मुंबई: कुर्ला स्थानकापुढील लोकल मार्गावरील आणि दादर स्थानकावरील ताण कमी करण्यासाठी मध्य रेल्वेने दादर–तिरुनेलवेली–दादर साप्ताहिक एक्स्प्रेस (गाडी क्रमांक 22629/22630) च्या टर्मिनलमध्ये महत्त्वाचा बदल करण्याचा निर्णय घेतला आहे. या निर्णयानुसार ही गाडी आता दादर स्थानकाऐवजी लोकमान्य टिळक टर्मिनस (कुर्ला) येथून सुटणार व तेथेच तिचा प्रवास संपणार आहे.
गाडी क्रमांक 22629 लोकमान्य टिळक टर्मिनस येथून गुरुवारी रात्री 20:45 वाजता सुटेल, तर ठाणे स्थानकावर 21:02 ते 21:05 दरम्यान थांबेल आणि शनिवारी पहाटे 03:55 वाजता तिरुनेलवेली येथे पोहोचेल.
त्याचप्रमाणे, गाडी क्रमांक 22630 तिरुनेलवेली येथून बुधवारी सकाळी 07:30 वाजता सुटून ठाणे स्थानकावर 14:27 ते 14:30 दरम्यान थांबेल आणि दादरऐवजी लोकमान्य टिळक टर्मिनस येथे दुपारी 15:00 वाजता दाखल होईल.
हा बदल 16 एप्रिल 2026 पासून लोकमान्य टिळक टर्मिनस–तिरुनेलवेली प्रवासासाठी, तर 15 एप्रिल 2026 पासून तिरुनेलवेली–लोकमान्य टिळक टर्मिनस प्रवासासाठी लागू होणार असून,
या निर्णयामुळे दादर स्थानकावरील गर्दी कमी होऊन मध्य रेल्वे मार्गावरील प्रवाशांना अधिक सोयीचा प्रवास उपलब्ध होणार आहे. मात्र कोकणातील आणि दक्षिणेकडील राज्यातील प्रवाशांना दादर ऐवजी एलटीटी स्थानक गाठण्यासाठी त्रास सहन करावा लागणार आहे.
