ‘आनंदी गोपाल जोशी’ – पाश्यात्य वैदकशास्रातील पहिल्या भारतीय महिला डॉक्टर (निधन:26 फेबुवारी 1887 )
  • 1866 : ‘जॉन वालेर’ – पेपर क्लिप चे शोधक यांचा जन्म. (मृत्यू: 14 मार्च 1910)
  • 1901: ‘विजयपाल लालाराम’ – पद्मश्री आणि द्रोणाचार्य पुरस्कार विजेते कुस्ती प्रशिक्षक यांचा जन्म. (मृत्यू: 24 मे 1999)
मृत्यू / पुण्यतिथी / स्मृतिदिन:
  • 1937 : ‘बापूराव पेंढारक’ – ररंगभूमीवरील अभिनेते आणि गायक यांचे निधन. (जन्म: 10 डिसेंबर 1892)
  • 1992 : ‘डॉ. राही मासूम रझा’ – हिंदी आणि उर्दू कवी यांचे निधन.
  • 2002 : ‘दामुभाई जव्हेरी’ – इंडियन नॅशनल थिएटरचे संस्थापक यांचे निधन.
  • 2003 : ‘रवींद्रनाथ बॅनर्जी’ – मुंबईतील कायदेतज्ज्ञ यांचे निधन.
  • 2008 : ‘सरला ठाकूर’ – भारत देशाच्या प्रथम महिला पायलट (जन्म 8 ऑगस्ट 1914)
  • 2013 : ‘डॉ. काल्लाम अंजी रेड्डी’ – डॉ. रेड्डी प्रयोगशाळेचे स्थापक यांचे निधन. (जन्म: 1 फेब्रुवारी 1939)
  • 2015 : ‘नारायण देसाई’ – भारतीय लेखक यांचे निधन. (जन्म: 24 डिसेंबर 1924)

दररोजच्या अपडेट्स साठी कृपया खालील लिंक वर क्लिक करून आमच्या ग्रुप मध्ये सामील व्हा.
Facebook Comments Box
कोकण रेल्वे

Konkan Railway: कोकण रेल्वे मार्गावरील दोन स्थानकांवर एक्सप्रेस गाड्यांचे थांबे मंजूर

Posted on by Kokanai Digital
14
Mar
   Follow us on        
Konkan Railway: रेल्वे मंत्रालयाने कोकण रेल्वेमार्गावरील कुमठा आणि कुंदापूरा या दोन स्थानकांवर प्रायोगिक तत्वावर थांबे देण्याचा निर्णय घेतला आहे. कुमठा येथे एक तर कुंदापूरा येथे दोन गाडयांना थांबे मंजूर करण्यात आले आहेत.
गाडी क्रमांक २२४७६ कोइम्बतूर – हिसार एक्सप्रेस / गाडी क्रमांक २२४७५ हिसार – कोइम्बतूर एक्सप्रेस ही गाडी दिनांक १५ मार्च २०२५ पासून कुमठा या स्थानकावर थांबणार आहे.
तर गाडी क्रमांक २२६५३ तिरुवनंतपुरम सेंट्रल – एच. निजामुद्दीन एक्सप्रेस / गाडी क्रमांक  २२६५४ एच. निजामुद्दीन – तिरुवनंतपुरम सेंट्रल एक्सप्रेस ही गाडी दिनांक १५ मार्च २०२५ पासून आणि गाडी क्रमांक २२६५५ एर्नाकुलम जंक्शन – एच. निजामुद्दीन एक्सप्रेस / गाडी क्रमांक  २२६५६ एच. निजामुद्दीन – एर्नाकुलम जंक्शन. एक्सप्रेस दिनांक १४ मार्च २०२५पासून कुंदापूरा या स्थानकावर थांबणार आहे.

थांबे मिळवून देण्यात खासदारांचे विशेष प्रयत्न

उत्तरा कन्नड लोकसभा मतदारसंघाचे विद्यमान खासदार विश्वेश्वर हेगडे कागेरी यांनी कुमठा येथे थांबे मिळवण्यासाठी तर श्री कोटा पुजारी  यांनी कुंदापूरा येथे थांबे मिळवुन देण्यासाठी प्रयत्न केले होते. त्यांच्या प्रयत्नांना यश आले आहे.
Facebook Comments Box
महाराष्ट्र, सिंधुदुर्ग

“….तर कोल्हापूर ते मोपा विमानतळ हे अंतर एका तासावर येईल.”

Posted on by Kokanai Digital
14
Mar
   Follow us on        
मुंबई: नागपूर ते गोवा प्रस्तावित शक्तिपीठ महामार्गाला सांगलीआणि कोल्हापुरातील शेतकऱ्यांकडून तीव्र विरोध होत आहे. अधिवेशन सुरु असताना महामार्गाला विरोध करणारे शेतकरी आझाद मैदान येथे आंदोलन करत आहेत. याबाबत विधानपरिषदेत विरोधी पक्षनेते अंबादास दानवे यांनी प्रश्न उपस्थित केला असता. मुख्यमंत्री देवेंद्र फडणवीस यांनी हा महामार्ग का गरजेचा आहे याची माहिती दिली.
हा महामार्ग सरकारचा अट्टाहास नाहीये तर, महाराष्ट्राच्या विकासाठी महत्वाचा महामार्ग आहे, समृद्धी महामार्गाप्रमाणे शक्तिपीठ महामार्ग देखील विकासासाठी महत्वाचा मार्ग ठरेल असे फडणवीसम्हणाले. कोल्हापुरातून पाऊण ते एक तासांत मोपा विमानतळावर जाता येईल, यामुळे वाणिज्य क्षेत्रातलाभ होणार नाही का? परिवर्तन होणार नाही का? असे प्रश्न त्यांनी विचारलेत.  महामार्गा विरोधात निघणाऱ्या मोर्चा सारखा महामार्गाला समर्थन देणारा मोर्चा शेतकरी काढणार आहेत, असे फडणवीस म्हणालेत.
दरम्यान, शेतकऱ्यांच्या समस्या जाणून घेऊन त्यावर योग्य तोडगा काढण्याचे आश्वासन देखील फडणवीस यांनी यावेळी दिले. नागपूर रत्नागिरी महामार्ग असताना तसेच, त्याला जोडणारे इतर मार्ग असताना शक्तीपीठ कशासाठी? असा सवाल सतेज पाटील यांनी उपस्थित केला. शिवाय मोपाला जाण्यासाठी आजरामार्ग चौपदरीकरण झाल्याने दोन ते अडीच तासांत जाता येते असेही पाटील म्हणाले. मुख्यमंत्र्यांनी याप्रकरणी सकारात्मक दृष्टीकोन ठेवावा. आणि आंदोलन शेतकऱ्यांशी चर्चा करावी, अशी विनंती पाटील यांनी केली.
Facebook Comments Box
आज दिनांक, दिनविशेष

१४ मार्च पंचांग आणि दिनविशेष

Posted on by Kokanai Digital
14
Mar

आजचे पंचांग

  • तिथि-पौर्णिमा – 12:27:13 पर्यंत
  • नक्षत्र-उत्तरा-फाल्गुनी – पूर्ण रात्र पर्यंत
  • करण-भाव – 12:27:13 पर्यंत, बालव – 25:29:24 पर्यंत
  • पक्ष- शुक्ल
  • योग-शूल – 13:22:45 पर्यंत
  • वार- शुक्रवार
  • सूर्योदय- 06:50
  • सूर्यास्त- 18:46
  • चन्द्र-राशि-सिंह – 12:57:16 पर्यंत
  • चंद्रोदय- 18:56:59
  • चंद्रास्त- चंद्रोस्त नहीं
  • ऋतु- -वसंत

जागतिक दिन :
  • पाय डे (Pi Day)
महत्त्वाच्या घटना :
  • 1931 : पहिला भारतीय बोलपट ‘आलम आरा’ मुंबईत प्रदर्शित झाला.
  • 1954 : दिल्लीत साहित्य अकादमीची स्थापना झाली.
  • 1967 : अमेरिकेचे माजी राष्ट्राध्यक्ष जॉन एफ केनेडी यांचे पार्थिव आर्लिंग्टन राष्ट्रीय दफनभूमीत हलविण्यात आले.
  • 1988 : पाई डे प्रथम गणित उत्साहींनी साजरा केला.
  • 1988 मध्ये भौतिकशास्त्रज्ञ लॅरी शॉ यांनी पाय डेची संकल्पना मांडली होती. (π= 3.14) ही पायची किंमत दिनांक १४/३ प्रमाणे असल्याचे त्यांच्या लक्षात आले.
  • 1998 : सोनिया गांधी राष्ट्रीय कॉंग्रेस पार्टीच्या अध्यक्ष बनल्या.
  • 2000 : कलकत्ता येथील टेक्‍निशियन आय हा देशातील सर्वात जुना स्टुडिओ आगीच्या भक्ष्यस्थानी पडला.
  • 2001 : सिक्कीममधील आदिवासी समुदायातील चोकिला अय्यर यांनी भारताच्या पहिल्या महिला परराष्ट्र सचिव म्हणून पदभार स्वीकारला.
  • 2010 : ज्येष्ठ कन्नड साहित्यिक डॉ. एस. एल. भैरप्पा यांच्या हस्ते लोकसंस्कृतीचे उपासक आणि संशोधक डॉ. रा. चिं. ढेरे यांना पुण्यभूषण पुरस्कार पुण्यात देण्यात आला
जन्मदिवस / जयंती / वाढदिवस:
  • 1874 : ‘आंतोन फिलिप्स’ – फिलिप्स इलेक्ट्रॉनिक्स कंपनी चे सहसंस्थापक यांचा जन्म. (मृत्यू: 7 ऑक्टोबर 1951)
  • 1879 : ‘अल्बर्ट आईनस्टाईन’ – नोबेल पारितोषिक विजेते जर्मन आणि अमेरिकन भौतिकशास्त्रज्ञ यांचा जन्म. (मृत्यू: 18 एप्रिल 1955)
  • 1899 : ‘के. सी. इर्विंग इर्विंग’ – ओईल कंपनी चे संस्थापक यांचा जन्म. (मृत्यू: 13 डिसेंबर 1992)
  • 1908 : ‘फिलिप व्हिन्सेंट’ – व्हिन्सेंट मोटारसायकल कंपनी चे संस्थापक यांचा जन्म. (मृत्यू: 27 मार्च 1979)
  • 1931 : ‘प्रभाकर पणशीकर’ – ख्यातनाम अभिनेते प्रभाकर पणशीकर यांचा जन्म. (मृत्यू: 13 जानेवारी 2011)
  • 1933 : ‘मायकेल केन’ – ब्रिटिश अभिनेता यांचा जन्म.
  • 1961 : ‘माईक लाझारीडीस’ – ब्लॅकबेरी लिमिटेड चे संस्थापक यांचा जन्म.
  • 1963 : ‘ब्रूस रीड’ – ऑस्ट्रेलियन क्रिकेटपटू यांचा जन्म.
  • 1965 : अमीर खान – सुप्रसिद्ध अभिनेता यांचा जन्म.
  • 1974 : ‘साधना सरगम’ – पार्श्वागायिका यांचा जन्म.
  • 1972 : ‘इरोम चानू शर्मिला’ – भारतीय कवी यांचा जन्म.
  • 1973 : ‘रोहित शेट्टी’ – भारतीय दिग्दर्शक आणि छायाकार यांचा जन्म.
मृत्यू / पुण्यतिथी / स्मृतिदिन:
  • 1883 : ‘कार्ल मार्क्स’ – जर्मन तत्वज्ञ आणि कम्युनिझमचे प्रणेते यांचे निधन. (जन्म: 5 मे 1818)
  • 1932 : ‘जॉर्ज इस्टमन’ – अमेरिकन संशोधक आणि इस्टमन कोडॅक कंपनीचे संस्थापक यांचे निधन. (जन्म: 12 जुलै 1854)
  • 1963 : ‘जयनारायण व्यास’ – भारताचे प्रमुख स्वतंत्रता सेनानी, राजस्थानचे पूर्व मुख्यमंत्री आणि ‘भारतीय राष्ट्रीय कॉंग्रेस’ चे प्रसिद्ध नेता यांचे निधन.
  • 1998 : ‘दादा कोंडके’ – अभिनेते, निर्माते आणि दिग्दर्शक यांचे निधन. (जन्म: 8 ऑगस्ट 1932)
  • 2003 : ‘सुरेश भट’ – कविवर्य आणि श्रेष्ठ गझलकार यांचे निधन. (जन्म: 15 एप्रिल 1932)
  • 2010 : ज्ञानपीठ विजेते लेखक आणि कवी विंदा करंदीकर यांचे निधन. (जन्म: 23 ऑगस्ट 1918)
  • 2018 : इंग्रजी सैद्धांतिक भौतिकशास्त्रज्ञ, विश्वशास्त्रज्ञ आणि लेखक जे सिद्धांत कॉस्मोलॉजी सेंटर फॉर रिसर्चचे डायरेक्टर होते.स्टीफन हॉकिंग यांचे निधन. (जन्म: 8 जानेवारी 1942)
  • 2022 : स्टीफन अर्ल विल्हाइट – अमेरिकन संगणक शास्र्यज्ञ व GIF फोटो फॉरमेटचे निर्माते (जन्म 3 मार्च 1948)

दररोजच्या अपडेट्स साठी कृपया खालील लिंक वर क्लिक करून आमच्या ग्रुप मध्ये सामील व्हा.
Facebook Comments Box
आज दिनांक, दिनविशेष

१३ मार्च पंचांग आणि दिनविशेष

Posted on by Kokanai Digital
13
Mar

आजचे पंचांग

  • तिथि-चतुर्दशी – 10:38:53 पर्यंत
  • नक्षत्र-पूर्व-फाल्गुनी – 30:20:25 पर्यंत
  • करण-वणिज – 10:38:53 पर्यंत, विष्टि – 23:30:14 पर्यंत
  • पक्ष- शुक्ल
  • योग-धृति – 13:02:02 पर्यंत
  • वार- गुरूवार
  • सूर्योदय- 06:51
  • सूर्यास्त- 18:46
  • चन्द्र-राशि-सिंह
  • चंद्रोदय- 18:07:59
  • चंद्रास्त- 30:44:00
  • ऋतु- वसंत

महत्त्वाच्या घटना :
  • 1781: विल्यम हर्शेलने युरेनसचा शोध लावला.
  • 1897: सॅन दिएगो विद्यापीठाची स्थापना झाली.
  • 1910: स्वतंत्र वीर सावरकर पॅरिसहून लंडनला आल्यावर त्यांना अटक करण्यात आली.
  • 1930: क्लाइड डब्ल्यू. टॉमबॉग यांनी हार्वर्ड विद्यापीठाच्या वेधशाळेला प्लूटोचा शोध कळवला.
  • 1940: अमृतसरमधील जालियनवाला बाग हत्याकांडाचे समर्थन करणारे पंजाबचे गव्हर्नर मायकेल ओडवायर यांची उधम सिंगने गोळ्या झाडून हत्या केली.
  • 1963 : अर्जुन पुरस्काराची सुरुवात
  • 1997: सिस्टर निर्मला यांची मदर तेरेसा यांच्या उत्तराधिकारी म्हणून निवड करण्यात आली.
  • 1999: कोयना जलविद्युत प्रकल्पाच्या चौथ्या टप्प्याचे उद्घाटन झाले.
  • 2003: मुंबई शहरात लोकल ट्रेनमध्ये बॉम्बस्फोट.
  • 2007: वेस्ट इंडिजमध्ये 9व्या क्रिकेट विश्वचषकाचे उद्घाटन झाले.
जन्मदिवस / जयंती / वाढदिवस:
  • 1733 : ‘जोसेफ प्रिस्टले’ – इंग्लिश रसायनशास्रज्ञ यांचा जन्म. (मृत्यू: 6 फेब्रुवारी 1804)
  • 1893: ‘महामहोपाध्याय डॉ. वासुदेव विष्णू मिराशी’ – मराठी लेखक, संस्कृत पंडित व भारतविद्यातज्ज्ञ यांचा जन्म. (मृत्यू: 3 एप्रिल 1985)
  • 1899 : ‘डॉ. बर्गुला रामकृष्ण राव’ – हैदराबाद राज्याचे माजी मुख्यमंत्री यांचा जन्म.
  • 1926 : ‘रवींद्र पिंगे’ – ललित लेखक यांचा जन्म. (मृत्यू: 17 ऑक्टोबर 2008)
  • 1980 : ‘वरून गांधी’ – भारतीय राजकारणी नेता, भारतीय लोकसभा सदस्य आणि संजय गांधी यांचे पुत्र यांचा जन्म
मृत्यू / पुण्यतिथी / स्मृतिदिन:
  • 1800 : ‘नानासाहेब फडणवीस’ – पेशवे दरबारातील मंत्री यांचे निधन. (जन्म: 12 फेब्रुवारी 1742)
  • 1899 : ‘दत्तात्रेय कोंडो घाटे’ – उर्फ कवी दत्त यांचे निधन. (जन्म: 27 जून 1875)
  • 1901 : ‘बेंजामिन हॅरिसन’ – अमेरिकेचे 33वे राष्ट्राध्यक्ष यांचे निधन. (जन्म: 20 ऑगस्ट 1833)
  • 1955 : ‘वीर विक्रम शाह त्रिभुवन’ नेपाळचे राजे यांचे निधन. (जन्म: 23 जून 1906)
  • 1967 : ‘सर फँक वॉरेल’ वेस्ट इंडिजचे क्रिकेट खेळाडू यांचे निधन. (जन्म: 1 ऑगस्ट 1924)
  • 1969 : ‘मोहिनीराज लक्ष्मण चंद्रात्रेय’ – गणितशास्रज्ञ यांचे निधन.
  • 1994 : ‘श्रीपाद यशवंत कोल्हटकर’ – मार्क्सवादी कम्युनिस्ट पक्षाचे ज्येष्ठ नेते व सिटू या कामगार संघटनेचे लढवय्ये नेते यांचे निधन.
  • 1996 : ‘शफी इनामदार’ – अभिनेते आणि नाट्यनिर्माते यांचे निधन. (जन्म: 23 ऑक्टोबर 1945)
  • 1997 : ‘शीला इराणी’ – राष्ट्रीय महिला हॉकी खेळाडू यांचे निधन.
  • 2002 : ‘मोहम्मद नासिर हुसेन खान’ – भारतीय चित्रपट निर्माता, दिग्दर्शक, आणि पटकथा लेखक यांचे निधन.
  • 2004 : ‘उस्ताद विलायत खाँ’ – सतारवादक यांचे निधन. (जन्म: 28 ऑगस्ट 1928)
  • 2006 : ‘रॉबर्ट सी बेकर’ – चिकन नगेट तसेच पोल्ट्रीशी संबंधित इतर अनेक शोध लावले (जन्म: 29 डिसेंबर 1921)

दररोजच्या अपडेट्स साठी कृपया खालील लिंक वर क्लिक करून आमच्या ग्रुप मध्ये सामील व्हा.
Facebook Comments Box
कोकण

Mumbai Goa Highway: जनआक्रोश समितीकडून १३ रोजी ‘डेडलाईन’ची होळी

Posted on by Kokanai Digital
12
Mar
   Follow us on        

Mumbai Goa Highway: मुंबई-गोवा महामार्गाच्या चौपदरीकरणाचे काम संथगतीने सुरू आहे. महामार्गाच्या अपूर्णावस्थेतील कामांमुळे चाकरमान्यांना प्रत्येक सणात जीवघेणा प्रवास करत गाव गाठावे लागत आहे. महामार्ग काम रखडल्याच्या निषेधार्थ मुंबई-गोवा महामार्ग जनआक्रोश समिती १३ मार्च रोजी सायंकाळी ६ वा. माणगाव-बायपास व संगमेश्वर एसटी आगारासमोर सरकारच्या ‘डेडलाईन’ची होळी पेटवणार आहे. महामार्गावरील पळस्पेपासून सिंधुदुर्गपर्यंत एकाच दिवशी आंदोलन छेडून प्रशासनाच्या नावाने ‘शिमगा’ करणार आहे.

मुंबई-गोवा महामार्ग पूर्णत्वाच्या आजवर देण्यात आलेल्या सर्व ‘डेडलाईन’ हवेत विरल्या आहेत. महामार्गाच्या अपूर्णावस्थेतील कामासह ठिकठिकाणी निकृष्ट दर्जाच्या झालेल्या कामामुळे कोकणवासियांची कसरत अजूनही कायम आहे. प्रत्येक सणांपूर्वी महामार्गाचे काम पूर्ण होईल, अशी हमी दिली जाते. मात्र सण संपल्यानंतर त्याकडे कानाडोळा करत महामार्गाचे संथगतीने काम सुरू असून १४ वर्षे लोटून अजूनही कोकणवासियांचा वनवास संपलेला नाही. महामार्गप्रश्नी महामार्ग जनआक्रोश समितीने सातत्याने महामार्गावर आंदोलने, मोर्चे काढून सरकारला जागे करण्याचा प्रयत्न केला. या दरम्यान, वेळोवेळी समितीच्या शिष्टमंडळाला देण्यात आलेल्या ‘डेडलाईन’ आजमितीसही पूर्ण झालेल्या नाहीत. या निषेधार्थ शिमगोत्सवात जनआक्रोश समितीने सरकारसह प्रशासनाच्या नावाने शिमगा करण्याचे अस्त्र उगारले आहे. या निषेध आंदोलनात कोकणवासियांनी बहुसंख्येने सहभागी व्हावे, असे आवाहन समितीच्यावतीने करण्यात आले आहे.

आतापर्यंत खालील ठिकाणी होळी करण्यासाठी कोकणकर एकवटले आहे.
१)पळस्पे
२)पेण
३)आमटेम
४)वाकण
५)कोलाड
६)इंदापूर
७)माणगाव बायपास
८)लोणेरे
९)महाड
१०)पोलादपूर
११)खेड टोलनाका
१२)चिपळूण बहादूर शेख नाका
१३)हातखांबा
१४)संगमेश्वर (डेपोच्या समोर)
१५)लांजा
प्रत्येक कोकणकरानी एक कोकणकर म्हणून आपण देखील या आंदोलनात सामील  व्हावे असे आवाहन समिती तर्फे करण्यात आले आहे.

 

Facebook Comments Box
आज दिनांक, दिनविशेष

१२ मार्च पंचांग आणि दिनविशेष

Posted on by Kokanai Digital
12
Mar

आजचे पंचांग

  • तिथि-त्रयोदशी – 09:14:33 पर्यंत
  • नक्षत्र-माघ – 28:06:27 पर्यंत
  • करण-तैेतिल – 09:14:33 पर्यंत, गर – 21:53:33 पर्यंत
  • पक्ष- शुक्ल
  • योग-सुकर्मा – 12:59:25 पर्यंत
  • वार- बुधवार
  • सूर्योदय- 06:51
  • सूर्यास्त- 18:46
  • चन्द्र-राशि-सिंह
  • चंद्रोदय- 17:18:00
  • चंद्रास्त- 30:11:00
  • ऋतु- वसंत

महत्त्वाच्या घटना :
  • 1894 : कोका-कोला शीतपेय बाटली मध्ये भरून विक्रीस सुरवात.
  • 1911 : कृष्णाजी प्र. खाडिलकरांच्या संगीत मानापमानाचा पहिला प्रयोग झाला.
  • 1918 : रशियाची राजधानी सेंट पीट्सबर्ग येथून मास्को येथे हलविण्यात आली.
  • 1930 : महात्मा गांधींनी मिठाच्या सत्याग्रहासाठी 200 मैलांची दांडी यात्रा सुरू केली.
  • 1968 : मॉरिशसला इंग्लंडपासून स्वातंत्र्य मिळाले.
  • 1991 : जेजुरी येथील खंडोबा मंदिरात चोरी.
  • 1992 : स्वातंत्र्याच्या 24 वर्षानंतर, मॉरिशस हे प्रजासत्ताक बनले आणि ब्रिटीश राजवटीच्या सर्व बेड्या फेकून दिल्या.
  • 1993 : मुंबईत 12 बॉम्बस्फोटांच्या मालिकेत 300 हून अधिक लोक ठार आणि हजारो जखमी.
  • 1999 : सरकारी नोटांवर यापुढे महात्मा गांधींचे चित्र असेल असा सरकारतर्फे निर्णय घेण्यात आला.
  • 1999 : झेक प्रजासत्ताक, हंगेरी आणि पोलंड नाटोमध्ये सामील झाले.
  • 2001 : ज्येष्ठ स्वातंत्र्यसैनिक आणि पर्यावरणवादी सुंदरलाल बहुगुणा यांना यशवंतराव चव्हाण स्मृती पुरस्काराने सन्मानित करण्यात आले
जन्मदिवस / जयंती / वाढदिवस:
  • 1824 : ‘गुस्ताव रॉबर्ट किर्चहॉफ’ – जर्मन भौतिकशास्त्रज्ञ यांचा जन्म. (मृत्यू: 17 ऑक्टोबर 1887)
  • 1891 : नटवर्य ‘चिंतामणराव कोल्हटकर’ – अभिनेते आणि निर्माते यांचा जन्म.
  • 1911 : ‘दयानंद बांदोडकर’ – गोव्याचे पहिले मुख्यमंत्री यांचा जन्म. (जन्म: 12 ऑगस्ट 1973)
  • 1913 : ‘यशवंतराव चव्हाण’ – भारताचे पाचवे उपपंतप्रधान, संरक्षणमंत्री आणि महाराष्ट्राचे पहिले मुखमंत्री यांचा जन्म. (मृत्यू: 25 नोव्हेंबर 1984)
  • 1933 : ‘कविता विश्वनाथ नरवणे’ – लेखिका यांचा जन्म.
  • 1931 : ‘हर्ब केल्हेर साउथवेस्ट’ – एअरलाईन्स चे सहसंस्थापक यांचा जन्म.
  • 1969 : ‘फाल्गुनी पाठक’ – प्रसिध्द पार्श्वगायिका यांचा जन्म.
  • 1984 : ‘श्रेया घोशाल’ – प्रसिध्द पार्श्वगायिका यांचा जन्म.
मृत्यू / पुण्यतिथी / स्मृतिदिन:
  • 1942: ‘रॉबर्ट बॉश’ – जर्मन अभियंते आणि उद्योजक यांचे निधन. (जन्म: 23 सप्टेंबर 1861)
  • 1960 : ‘क्षितीमोहन सेन’ – भारतीय इतिहासकार यांचे निधन. (जन्म: 2 डिसेंबर 1880)
  • 1999 : ‘यहुदी मेनुहिन’ – प्रसिध्द व्हायोलिनवादक आणि वाद्यवृंद संचालक यांचे निधन. (जन्म: 22 एप्रिल 1916)
  • 2001 : ‘रॉबर्ट लुडलुम’ – अमेरिकन लेखक यांचे निधन. (जन्म: 25 मे 1927)

दररोजच्या अपडेट्स साठी कृपया खालील लिंक वर क्लिक करून आमच्या ग्रुप मध्ये सामील व्हा.
Facebook Comments Box
कोकण, सिंधुदुर्ग

सावंतवाडी: कलंबिस्त येथे युवकाची गळफास घेत आत्महत्या

Posted on by Kokanai Digital
11
Mar
   Follow us on        

सावंतवाडी: सावंतवाडी तालुक्यातील कलंबिस्त गणशेळवाडी येथील 26 वर्षीय निलेश न्हानु सावंत या युवकाने घराच्या अंगणातील लोखंडी छप्पराला गळफास लावत आत्महत्या केल्याचा प्रकार मंगळवारी सकाळी सात वाजण्याच्या सुमारास उघडकीस आला. या घटनेने कलंबिस्त गावात हळहळ व्यक्त होत आहे. मयत निलेश सावंत याचे काका राजन सावंत यांनी सावंतवाडी पोलीस ठाण्यात दिलेल्या फिर्यादीनुसार आकस्मित मृत्यूची नोंद करण्यात आली आहे. घटनास्थळी पोलीस उपनिरीक्षक प्रमोद पाटील, पोलीस हवालदार प्रसाद कदम, लक्ष्मण काळे यांनी जाऊन पंचनामा केला. निलेश हा शांत व मनमिळाऊ स्वभावाचा होता. त्याचा मित्रपरिवार ही मोठा होता. निलेश याच्या पश्चात आई, भाऊ, बहीण, काका असा मोठा परिवार आहे.

Facebook Comments Box
कोकण, कोकण रेल्वे

मुंबई – मडगाव वंदे भारत एक्सप्रेसची यशस्वी वाटचाल

Posted on by Kokanai Digital
11
Mar
   Follow us on        
Konkan Railway:मुंबई-गोवा मार्गावर धावणाऱ्या वंदे भारत एक्स्प्रेसला उत्तम प्रतिसाद मिळत आहे. आता पर्यंत सुरु करण्यात आलेल्या वंदे भारत एक्सप्रेसच्या यशश्वी मार्गात या मार्गाची  गणना होता आहे. या गाडीच्या प्रवाशांची संख्याही वेगाने वाढत आहे. आरामदायी आणि वेगवान प्रवासाच्या चाहत्या वर्गाकडून या गाडीला तुफान प्रतिसाद मिळत आहे.
मध्य रेल्वेकडून मिळालेल्या माहितीनुसार, गेल्या दोन महिन्यांत एकूण ५० हजार ७३९ प्रवाशांनी या ट्रेनमधून प्रवास केला आहे. वेगवान, सुरक्षित आणि अत्याधुनिक सुविधांनी सुसज्ज असलेल्या या ट्रेनला प्रवासी आणि पर्यटकांचा मोठा प्रतिसाद लाभत आहे.

मागील २ महिन्यांची प्रवासी संख्या

मार्ग जानेवारी  फेब्रुवारी एकूण
सीएसएमटी-मडगाव १३,१९६ ११,६१४ २४,८१०
मडगाव-सीएसएमटी १३,२४५ १२,६८४ २५,९२९
सेमी-हायस्पीड ट्रेन प्रवाशांच्या सेवेत दाखल झाली. पहिल्याच फेरीत या ट्रेनच्या ५३३ आसन क्षमतेपैकी ४७७आसने भरली होती; प्रारंभी ९१.४४ ते ९३.११ टक्के क्षमतेने धावणाऱ्या या ट्रेनला सध्या ९५ टक्के प्रतिसाद मिळत आहे. या ट्रेनला सध्या आठ डबे असून प्रवाशांसाठी आरामदायी आसने, वेगवान सेवा आणि आधुनिक सोयी-सुविधा उपलब्ध आहेत. मेक इन इंडिया उपक्रमांतर्गत रेल्वे मंत्रालयाने वंदे भारत एक्स्प्रेसची निर्मिती केली असून ती किफायतशीर दरात उपलब्ध आहे. सध्या मध्य रेल्वे मार्गावर सीएसएमटी-सोलापूर, सीएसएमटी-शिर्डी, सीएसएमटी-जालना आणि सीएसएमटी-मडगाव या वंदे भारत गाड्या धावत आहेत. या सर्व गाड्यांना प्रवाशांचा चांगला प्रतिसाद लाभत असून सुरक्षित आणि वेगवान प्रवासासाठी प्रवासी समाधान व्यक्त करीत आहेत.
Facebook Comments Box
कोकण, सिंधुदुर्ग

Video: लहान मुलांच्या आरोग्याशी खेळ; फिरत्या विक्रेत्याच्या कुल्फीमध्ये आढळल्या अळ्या

Posted on by Kokanai Digital
11
Mar
   Follow us on        

सावंतवाडी: सावंतवाडीतील कलंबीस्त गावातून एक धक्कादायक बातमी समोर आली आहे. येथे आलेल्या एका फिरत्या विक्रेत्याच्या कुल्फीमध्ये किडे सापडले आहेत. हा प्रकार समजल्यानंतर येथील जागृत ग्रामस्थांनी त्या विक्रेत्याला धारेवर धरले आहे.

याबद्दल जाब विचारल्यानंतर विक्रेत्याने यात आपली काही चूक नसून या खाद्यपदार्थांची मी फक्त विक्री करत आहे असे सांगितले. त्याने जेथून हे खाद्यपदार्थ विकत घेतो त्या व्यावसायिकाचे नावही सांगितले.

या प्रकारामुळे या विक्रेत्यांकडून हे पदार्थ विकत घेणार्‍या लहान मुलांच्या आरोग्याचा प्रश्न निर्माण झाला आहे. हे पदार्थ बनवताना योग्य ती स्वच्छता राखली जात नसल्याचे स्पष्ट झाले आहे. अशा व्यावसायिकांवर योग्य वेळी कारवाई केली गेली नाही तर पुढे या निष्काळजीपणामुळे जीव गमावण्यांची शक्यता नाकारता येत नाही. केंद्र सरकारने अन्नसुरक्षेसाठी FSSAI या संस्थेची नियुक्ती स्थापना केली आहे. या संस्थेने या प्रकरणाची दखल घेऊन योग्य ती कारवाई करावी अशी मागणी ग्रामस्थांनी केली आहे.

Loading

Facebook Comments Box

Content Protected! Please Share it instead.  

Home
Kokan Blog
Downloads
Search