Follow us on 
सावंतवाडी:उत्तर भारतामध्ये मोठ्या प्रमाणात साजरा होणारा छटपूजा उत्सव शहरातील सावंतवाडी येथे उत्साहात साजरा झाला. मात्र सावंतवाडीत मोती तलावाच्या काठाला या निम्मित लावलेल्या एका बॅनरमुळे येथील स्थानिक नाराज झाले असून विविध माध्यमातून आपली नाराजी व्यक्त करताना दिसत आहेत.
या बँनरमुळे ‘एक्स’ या सोशल माध्यमावर सुद्धा यूझर्सनी आपली नाराजी व्यक्त केली आहे. या कार्यक्रमाला परवानगी कोणी दिली असा प्रश्न थेट येथील स्थानिक आमदार आणि शालेय शिक्षणमंत्री दीपक केसरकर यांना विचारण्यात आला आहे.
सावंतवाडी परप्रांतीयांचा टक्का दिवसेंदिवस वाढत चालला आहे. येथील जमिनीही त्यांच्याकडून खरेदी केल्या जात आहेत. याला सर्वस्वी जबाबदार येथील जमीन विकणारा स्थानिकच असल्याचा आरोप होत आहे.
तर काहींच्या मते थेट युपी – बिहार ला कनेक्टिव्हिटी असलेल्या रेल्वे गाड्यांमुळे सावंतवाडीत उत्तर भारतीयांची संख्या वाढत आहे. तर काहींनी यासाठी येथील स्थानिक लोकप्रतिनिधींना दोषींच्या पिंजऱ्यात उभे केले आहे. याचबरोबर काही उपरोधिक तसेच नाराजी व्यक्त कंमेंट सुद्धा यूझर्सनी दिल्या आहेत. त्या खालीलप्रमाणे
कोकणचा कॅलिफोर्निया बनवता बनवता कोकणचा यूपी बिहार कधी बनवला?? – विवेक
आता कोकणचा सुद्धा युपी बिहार करून सोडणार का ? स्थानिक प्रतिनिधी कधी लक्ष घालणार या गोष्टीकडे ? उद्या कोकणचा सण छटपूजा जाहीर व्हायच्या अगोदरच आवर घालावे. – हेमंत! मराठी एकीकरण समिती
स्थानिक माणसांना जमिनी विकताना काहीच वाटत नाही? पालघर ला सुद्धा असेच सातबारे पाहिल्यास दिसून येते की मोठ्या प्रमाणात परप्रांतीय व इतरधर्मीयांती जमिनी घेतल्या आहेत. Visa
परवानगी नसताना फटाके फोडत आहेत.
मोठ्या आवाजात गाणी लावत आहेत.
परवानगी कोणी दिली?@Sindhudurg_SP @dvkesarkar सावंतवाडीमध्ये छटपुजा कधीपासून सुरू झाली? तुमच्या कार्यालयापासून हाकेच्या अंतरावर आहे.
तुमच्या कार्यकर्त्यांना कळवले आहे.
आवरा यांना#महाराष्ट्रातमराठीच @ekikaranmarathi pic.twitter.com/W10pUOst24— निनाद सावंत (@NINADS143) November 7, 2024
Facebook Comments Box
Vision Abroad