Author Archives: Kokanai Digital

महाराष्ट्र

Vande Bharat Express: मुंबई-नांदेड वंदे भारत एक्सप्रेस मुहूर्त ठरला

Posted on by Kokanai Digital
10
Jul

No block ID is set

Vande Bharat Express: नांदेडकरांसाठी एक आनंदाची बातमी आहे. लवकरच मुंबई ते नांदेड या मार्गावर वंदे भारत एक्स्प्रेस सुरू होणार आहे. पुढील महिन्यापासून मुंबई ते नांदेड असा प्रवास करता येणार आहे. काँग्रेसमधून भाजपमध्ये गेलेले अशोक चव्हाण यांनी यासंदर्भात ट्विट करून माहिती दिली आहे. ही ट्रेन मुंबई ते नांदेडदरम्यान (Mumbai to Nanded) 771 किलोमीटरचं अंतर तब्बल 8 तासात पूर्ण करणार असल्याची माहिती आहे.

मुंबई-नांदेड वंदे भारत एक्सप्रेस मुहूर्त ठरला असून 26 ऑगस्ट 2025 पासून ही एक्स्प्रेस सुरू होणार आहे. दरम्यान मुंबई-नांदेड वंदे भारत एक्स्प्रेसच्या स्वागतासाठी नांदेडकर सज्ज झाले असल्याचं अशोक चव्हाण यांनी ट्विट केलं आहे. याशिवाय त्यां मोदी सरकारचे आभारही मानले.

महाराष्ट्र

Railway Updates: सामान्य प्रवाशांना दिलासा; तब्बल २६ गाड्यांच्या डब्यांत वाढ. यादी इथे वाचा

Posted on by Kokanai Digital
10
Jul
   Follow us on        

Railway Updates: सामान्य डब्यांत होणारी अतिरिक्त गर्दी कमी करण्याच्या हेतूने मध्य रेल्वे प्रशासनाने आपल्या विभागातील तबबले २६ गाड्यांच्या सामान्य श्रेणीच्या डब्यांत वाढ करण्याचा निर्णय घेतला आहे. प्रशासन फक्त प्रीमियम दर्जाच्या गाड्या सुरू करून फक्त उच्च वर्गातील प्रवाशांकडे लक्ष देत असल्याचा आरोप होत होता. या पार्श्‍वभूमीवर रेल्वे मंत्र्यांनी  एकूण १०,००० सामान्य डबे गाड्यांना लवकरच जोडले जातील अशी ग्वाही दिली होती. सामान्य प्रवाशांचा प्रवास सोयीच्या व्हावा या हेतूने प्रत्येक गाडीला किमान ४ डबे सामान्य श्रेणीचे असावेत अशी दक्षता घेतली जात आहे. त्याच धर्तीवर हा निर्णय घेण्यात आला आहे.

मध्य रेल्वेने प्रसिद्ध केलेल्या माहितीपत्रकानुसार खालील गाडयांना कायमस्वरूपी ४ सामान्य दर्जाचे डबे जोडले जाणार आहेत.

Sr.no Train no With effect o­n – Station & Date
1 11001 CSMT- Balharshah Nandigram Express Ex CSMT o­n 05.09.2025
2 11002 Balharshah – CSMT Nandigram Express Ex Balharshah o­n 07.09.2025
3 11027 Dadar – Satara Express Ex Dadar o­n 05.09.2025
4 11028 Satara – Dadar Express Ex Satara o­n 06.09.2025
5 11041 Dadar – Sainagar Shirdi Express Ex Dadar o­n 06.09.2025
6 11042 Sainagar Shirdi – Dadar Express Ex Sainagar shirdi o­n 07.09.2025
7 22157 CSMT – Chennai Express Ex CSMT o­n 05.09.2025
8 22158 Chennai – CSMT Express Ex Chennai o­n 08.09.2025
9 11029 CSMT – Kolhapur Koyna Express Ex CSMT o­n 07.05.2025
10 11030 Kohapur – CSMT Koyna Express Ex Kolhapur o­n 05.09.2025
11 11139 CSMT – Hosapete Express Ex CSMT o­n 05.09.2025
12 11140 Hosapete- CSMT Express Ex Hosapete o­n 06.09.2025
13 11005 Dadar – Puducherry Express Ex Dadar o­n 07.05.2025
14 11006 Puducherry – Dadar Express Ex Puducherry o­n 09.09.2025
15 11021 Dadar – Tirunelveli Express Ex Dadar o­n 09.09.2025
16 11022 Tirunelveli – Dadar Express Ex Tirunelveli o­n 11.09.2025
17 11035 Dadar – Mysuru Sharavati Express Ex Dadar o­n 11.09.2025
18 11036 Mysuru – Dadar Sharavati Express Ex Mysuru o­n 14.09.2025
19 01025 Dadar – Balia Special Express Ex Dadaron 08.09.2025
20 01026 Balia – Dadar Special Express Ex Balia o­n 10.09.2025
21 01027 Dadar – Gorakhpur Special Express Ex Dadaron 06.09.2025
22 01028 Gorakhpur – Dadar Special Express Ex Gorakhpur o­n 08.09.2025
23 12135 Pune – Nagpur Express Ex Nagpur o­n 06.09.2025
24 12136 Nagpur – Pune Express Ex Pune o­n07.09.2025
25 11403 Kolhapur – Nagpur Express Ex Kolhapur o­n 05.09.2025
26 11404 Nagpur – Kolhapur Express Ex Nagpur o­n 06.09.2025
अपघात, देश

Bridge Collapse: गुजरातमध्ये पूल कोसळला, अनेक वाहनं पडली

Posted on by Kokanai Digital
09
Jul
   Follow us on        

अहमदाबाद: गुजरातमध्ये पूल कोसळून भीषण अपघात झाल्याची धडकी भरवणारी घटना समोर आली आहे. मुसळधार पावसामुळे हा पूल कोसळल्याचं सांगितलं जात आहे. आणंद आणि वडोदरा यांना जोडणारा गंभीरा पूल कोसळून हा अपघात झाला. पूल कोसळला तेव्हा त्यावरुन वाहनांची ये-जा सुरु होती. त्यामुळे अनेक वाहनं नदीत पडली. या अपघातात आतापर्यंत तिघांचा मृत्यू झाल्याची माहिती समोर आली असून मृतांचा आकडा वाढण्याची शक्यता आहे. हा पूल 45 वर्ष जुना असल्याची माहिती आहे.

महिसागर नदीवरील 45 वर्ष जुना गंभीरा पूल कोसळल्याने वडोदरा जिल्ह्यात मोठी दुर्घटना घडली, ज्यामुळे संपूर्ण प्रदेशात धक्का बसला. वडोदरा जिल्ह्यातील पदराला आनंद जिल्ह्याशी जोडणारा हा पूल बराच काळापासून जीर्ण अवस्थेत असल्याची माहिती आहे.

महिसागर नदीवरील गंभीरा पुलाचा एक भाग बुधवारी (9 जुलै) सकाळी कोसळला, ज्यामुळे अनेक वाहनं नदीत पडली. पदराचे पोलिस निरीक्षक विजय चरण यांनी दिलेल्या माहितीनुसार, राज्य महामार्गावर सकाळी 7:30 वाजताच्या सुमारास ही घटना घडली आणि त्यात आतापर्यंत तीन जणांचा मृत्यू झाला. या अपघातात जखमी झालेल्या वाहनांमध्ये दोन ट्रक आणि दोन व्हॅनचा समावेश असल्याची माहिती मिळाली आहे. बचाव पथकांनी आतापर्यंत चार जणांना सुरक्षित बचावलं आहे आणि इतर अपघातग्रस्तांचा शोध सुरू आहे.

मुजपूर गावाजवळ ही घटना घडल्याची माहिती आहे. दोन ट्रक, एक बोलेरो जीप, दुसरी एक गाडी पूल ओलांडत असताना अचानक पुलाचा एक भाग कोसळला. त्यामुळे दुधडी भरुन वाहणाऱ्या महिसागर नदीत ही चारही वाहनं कोसळली. स्थानिक लोक तातडीने घटनास्थळी जमा झाले आणि बचाव कार्याला सुरुवात करण्यात आली

कोकण रेल्वे, देश

Railway Updates: प्रवाशांच्या सोयीसाठी आरक्षण चार्टिंगच्या वेळेत बदल; सुधारित वेळा अशा असतिल

Posted on by Kokanai Digital
09
Jul
   Follow us on        

Railway Updates: प्रवाशांना अधिक सोयीस्कर सेवा देण्यासाठी आणि त्यांचा प्रवास अधिक चांगल्या पद्धतीने नियोजित करता यावा, यासाठी रेल्वे प्रशासनाने मेल आणि एक्सप्रेस ट्रेनच्या तयारीच्या आणि आरक्षण चार्टच्या वेळेत सुधारणा करण्याचा निर्णय घेतला आहे.

सध्या आरक्षित प्रवाशांचे नाव, कोच आणि बर्थची माहिती असलेले आरक्षण चार्ट तयार केले जातात आणि मूळ स्थानक किंवा दूरच्या स्थानकातून ट्रेन सुटण्याच्या ४ तास आधी प्रसिद्ध केले जातात.

रेल्वे बोर्डाच्या निर्देशांनुसार, १०.०७.२०२५ पासून, ट्रेनचा पहिला आरक्षण चार्ट आता ट्रेन सुटण्याच्या ८ तास आधी तयार केला जाईल (४ तासांपूर्वीऐवजी).

सुधारित चार्टिंग वेळा पुढीलप्रमाणे:

• ज्या ट्रेन ०५.०० ते १४.०० वाजेदरम्यान प्रस्थान करतील, त्या ट्रेनसाठी पहिली आरक्षण यादी आधीच्या दिवशी २१.०० वाजता तयार केली जाईल.

• ज्या ट्रेन १४.०० ते ०५.०० या वेळेत प्रस्थान करतील, त्यांची पहिली आरक्षण यादी त्या ट्रेनच्या प्रस्थानाच्या ८ तास आधी तयार केली जाईल.

• दुसऱ्या आरक्षण चार्टसाठी सध्याच्या प्रक्रियेत कोणताही बदल होणार नाही, जो सध्याच्या तरतुदींनुसार सुरू राहील.

• अंतिम आरक्षण चार्ट ट्रेनच्या नियोजित सुटण्याच्या ३० मिनिटे आधी तयार केला जाईल.

प्रवासी अंतिम यादी तयार होईपर्यंत रिक्त बर्थसाठी आरक्षण करू शकतील.

प्रवाशांनी कृपया चार्टिंग वेळेत झालेल्या बदलाची नोंद घ्यावी.हा निर्णय प्रवाशांना त्यांच्या प्रवासाचे नियोजन चांगल्या पद्धतीने करता यावे आणि शेवटच्या क्षणी गोंधळ व गर्दी टाळता यावी या उद्देशाने घेतला आहे. यामुळे कर्मचारी आणि प्रवाशांना दोन्हींचा फायदा होईल असे रेल्वे प्रशासनाचे म्हणणे आहे.

 

कोकण, पर्यटन

Konkan Tourism: येरवडा कारागृहाच्या धर्तीवर कोकणातही सुरू होणार ‘कारागृह पर्यटन’

Posted on by Kokanai Digital
09
Jul
   Follow us on        

सावंतवाडी : संपूर्ण महाराष्ट्रात फक्त सिंधुदुर्ग जिल्ह्यात दोन जिल्हा कारागृहे आहेत. पैकी एक ब्रिटिशकालीन सर्वात जुने जिल्हा कारागृह सावंतवाडी येथे असून दुसरे सिंधुदुर्गनगरी येथे अलीकडेच उभारण्यात आले आहे. जिल्ह्यातील गुन्ह्यांची संख्या पाहता सिंधुदुर्गनगरी येथील कारागृह पुरेसे आहे, त्यामुळे सावंतवाडीतील ब्रिटीशकालीन कारागृह पर्यटनासाठी वापरून त्याठिकाणी ‘कारागृह पर्यटन’ ही संकल्पना राबवता येऊ शकते, त्याने जिल्ह्याच्या पर्यटनला एक नवी दिशा मिळेल, असे मत रविवारी आ. दीपक केसरकर यांनी व्यक्त केले.

व्हिडीओ कॉन्फरन्सद्वारे त्यांनी पत्रकारांशी संवाद साधला. आ. केसरकर यांनी ‘कारागृह पर्यटन’ या संकल्पनेवर विशेष भर दिला. कोणत्याही जिल्ह्यात दोन कारागृह नाहीत आणि सिंधुदुर्ग जिल्ह्यातील गुन्हेगारी दर पाहता, सिंधुदुर्गनगरी येथील कारागृह पुरेसे आहे. सावंतवाडी येथील कारागृह सुमारे 150 वर्षांपूर्वीचे असून ते आता रिकामे झाले आहे.

काही दिवसांपूर्वी या कारगृहाची संरक्षक भिंत कोसळल्याने येथील सर्व कैद्यांना सिंधुदुर्गनगरीतील कारागृहात हलवण्यात आले आहे. त्यामुळे, या ऐतिहासिक कारागृहाचा उपयोग ‘कारागृह पर्यटन’ साठी करता येईल.यामुळे पर्यटकांना एक वेगळा अनुभव मिळेल. सावंतवाडीला मोठा ऐतिहासिक वारसा लाभला असल्याने, असे अभिनव पर्यटन उपक्रम सुरू झाल्यास त्याचा जिल्ह्याला निश्चितच फायदा होईल, असे आ. केसरकर म्हणाले.

राज्यातील ऐतिहासिक कारागृहातील ठिकाणे आणि घटनांची सर्वसामान्य नागरिकांना माहिती होण्यासाठी यापुर्वी येरवडा कारागृहात ‘कारागृह पर्यटन’ सुरुवात केली होती. राज्यातील अनेक कारागृहे स्वातंत्र्यपूर्व आणि स्वातंत्र्योतर काळातील ऐतिहासिक घटनांचे साक्षीदार आहेत. त्यामुळे कारागृह प्रशासनाकडून ऐतिहासिक ठिकाणे आणि संदर्भांचे जतन केले जातात. चित्रपटात दाखविले जाणारी कारागृहे आणि प्रत्यक्षातील कारागृहे पाहण्याची सर्वसामान्य नागरिकांची इच्छा असते. कारागृहे आतून कसे दिसते, कैद्यांना कसे ठेवले जाते, याची नागरिकांमध्ये उत्सुकता असते. मात्र, कारागृहात विविध गुन्ह्यांतील कैदी शिक्षा भोगत असल्याने आणि सुरक्षेच्या दृष्टीने कारागृहात सर्वसामान्य नागरिकांना प्रवेश दिला जात नाही.

मात्र, आता राज्य सरकारने कारागृहातील ऐतिहासिक स्थळे दाखवून, घटनांचे साक्षीदार होण्यासाठी आणि त्यातून प्रेरणा मिळावी, या हेतूने राज्यातील कारागृहांत ‘कारागृह पर्यटन’ सुरू करण्याची घोषणा त्यावेळी केली होती. 

 

आज दिनांक, दिनविशेष

०९ जुलै पंचांग आणि दिनविशेष

Posted on by Kokanai Digital
09
Jul

आजचे पंचांग

  • तिथि-चतुर्दशी – 25:39:18 पर्यंत
  • नक्षत्र-मूळ – 28:50:35 पर्यंत
  • करण-गर – 13:13:46 पर्यंत, वणिज – 25:39:18 पर्यंत
  • पक्ष- शुक्ल
  • योग-ब्रह्म – 22:08:30 पर्यंत
  • वार- बुधवार
  • सूर्योदय- 06:10
  • सूर्यास्त- 19:18
  • चन्द्र-राशि-धनु
  • चंद्रोदय- 18:18:59
  • चंद्रास्त- 29:17:00
  • ऋतु- वर्षा

महत्त्वाच्या घटना :

  • 1873 : वडाच्या झाडाखाली मुंबई शेअर बाजार सुरू झाले.
  • 1875 : भारतातील पहिले स्टॉक एक्सचेंज म्हणजेच बॉम्बे स्टॉक एक्सचेंज बीएसई मुंबईतील दलात स्ट्रीट येथे स्थापन करण्यात आले.
  • 1877 : विम्बल्डन चॅम्पियनशिप सुरू झाली.
  • 1893 : डॉ. डॅनियल हेल यांनी शिकागो येथे जगातील पहिली यशस्वी ओपन हार्ट सर्जरी केली.
  • 1949 : अखिल भारतीय विद्यार्थी परिषद स्थपना.
  • 1951 : भारताची पहिली पंचवार्षिक योजना प्रसिद्ध झाली.
  • 1969 : वाघाला भारताचा राष्ट्रीय प्राणी घोषित करण्यात आले.
  • 2000 : अमेरिकन पीट सॅम्प्रासने सातव्यांदा विम्बल्डन टेनिस स्पर्धा जिंकली आणि रॉय इमर्सनच्या बारा ग्रँडस्लॅम विजेतेपदांच्या विक्रमाला मागे टाकून त्याचे तेरावे ग्रँडस्लॅम विजेतेपद पटकावले.
  • 2011 : सुदान देशातून दक्षिण सुदान या नवीन देशाची निर्मिती.
  • 2024 : रशियाने पंतप्रधान नरेंद्र मोदी यांना आपल्या सर्वोच्च पुरस्काराने (ऑर्डर ऑफ सेंट एंड्रयू द एपोस्टल) सन्मानित केले आहे.

जन्मदिवस / जयंती / वाढदिवस:

  • 1689 : ‘अलेक्सिस पिरॉन’ – फ्रेंच लेखक यांचा जन्म.
  • 1721 : ‘योहान निकोलॉस गोत्झ’ – जर्मन लेखक यांचा जन्म.
  • 1819 : ‘एलियास होव’ – आधुनिक लॉकस्टिच शिलाई मशीनच्या निर्मितीसाठी ओळखले जातात, यांचा जन्म. (मृत्यू : 3 ऑक्टोबर 1867)
  • 1921 : ‘रामभाऊ म्हाळगी’ – राष्ट्रीय स्वयंसेवक संघाचे ज्येष्ठ प्रचारक यांचा जन्म. (मृत्यू: 6 मार्च 1982)
  • 1925 : ‘वसंतकुमार शिवशंकर पदुकोण’ – प्रसिद्ध चित्रपट दिग्दर्शक, निर्माते आणि अभिनेते यांचा जन्म. (मृत्यू: 10 ऑक्टोबर 1964)
  • 1926 : ‘बेन मॉटलसन’ – नोबेल पारितोषिक विजेते अमेरिकन भौतिकशास्त्रज्ञ यांचा जन्म.
  • 1930 : ‘के. बालाचंदर’ – भारतीय अभिनेते, दिग्दर्शक, निर्माते आणि पटकथालेखक यांचा जन्म. (मृत्यू: 23 डिसेंबर 2014)
  • 1938 : ‘संजीव कुमार’ – भारतीय अभिनेता यांचा जन्म. (मृत्यू: 6 नोव्हेंबर 1985)
  • 1944 : ‘जूडिथ एम. ब्राउन’ – ब्रिटिश इतिहासकार यांचा जन्म.
  • 1950 : ‘व्हिक्टर यानुकोविच’ – युक्रेन चे पंतप्रधान यांचा जन्म.
  • 1956 : ‘टॉम हँक्स’ – अमेरिकन अभिनेता, निर्माता, लेखक आणि दिग्दर्शक यांचा जन्म.
  • 1971 : ‘मार्क अँडरसन’ – नेटस्केप वेब ब्राउज़र चे सहसंस्थापक यांचा जन्म.

मृत्यू / पुण्यतिथी / स्मृतिदिन:

  • 1856 : ‘अ‍ॅमेडीओ अ‍ॅव्होगॅड्रो’ – इटालियन रसायनशास्त्रज्ञ यांचे निधन. (जन्म: 9 ऑगस्ट 1776)
  • 1932 : ‘किंग कँप जिलेट’ – अमेरिकन संशोधक आणि उद्योजक यांचे निधन. (जन्म: 5 जानेवारी 1855)
  • 1968 : ‘प्रा. ह. भ. प. शंकर वामन दांडेकर’ – सार्थ ज्ञानेश्वरी चे लेखक यांचे निधन. (जन्म: 20 एप्रिल 1896)
  • 2005 : ‘डॉ. रफिक झकारिया’ – महाराष्ट्राचे नगरविकासमंत्री यांचे निधन. (जन्म: 5 एप्रिल 1920)
  • 2020 : ‘रांजॉन घोषाल’ – भारतीय नाट्य दिग्दर्शक आणि संगीतकार यांचे निधन. (जन्म: 7 जून 1955)
  • 2022 : ‘बृजेंद्र कुमार सिंघल’ – भारतातील इंटरनेट आणि डेटा सेवांचे जनक यांचे निधन.
दररोजच्या अपडेट्स साठी कृपया खालील लिंक वर क्लिक करून आमच्या ग्रुप मध्ये सामील व्हा.
कोकण, कोकण रेल्वे

संगमेश्वर स्थानकावरील गैरसोयींकडे लक्ष वेधण्यासाठी निसर्गरम्य चिपळूण संगमेश्वर फेसबुक ग्रुपतर्फे पाठपुरावा

Posted on by Kokanai Digital
08
Jul
   Follow us on        

संगमेश्वर: संगमेश्वर तालुक्यातील रेल्वे प्रवाशांच्या न्याय हक्कासाठी अविरत प्रयत्न करणाऱ्या निसर्गरम्य चिपळूण संगमेश्वर (रेल्वे) फेसबुक ग्रुप या रेल्वे प्रवाशी संघटनेने कोकण रेल्वे प्रशासनाला लेखी पत्र देऊन संगमेश्वर रोड रेल्वे स्थानकातील अत्यावश्यक सुविधांचा मुद्दा पुन्हा उपस्थित केला आहे.

या पत्रात संगमेश्वर स्थानकाच्या विक्रमी वार्षिक उत्पन्नाचा आढावा देऊन रोज १८००पेक्षा अधिक लोक रेल्वेने प्रवास करतात. या स्थानकात दोन्ही फलाटांना जोडणारा पादचारी पूल हा इतके दिवस आच्छादन विरहित आहे.

उन्हा- तान्हात पावसाळ्यात प्रवाशांच्या संरक्षणसाठी या पुलावर आच्छादन(पत्र्याचे छत) होणे गरजेचे आहे ही बाब ध्यानात आणून दिली आहे.

याशिवाय रत्नागिरीच्या दिशेला फलाट क्रमांक एक आणि दोन यांना जोडणारा पूल होणे अत्यावश्यक आहे. फलाट क्रमांक दोन वर उतरलेल्या प्रवाशांना पायपीट करत फलाटावरील अर्धे अंतर उलट दिशेने पायपीट करावी लागते. वृध्द व्यक्ती, महिला,बालके , आजारी व्यक्ती यांना खूप त्रास सहन करावा लागतो आहे.

तरी या गोष्टीचे गांभीर्य ध्यानात घेऊन उपाययोजना कराव्यात असा उल्लेख या पत्रात केला आहे.

फलाट क्रमांक एक वरील काही‌ कौलारु प्रवाशी निवारा शेड नादुरुस्त आहेत, त्या़ची दुरुस्ती होणे गरजेचे आहे. पावसाच्या दिवसात अच्छादन नसलेल्या फलाटावर सामानसुमान घेऊन ठिबकणाऱ्या प्रवाशी निवारा शेड मध्ये प्रवाशी बसलेले असतात. या दुरुस्ती कामाला वेग यावा,अशा आशयाचे विनंती पत्र दिले आहे.

संगमेश्वर रोड रेल्वे स्थानकाचे ऐतिहासिक महत्त्व ध्यानात घेऊन पर्यटकांच्या पसंतीला संगमेश्वर रोड रेल्वे स्थानक उतरले आहे. पण रेल्वे प्रवासादरम्यान प्रवाशांच्या सुविधेसाठी संगमेश्वर रोड रेल्वे स्थानकात मडगाव, जामनगर, पोरबंदर या एक्स्प्रेसना थांबा मिळावा म्हणून मागण्यांचा पाठपुरावा केला होता. इतके विक्रमी उत्पन्न या रेल्वे स्थानकातून मिळत असताना प्रवाशांच्या सुविधेकडे कोकण रेल्वे प्रशासन काना डोळा का करते आहे? असा परखड सवाल या संघटनेचे प्रमुख पत्रकार संदेश जिमन यांनी यानिमित्ताने उपस्थित केला आहे. परंतु या प्रश्नाचे उत्तर अनाकलनीय आहे!

श्री. रुपेश मनोहर कदम/ सायले

आज दिनांक, दिनविशेष

०८ जुलै पंचांग आणि दिनविशेष

Posted on by Kokanai Digital
08
Jul

आजचे पंचांग

  • तिथि-त्रयोदशी – 24:40:48 पर्यंत
  • नक्षत्र-ज्येष्ठा – 27:16:01 पर्यंत
  • करण-कौलव – 12:00:23 पर्यंत, तैेतिल – 24:40:48 पर्यंत
  • पक्ष- शुक्ल
  • योग-शुक्ल – 22:16:53 पर्यंत
  • वार- मंगळवार
  • सूर्योदय- 06:06:31
  • सूर्यास्त- 19:20:11
  • चन्द्र-राशि-वृश्चिक – 27:16:01 पर्यंत
  • चंद्रोदय- 17:23:59
  • चंद्रास्त- 28:22:00
  • ऋतु- वर्षा

महत्त्वाच्या घटना :

  • 1497 : वास्को द गामाने भारताच्या पहिल्या प्रवासासाठी युरोप सोडले.
  • 1856 : चार्ल्स बर्नला मशीन गनसाठी यूएस पेटंट मिळाले.
  • 1889 : द वॉल स्ट्रीट जर्नलचा पहिला अंक प्रकाशित झाला.
  • 1910 : स्वातंत्र्यवीर सावरकरांनी फ्रान्समधील मार्सेलिस समुद्रात ‘मोरिया’ या जहाजातून उडी मारली.
  • 1930 : किंग जॉर्ज 5 वे यांनी लंडनमध्ये इंडिया हाऊसचे उद्घाटन केले.
  • 1958 : ‘दो आँखे बारह हाथ’ या चित्रपटाला बर्लिनच्या जागतिक चित्रपट महोत्सवात सर्वोत्कृष्ट चित्रपटाचा पुरस्कार मिळाला.
  • 1997 : बीजिंग येथे झालेल्या आशियाई महिला वेटलिफ्टिंग चॅम्पियनशिपमध्ये 46 किलो गटात भारताच्या एन. कुंजुरानी देवीने रौप्यपदक पटकावले.
  • 2006 : मुख्य निवडणूक आयुक्त टी. एन. शेषन यांना रॅमन मॅगसेसे पुरस्कार जाहीर.
  • 2011 : नवीन रुपयाचे चिन्ह ‘रु’ नाणी चलनात आणली गेली.

जन्मदिवस / जयंती / वाढदिवस:

  • 1789 : ‘ग्रँट डफ’ – मराठ्यांचा इतिहास लिहिणारा ब्रिटिश अधिकारी यांचा जन्म. (मृत्यू: 23 सप्टेंबर 1858)
  • 1831 : ‘जॉन पंबरटन’ – कोकाकोला चे निर्माते यांचा जन्म. (मृत्यू: 16 ऑगस्ट 1888)
  • 1839 : ‘जॉन डेव्हिसन रॉकफेलर’ – रॉकफेलर घराण्यातील पहिला उद्योगपती, स्टँडर्ड ऑईल उद्योगसमूह व अमेरिकेच्या संयुक्त संस्थानांतील पहिल्या तेल उद्योगाचा संस्थापक यांचा जन्म. (मृत्यू: 23 मे 1937)
  • 1885 : ‘ह्यूगो बॉस’ – ह्यूगो बॉस चे स्थापक यांचा जन्म. (मृत्यू: 9 ऑगस्ट 1948)
  • 1908 : ‘विजेंद्र कस्तुरीरंग वरदराज राव’ – भारतीय अर्थशास्त्रज्ञ यांचा जन्म
  • 1914 : ‘ज्योती बसू’ – पश्चिम बंगालचे मुख्यमंत्री यांचा जन्म. (मृत्यू: 17 जानेवारी 2010)
  • 1916 : ‘गो. नी. दांडेकर’ – साहित्य अकादमी पुरस्कार विजेते मराठी लेखक, इतिहासकार यांचा जन्म. (मृत्यू: 1 जून 1998)
  • 1922 : ‘अहिल्या रांगणेकर’ – मार्क्सवादी कम्युनिस्ट नेत्या यांचा जन्म. (मृत्यू: 19 एप्रिल 2009)
  • 1937 : ‘गंगा प्रसाद’ – सिक्कीम आणि मेघालय राज्यांचे माजी राज्यपाल यांचा जन्म.
  • 1949 : ‘वाय. एस. राजशेखर रेड्डी’ – आंध्र प्रदेशचे 14 वे मुख्यमंत्री यांचा जन्म.
  • 1972 : ‘सौरव गांगुली’ – भारताचे क्रिकेट संघाचे माजी कर्णधार यांचा जन्म.

मृत्यू / पुण्यतिथी / स्मृतिदिन:

  • 1695 : ‘क्रिस्टियन हायगेन्स’ – डच गणितज्ञ, खगोलविद आणि पदार्थ वैज्ञानिक यांचे निधन. (जन्म: 14 एप्रिल 1629)
  • 1837 : ‘विल्यम (चौथा)’ – इंग्लंडचा राजा यांचे निधन. (जन्म: 21 ऑगस्ट 1765)
  • 1967 : ‘विवियन ली’ – ब्रिटिश अभिनेत्री यांचे निधन. (जन्म: 5 नोव्हेंबर 1913)
  • 1984 : ‘बाळकृष्ण भगवंत बोरकर’ – पद्मश्री विजेते गोमंतकीय कवी यांचे निधन. (जन्म: 30 नोव्हेंबर 1910 )
  • 1994 : ‘किमसुंग 2 रे’ – उत्तर कोरियाचे राष्ट्राध्यक्ष यांचे निधन. (जन्म: 15 एप्रिल 1912)
  • 1994 : ‘डॉ. विठ्ठल त्र्यंबक गुणे’ – मराठ्यांच्या इतिहासाचे गाढे अभ्यासक गोवा पुराभिलेखचे संचालक यांचे निधन.
  • 2001 : ‘उस्ताद बाबासाहेब मिरजकर’ – प्रसिद्ध तबला वादक याचे निधन.
  • 2003 : ‘ह. श्री. शेणोलीकर’ – संत साहित्याचे अभ्यासक यांचे निधन.
  • 2006 : ‘प्रा. राजा राव’ – तत्त्वज्ञानाचे प्राध्यापक लेखक यांचे निधन. (जन्म: 5 नोव्हेंबर 1908)
  • 2007 : ‘चंद्रा शेखर’ – भारताचे 8वे पंतप्रधान यांचे निधन. (जन्म: 1 जुलै 1927)
  • 2008 : ‘डॉ. नारायण विष्णू तथा नानासाहेब धर्माधिकारी’ – महाराष्ट्र भूषण पुरस्कार लाभणारे आधुनिक महामानव यांचे निधन.
  • 2013 : ‘सुन्द्री उत्तमचंदानी’ – भारतीय लेखक यांचे निधन. (जन्म: 28 सप्टेंबर 1924)
  • 2020 : ‘सुरमा भोपाली’ – भारतीय विनोदी अभिनेते यांचे निधन. (जन्म: 29 मार्च 1939)
  • 2022 : ‘शिंजो ऍबे’ – जपानचे माजी पंतप्रधान यांचे निधन. (जन्म: 21 सप्टेंबर 1954)
दररोजच्या अपडेट्स साठी कृपया खालील लिंक वर क्लिक करून आमच्या ग्रुप मध्ये सामील व्हा.
आज दिनांक, दिनविशेष

०७ जुलै पंचांग आणि दिनविशेष

Posted on by Kokanai Digital
07
Jul

आजचे पंचांग

  • तिथि-द्वादशी – 23:12:43 पर्यंत
  • नक्षत्र-अनुराधा – 25:12:39 पर्यंत
  • करण-भाव – 10:18:11 पर्यंत, बालव – 23:12:43 पर्यंत
  • पक्ष- शुक्ल
  • योग-शुभ – 22:02:20 पर्यंत
  • वार- सोमवार
  • सूर्योदय- 06:09
  • सूर्यास्त- 19:18
  • चन्द्र-राशि-वृश्चिक
  • चंद्रोदय- 16:29:00
  • चंद्रास्त- 27:30:59
  • ऋतु- वर्षा

जागतिक दिन :

  • जागतिक क्षमा दिन
  • आंतरराष्ट्रीय शांतता आणि प्रेम दिवस
  • जागतिक किस्वाहिली भाषा दिन

महत्त्वाच्या घटना :

  • 1456 : जोन ऑफ आर्कला तिच्या मृत्यूनंतर 25 वर्षांनी निर्दोष ठरवले.
  • 1543 : फ्रेंच सैन्याने लक्झेंबर्ग काबीज केले.
  • 1799 : रणजित सिंगच्या सैन्याने लाहोरला वेढा घातला.
  • 1854 : कावसजीदावार यांनी मुंबईत कापड गिरणी सुरू केली.
  • 1896 : मुंबईच्या फोर्ट भागातील वॉटसन हॉटेलमध्ये ऑगस्ते लुई या ल्युनिअर बंधूंनी भारतात पहिल्यांदाच चित्रपट दाखवला.
  • 1898 : हवाई बेटांनी अमेरिकेच्या सार्वभौमत्वाला मान्यता दिली.
  • 1910 : पुणे येथे इंडिया हिस्ट्री रिसर्च सोसायटीची स्थापना.
  • 1941 : दुसरे महायुद्ध – अमेरिकन सैन्याचे आइसलँडमध्ये आगमन.
  • 1978 : सॉलोमन बेटांना इंग्लंडपासून स्वातंत्र्य मिळाले.
  • 1985 : बोरिस बेकर 17 व्या वर्षी विम्बल्डन पुरुष एकेरीचे विजेतेपद जिंकणारा सर्वात तरुण खेळाडू ठरला.
  • 1998 : इन्डिपेन्डन्स चषक तिरंगी क्रिकेट स्पर्धेत श्रीलंकेविरुद्ध खेळताना सचिन तेंडुलकरने वेस्ट इंडिजच्या डेसमंड हेन्सच्या एकदिवसीय सामन्यातील 17 शतकांची बरोबरी केली, त्यासोबतच एकदिवसीय सामन्यातील 7000 धावांचा टप्पाही पार केला.
  • 2003 : नासाचे अपॉर्च्युनिटी स्पेसक्राफ्ट मंगळावर झेपावले.
  • 2019 : फुटबॉल / युनायटेड स्टेट्सने नेदरलँड्सचा 2-0 असा पराभव करत सलग दुसऱ्यांदा महिला विश्वचषक जिंकला.

जन्मदिवस / जयंती / वाढदिवस:

  • 1053 : ‘शिराकावा’ – जपानी सम्राट यांचा जन्म. (मृत्यू: 24 जुलै 1129)
  • 1656 : ‘गुरू हर क्रिशन’ – शीख धर्माचे आठवे गुरु यांचा जन्म. (मृत्यू: 30 ऑगस्ट 1664)
  • 1848 : ‘फ्रान्सिस्को दि पॉला रॉद्रिगेस आल्वेस’ – ब्राझीलचे राष्ट्राध्यक्ष यांचा जन्म.
  • 1914 : ‘अनिल बिस्वास’ – प्रतिभासंपन्न संगीतकार यांचा जन्म. (मृत्यू: 31 मे 2003)
  • 1923 : ‘प्रा.लक्ष्मण गणेश जोग’ – कथाकार, कादंबरीकार आणि समीक्षक यांचा जन्म.
  • 1947 : ‘राजेग्यानेंद्र’ = नेपाळ नरेश यांचा जन्म.
  • 1948 : ‘पद्मा चव्हाण’ – चित्रपट रंगभूमीवरील अभिनेत्री यांचा जन्म. (मृत्यू: 12 सप्टेंबर 1996)
  • 1962 : ‘पद्म जाफेणाणी’ – गायिका यांचा जन्म.
  • 1973 : ‘कैलाश खेर’ – भारतीय गायक-गीतकार आणि दिग्दर्शक यांचा जन्म.
  • 1981 : ‘महेंद्रसिंग धोनी’ – भारतीय क्रिकेटपटू यांचा जन्म

मृत्यू / पुण्यतिथी / स्मृतिदिन:

  • 1307 : ‘एडवर्ड पहिला’ – इंग्लंडचा राजा यांचे निधन. (जन्म: 17 जून 1239)
  • 1572 : ‘सिगिस्मंड दुसरा’ – ऑस्टस पोलंडचा राजा यांचे निधन.
  • 1930 : ‘सर आर्थर कॉनन डॉइल’ – स्कॉटिश डॉक्टर शेरलॉक होम्स या गुप्तहेर कथांचे लेखक यांचे निधन. (जन्म: 22 मे 1859)
  • 1965 : ‘मोशे शॅरेट’ – इस्रायलचे दुसरे पंतप्रधान यांचे निधन.
  • 1982 : ‘बॉन महाराजा’ – भारतीय गुरू आणि धार्मिक लेखक यांचे निधन. (जन्म: 23 मार्च 1901)
  • 1999 : ‘कॅप्टन विक्रम बत्रा’ – परमवीरचक्र, भारतीय सेनादलातील अधिकारी यांचे निधन.
  • 1999 : ‘एम. एल. जयसिंहा’ – भारतीय क्रिकेट खेळाडू यांचे निधन
  • 2021 : ‘दिलीप कुमार’ – भारतीय चित्रपट अभिनेता यांचे निधन
दररोजच्या अपडेट्स साठी कृपया खालील लिंक वर क्लिक करून आमच्या ग्रुप मध्ये सामील व्हा.
आज दिनांक, दिनविशेष

०५ जुलै पंचांग आणि दिनविशेष

Posted on by Kokanai Digital
05
Jul

आजचे पंचांग

  • दिनांक : 5 जुलै 2025
  • वार : शनिवार
  • माह (अमावस्यांत) : आषाढ
  • माह (पूर्णिमांत) : आषाढ
  • ऋतु : वर्षा
  • आयन : दक्षिणायन
  • पक्ष : शुक्ल पक्ष
  • तिथी : दशमी तिथी (सायंकाळी 06:58 पर्यंत) त्यानंतर एकादशी तिथी
  • नक्षत्र : स्वाती नक्षत्र (रात्री 07:50 पर्यंत) त्यानंतर विशाखा नक्षत्र
  • योग : सिद्ध योग (रात्री 08:35 पर्यंत) नंतर साध्य योग
  • करण : गराजा करण (सायंकाळी 06:58 पर्यंत) त्यानंतर वाणीजा करण
  • चंद्र राशी : तुळ राशी
  • सूर्य राशी : मिथुन राशी
  • अशुभ मुहूर्त:
  • राहु काळ : सकाळी 09:25 ते सकाळी 11:04 पर्यंत
  • शुभ मुहूर्त:
  • अभिजित : दुपारी 12:16 ते दुपारी 01:09
  • सूर्योदय : सकाळी 06:07
  • सूर्यास्त : सायंकाळी 07:19
  • संवत्सर : विश्वावसु
  • संवत्सर(उत्तर) : सिद्धार्थी
  • विक्रम संवत: 2082 विक्रम संवत
  • शक संवत: 1947 शक संवत

महत्त्वाच्या घटना :

  • 1687 : सर आयझॅक न्यूटन यांनी फिलॉसॉफी नॅचरलिस प्रिन्सिपिया मॅथेमॅटिका हे मुख्य पुस्तक प्रकाशित केले.
  • 1811 : व्हेनेझुएलाला स्पेनपासून स्वातंत्र्य मिळाले.
  • 1830 : फ्रान्सने अल्जेरिया जिंकला.
  • 1841 : थॉमस कुकने लीसेस्टर ते लॉफबरो या पहिल्या प्रवासाचे आयोजन केले.
  • 1884 : जर्मनीने कॅमेरूनवर कब्जा केला.
  • 1905 : लॉर्ड कर्झनने बंगालची फाळणी केली.
  • 1913 : बालगंधर्वांनी गंधर्व नाटक मंडळीची स्थापना केली.
  • 1946 : फ्रान्सच्या फॅशन शोमध्ये पदार्पण केल्यानंतर बिकिनींची विक्री सुरू झाली.
  • 1950 : इस्रायलच्या क्वनेसेटने जगातील ज्यूंना इस्रायलमध्ये राहण्याचा अधिकार दिला.
  • 1954 : आंध्र प्रदेश उच्च न्यायालयाची स्थापना.
  • 1954 : बीबीसीने पहिले टेलिव्हिजन न्यूज बुलेटिन प्रसारित केले.
  • 1962 : अल्जेरियाला फ्रान्सपासून स्वातंत्र्य मिळाले
  • 1975 : जागतिक आरोग्य संघटनेने,भारतातून देवी रोगाचे निर्मूलन घोषित केले.
  • 1975 : केप वर्देला पोर्तुगालपासून स्वातंत्र्य मिळाले.
  • 1975 : विम्बल्डन एकेरी लॉन टेनिस स्पर्धा जिंकणारा आर्थर ॲशे हा पहिला कृष्णवर्णीय खेळाडू ठरला.
  • 1977 : पाकिस्तानात लष्करी उठाव. झुल्फिकार अली भुट्टो तुरुंगात.
  • 1980 : स्वीडिश टेनिसपटू ब्योर्न बोर्गने सलग पाच वेळा विम्बल्डन एकेरी लॉन टेनिस स्पर्धा जिंकली.
  • 1997 : 1997 : स्वित्झर्लंडच्या 16 वर्षीय मार्टिना हिंगीसने चेक प्रजासत्ताकच्या याना नोवोत्ना हिचा पराभव करून विम्बल्डनमध्ये महिला एकेरीचे विजेतेपद पटकावले.
  • 2006 : निर्बंधांचे उल्लंघन करत उत्तर कोरियाने नोडोंग-2, स्कड आणि तायपोडोंग-2 क्षेपणास्त्रे प्रक्षेपित केली.
  • 2012 : लंडनमधील शार्ड 310 मीटर (1020 फूट) उंचीसह युरोपमधील सर्वात उंच इमारत बनली.
  • 2016 : नासाचे अंतरिक्ष यान जूनो गुरू ग्रहाच्या कक्षात प्रवेश केला
  • 2017 : राज्य मतदार दिन महाराष्ट्र सरकार सुरुवात.

जन्मदिवस / जयंती / वाढदिवस:

  • 1882 : ‘हजरत इनायत खाँ’ – हिन्दुस्थानी शास्त्रीय गायक यांचा जन्म. (मृत्यू: 5 फेब्रुवारी 1927)
  • 1918 : केंद्रीय उद्योगमंत्री आणि केरळचे मुख्यमंत्री के. करुणारन यांचा जन्म. (मृत्यू: 23 डिसेंबर 2010)
  • 1920 : ‘आनंद साधले’ – साहित्यिक यांचा जन्म. (मृत्यू : 4 एप्रिल 1996)
  • 1925 : ‘नवल किशोर शर्मा’ – केंद्रीय मंत्री आणि गुजरातचे राज्यपाल यांचा जन्म. (मृत्यू: 8 ऑक्टोबर 2012)
  • 1946 : ‘रामविलास पासवान’ – केंद्रीय मंत्री यांचा जन्म.
  • 1952 : ‘रेणू सलुजा’ – चार वेळा राष्ट्रीय पुरस्कार विजेत्या चित्रपट संकलक यांचा जन्म. (मृत्यू: 16 ऑगस्ट 2000)
  • 1954 : ‘जॉन राइट’ – न्यूझीलंडचे क्रिकेटपटू आणि प्रशिक्षक यांचा जन्म.
  • 1960 : ‘राकेश झुनझुनवाला’ – भारतीय उद्योगपती यांचा जन्म.
  • 1968 : ‘सुसान वॉजिकी’ – युट्युब चे मुख्य कार्यकारी अधिकारी यांचा जन्म.
  • 1973 : ‘गीता कपूर’ – भारतीय नृत्यदिग्दर्शक यांचा जन्म.
  • 1995 : ‘पुसारला वेंकट सिंधू’ – भारतीय बॅडमिंटनपटू यांचा जन्म.

मृत्यू / पुण्यतिथी / स्मृतिदिन:

  • 1826 : ‘सर थॉमस स्टॅम्फोर्ड रॅफल्स’ – सिंगापूरचे संस्थापक यांचे निधन. (जन्म: 6 जुलै 1781)
  • 1833 : ‘निकेफोरे निओपे’ – जगातील पहिले परिचित असलेला फोटो काढणारे यांचे निधन. (जन्म: 7 मार्च 1765)
  • 1945 : ‘जॉन कर्टिन’ – ऑस्ट्रेलियाचे 14 वे पंतप्रधान यांचे निधन.
  • 1957 : ‘अनुग्रह नारायण सिन्हा’ – भारतीय वकील आणि राजकारणी यांचे निधन. (जन्म: 18 जून 1887)
  • 1996 : ‘बाबूराव अर्नाळकर’ – रहस्यकथाकार यांचे निधन.
  • 2005 : ‘बाळू गुप्ते’ – लेगस्पिन गोलंदाज यांचे निधन. (जन्म: 30 ऑगस्ट 1934)
  • 2006 : ‘थिरुल्लालु करुणाकरन’ – भारतीय कवी आणि विद्वान यांचे निधन. (जन्म: 8 ऑक्टोबर 1924)
दररोजच्या अपडेट्स साठी कृपया खालील लिंक वर क्लिक करून आमच्या ग्रुप मध्ये सामील व्हा.

Content Protected! Please Share it instead.  

Home
Kokan Blog
Downloads
Search