Follow us on 
पनवेल: मुंबईत रेल्वेची क्षमता वाढवणे आणि रेल्वे वाहतूक सुव्यवस्थित करण्याच्या उद्देशाने, रेल्वे मंत्रालयाने पनवेल-सोमाटणे आणि पनवेल-चिखलीदरम्यान एकूण ७.५४ किमी लांबीच्या पनवेल कॉर्ड लाइन्स बांधण्याच्या प्रस्तावाला मान्यता दिली आहे. यासाठी ४४४.६४ कोटी रुपये खर्चाचा हा प्रकल्प मध्य रेल्वेकडून राबविला जाईल. पनवेल हे मुंबई उपनगरीय रेल्वेच्या हार्बर मार्गावरील एक महत्त्वाचे टर्मिनल आहे. उत्तरेकडे दिवा, दक्षिणेकडे रोहा, पश्चिमेकडे जेएनपीटी आणि पूर्वेकडे कर्जत महत्त्वाचे जंक्शन आहे. सध्या, ग्रेड सेपरेटेड क्रॉसिंग नसल्यामुळे इंजिन रिव्हर्सने वाहतुकीसाठी विलंब होतो. यावर मात करण्यासाठी, दोन कॉर्ड लाइन्स प्रस्तावित केल्या होत्या. आता त्यांना मान्यता दिली आहे. या निर्णयामुळे पनवेल स्थानकाहून होणारी वाहतूक जलदगतीने होणार आहे.
पुण्याहून कोकण रेल्वे मार्गावर धावणाऱ्या गाडयांना फायदा
पुण्यावरून पुणे-कर्जत-पनवेल मार्गे मडगावच्या दिशेने जाणाऱ्या प्रवासी गाडयांना पनवेल स्थानकावर इंजिन रिव्हर्ससाठी थांबवावे लागते. या कारणाने सुमारे ३० ते ४० मिनिटे वेळ वाया जातो. पनवेल-चिखलीदरम्यान कॉर्ड लाईन अस्तित्वात आल्यास हा वेळ वाचेल आणि ही वाहतूक जलद होईल. सध्या पुण्यावरून कोकण रेल्वे मार्गावर धावणारी पुणे-एर्नाकुलम एक्सप्रेस तसेच हंगामादरम्यान पुण्यावरून सोडण्यात येणाऱ्या विशेष गाड्यांचा प्रवास वेळ वाचणार आहे.
पुण्यावरून पुणे-कर्जत-पनवेल मार्गे मडगावच्या दिशेने जाणाऱ्या प्रवासी गाडयांना पनवेल स्थानकावर इंजिन रिव्हर्ससाठी थांबवावे लागते. या कारणाने सुमारे ३० ते ४० मिनिटे वेळ वाया जातो. पनवेल-चिखलीदरम्यान कॉर्ड लाईन अस्तित्वात आल्यास हा वेळ वाचेल आणि ही वाहतूक जलद होईल. सध्या पुण्यावरून कोकण रेल्वे मार्गावर धावणारी पुणे-एर्नाकुलम एक्सप्रेस तसेच हंगामादरम्यान पुण्यावरून सोडण्यात येणाऱ्या विशेष गाड्यांचा प्रवास वेळ वाचणार आहे.
खालील दोन कॉर्ड लाइन्सना मान्यता देण्यात आली आहे.
१)जेएनपीटी ते कर्जत कॉरिडॉरवर दिवा-पनवेल लाइन फ्लायओव्हर मार्गे कॉर्ड लाइन
२) काळटुंरीगाव केबिन आणि सोमाटणे स्थानकादरम्यान कॉर्ड लाइन
Facebook Comments Box