​   Follow us on        

रत्नागिरी/सिंधुदुर्ग:ख्रिसमस आणि नवीन वर्षाच्या सुट्ट्यांमधील प्रवाशांची वाढती गर्दी लक्षात घेऊन कोकण रेल्वेने उत्तर रेल्वेच्या समन्वयाने अमृतसर आणि मडगाव (गोवा) दरम्यान विशेष एक्स्प्रेस चालवण्याचा निर्णय घेतला आहे. यामुळे पर्यटनासाठी जाणाऱ्या आणि सणासुदीला गावी येणाऱ्या प्रवाशांना मोठा दिलासा मिळणार आहे.

​ट्रेनचे वेळापत्रक खालीलप्रमाणे:

​१. अमृतसर ते मडगाव जंक्शन (गाडी क्र. ०४६९४):

ही गाडी अमृतसर येथून दिनांक २२/१२/२०२५, २७/१२/२०२५ आणि ०१/०१/२०२६ (सोमवार) रोजी पहाटे ०५:१० वाजता सुटेल आणि दुसऱ्या दिवशी रात्री २३:५५ वाजता मडगाव येथे पोहोचेल.

​२. मडगाव जंक्शन ते अमृतसर (गाडी क्र. ०४६९३):

ही गाडी मडगाव येथून दिनांक २४/१२/२०२५, २९/१२/२०२५ आणि ०३/०१/२०२६ (बुधवार) रोजी सकाळी ०८:०० वाजता सुटेल आणि तिसऱ्या दिवशी पहाटे ०४:३० वाजता अमृतसरला पोहोचेल.

​महत्त्वाचे थांबे:

​ही विशेष ट्रेन प्रवासात बियास, जालंधर सिटी, लुधियाना, अंबाला कॅंट, पानिपत, दिल्ली सफदरजंग, मथुरा, सवाई माधोपूर, कोटा, रतलाम, वडोदरा, सुरत, वसई रोड, पनवेल, रोहा, माणगाव, खेड, चिपळूण, संगमेश्वर रोड, रत्नागिरी, राजापूर रोड, कणकवली, कुडाळ, सावंतवाडी रोड, थिवी आणि करमळी या स्थानकांवर थांबेल.

​गाडीची रचना (Coaches):

​एकूण २१ एलएचबी (LHB) कोच असलेल्या या ट्रेनमध्ये:

​३ टायर एसी: ०२ कोच

​३ टायर एसी इकॉनॉमी: ०२ कोच

​स्लीपर क्लास: ०८ कोच

​जनरल कोच: ०७ कोच

​जनरेटर कार: ०२

​रेल्वे प्रशासनाने प्रवाशांना या सुविधेचा लाभ घेण्याचे आवाहन केले आहे. वेळापत्रकाच्या अधिक माहितीसाठी प्रवासी www.enquiry.indianrail.gov.in या संकेतस्थळाला भेट देऊ शकतात.

   Follow us on        

नवी दिल्ली:

कोकण रेल्वे हा कोकणच्या विकासाचा कणा आहे, मात्र सध्या हा मार्ग एकेरी असल्याने विकासाला मर्यादा येत आहेत. जोपर्यंत कोकण रेल्वेचे पूर्णतः दुहेरीकरण होत नाही, तोपर्यंत कोकणचा खऱ्या अर्थाने विकास होणार नाही, असे प्रतिपादन खासदार रवींद्र वायकर यांनी संसदेत केले.

​रोहा ते मडगाव दुहेरीकरणासाठी निधीची मागणी

संसदेत २०२५-२६ च्या पुरवणी मागण्यांवर बोलताना वायकरांनी रेल्वे मंत्रालयाचे लक्ष वेधले. ते म्हणाले की, “कोकण रेल्वेच्या मार्गाचे विद्युतीकरण पूर्ण झाले आहे ही आनंदाची बाब आहे, परंतु केवळ विद्युतीकरणाने प्रश्न सुटणार नाही. रोहा ते मडगाव या संपूर्ण पट्ट्यात रेल्वे मार्गाचे दुहेरीकरण (Double Lining) करणे अत्यंत आवश्यक आहे.” यासाठी केंद्र सरकारने रेल्वे अर्थसंकल्पात विशेष तरतूद करावी, अशी मागणी त्यांनी रेल्वे मंत्र्यांकडे केली.

​प्रवासाचा वेळ वाचणार

कोकण रेल्वेवर गाड्यांची संख्या वाढत असून एकेरी मार्गामुळे गाड्यांना क्रॉसिंगसाठी तासनतास थांबून राहावे लागते. दुहेरीकरणामुळे प्रवासाचा वेळ कमी होईल आणि मालवाहतुकीलाही गती मिळेल, ज्याचा थेट फायदा कोकणच्या अर्थव्यवस्थेला होईल असे त्यांचे मत आहे.

​कोकणच्या या जिव्हाळ्याच्या प्रश्नासह वायकरांनी मुंबईच्या पायाभूत सुविधा आणि सुरक्षेच्या मुद्द्यांवरही संसदेत प्रभावीपणे बाजू मांडली.

   Follow us on        

संगमेश्वर:

संगमेश्वर तालुक्यातील रेल्वे प्रवाशांसाठी एक अत्यंत आनंदाची बातमी समोर आली आहे. गेल्या दोन वर्षांपासून सुरू असलेल्या सातत्यपूर्ण पाठपुराव्याला अखेर यश आले असून, रेल्वे बोर्डाने संगमेश्वर रोड स्थानकात दोन महत्त्वाच्या एक्स्प्रेस गाड्यांना थांबा मंजूर केला आहे. यामुळे प्रवाशांची मोठी सोय होणार आहे.

​या गाड्यांना मिळाला थांबा

​रेल्वे बोर्डाने खालील दोन एक्स्प्रेस गाड्यांना संगमेश्वर येथे थांबण्यास हिरवा कंदील दाखवला आहे:

१. गाडी क्रमांक २०९१०/२०९०९: पोरबंदर – कोचीवेली साप्ताहिक सुपरफास्ट एक्स्प्रेस.

२. गाडी क्रमांक १९५७७/१९५७८: जामनगर – तिरुनलवेली द्वि-साप्ताहिक एक्स्प्रेस.

​दोन वर्षांचा संघर्ष यशस्वी

​’निसर्गरम्य चिपळूण व संगमेश्वर (रेल्वे)’ या फेसबुक ग्रुपच्या माध्यमातून गेल्या दोन वर्षांपासून या थांब्यांसाठी मागणी केली जात होती. यासाठी संघटनेने केवळ पत्रव्यवहारच केला नाही, तर भेटीगाठी, आंदोलने आणि उपोषणासारखे मार्ग अवलंबून प्रशासनाचे लक्ष वेधून घेतले होते. तीन वर्षांपूर्वी नेत्रावती एक्स्प्रेसला थांबा मिळवून दिल्यानंतर, आता या दोन गाड्यांच्या थांब्यामुळे संघटनेच्या शिरपेचात आणखी एक मानाचा तुरा रोवला गेला आहे.

​लोकप्रतिनिधी आणि प्रशासनाचे मानले आभार

​या यशाबद्दल बोलताना संघटनेने केंद्रीय रेल्वे मंत्रालय, राज्याचे मुख्यमंत्री देवेंद्र फडणवीस, खासदार नारायण राणे, आमदार शेखर निकम, रेल्वे बोर्ड आणि कोकण रेल्वे प्रशासनाचे आभार मानले आहेत. तसेच संघर्षाच्या काळात खंबीरपणे पाठीशी उभे राहणाऱ्या संगमेश्वर तालुक्यातील प्रवाशांचे आणि जनतेचेही संघटनेच्या वतीने ऋण व्यक्त करण्यात आले.

​२६ डिसेंबरला होणार जल्लोषात स्वागत

​या ऐतिहासिक विजयाचा आनंद साजरा करण्यासाठी आणि नवीन गाड्यांचे स्वागत करण्यासाठी २६ डिसेंबर २०२५ रोजी संगमेश्वर रेल्वे स्थानकात एका विशेष सोहळ्याचे आयोजन करण्यात आले आहे. ‘निसर्गरम्य चिपळूण व संगमेश्वर (रेल्वे)’ फेसबुक ग्रुपतर्फे जल्लोषात स्वागत केले जाणार असून, या कार्यक्रमाची सविस्तर रूपरेषा लवकरच जाहीर केली जाईल, अशी माहिती संघटनेचे प्रमुख संदेश जिमन यांनी दिली.

​या यशाबद्दल संदेश जिमन आणि त्यांच्या सर्व सहकाऱ्यांचे संपूर्ण संगमेश्वर तालुक्यातून अभिनंदन होत आहे.

   Follow us on        

सावंतवाडी (सिंधुदुर्ग) – कणकवली तालुक्यातील फोंडाघाटजवळील घोणसरी-बोंडगवाडी परिसरात गेल्या आठ दिवसांपासून दहशत माजवणाऱ्या बिबट्यांच्या कुटुंबातील एका बछड्याला वनविभागाने यशस्वीपणे जेरबंद केले आहे. ही कारवाई यशस्वी झाल्याने परिसरातील ग्रामस्थांना मोठा दिलासा मिळाला असून, भीतीचे वातावरण काहीसे निवळले आहे.

घोणसरी गावातील बोंडगवाडी आणि पिंपळवाडी भागात गेल्या आठवड्यापासून बिबट्याची नर, मादी आणि दोन बछडे वावरत असल्याचे ग्रामस्थांच्या लक्षात आले होते. विशेषतः सतीचे मंदिर ते बोंडगवाडी हा जंगलमय आणि निर्मनुष्य मार्गावर या बिबट्यांचे वारंवार दर्शन होत होते. यामुळे ग्रामस्थांमध्ये प्रचंड घबराट निर्माण झाली होती. कामानिमित्त बाहेर पडताना लोकांना एकटे जाणे धोकादायक वाटत असल्याने घोळक्याने प्रवास करावा लागत होता.

ग्रामस्थांच्या सुरक्षिततेच्या दृष्टीने घोणसरीचे सरपंच प्रसाद राणे आणि पोलीस पाटील भालचंद्र राणे यांनी फोंडाघाट वनविभागाकडे बिबट्यांचा बंदोबस्त करण्याची मागणी केली होती. या मागणीची दखल घेत वनविभागाने परिसरात ट्रॅप कॅमेरे बसवले आणि बिबट्यांच्या हालचालींवर बारीक नजर ठेवली. बिबट्याच्या शिकारी आणि वावराच्या आधारे गुरुवारी रात्री पिंजरा लावण्यात आला होता.

वनाधिकाऱ्यांच्या या प्रयत्नांना यश आले आणि पिंजऱ्यात बिबट्याचा एक बछडा अलगद अडकला. या बछड्याला सुरक्षितपणे ताब्यात घेऊन कोल्हापूर वनक्षेत्रात हलवण्यात आले आहे. ही यशस्वी मोहीम फोंडाघाटचे नूतन वनपाल सारीक फकीर आणि त्यांच्या कर्मचाऱ्यांनी पार पाडली.

तथापि, एक बछडा जेरबंद झाला असला तरी नर-मादी बिबट्या आणि दुसरा बछडा परिसरात असण्याची शक्यता वर्तवली जात आहे. त्यामुळे ग्रामस्थांनी विशेषतः रात्रीच्या वेळी सतर्क राहावे आणि सुरक्षिततेची काळजी घ्यावी, असे आवाहन वनविभागाने केले आहे.

   Follow us on        

​सावंतवाडी:

सिंधुदुर्ग जिल्ह्यातील इन्सुली परिसरात राज्य उत्पादन शुल्क विभागाने मोठी कारवाई करत गोव्याहून होणारी बेकायदा दारू वाहतूक रोखली आहे. या कारवाईत सुमारे ३.५० लाख रुपयांची गोवा बनावटीची दारू आणि ५ लाख रुपये किमतीचे बोलेरो वाहन, असा एकूण ८ लाख ४९ हजार ३२० रुपयांचा मुद्देमाल जप्त करण्यात आला आहे.

​कारवाईचा तपशील

​राज्य उत्पादन शुल्क विभागाला मिळालेल्या गोपनीय माहितीनुसार, इन्सुली परिसरातील दत्त मंदिराजवळ वाहन तपासणी मोहीम राबवण्यात येत होती. गुरुवारी सकाळी ८ वाजेच्या सुमारास गोव्याहून सावंतवाडीच्या दिशेने येणाऱ्या एका ‘महिंद्रा बोलेरो’ टेम्पोला पथकाने अडवले.

​भाजीपाल्याच्या क्रेटखाली लपवली होती दारू

​संशयास्पद वाटणाऱ्या या वाहनाची कसून तपासणी केली असता, मागील हौद्यात भाजीपाल्याचे रिकामे क्रेट ठेवलेले आढळले. मात्र, हे क्रेट बाजूला केल्यावर त्याखाली अत्यंत शिताफीने लपवून ठेवलेले गोवा बनावटीच्या विदेशी दारूचे ३५ बॉक्स सापडले.

​एकाला अटक

​या प्रकरणी पोलिसांनी तन्झिल सईद शेख (वय २७, रा. सावंतवाडी) याला ताब्यात घेतले आहे. राज्य उत्पादन शुल्क विभागाच्या पथकाने ही धडक कारवाई केली असून, जिल्ह्यात बेकायदा दारू विक्री आणि वाहतुकीविरोधात कडक पाऊले उचलली जात आहेत.

​जप्त केलेला मुद्देमाल:

​विदेशी दारू (३५ बॉक्स): ३,४९,३२० रुपये

​महिंद्रा बोलेरो वाहन: ५,००,००० रुपये

​एकूण किंमत: ८,४९,३२० रुपये

 

   Follow us on        

रत्नागिरी: ख्रिसमस आणि नवीन वर्षाच्या निमित्ताने होणारी प्रवाशांची अतिरिक्त गर्दी लक्षात घेता, दक्षिण रेल्वेच्या समन्वयाने कोईमतूर – हरिद्वार – कोईमतूर दरम्यान विशेष एक्स्प्रेस ट्रेन चालवण्याचा निर्णय घेण्यात आला आहे. ही गाडी कोकण रेल्वे मार्गावरून धावणार असल्याने महाराष्ट्र आणि गोव्यातील प्रवाशांनाही याचा मोठा फायदा होणार आहे.

गाडीचे वेळापत्रक खालीलप्रमाणे:

गाडी क्र. ०६०४३ कोईमतूर – हरिद्वार विशेष: ही ट्रेन बुधवार, २४ डिसेंबर २०२५ रोजी कोईमतूर येथून सकाळी ११:१५ वाजता सुटेल आणि चौथ्या दिवशी म्हणजेच २७ डिसेंबर (शनिवार) रोजी मध्यरात्री ००:०५ वाजता हरिद्वारला पोहोचेल.

गाडी क्र. ०६०४४ हरिद्वार – कोईमतूर विशेष: ही ट्रेन मंगळवार, ३० डिसेंबर २०२५ रोजी हरिद्वार येथून रात्री २२:३० वाजता सुटेल आणि चौथ्या दिवशी म्हणजेच ०२ जानेवारी २०२६ (शुक्रवार) रोजी पहाटे ०४:०० वाजता कोईमतूरला पोहोचेल.

प्रमुख थांबे:

ही गाडी प्रवासादरम्यान पालघाट, शोरनूर, कोझिकोड, कन्नूर, मंगळुरू जंक्शन, उडुपी, कुंदापुरा, मुकांबिका रोड बिंदूर, कारवार, मडगाव जंक्शन, थिवी, रत्नागिरी, चिपळूण, रोहा, पनवेल, वसई रोड, उधना, वडोदरा, रतलाम, कोटा, सवाई माधोपूर, मथुरा, हजरत निजामुद्दीन, गाझियाबाद आणि रुरकी या स्थानकांवर थांबेल.

गाडीची संरचना (Composition):

या विशेष ट्रेनला एकूण १८ एलएचबी (LHB) कोच असतील, ज्यामध्ये:

• ३ टायर एसी: १० डबे
• ३ टायर एसी इकॉनॉमी: ०२ डबे
• स्लीपर क्लास: ०४ डबे
• जनरेटर कार: ०१
• एसएलआर (SLR/D): ०१

प्रवाशांनी या विशेष सुविधेचा लाभ घ्यावा, असे आवाहन रेल्वे प्रशासनातर्फे करण्यात आले आहे.

   Follow us on        

Southern Railway: भारतीय रेल्वेच्या दक्षिण रेल्वे (Southern Railway) विभागाने प्रवाशांच्या सुरक्षेसाठी आणि दलालांकडून होणारा तिकिटांचा काळाबाजार रोखण्यासाठी एक महत्त्वपूर्ण पाऊल उचलले आहे. आता दक्षिण रेल्वेतून सुटणाऱ्या ३० प्रमुख गाड्यांच्या तत्काळ तिकीट बुकिंगसाठी ‘ओटीपी’ (OTP) पडताळणी अनिवार्य करण्यात आली आहे.

​काय आहे नवीन नियम?

​आतापर्यंत ऑनलाइन तत्काळ बुकिंगसाठी काही प्रमाणात सुरक्षितता होती, मात्र आता आरक्षण खिडकी (PRS Counter) आणि ऑनलाइन प्लॅटफॉर्म या दोन्ही ठिकाणी हा नियम लागू असेल.

​जेव्हा प्रवासी तिकीट बुक करतील, तेव्हा त्यांच्या नोंदणीकृत मोबाईल क्रमांकावर एक ओटीपी येईल.

​हा ओटीपी सांगितल्याशिवाय किंवा सिस्टममध्ये एंटर केल्याशिवाय तिकीट कन्फर्म होणार नाही.

​हा नियम दलालांना रोखण्यासाठी आणि खऱ्या प्रवाशांना तिकिटे उपलब्ध करून देण्यासाठी लागू करण्यात आला आहे.

​या ३० गाड्यांमध्ये होणार बदल (प्रमुख गाड्या):

१. १२००७ एमजीआर शताब्दी चेन्नई सेंट्रल

२. १२०२७ चेन्नई – बेंगळुरू शताब्दी चेन्नई सेंट्रल

३. १२२२४ एर्नाकुलम – एलटीटी दुरंतो एर्नाकुलम

४. १२२४३ चेन्नई – कोईमतूर शताब्दी चेन्नई सेंट्रल

५. १२२४४ कोईमतूर – चेन्नई शताब्दी कोईमतूर

६. १२२९० चेन्नई – निझामुद्दीन दुरंतो चेन्नई सेंट्रल

७. १२२९३ एर्नाकुलम – नांदेड दुरंतो एर्नाकुलम

८. १२४३१ राजधानी एक्सप्रेस तिरुवनंतपुरम सेंट्रल

९. १२४३३ चेन्नई – निझामुद्दीन राजधानी चेन्नई सेंट्रल

१०. २०६०७ म्हैसूर वंदे भारत चेन्नई सेंट्रल

११. २०६२७ चेन्नई – नागरकोइल वंदे भारत चेन्नई एगमोर

१२. २०६२९ नागरकोइल – चेन्नई वंदे भारत नागरकोइल

१३. २०६३१ मंगळुरू – तिरुवनंतपुरम वंदे भारत मंगळुरू सेंट्रल

१४. २०६३२ तिरुवनंतपुरम – मंगळुरू वंदे भारत तिरुवनंतपुरम सेंट्रल

१५. २०६३३ तिरुवनंतपुरम – कासारगोड वंदे भारत कासारगोड

१६. २०६३४ कासारगोड – तिरुवनंतपुरम वंदे भारत तिरुवनंतपुरम सेंट्रल

१७. २०६४२ बेंगळुरू – कोईमतूर वंदे भारत कोईमतूर

१८. २०६४३ कोईमतूर – चेन्नई वंदे भारत चेन्नई सेंट्रल

१९. २०६४४ चेन्नई – कोईमतूर वंदे भारत कोईमतूर

२०. २०६४६ मंगळुरू – चेन्नई वंदे भारत चेन्नई सेंट्रल

२१. २०९६४ म्हैसूर वंदे भारत चेन्नई सेंट्रल

२२. २०९६५ तिरुनेलवेली वंदे भारत चेन्नई एगमोर

२३. २०९६८ चेन्नई वंदे भारत तिरुनेलवेली

२४. २२६१७ मदुराई – बेंगळुरू वंदे भारत मदुराई

२५. २२६७७ मंगळुरू वंदे भारत चेन्नई सेंट्रल

२६. २२२९७ तिरुवनंतपुरम एसी सुपरफास्ट चेन्नई सेंट्रल

२७. २२२९८ चेन्नई एसी सुपरफास्ट तिरुवनंतपुरम सेंट्रल

२८. २२६७१ तेजस एक्सप्रेस (TLGBS) चेन्नई एगमोर

२९. २२९७२ तेजस एक्सप्रेस (TLGBS) मदुराई

३०. २०६५२ बेंगळुरू वंदे भारत

या गाड्यां मध्ये कोकण रेल्वे मार्गावरील दोन गाड्यांचा समावेश आहे. या गाड्यांपैकी १२२२४ (दुरंतो) आणि १२४३१ (राजधानी) या  प्रमुख गाड्या कोकण रेल्वे मार्गावर धावतात.