लांजा: लांजा येथील रिक्षा व्यावसायिक रोहिदास उर्फ बाबा राणे यांनी प्रामाणिकपणाचे दर्शन घडवले आहे. लांजा बसस्थानक परिसरात सापडलेले मंगळसूत्र असलेली छोटी पर्स प्रामाणिकपणे लांजा पोलिस ठाण्यात जमा केल्याने त्यांच्या प्रामाणिकपणाचे कौतुक केले जात आहे.

लांजा बसस्थानक परिसरात ४ एप्रिलला सायंकाळी रिक्षास्टॅण्डजवळ त्यांना सोन्याचे एक सिंगल सर असलेले मंगळसूत्र असलेली छोटी पर्स सापडली होती. रिक्षा व्यावसायिक रोहिदास राणे यांनी हे सोन्याचे मंगळसूत्र असलेली पर्स लांजा पोलिसांच्या ताब्यात दिली. लांजा पोलिस निरीक्षक दादासाहेब घुटुकडे यांनी त्यांचा छोटेखानी सत्कार करून त्यांच्या या प्रामाणिकपणाचे कौतुक केले.

ज्या कोणाचे हे मंगळसूत्र हरवले असेल त्यांनी लांजा पोलिस ठाण्याशी संपर्क करून ओळख पटवून घेऊन जावे, असे आवाहन पोलिस निरीक्षक दादासाहेब घुटुकडे यांनी केले आहे.

Facebook Comments Box