मुंबई: मुंबई ते गोवा मार्गावर प्रवास करणाऱ्या प्रवाशांसाठी आनंदाची बातमी आहे. प्रवाशांची वाढती गर्दी लक्षात घेऊन मध्य रेल्वेने मुंबई छत्रपती शिवाजी महाराज टर्मिनस (सीएसएमटी ) ते मडगाव दरम्यान विशेष गाड्या चालवण्याचा निर्णय घेतला आहे. या विशेष गाड्यांमुळे प्रवाशांना मोठा दिलासा मिळणार आहे.
०११२९ क्रमांकाची मुंबई सीएसएमटी–मडगाव जंक्शन विशेष गाडी १० एप्रिल २०२६ (शुक्रवार) आणि १४ एप्रिल २०२६ (मंगळवार) रोजी मुंबई सीएसएमटी येथून रात्री १२:२० वाजता सुटेल. ही गाडी त्याच दिवशी दुपारी ३:१५ वाजता मडगाव येथे पोहोचेल.
तर ०११३० क्रमांकाची मडगाव–मुंबई सीएसएमटी विशेष गाडी १० एप्रिल आणि १४ एप्रिल रोजी मडगाव येथून सायंकाळी ४:०० वाजता सुटून पुढील दिवशी पहाटे ३:४५ वाजता मुंबई सीएसएमटी येथे पोहोचणार आहे.
या विशेष गाड्या दादर, ठाणे, पनवेल, पेण, रोहा, माणगाव, वीर, खेड, चिपळूण, सावर्डा, आरवली रोड, संगमेश्वर रोड, रत्नागिरी, अदावली, विलवडे, राजापूर रोड, वैभववाडी रोड, कणकवली, सिंधुदुर्ग, कुडाळ, सावंतवाडी रोड, थिवीम आणि कारमळी या स्थानकांवर थांबतील.
या गाड्यांमध्ये एकूण २० एलएचबी डबे असणार असून त्यात १८ एसी ३-टियर (इकॉनॉमी) डबे आणि २ एसएलआर डबे असतील. प्रवाशांनी या विशेष गाड्यांचा लाभ घेऊन आपला प्रवास अधिक सोयीस्कर करावा, असे आवाहन रेल्वे प्रशासनाने केले आहे.
Give headline
