सिंधुदुर्ग : सावंतवाडी-ठाणे-बोरीवली-मुंबई सेंट्रल स्लीपरकोच बस सुरू करण्याबाबत माजी नगरसेवक तानाजी वाडकर यांनी शालेय शिक्षणमंत्री दीपक केसरकर यांना निवेदन दिले आहे.

निवेदनात त्यांनी म्हटले आहे की, आपल्या माध्यमातून सावंतवाडी डेपोला दोन स्लीपरकोच बस उपलब्ध करून देण्यात आल्या आहेत. राज्यात पहिली सावंतवाडी- मुंबई ही रातराणी बससेवा सुरूं झाली. कालांतराने हा प्रयोग सर्व राज्यात राबविण्यात आला व यशस्वी झाला. सध्या सावंतवाडीहून मुंबईसाठी बस नाही. सावंतवाडी डेपो सिंधुदुर्ग विभागात सर्वाधिक रहदारीचा असून दोन राज्यांच्या सीमेवर असल्याने रहदारी सुरू असते. तेव्हा प्रवांशाची गरज लक्षात घेऊन उपलब्ध स्लीपरकोच बस रात्री ८.३० वा. मुंबईसाठी सोडण्यात यावी. ठाणे- घोडबंदरमार्गे बोरीवली, अंधेरी, बांद्रा, परेल, मुंबई सेंट्रल असा मार्ग असावा व परतीसाठी मुंबई सेंट्रलहून ५ वाजता सोडून बोरीवलीहून ८ वा. सोडावी. म्हणजे त्याचा लाभ ठाणे परिसर, मुंबई उपनगर व मुंबई-परेल या मध्यवर्ती भागातील प्रवाशांना घेता येईल.

Facebook Comments Box