मुंबई, ८ एप्रिल २०२६ : मुंबई मेट्रोच्या प्रवाशांसाठी महत्त्वाची बातमी आहे. आज पासून ८ एप्रिल २०२६ पासून रेड लाईन ७ आणि येलो लाईन २A स्वतंत्र कॉरिडॉर म्हणून धावणार आहेत.
दहिसर स्टेशनला पूर्णपणे अपग्रेड करण्यात आले असून, प्रवासी आता पेड एरियाबाहेर न येता दोन्ही लाईन्समध्ये सहज बदल करू शकणार आहेत.नवीन मेट्रो लाईन ९ (दहिसर ईस्ट ते काशिगाव, ठाणे) आणि लाईन २B (हार्बर लाईन भाग) सुरू झाल्यामुळे ही बदलण्यात आली आहे.
रेड लाईन ७ आता लाईन ९ सोबत एकत्रित होऊन विस्तारित सेवा देईल. मात्र यामुळे गोंदवली-अंधेरी सारखे काही डायरेक्ट लूप आता बंद होणार आहेत. त्यामुळे पूर्व-पश्चिम प्रवास करणाऱ्या प्रवाशांना काही ठिकाणी अतिरिक्त बदल करावा लागू शकतो. तरीही दहिसर स्टेशनवर उपलब्ध असलेल्या सीमलेस इंटरचेंजमुळे एकूण प्रवास सुकर राहील.
मेट्रो प्रशासनाने सर्व प्रवाशांना नवीन वेळापत्रक, प्लॅटफॉर्म बदल आणि रुट्सची माहिती अधिकृत अॅप किंवा वेबसाइटवरून तपासण्याचे आवाहन केले आहे. ही नवी व्यवस्था मुंबईच्या मेट्रो नेटवर्कला अधिक सुव्यवस्थित आणि विस्तारित स्वरूप देईल अशी अपेक्षा व्यक्त केली जात आहे.
