Author Archives: Kokanai Digital

कोकण, महाराष्ट्र

राज्यात पुढील पाच दिवस पावसाची शक्यता; कोकणसह ‘या’ जिल्ह्यांना सतर्कतेचा इशारा

Posted on by Kokanai Digital
24
Nov
Rain Alert : भारतीय हवामान खात्याने येत्या ५ दिवसांचा राज्यातील पावसाचा अंदाज जाहीर केला असून काही विभागांना सावधगिरीचा इशारा देण्यात आला आहे. 
आज दिनांक २४ नोव्हेंबर रोजी कोकणातील सिंधुदुर्ग आणि रत्नागिरी या जिल्ह्यांना तसेच कोल्हापूर,सातारा ,पुणे आणि अहमदनगर या जिल्ह्यांना येलो अलर्ट जारी करण्यात आला आहे.
दिनांक २५  नोव्हेंबर रोजी कोकणातील सर्व जिल्ह्यासोबत राज्यातील बहुतेक जिल्ह्यांना येलो अलर्ट जारी  करण्यात आला आहे.
दिनांक २६ नोव्हेंबर रोजी कोकणातील सर्व जिल्ह्यासोबत राज्यातील बहुतेक जिल्ह्यांना येलो अलर्ट जारी करण्यात आला आहे. मात्र नाशिक विभागातील जिल्ह्यांना ऑरेंज अलर्ट जारी करण्यात आला आहे. 
दिनांक २७ आणि २८ नोव्हेंबर रोजी कोकणातील कोणत्याही जिल्ह्याला सावधानतेचा इशारा देण्यात आला नाही आहे. मात्र राज्यातील काही जिल्ह्यांना येलो अलर्ट देण्यात आला आहे. 
महाराष्ट्र, शिक्षण

दहावी व बारावीच्या परीक्षा होणार वर्षातून दोनदा

Posted on by Kokanai Digital
24
Nov

पुणे : इयत्ता दहावी व बारावीच्या विद्यार्थ्यांच्या परीक्षा पद्धतीत मोठा बदल केला जाणार आहे. आता त्यांची वर्षातून दोनदा परीक्षा होतील. दिवाळीपूर्वी एक सत्र आणि मार्चमध्ये दुसरे व अंतिम सत्र होईल. नवीन राष्ट्रीय शैक्षणिक धोरणानुसार या बदलाची अंमलबजावणी आगामी २०२४-२५ किंवा २०२५-२६च्या शैक्षणिक वर्षापासून होऊ शकते, अशी माहिती पुणे बोर्डातील वरिष्ठ सूत्रांनी दिली.

दहावी, बारावीच्या परीक्षा या विद्यार्थ्यांच्या करिअरचा पाया मानला जातो. विद्यार्थ्यांमध्ये त्या परीक्षांची नेहमीच चिंता असते आणि पालकांवरही ताण असतो. अनेकजण विशेषत: मुली अनुत्तीर्ण झाल्यावर अर्ध्यातूनच शिक्षण सोडतात.या पार्श्वभूमीवर केंद्रीय शिक्षण मंत्रालयाच्या माध्यमातून हा बदल प्रस्तावित करण्यात आला आहे. त्याची तयारी सुरू झाली असून, केंद्रीय शिक्षण मंत्रालयाने बोर्ड परीक्षा, अभ्यासक्रमासह इतर १० मुद्द्यांवर पालक, शिक्षक, अभ्यासकांसह सर्वसामान्य लोकांची मते मागविली आहेत. बोर्डाच्या परीक्षेत विद्यार्थ्यांची खरी क्षमता तपासता येत नाही, असे तुम्हाला वाटते का? बोर्डाच्या परीक्षा घेण्याच्या सध्याच्या पद्धतीत बदल काही करण्याची गरज आहे का? बोर्डाच्या परीक्षेची जी पद्धत सुरू आहे ती तशीच राहू द्यावी की बदलावी, असे तुम्हाला वाटते का? अशा प्रश्नांवर त्यांची मते मागवून घेतली आहेत. त्याचा विचार करून दोन वर्षांत नवीन पद्धत अवलंबली जाणार आहे.पाठांतराची सवय कमी करण्याचा प्रयत्ननवीन अभ्यासक्रमात पुस्तकांचा मजकूर कमी करून ते मनोरंजक आणि समर्पक बनविण्यात येणार आहे. त्याचबरोबर पुस्तकांच्या आशयाची सांगड घातली जाणार असून, विद्यार्थ्यांसाठी सामग्री लक्षात ठेवण्याऐवजी, ती वैचारिक बनविण्याचाही अभ्यासक्रमातून प्रयत्न होईल, असे वरिष्ठ अधिकाऱ्यांनी ‘सकाळ’शी बोलताना सांगितले.

नवीन बदल असा असणार… शाळा व कनिष्ठ महाविद्यालयातील शिक्षक विद्यार्थ्यांना नेहमीप्रमाणेच अध्यापन करतील. पण, पदवी तथा पदव्युत्तर पदवीच्या परीक्षांप्रमाणे दहावी- बारावीच्या परीक्षाही सत्र पद्धतीनेच होतील. पहिले सत्र दिवाळीपूर्वी घेले जाणार असून पुढील सत्र मार्च महिन्यात होईल. तत्पूर्वी, त्यांची प्रात्यक्षिक परीक्षा पार पडेल. शेवटी दोन्ही सत्र परीक्षांचे गुण एकत्रित करून बोर्डाच्या माध्यमातून निकाल प्रसिद्ध केला जाणार आहे. तत्पूर्वी, पहिल्या सत्राचे गुण विद्यार्थ्यांना पहायला मिळणार आहेत.सेमिस्टर पॅटर्नचा हेतू…विद्यार्थ्यांना अभ्यास करण्यासाठी पुरेसा वेळ मिळेल आणि त्यांच्यावरील ताण कमी होईलएका सत्रात कमी गुण मिळाल्यास दुसऱ्या सत्रात त्यांना जास्त अभ्यास करण्याची संधीअनुत्तीर्ण विद्यार्थ्यांना पुढच्या सहा महिन्यातच पुन्हा संधी मिळेल आणि त्यामुळे अर्ध्यातून शाळा सोडणे थांबेल

कोकण, कोकण गौरव, रत्नागिरी

कोकणकन्येची भरारी; जिल्ह्यातील पहिली मेट्रो चालक बनण्याचा मिळवला मान

Posted on by Kokanai Digital
22
Nov
रत्नागिरी: राजापूर आडवली येथील आदिती पडयार ही रत्नागिरी जिल्ह्यातील पहिली कोकणसुकन्या मेट्रो चालक ठरली आहे. नवी मुंबई येथे सुरू झालेल्या मेट्रोच्या शुभारंभाची ट्रेन चालवण्याचा मोठा बहुमान या कोकणकन्येला मिळाला आहे. 
आदिती पडयार यांना मुंबई येथील मोनोरेलमध्ये ट्रेन कॅप्टन म्हणून काम करण्याची संधी मिळाली होती.  मोनोरेलमधील दोन वर्षाच्या अनुभवानंतर आता आदिती पडियार मेट्रो चालक आहेत. नवी मुंबई येथे शुभारंभ दिवशी त्यांना २२ किलोमीटरची पॅसेंजर मेट्रो ट्रेन चालवली. महिलांनी स्वतःवर विश्वास ठेवला तर त्या कोणत्या क्षेत्रात भरारी घेऊ शकतात अशा शब्दात अदिती पडियार यांनी आपल्या भावना व्यक्त केल्या. कोकणातील सगळ्याच मुलींनी आता आत्मनिर्भर स्वतःच्या पायावर उभे राहण्यासाठी प्रयत्न करावेत, असेही मत त्यांनी यावेळी व्यक्त केलं.
आपल्याला मेट्रो चालवण्याची संधी मिळाल्यानंतर मला कोकणातून गावावरून अभिनंदन व कौतुकाचे कॉल येत आहेत. त्यावेळेला वाटत असेल तर समाधान खूप मोठ आहे अशाही भावना त्यांनी व्यक्त केल्या. मला भविष्यात अशा आव्हानात्मक संधी मिळाल्या तर नक्कीच मी त्याचा उपयोग करेन, असाही आत्मविश्वास  यांनी पत्रकारांशी व्यक्त केला. नवी मुंबईतील मेट्रो चालक पदावर काम करण्याची संधी मिळाल्यानंतर आदिती पडियार यांचे सामाजिक शैक्षणिक, राजकीय आदी विविध क्षेत्रातील मान्यवरांकडून अभिनंदन करण्यात आलं आहे.
कोकण, गोवा वार्ता, सिंधुदुर्ग

पत्रादेवी चेकपोस्टवर पोलिसांची नाकाबंदी; गोवन दारूची तस्करी रोखण्यासाठी तपासणी

Posted on by Kokanai Digital
20
Nov

बांदा: पत्रादेवी चेकनाक्यावरून मोठ्या प्रमाणात दारूची तस्करी होत असल्याच्या अनेक तक्रारी आल्या आहेत. त्याच अनुषंगाने थेट पत्रादेवी-गोव्याच्या हद्दीत ज्या ठिकाणी मोपा हद्दीतला पत्रादेवी पोलिस चेकनाका आहे.

त्या ठिकाणी सिंधुदुर्ग पोलिस मोठ्या प्रमाणात गोव्यातून महाराष्ट्रात जाणाऱ्या वाहनांची काटेकोरपणे तपासणी करत असल्याचे चित्र शनिवारी (ता.१८) सायंकाळी दिसून आले.

याविषयी महाराष्ट्र पोलिस निरीक्षक पवार यांच्याशी संपर्क साधला असता गोवा आणि महाराष्ट्र पोलिसांचे चांगले संबंध राहावेत. त्यासाठी संयुकरतीत्या ही मोहीम राबवली जात आहे. वेळप्रसंगी गोव्यातील पोलिस महाराष्ट्र हद्दीमध्ये येऊन महाराष्ट्रातील वाहने गोव्यात जात असतील आणि एखाद्यावेळी संशय असेल तर तेसुद्धा तशा प्रकारची तपासणी करू शकतात, असे सांगितले.

मागच्या काही महिन्यांपासून गोव्यातून महाराष्ट्र राज्यामध्ये मोठ्या प्रमाणात दारूची तस्करी होत होती. पत्रादेवी चेकनाक्यावर न सापडणारी वाहने थेट सिंधुदुर्गातील बांदा, इन्सुली, आरोस या भागात अडवली जात होती आणि लाखो रुपयांची दारू हस्तगत करण्याची प्रक्रिया महाराष्ट्र पोलिस करत होते.

मात्र, पेडणे अबकारी विभागाकडून तशा प्रकारची कारवाई का होत नव्हती, असा सवाल आता नागरिक उपस्थित करत आहेत. त्याच अनुषंगाने महाराष्ट्र पोलिसांनी गोव्याच्या हद्दीमध्ये येऊन मागच्या तीन दिवसांपासून ही नाकाबंदी सुरू केलेली आहे. केवळ दुचाकी नव्हे तर प्रत्येक वाहनाची तपासणी केली जात असल्याचे चित्र पत्रादेवी चेकनाक्यावर प्रत्यक्ष भेट दिली असता दिसून आले.

कोकण, कोकण रेल्वे

महत्त्वाचे: हिवाळी पर्यटन आणि ख्रिसमससाठी चालविण्यात येणार्‍या गाड्यांच्या आरक्षणाची तारीख जाहीर.

Posted on by Kokanai Digital
20
Nov

Konkan Railway News 20/11/2023 : ख्रिसमस आणि नवीन वर्ष साजरे करण्यासाठी गोव्याला मोठ्या प्रमाणात पर्यटक भेट देतात. त्यांच्या सोयीसाठी रेल्वे तर्फे मुंबई आणि पुण्यावरून काही विशेष गाड्या चालविण्यात येणार आहेत. आज या गाड्यांच्या आरक्षणाची तारीख पण जाहीर करण्यात आली आहे.

1)खालील विशेष गाड्यांचे आरक्षण उद्या दिनांक 21 नोव्हेंबर पासून पिआरएस PRS काऊंटर वर आणि अधिकृत संकेतस्थळांवर उपलब्ध करण्यात येणार आहे.

Train nos. 01151 / 01152 Mumbai CSMT – Thivim – Mumbai CSMT (Daily) Special,

01445 / 01446 Pune – Karmali – Pune (Weekly) Special,

01447 / 01448 Panvel – Karmali – Panvel (Weekly) Special

2)खालील विशेष गाड्यांचे आरक्षण परवा दिनांक 22 नोव्हेंबर पासून पिआरएस PRS काऊंटर वर आणि अधिकृत संकेतस्थळांवर उपलब्ध करण्यात येणार आहे.

01455 / 01456 Lokmanya Tilak (T) – Karmali – Lokmanya Tilak (T) (Weekly) Special

01459 / 01460 Lokmanya Tilak (T) – Karmali – Lokmanya Tilak (T) (Weekly) Special

Source – Railway Notification

 

 

 

कोकण, कोकण रेल्वे

येत्या मंगळवारी कोकण रेल्वे मार्गावर मेगाब्लॉक; दोन गाड्यांच्या वेळापत्रकांवर परिणाम

Posted on by Kokanai Digital
19
Nov
Konkan Railway News: कोकण रेल्वे मार्गावर येत्या मंगळवारी करंजाडी ते कामथे विभागां दरम्यान  रेल्वेच्या मालमत्तेच्या देखभालीसाठी मेगाब्लॉक घेण्यात येणार आहे. दुपारी १२:४० ते १५:१० या वेळेत हा ब्लॉक असणार आहे. या मेगाब्लॉक मुळे कोंकण रेल्वे मार्गावर धावणाऱ्या २  गाड्यांच्या वेळापत्रकांवर परिणाम होणार आहे.
१) Train no. 02197 Coimbatore – Jabalpur Special
दिनांक २० नोव्हेंबर रोजी प्रवास सुरु करणारी ही गाडी मडगाव ते संगमेश्वर रोड या स्थानकांदरम्यान  ११० मिनिटे उशिराने चालविण्यात येणार आहे. 
१) Train no. 10106 Sawantwadi Road – Diva Express
दिनांक २१ नोव्हेंबर रोजी प्रवास सुरु करणारी ही गाडी सावंतवाडी ते संगमेश्वर रोड या स्थानकांदरम्यान ७०  मिनिटे उशिराने चालविण्यात येणार आहे. 
कोकण, पर्यटन

कोकण किनारपट्टीवर अवतरले ‘पाहुणे’; दोन-तीन महिने असणार मुक्काम

Posted on by Kokanai Digital
19
Nov
दापोली :कोकण किनारपट्टीवर सीगल पक्षी Seagull Birdअवतरले असून, त्यांच्या येण्याने दापोली तालुक्यातील सर्वच समुद्रकिनारे गजबजले आहेत. हर्णैच्या किनाऱ्यावर रपेट मारताना सीगल पक्ष्यांचे थवे दिसू लागल्याने पर्यटकांना ते आकर्षण ठरत असून या थव्यांचे छायाचित्र आपल्या कॅमेऱ्यात टिपण्याचा आनंद पर्यटक घेत आहेत.
किनाऱ्याला थवेच्या थवे येऊन बसतात आणि येणाऱ्या लाटांमध्ये मज्जा करत असतात. विशेषतः सकाळी या पक्ष्यांची गजबज पाहताना एक वेगळीच गंमत वाटते. सीगल पक्ष्यांच्या लयबद्ध हालचाली, भक्ष्य म्हणून छोटे मासे व खेकडे पकडण्यासाठीची शिताफी, आकाशात विहारण्याची शैली पाहता प्रत्यक्षदर्शीची करमणूक होत आहे.
या पक्ष्यांच्या हवेतील सहजसुंदर कसरती देखील पाहण्याजोगा असून या कसरती पाहण्यासाठी अनेकांची पावले समुद्र किनाऱ्यावर वळतात. यावर्षीही या पक्ष्यांचे आगमन झाल्याने किनारा पक्ष्यांच्या सफेद रंगाने न्हाऊन निघाला आहे. पुढील दोन-तीन महिने किनारे या पक्ष्यांनी फुलून जाणार आहेत.
थंडीच्या कालावधीमध्ये पुरेसे खाद्य आणि राहण्यासाठी अनुकूल असलेल्या परिसरात सीगल पक्षी स्थलांतर करून येथे दाखल होतात. दिवाळी सुटीमुळे किनाऱ्यावर मोठ्या संख्येने पर्यटक दापोलीत दाखल झाले आहेत. या पर्यटकांसाठी सीगल पक्षी म्हणजे पर्वणी ठरत आहे.
कोकण, कोकण रेल्वे

ख्रिसमस आणि हिवाळी पर्यटनासाठी कोकण रेल्वे मार्गावर अजून ४ विशेष गाड्यांची घोषणा

Posted on by Kokanai Digital
19
Nov
Konkan Railway News:हिवाळी पर्यटन हंगाम तसेच ख्रिसमस साठी गोव्याकडे येणाऱ्या रेल्वे प्रवाशांची संख्या लक्षात घेऊन कोकण रेल्वे मार्गावर आणखी चार विशेष गाड्या चालविण्याचा निर्णय कोकण रेल्वे प्रशासनाने घेतला आहे.
1) Train no. 01453 / 01454 Lokmanya Tilak (T) –  Mangaluru Jn. – Lokmanya Tilak (T) Special (Weekly):
Train no. 01453 Lokmanya Tilak (T) –  Mangaluru Jn. Special (Weekly):
ही गाडी दिनांक  २२/१२/२०२३  आणि  २९/१२/२०२३  या दिवशी लोकमान्य टिळक टर्मिनस या स्थानकावरुन रात्री  २२:१५  वाजता सुटेल व ती दुसऱ्या दिवशी संध्याकाळी १७:०५ वाजता मंगुळुरु या स्थानकावर पोहोचेल.
Train no. 01454   Mangaluru Jn. -Lokmanya Tilak (T) Special (Weekly):
ही गाडी दिनांक  २३/१२/२०२३  आणि  ३०/१२/२०२३  या दिवशी मंगुळुरु या स्थानकावरुन संध्याकाळी १८:४५   वाजता सुटेल व ती दुसऱ्या दिवशी दुपारी १४:२५ वाजता लोकमान्य टिळक टर्मिनस या स्थानकावर पोहोचेल.
या गाडीचे थांबे
ठाणे, पनवेल, रोहा, खेड, चिपळूण, संगमेश्वर रोड, रत्नागिरी, वैभववाडी रोड, कणकवली, सिंधुदुर्ग, कुडाळ, सावंतवाडी रोड, थिविम, करमाळी, मडगांव, कानाकोना,  कारवार, कुमठा, मुरुडेश्वर, भटकळ, कुंदापूर, उडुपी, मुल्की आणि सुरतकल
डब्यांची संरचना
एसएलआर – ०2 + जनरल – 05 + स्लीपर – 08 + थ्री टायर एसी – 05 + टू टायर एसी – 01   असे मिळून एकूण 21 डबे
2)  Train no. 01455 / 01456 Lokmanya Tilak (T) – Karmali – Lokmanya Tilak (T) Special (Weekly):
 Train no. 01455 Lokmanya Tilak (T) – Karmali Special (Weekly):
ही गाडी दिनांक  २४/१२/२०२३  आणि  ३१/१२/२०२३  या दिवशी लोकमान्य टिळक टर्मिनस या स्थानकावरुन रात्री  २२:१५  वाजता सुटेल व ती दुसऱ्या दिवशी सकाळी ११:१५ वाजता करमाळी या स्थानकावर पोहोचेल.
Train no. 01456 Karmali –  Lokmanya Tilak (T) Special (Weekly):
ही गाडी दिनांक  २५/१२/२०२३  आणि  ०१/०१/२०२४ या दिवशी करमाळी या स्थानकावरुन सकाळी ११:४५ वाजता सुटेल व ती त्याच दिवशी रात्री  २३:४५  वाजता लोकमान्य टिळक टर्मिनस या स्थानकावर पोहोचेल.
या गाडीचे थांबे
ठाणे, पनवेल, रोहा, खेड, चिपळूण, संगमेश्वर रोड, रत्नागिरी,राजापूर रोड, वैभववाडी रोड, कणकवली, सिंधुदुर्ग, कुडाळ, सावंतवाडी रोड, थिविम
डब्यांची संरचना
एसएलआर – ०2 + जनरल – 05 + स्लीपर – 08 + थ्री टायर एसी – 05 + टू टायर एसी – 01   असे मिळून एकूण 21 डबे
3)  Train no. 01155 / 01156 Lokmanya Tilak (T) –  Mangaluru Jn. – Lokmanya Tilak (T) Special (Weekly):
Train no. 01155 Lokmanya Tilak (T) –  Mangaluru Jn. Special (Weekly):
ही गाडी दिनांक  २६/१२/२०२३  आणि ०२/०१/२०२४ या दिवशी लोकमान्य टिळक टर्मिनस या स्थानकावरुन रात्री  २२:१५  वाजता सुटेल व ती दुसऱ्या दिवशी संध्याकाळी १७:०५ वाजता मंगुळुरु या स्थानकावर पोहोचेल.
Train no. 01156 Mangaluru Jn. – Lokmanya Tilak (T)   Special (Weekly):
ही गाडी दिनांक  २७/१२/२०२३  आणि  ०३/०१/२०२४  या दिवशी मंगुळुरु या स्थानकावरुन संध्याकाळी १८:४५   वाजता सुटेल व ती दुसऱ्या दिवशी दुपारी १४:२५ वाजता लोकमान्य टिळक टर्मिनस या स्थानकावर पोहोचेल.
या गाडीचे थांबे
ठाणे, पनवेल, रोहा, खेड, चिपळूण, संगमेश्वर रोड, रत्नागिरी, वैभववाडी रोड, कणकवली, सिंधुदुर्ग, कुडाळ, सावंतवाडी रोड, थिविम, करमाळी, मडगांव, कानाकोना,  कारवार, कुमठा, मुरुडेश्वर, भटकळ, कुंदापूर, उडुपी, मुल्की आणि सुरतकल
डब्यांची संरचना
थ्री टायर एसी – 15 + टू टायर एसी – 03  + फर्स्ट एसी – 01  + पॅन्टरी कार  – ०1 +  जनरेटर  कार – 02  असे मिळून एकूण  22 LHB डबे
4) Train no. 01459 / 01460 Lokmanya Tilak (T) – Karmali – Lokmanya Tilak (T) Special (Weekly):
Train no. 01459  Lokmanya Tilak (T) – Karmali Special (Weekly):
ही गाडी दिनांक  २१/१२/२०२३  आणि  २८/१२/२०२३  या दिवशी लोकमान्य टिळक टर्मिनस या स्थानकावरुन रात्री  २२:१५  वाजता सुटेल व ती दुसऱ्या दिवशी सकाळी ११:१५ वाजता करमाळी या स्थानकावर पोहोचेल.
Train no. 01460 Karmali  –  Lokmanya Tilak (T) Special (Weekly):
ही गाडी दिनांक  २२/१२/२०२३  आणि  २९/१२/२०२४ या दिवशी करमाळी या स्थानकावरुन सकाळी ११:४५ वाजता सुटेल व ती त्याच दिवशी रात्री  २३:४५  वाजता लोकमान्य टिळक टर्मिनस या स्थानकावर पोहोचेल.
या गाडीचे थांबे
ठाणे, पनवेल, रोहा, खेड, चिपळूण, संगमेश्वर रोड, रत्नागिरी,राजापूर रोड, वैभववाडी रोड, कणकवली, सिंधुदुर्ग, कुडाळ, सावंतवाडी रोड, थिविम
डब्यांची संरचना
थ्री टायर एसी – 15 + टू टायर एसी – 03  + फर्स्ट एसी – 01  + पॅन्टरी कार  – ०1 +  जनरेटर  कार – 02  असे मिळून एकूण  22 LHB डबे
कोकण, कोकण रेल्वे

“भीक नको, पण…..” सावंतवाडीकरांच्या मागण्यांची कोकण रेल्वे अधिकाऱ्यांकडून थट्टा 

Posted on by Kokanai Digital
18
Nov

सावंतवाडी :सावंतवाडी रेल्वे स्थानकावर बऱ्याच सुविधेंचा अभाव आहे. येथून मिळणारे उत्त्पन्न तुलना केल्यास चांगले असूनही खूप कमी गाडयांना येथे थांबे आहेत. टर्मिनस चे काम अपुरे आहेत. असे अनेक प्रश्न असल्याने सावंतवाडीकर कधी कोकण रेल्वेच्या अधिकाऱ्यांना, तर कधी राजकीय पुढाऱ्यांना निवेदने देत आहेत. तरीही सर्वच प्रश्नच तसेच आहे. उलट सावंतवाडीकरांच्या जखमेवर मीठ चोळण्याचे प्रकार कोकण रेल्वेच्या उच्च अधिकाऱ्यांकडून होताना दिसत आहेत. निवेदने स्वीकारताना दिलेल्या निवेदनाची अक्षरशः थट्टा केली जात असल्याचे प्रकार घडत आहेत. त्यामुळे आता सावंतवाडीकरांना कोकण रेल्वे प्रशासनाने ‘भीक नको पण कुत्रा आवर’ या म्हणीप्रमाणे म्हणण्याची वेळ आणून ठेवली आहे.

काल कोकण रेल्वे महामंडळाचे व्यवस्थापकीय संचालक श्री संजय गुप्ता सावंतवाडी स्थानकाच्या भेटीला आले असता आपल्या ग्रुप तर्फे मिहिर मठकर, विनायक गवस आणि भूषण बांदिवडेकर यांनी सावंतवाडी स्थानकातील गैरसोयी बद्दल निवेदन दिले परंतु श्री गुप्ता यांनी दिलेल्या निवेदनाची अक्षरशः थट्टा केली. ते या वरही ना थांबता स्वर्गीय डी के सावंत यांच्याबद्दल टिपण्णी केली असल्याचा आरोप मिहिर मठकर आणि त्यांच्या सहकाऱ्यांनी केला आहे. यावेळचा विडिओ देखील त्यांनी बनवला असून त्यात श्री संजय गुप्ता हे या मागण्यांची चेष्ठा करताना दिसत आहेत.

मागे ऑगस्ट महिन्यात मीहिर मठकर आणि सुरेंद्र नेमळेकर यांनी कोंकण रेल्वे कॉर्पोरेशनच्या बेलापूर ऑफिस मधे चीफ ऑपरेटिंग मॅनेजर श्री वी.स. सिन्हा यांची भेट घेतली होती. त्यावेळी सावंतवाडी स्थानकावरील राजधानी एक्सप्रेस या गाडीचा थांबा पूर्ववत करावा तसेच वंदे भारत तसेच अन्य गाडयांना या स्थानकावर थांबा मिळावा यासाठी निवेदन देण्यात आले होते. मात्र त्यावेळी वी.स. सिन्हा यांनी राजधानी सारख्या गाड्यां मधून प्रवास करण्याची सावंतवाडीकरांची कुवत नाही असे अपमानास्पद विधान केले होते.

 

कोकण, कोकण रेल्वे, नोकरी, महाराष्ट्र

कोकण रेल्वेमध्ये १९० जागांसाठी भरती; ‘असा’ करा अर्ज

Posted on by Kokanai Digital
18
Nov
मुंबई : कोकण रेल्वे कॉर्पोरेशन लिमिटेड अंतर्गत अप्रेंटिस पदांच्या काही रिक्त जागा भरण्यात येणार आहेत. या भरतीसाठी पात्र उमेदवारांकडून अर्ज मागविण्यात येत आहेत. या भरतीसाठी उमेदवार ऑनलाईन पद्धतीने अर्ज करू शकतात. अर्ज करण्याची शेवटची तारीख १० डिसेंबर २०२३ आहे. कोकण रेल्वे भरती २०२३ साठी आवश्यक शैक्षणिक पात्रता, वयोमर्यादा आणि नोकरीचे ठिकाण याबाबतची सविस्तर माहिती जाणून घेऊया.
पदाचे नाव –
पदवीधर अप्रेंटिस, जनरल स्ट्रीम पदवीधर अप्रेंटिस, टेक्निशियन (डिप्लोमा) अप्रेंटिस
एकूण रिक्त पदे – १९०
शैक्षणिक पात्रता –
  • पदवीधर अप्रेंटिस : संबंधित विषयात इंजिनीअरिंग.
  • जनरल स्ट्रीम पदवीधर अप्रेंटिस : B.A/ B.Com/ B.Sc/ BBA /BMS/पत्रकारिता आणि जनसंवाद/ व्यवसाय अभ्यास पदवी.
  • टेक्निशियन (डिप्लोमा) अप्रेंटिस : संबंधित विषयात इंजिनीअरिंग डिप्लोमा.
वयोमर्यादा –
खुला प्रवर्ग – १८ ते २५ वर्षे.
ओबीसी – ३ वर्षे सूट.
मागासवर्गीय – ५ वर्षे सूट.
अर्ज फी –
खुला/ ओबीसी प्रवर्ग – १०० रुपये.
मागासवर्गीय/ महिला/ EWS – फी नाही.
नोकरीचे ठिकाण – महाराष्ट्र-गोवा आणि कर्नाटक.
अधिकृत वेबसाईट – https://konkanrailway.com/
महत्वाच्या तारखा –
ऑनलाईन अर्ज करण्याची सुरवात – १५ नोव्हेंबर २०२३
ऑनलाईन अर्ज करण्याची शेवटची तारीख – १० डिसेंबर २०२३
भरती संबंधित अधिकची आणि सविस्तर माहिती जाणून घेण्यासाठी खालील जाहिरात अवश्य पाहा.

Content Protected! Please Share it instead.  

Home
Kokan Blog
Downloads
Search