Konkan Railway:आंगणेवाडी जत्रा २०२६ दरम्यान होणारी प्रचंड प्रवासी गर्दी लक्षात घेऊन कोकण रेल्वे प्रशासनाने विशेष गाड्या चालवण्याचा निर्णय घेतला आहे. मुंबई–पुणे व कोकण दरम्यान प्रवास करणाऱ्या भाविकांना आणि प्रवाशांना याचा मोठा लाभ होणार आहे.
कोकण रेल्वेच्या अधिकृत माहितीनुसार, आंगणेवाडी यात्रेच्या कालावधीत अतिरिक्त प्रवासी ताण कमी करण्यासाठी मडगाव–लोकमान्य टिळक टर्मिनस–मडगाव या मार्गावर विशेष साप्ताहिक गाड्या चालवण्यात येणार आहेत.
विशेष गाड्यांचा तपशील
गाडी क्रमांक 01004 – मडगाव जंक्शन ते लोकमान्य टिळक (टी) विशेष
ही गाडी मडगाव जंक्शन येथून सायंकाळी ४.३० वाजता सुटेल.
दिनांक: ७ फेब्रुवारी २०२६ आणि ९ फेब्रुवारी २०२६
लोकमान्य टिळक टर्मिनस येथे ही गाडी पुढील दिवशी सकाळी ५.५० वाजता पोहोचेल.
गाडी क्रमांक 01003 – लोकमान्य टिळक (टी) ते मडगाव जंक्शन विशेष
ही गाडी लोकमान्य टिळक टर्मिनस येथून सकाळी ७.५५ वाजता सुटेल.
दिनांक: ८ फेब्रुवारी २०२६ आणि १० फेब्रुवारी २०२६
मडगाव जंक्शन येथे गाडी त्याच दिवशी रात्री १०.०० वाजता पोहोचेल.
या गाड्यांचे थांबे
या विशेष गाड्या कार्मळी, थिवीम, सावंतवाडी रोड, कुडाळ, सिंधुदुर्ग, कणकवली, वैभववाडी रोड, राजापूर रोड, विलवडे, अदवली, रत्नागिरी, संगमेश्वर रोड, चिपळूण, खेड, माणगाव, रोहा, पनवेल व ठाणे या प्रमुख स्थानकांवर थांबणार आहेत.
डब्यांची रचना
या गाड्यांना एकूण २२ डबे असतील.
▪️ स्लीपर कोच – २०
▪️ एसएलआर – २
आरक्षण माहिती
गाडी क्रमांक 01004 साठी आरक्षण ४ फेब्रुवारी २०२६ पासून पीआरएस काऊंटर, इंटरनेट आणि IRCTC वेबसाइटवर खुले होणार आहे. प्रवाशांनी वेळेत आरक्षण करून या सुविधेचा लाभ घ्यावा, असे आवाहन कोकण रेल्वेने केले आहे.
