मुंबई: राज्यातील २९ महानगरपालिकांच्या आगामी सार्वत्रिक निवडणुकीसाठी राज्य सरकारने महत्त्वपूर्ण घोषणा केली आहे. गुरुवार, १५ जानेवारी २०२६ रोजी होणाऱ्या मतदानासाठी संबंधित महानगरपालिका क्षेत्रांमध्ये सार्वजनिक सुट्टी जाहीर करण्यात आली आहे. यासंदर्भातील अधिकृत अधिसूचना महाराष्ट्र शासनाच्या सामान्य प्रशासन विभागाने प्रसिद्ध केली आहे.
लोकशाहीच्या या उत्सवात जास्तीत जास्त मतदारांना आपला मतदानाचा हक्क बजावता यावा, यासाठी राज्यपालांच्या आदेशानुसार ही सुट्टी देण्यात आली आहे. ही सुट्टी केवळ संबंधित महानगरपालिका क्षेत्रातील कार्यालयांनाच नव्हे, तर खालील घटकांनाही लागू असेल:
शासकीय व निमशासकीय कार्यालये: सर्व सरकारी कार्यालये, महामंडळे आणि मंडळे.
बाहेर असलेले मतदार: जर एखादा मतदार निवडणूक क्षेत्रातील रहिवासी असेल परंतु कामानिमित्त क्षेत्राबाहेर असेल, तर त्यालाही मतदानासाठी ही सुट्टी लागू राहील.
केंद्र सरकारची कार्यालये व बँका: संबंधित क्षेत्रातील केंद्र सरकारची कार्यालये, सार्वजनिक उपक्रम आणि बँकांनाही ही सुट्टी लागू असेल.
कोणत्या महानगरपालिकांचा समावेश आहे?
प्रसिद्ध करण्यात आलेल्या यादीनुसार, कोकण, नाशिक, पुणे, छत्रपती संभाजीनगर, अमरावती आणि नागपूर या विभागांमधील एकूण २९ महानगरपालिकांचा यात समावेश आहे.
बृहन्मुंबई महानगरपालिका
ठाणे महानगरपालिका
नवी मुंबई महानगरपालिका
उल्हासनगर महानगरपालिका
कल्याण-डोंबिवली महानगरपालिका
भिवंडी-निजामपूर महानगरपालिका
मिरा-भाईंदर महानगरपालिका
वसई-विरार महानगरपालिका
पनवेल महानगरपालिका
नाशिक महानगरपालिका
मालेगाव महानगरपालिका
अहिल्यानगर महानगरपालिका
जळगाव महानगरपालिका
धुळे महानगरपालिका
पुणे महानगरपालिका
पिंपरी-चिंचवड महानगरपालिका
सोलापूर महानगरपालिका
कोल्हापूर महानगरपालिका
इचलकरंजी महानगरपालिका
सांगली-मिरज-कुपवाड महानगरपालिका
छत्रपती संभाजीनगर महानगरपालिका
नांदेड-वाघाळा महानगरपालिका
परभणी महानगरपालिका
जालना महानगरपालिका
लातूर महानगरपालिका
अमरावती महानगरपालिका
अकोला महानगरपालिका
नागपूर महानगरपालिका
चंद्रपूर महानगरपालिका
