सावंतवाडी येथे प्रस्तावित मल्टिस्पेशालिटी हॉस्पिटलमुळे जनतेला तातडीने वैद्यकीय सेवा उपलब्ध होऊ शकेल, रुग्णांना उपचारासाठी गोवा येथे जाण्याची आवश्यकता भासणार नाही. हे हॉस्पिटल लवकरात लवकर उभे राहण्यासाठी सर्व अडचणींवर मार्ग काढण्याचे निर्देश मुख्यमंत्री एकनाथ शिंदे यांनी आज दिले आहेत.

सावंतवाडी आणि तळकोकणातील तालुक्यातील लोकांना मल्टिस्पेशालिटी हॉस्पिटल जवळपास नसल्याने गोवा बांभूळी येते जावे लागते. कधी कधी वेळीच उपचार न झाल्याने गंभीर रुग्ण दगावतो. दुसरे म्हणजे अंतर जास्त असल्याने रुग्णांसमवेत असलेल्या नातेवाईकांचे खूप हाल होतात. मागे गोवा सरकारने महाराष्ट्रातील रुग्णावर ह्या हॉस्पिटल मध्ये बंदी घातली होती. सावंतवाडीचे आमदार दीपक केसरकर यांनी विनंती करून ही सेवा पुन्हा चालू करायला लावली. ह्या सर्व गोष्टींमुळे सावंतवाडी येथे एक मल्टिस्पेशालिटी हॉस्पिटलची मागणी जोर धरू लागली होती.