Follow us on 
Konkan Railway: उन्हाळी हंगामासाठी गावी गेलेले चाकरमानी आता परतीच्या मार्गाला लागले आहेत. मात्र प्रवाशांचा ओघ वाढल्याने गर्दी होऊन त्यांचा प्रवास त्रासदायक होत आहे. ही गर्दी लक्षात घेऊन रेल्वे प्रशासनाने या मार्गावर धावणाऱ्या एका साप्ताहिक विशेष गाडीला मुदतवाढ देण्याचा निर्णय घेतला आहे. उन्हाळी विशेष गाडी म्हणून कोकण रेल्वे मार्गावर धावणाऱ्या गाडी क्रमांक गाडी क्र. ०११०४ / ०११०३ मडगाव – लोकमान्य टिळक (टी) – मडगाव उन्हाळी विशेष या गाडीला मुदतवाढ देण्यात आली आहे. ही गाडी या आधी धावत असलेल्या वेळापत्रकानुसार आणि डब्यांच्या संरचनेनुसार धावणार आहे.
गाडी क्रमांक ०११०४ मडगाव जं. – लोकमान्य टिळक (टी) साप्ताहिक विशेष एक्सप्रेस या गाडीची मुदत दिनांक २५/०५/२०२५ रोजी संपणार होती तिला आता ०८ जून २०२५ पर्यंत मुदतवाढ देण्यात आली आहे. ही गाडी दर रविवारी १६:३० वाजता मडगाव जंक्शन येथून सुटेल आणि दुसऱ्या दिवशी सकाळी ०६:२५ वाजता लोकमान्य टिळक (टी) येथे पोहोचेल.
गाडी क्रमांक ०११०३ लोकमान्य टिळक (टी) -मडगाव साप्ताहिक विशेष एक्सप्रेस या गाडीची मुदत दिनांक २६/०५/२०२५ रोजी संपणार होती तिला आता ०९ जून २०२५ पर्यंत मुदतवाढ देण्यात आली आहे. ही गाडी दर सोमवारी एलटीटी वरुन ०८:२० वाजता सुटेल आणि त्याच दिवशी रात्री २१:४० वाजता मडगाव या स्थानकावर पोहोचेल.
ही गाडी करमाळी, थिविम, सावंतवाडी रोड, कुडाळ, सिंधुदुर्ग, कणकवली, वैभववाडी रोड, राजापुरा रोड, विलवडे, आडवली, रत्नागिरी, संगमेश्वर रोड, चिपळूण, खेड, माणगाव, रोहा, पेण, पनवेल आणि ठाणे या स्थानकांवर थांबेल.
डब्यांची रचना : एकूण २० एलएचबी कोच : टू टायर एसी – ०१ कोच, थ्री टायर एसी – ०३ कोच, थ्री टायर इकॉनॉमी – ०२ कोच, स्लीपर – ०८ कोच, जनरल – ०४ कोच, जनरेटर कार – ०१, एसएलआर – ०१.
Facebook Comments Box