”हिंदुहृदयसम्राट बाळासाहेब ठाकरे, धर्मवीर आनंद दिघे साहेबांच्या आशीर्वादाने मी एकनाथ संभाजी शिंदे आज ईश्वर साक्षीने शपथ घेतो…… ” अशा शब्दांनी सुरवात करून आज एकनाथ शिंदे यांनी महाराष्ट्र राज्याचे ३० वे मुख्यमंत्री म्हणुन आज संध्याकाळी शपथ घेतली.

त्यांच्या बरोबर आज महाराष्ट्राचे उपमुख्यमंत्री म्हणून देवेंद्र फडणवीस यांनी शपथ घेतली. आपण मंत्रिमंडळात सामील न होता बाहेरूनच सरकार चालवायला आवश्यक ते सहकार्य करेन अशी त्यांनी भूमिका ह्या आधी मांडली होती. पण पंतप्रधान नरेंद्र मोदी यांच्या आग्रहास्तव त्यांनी आपला निर्णय बदलला आणि महाराष्ट्र राजच्या उपमुख्यमंत्री पदाची जबाबदारी घेतली आहे.

आज संध्याकाळी राजभवन मध्ये शपथ विधीचा कार्यक्रम पार पाडला गेला. राज्यपाल भगतसिंह कोश्यारी यांनी आज मुख्यमंत्री आणि उपमुख्यमंत्री यांना शपथ दिली.