Follow us on        

मुंबई:रेल्वे प्रवाशांचा प्रवास अधिक सुरक्षित, वेगवान आणि आरामदायी करण्यासाठी मध्य रेल्वेने एक मोठा निर्णय घेतला आहे. मध्य रेल्वेने आपल्या ८ महत्त्वाच्या गाड्यांमधील जुन्या पारंपारिक (Conventional) डब्यांच्या जागी आधुनिक LHB (Linke-Hofmann-Busch) कोच लावण्याचा निर्णय घेतला आहे. जानेवारी २०२६ पासून हे बदल टप्प्याटप्प्याने लागू होतील.

​LHB कोचमुळे काय बदलणार?

​LHB कोच हे जर्मन तंत्रज्ञानावर आधारित असून ते स्टेनलेस स्टीलपासून बनवलेले असतात. यांचे मुख्य फायदे खालीलप्रमाणे आहेत:

​सुरक्षा: या कोचमध्ये ‘अँटी-क्लायंबिंग’ फिचर असते, ज्यामुळे अपघात झाल्यास डबे एकमेकांवर चढत नाहीत.

​वेग: हे डबे १६० ते २०० किमी प्रतितास वेगाने धावण्यास सक्षम आहेत.

​आराम: डब्यांची लांबी जास्त असल्याने प्रवाशांना अधिक जागा मिळते. तसेच यात उत्तम सस्पेंशन, LED लायटिंग, ५-पिन चार्जिंग सॉकेट्स आणि कार्यक्षम डिस्क ब्रेक्स असतात.

​आणीबाणीची सोय: यात ४ आपत्कालीन खिडक्या आणि ६ तास बॅकअप देणारे आपत्कालीन लाईट युनिट (ELU) असते.

​या गाड्यांमध्ये होणार बदल (वेळापत्रकासह):

​१. मुंबई – चेन्नई एक्सप्रेस:

​गाडी क्र. २२१५७ (CSMT-Chennai): १४ जानेवारी २०२६ पासून.

​गाडी क्र. २२१५८ (Chennai-CSMT): १७ जानेवारी २०२६ पासून.

​(एकूण १६ डबे: २ एसी-टायर, ३ एसी-३ टायर, ५ स्लीपर, ४ जनरल, १ गार्ड ब्रेक वॅन, १ जनरेटर वॅन)

​२. पुणे येथून सुटणाऱ्या ४ गाड्या:

​पुणे-वेरावळ एक्सप्रेस (११०८८/८७): पुणे येथून १५ जानेवारी, तर वेरावळ येथून १७ जानेवारी २०२६ पासून.

​पुणे-भगत की कोठी एक्सप्रेस (११०९०/८९): पुणे येथून १८ जानेवारी, तर भगत की कोठी येथून २० जानेवारी २०२६ पासून.

​पुणे-भुज एक्सप्रेस (११०९२/९१): पुणे येथून १९ जानेवारी, तर भुज येथून २१ जानेवारी २०२६ पासून.

​पुणे-अहमदाबाद एक्सप्रेस (२२१८६/८५): पुणे येथून २१ जानेवारी, तर अहमदाबाद येथून २२ जानेवारी २०२६ पासून.

​(एकूण २० डबे: २ एसी-टायर, ४ एसी-३ टायर, ८ स्लीपर, ४ जनरल, १ गार्ड ब्रेक वॅन, १ जनरेटर वॅन)

​३. कोल्हापूर (श्री छत्रपती शाहू महाराज टर्मिनस) येथून सुटणाऱ्या ३ गाड्या:

​कोल्हापूर-नागपूर एक्सप्रेस (११४०४/०३): कोल्हापूर येथून १९ जानेवारी, तर नागपूर येथून २० जानेवारी २०२६ पासून.

​कोल्हापूर-हजरत निजामुद्दीन एक्सप्रेस (१२१४७/४८): कोल्हापूर येथून २० जानेवारी, तर निजामुद्दीन येथून २२ जानेवारी २०२६ पासून.

​कोल्हापूर-अहमदाबाद एक्सप्रेस (११०५०/४९): कोल्हापूर येथून २४ जानेवारी, तर अहमदाबाद येथून २५ जानेवारी २०२६ पासून.

​(एकूण १८ डबे: २ एसी-टायर, ४ एसी-३ टायर, ६ स्लीपर, ४ जनरल, १ गार्ड ब्रेक वॅन, १ जनरेटर वॅन)

​मध्य रेल्वेने घेतलेल्या या निर्णयामुळे लांब पल्ल्याच्या प्रवाशांना मोठा दिलासा मिळणार आहे. प्रवाशांनी अधिक माहितीसाठी रेल्वेच्या अधिकृत संकेतस्थळाला (www.enquiry.indianrail.gov.in) भेट द्यावी किंवा NTES ॲपचा वापर करावा, असे आवाहन करण्यात आले आहे.

   Follow us on        

Konkan Railway Updates: नवीन वर्षाच्या स्वागतासाठी आणि पर्यटकांची होणारी वाढती गर्दी लक्षात घेता उत्तर-पश्चिम रेल्वेने प्रवाशांना मोठा दिलासा दिला आहे. खातीपुरा (जयपूर) ते मडगाव जंक्शन (गोवा) दरम्यान विशेष शुल्कासह ‘वन-वे’ स्पेशल ट्रेन चालवण्याचा निर्णय रेल्वे प्रशासनाने घेतला आहे. कोकण रेल्वेमार्गे धावणाऱ्या या गाडीमुळे राजस्थान आणि महाराष्ट्रातील प्रवाशांना गोव्याला जाणे अधिक सोयीचे होणार आहे.

​गाडीचे वेळापत्रक खालीलप्रमाणे:

​गाडी क्र. 09701 खातीपुरा – मडगाव स्पेशल: ही गाडी २८ डिसेंबर २०२५ (रविवार) रोजी खातीपुरा येथून संध्याकाळी १६:५० वाजता सुटेल आणि तिसऱ्या दिवशी पहाटे ०४:४० वाजता मडगाव जंक्शन येथे पोहोचेल.

​गाडी क्र. 09702 मडगाव – खातीपुरा स्पेशल: ही गाडी ३० डिसेंबर २०२५ (मंगळवार) रोजी मडगाव जंक्शन येथून पहाटे ०५:४० वाजता सुटेल आणि दुसऱ्या दिवशी संध्याकाळी १६:१५ वाजता खातीपुरा येथे पोहोचेल.

​थांबे:

​ही ट्रेन प्रवासादरम्यान जयपूर जंक्शन, किशनगड, अजमेर जंक्शन, बिजायनगर, भिल्वाडा, चित्तोडगड, रतलाम जंक्शन, वडोदरा जंक्शन, सुरत, वसई रोड जंक्शन, पनवेल जंक्शन, रोहा, माणगाव, खेड, चिपळूण, संगमेश्वर रोड, रत्नागिरी, राजापूर रोड, वैभववाडी रोड, कणकवली, कुडाळ, सावंतवाडी रोड, थिवी आणि करमळी या  स्थानकांवर थांबेल.

​गाडीची संरचना (Composition):

​या विशेष ट्रेनला एकूण २० एलएचबी (LHB) कोच असतील. यामध्ये:

​AC २ टायर: २ कोच

​AC ३ टायर: ८ कोच

​AC ३ टायर इकॉनॉमी: २ कोच

​स्लीपर क्लास: ४ कोच

​द्वितीय श्रेणी आसन: २ कोच

​जनरेटर कार: २ कोच

या गाडीच्या अधिकृत वेळेसाठी आणि आरक्षणासाठी प्रवाशांनी www.enquiry.indianrail.gov.in या संकेतस्थळाला भेट द्यावी किंवा ‘KR Mirror’ अ‍ॅपचा वापर करावा, असे आवाहन रेल्वे प्रशासनाकडून करण्यात आले आहे.

   Follow us on        

मुंबई: गेली २६ वर्षे विविध नाट्यकलाकृतींमधून रंगमंच गाजवणारा कानसे ग्रुप आपल्या २७व्या वर्षात प्रेक्षकांच्या मनोरंजनासाठी पुन्हा एकदा सज्ज झाला आहे. यावर्षी समूहाच्या वतीने स्वराज्याचा धगधगता, शौर्यपूर्ण आणि अजूनही पूर्णपणे न उलगडलेला इतिहास रंगमंचावर दिमाखात सादर केला जाणार आहे.

“हे स्वराज्य व्हावे ही श्रींची इच्छा” या प्रेरणेतून उभ्या राहिलेल्या स्वराज्यासाठी असंख्य मावळ्यांनी आपले प्राण अर्पण केले. त्यातील काही पराक्रम इतिहासात नोंदले गेले असले, तरी अनेक शूर मावळ्यांचे योगदान आजही अज्ञात आहे. अशाच १६०० पराक्रमी मावळ्यांच्या शौर्याची साक्ष शिवनेरी आजही अभिमानाने मिरवते. त्या न वाचलेल्या इतिहासाच्या पानांना नाट्यरूप देत, प्रेक्षकांना केवळ पाहण्यासाठी नव्हे तर जगण्यासाठी आमंत्रित करण्यात येत आहे.

कोकण सांस्कृतिक कलामंच निर्मित,

दिनेश कुडतरकर साहेब पुरस्कृत

आणि साईश्रद्धा कलापथक व कानसे ग्रुप आयोजित

कोकणची लोककला “नमन”

हा भव्य नाट्यप्रयोग

दिनांक : २३ डिसेंबर २०२५

स्थळ : दिनानाथ नाट्यगृह

वेळ : रात्री ८:३० वाजता

स्वराज्याचा तेजस्वी इतिहास, कोकणची लोककला आणि पराक्रमाची ज्वाला अनुभवण्यासाठी रसिकांनी मोठ्या संख्येने उपस्थित राहावे, असे आवाहन आयोजकांच्या वतीने करण्यात आले आहे.

   Follow us on        

मुंबई, दि. ९: महाराष्ट्र शासनाने २०२६ या वर्षासाठी राज्यातील सर्व शासकीय कार्यालयांसाठी २४ सार्वजनिक सुट्ट्या जाहीर केल्या असून, भाऊबीज (११ नोव्हेंबर २०२६, बुधवार) यादिवशी अतिरिक्त सार्वजनिक सुट्टी जाहीर केली आहे, सामान्य प्रशासन विभागाने या संदर्भातील अधिसूचना जारी केली आहे.

जाहीर केलेल्या सुट्ट्यांमध्ये प्रमुख सण आणि राष्ट्रीय दिवसांचा समावेश आहे. या सुट्या महाराष्ट्रातील सर्व शासकीय कार्यालये, राज्य शासनाचे उपक्रम, महानगरपालिका, नगरपरिषद, नगरपंचायत, जिल्हा परिषद, पंचायत समित्या आणि ग्रामपंचायती यांना लागू राहील.

याशिवाय १ एप्रिल २०२६ (बुधवार) हा दिवस केवळ बँकांसाठी वार्षिक लेखापरीक्षणासाठी सुट्टी म्हणून जाहीर करण्यात आला आहे.

 

 

 

   Follow us on        

मुंबई : विद्यार्थ्यांच्या सुरक्षिततेसाठी महाराष्ट्र सरकारने मोठा निर्णय घेतला असून, राज्यातील सर्व शालेय सहलींसाठी फक्त एमएसआरटीसीच्या एसटी (लालपरी) बसचांचा वापर करणे बंधनकारक करण्यात आले आहे. यामुळे खासगी आणि शाळेच्या मालकीच्या बसद्वारे सहली आयोजित करण्यावर संपूर्ण बंदी घालण्यात आली आहे.

नव्या नियमांनुसार सहलीसाठी शाळांनी प्रशासनाची पूर्वपरवानगी घेणे आवश्यक असून, प्रत्येक १० विद्यार्थ्यांमागे १ शिक्षक असा प्रमाण राखणे बंधनकारक करण्यात आले आहे. मुलींच्या गटांसाठी महिला शिक्षकांची नियुक्ती अनिवार्य असेल. तसेच सहलींचे नियोजन ऐतिहासिक, सांस्कृतिक आणि शैक्षणिक स्थळांना प्राधान्य देऊन करण्याच्या सूचना देण्यात आल्या आहेत.

एमएसआरटीसीकडून दररोज ८०० ते १००० बस २५१ डेपोमधून उपलब्ध करून देण्याची तयारी असून, शालेय सहलींसाठी ५० टक्के भाडे सवलत देण्यात येणार आहे. सरकारच्या मते या नियमांमुळे विद्यार्थ्यांचा प्रवास अधिक सुरक्षित आणि नियंत्रित होईल अशी अपेक्षा आहे.

   Follow us on    

 

 

औरंगाबाद – दक्षिण मध्य रेल्वेच्या नांदेड विभागातील “औरंगाबाद” रेल्वे स्थानकाचे नाव अधिकृतपणे बदलून “छत्रपती संभाजीनगर” असे करण्यात आले आहे. या बदलास केंद्र सरकारच्या अधिकाऱ्यांनी मान्यता दिली असून स्थानकाचा नवीन कोड CPSN असा असणार आहे.

आता पुढे “औरंगाबाद” ऐवजी सर्व रेल्वे फलक, आरक्षण तिकीट प्रणाली आणि घोषणांमध्ये “छत्रपती संभाजीनगर” हे नाव वापरले जाईल. रेल्वे प्रवाशांना आणि नागरिकांना याबाबत दक्षिण मध्य रेल्वेकडून अधिकृत माहिती देण्यात आली आहे.

या निर्णयामुळे ऐतिहासिक शहराच्या नावात बदल करत “छत्रपती संभाजीनगर” हे नाव अधिकृतपणे भारतीय रेल्वेच्या नोंदीत समाविष्ट झाले आहे.