Follow us on        

सावंतवाडी: बेळगाव ते सावंतवाडी (चंदगड-आंबोली मार्गे) रेल्वे मार्ग हा महत्त्वाचा प्रकल्प गेल्या पाच दशकांहून अधिक काळ प्रलंबितच आहे. बेळगाव (कर्नाटक) आणि सावंतवाडी (सिंधुदुर्ग, महाराष्ट्र) जोडणारा सुमारे ११४.६ किलोमीटर लांबीचा हा मार्ग कोकण रेल्वे आणि दक्षिण पश्चिम रेल्वेची कनेक्टिव्हिटी मजबूत होण्यासाठी महत्वाचा आहे. सध्याच्या लोंडा-मडगाव-परनेम मार्गापेक्षा अंतर सुमारे १६५ किमी कमी करणाऱ्या या प्रकल्पात बेळगाव, कुद्रेमनी, माडवळे, हलकर्णी, नागनवाडी, चंदगड, कानूर, आंबोली आणि सावंतवाडी अशी ९ स्थानके प्रस्तावित आहेत, तर २०१८ बनविण्यात आलेल्या अहवालात या प्रकल्पाचा खर्च १८०५ कोटी रुपये इतकाआहे. हा मार्ग शेती-व्यापार, पर्यटन, भाजीपाला-मासे वाहतूक आणि कोकणातील दरड कोसळण्याच्या वेळी पर्यायी मार्ग म्हणून उपयुक्त ठरणार आहे.

या प्रकल्पाचे पहिले सर्वेक्षण १९७० मध्ये झाले होते. २०१८ मध्ये दुसरे सर्वेक्षण आणि फिजिबिलिटी रिपोर्ट तयार होऊन रेल्वे मंत्रालयाकडे सादर झाला, ज्यात सकारात्मक अहवाल होता. मात्र, कोरोना काळात बेळगावचे माजी खासदार सुरेश आंगडी यांच्या निधनानंतर पाठपुरावा कमी पडला आणि प्रकल्प रेंगाळला. फेब्रुवारी २०२६ पर्यंतच्या नवीनतम स्थितीनुसार, हा प्रकल्प अद्याप प्रलंबितच आहे; प्रत्यक्ष बांधकाम, जमीन अधिग्रहण किंवा निधीची मोठी मंजुरी झालेली नाही. रेल्वे मंत्रालयाच्या अधिकृत दस्तऐवजांमध्ये किंवा युनियन बजेट २०२५-२६ मध्ये या प्रकल्पासाठी स्पष्ट तरतूद किंवा प्रगती दाखवली गेली नाही.

बेळगाव जिल्ह्यातील इतर प्रकल्प (जसे बेळगाव-धारवाड) जसे जमीन अधिग्रहण आणि निधीच्या अभावामुळे रखडलेले आहेत, तसाच हाही आहे. जानेवारी २०२५ मध्ये कोल्हापूरचे खासदार धनंजय महाडिक यांनी बेळगाव-चंदगड-सावंतवाडी रेल्वे संघर्ष समितीला भेटून रेल्वे मंत्र्यांना निधी मिळवण्याचे आश्वासन दिले होते. ऑक्टोबर २०२४ मध्ये केंद्रीय रेल्वे राज्यमंत्री व्ही. सोमण्णा यांच्याशी बेळगावचे खासदार जगदीश शेट्टर यांची चर्चा झाली आणि दक्षिण पश्चिम रेल्वेच्या जनरल मॅनेजरला पाठपुरावा करण्याच्या सूचना दिल्या गेल्या. स्थानिक संघर्ष समितीचे अध्यक्ष सुरेश दळवी यांच्यासह खासदार शाहू महाराज आणि इतर नेते सातत्याने प्रयत्न करत आहेत.

तरीही मुख्य अडथळे निधी मंजुरी, दोन्ही राज्यांतील (कर्नाटक-महाराष्ट्र) जमीन अधिग्रहण आणि सातत्यपूर्ण राजकीय पाठपुराव्याचा अभाव यामुळे आहेत. युनियन बजेट किंवा संसदीय सत्रात नवीन चालना मिळेल अशी आशा आहे, पण सध्या तरी हा प्रकल्प “रखडलेला”च आहे. स्थानिक विकास, व्यापार आणि कनेक्टिव्हिटीच्या दृष्टीने हा मार्ग अत्यंत महत्त्वाचा असून, लवकरात लवकर प्रत्यक्ष काम सुरू व्हावे अशी मागणी जोर धरत आहे.

   Follow us on        

दि. २७ फेब्रुवारी २०२६: कोकण रेल्वे प्रशासनाने चिपळूण – दिवा – चिपळूण मार्गावरील मेमू अनारक्षित विशेष गाडी क्रमांक ०११६० / ०११५९ च्या धावण्याच्या प्रारंभ तारखेत बदल करण्याचा निर्णय घेतला आहे. गाडी क्रमांक ०११६० ही चिपळूण येथून पूर्वी जाहीर केल्याप्रमाणे ०१ मार्च २०२६ पासून धावणार होती; मात्र सुधारित नियोजनानुसार ती आता ०२ मार्च २०२६ ते ०८ मार्च २०२६ या कालावधीत धावेल. त्यानुसार दिवा येथून सुटणारी गाडी क्रमांक ०११५९ च्याही सेवेत तदनुरूप बदल करण्यात आले आहेत. प्रवाशांनी सुधारित तारखांची नोंद घेऊन आपला प्रवास नियोजित करावा, असे आवाहन रेल्वे प्रशासनाकडून करण्यात आले आहे.

होळी २०२६ निमित्त पनवेलहुन कोकणात जाणाऱ्या अजून एका होळी विशेष गाडीची घोषणा

होळी सणाच्या पार्श्वभूमीवर प्रवाशांची वाढती गर्दी लक्षात घेऊन मध्य रेल्वेने Indian Railways प्रशासनामार्फत मडगाव जं.–पनवेल–मडगाव जं. दरम्यान विशेष साप्ताहिक गाडी चालवण्याचा निर्णय घेतला आहे.

गाडी क्रमांक 01106 / 01105 मडगाव जं. – पनवेल – मडगाव जं. साप्ताहिक विशेष

गाडी क्रमांक 01106 मडगाव जं.–पनवेल विशेष ही गाडी दि. 04 मार्च 2026 (बुधवार) रोजी मडगाव जंक्शन येथून सायं. 16:30 वाजता सुटेल व दुसऱ्या दिवशी पहाटे 04:00 वाजता पनवेल येथे पोहोचेल.

परतीच्या प्रवासासाठी गाडी क्रमांक 01105 पनवेल–मडगाव जं. विशेष ही गाडी दि. 05 मार्च 2026 (गुरुवार) रोजी पनवेल येथून सकाळी 05:45 वाजता सुटेल व त्याच दिवशी सायं. 18:10 वाजता मडगाव जंक्शन येथे पोहोचेल.

थांबे खालीलप्रमाणे असतील :
करमाळी, थिवीम, सावंतवाडी रोड, कुडाळ, सिंधुदुर्ग, कणकवली, वैभववाडी रोड, राजापूर रोड, विलवडे, अडावली, रत्नागिरी, संगमेश्वर रोड, चिपळूण, खेड, माणगाव, रोहा आणि पेन.

रचना (Composition) :
एकूण 20 डबे – 18 स्लीपर कोच व 2 एसएलआर डबे.

गाडी क्रमांक 01106 साठी आरक्षण दि. 28/02/2026 पासून सर्व प्रवासी आरक्षण प्रणाली (PRS), इंटरनेट तसेच IRCTCच्या संकेतस्थळावर उपलब्ध होईल.

अधिक माहितीसाठी व सविस्तर वेळापत्रक पाहण्यासाठी प्रवाशांनी Indian Railwaysच्या अधिकृत संकेतस्थळाला भेट द्यावी.

होळीच्या सणासाठी कोकण व मुंबईदरम्यान प्रवास करणाऱ्या प्रवाशांना या विशेष गाडीचा मोठा दिलासा मिळणार आहे.

   Follow us on        

मुंबई: होळी आणि आगामी सुट्ट्यांच्या पार्श्वभूमीवर प्रवाशांची गर्दी लक्षात घेता रेल्वे प्रशासनाने मुंबई ते सावंतवाडी दरम्यान विशेष वातानुकूलित (AC) गाडी चालवण्याचा निर्णय घेतला आहे. ही गाडी पूर्णतः आरक्षित असून १ मार्च २०२६ रोजी दोन्ही बाजूंनी धावणार आहे.

​गाडीचे वेळापत्रक खालीलप्रमाणे:

​गाडी क्र. ०१०७१ (मुंबई ते सावंतवाडी):

ही गाडी रविवार, १ मार्च २०२६ रोजी मध्यरात्री ००:२० वाजता (म्हणजेच २८ फेब्रुवारीच्या रात्री) छत्रपती शिवाजी महाराज टर्मिनस येथून सुटेल आणि त्याच दिवशी दुपारी १२:३० वाजता सावंतवाडीला पोहोचेल.

​गाडी क्र. ०१०७२ (सावंतवाडी ते मुंबई):

परतीच्या प्रवासासाठी ही गाडी रविवार, १ मार्च २०२६ रोजी संध्याकाळी १७:२० वाजता सावंतवाडीहून सुटेल आणि दुसऱ्या दिवशी पहाटे ३:४५ वाजता मुंबईला पोहोचेल.

​सर्व थांब्यांची यादी (List of Halts):

​या विशेष गाडीला कोकण रेल्वे मार्गावरील महत्त्वाच्या स्थानकांवर थांबा देण्यात आला आहे. स्थानकांची संपूर्ण यादी खालीलप्रमाणे आहे:

​१. दादर

२. ठाणे

३. पनवेल

४. पेण

५. रोहा

६. माणगाव

७. वीर

८. खेड

९. चिपळूण

१०. सावर्डा

११. आरवली रोड

१२. संगमेश्वर रोड

१३. रत्नागिरी १४. आडवली

१५. विलवडे

१६. राजापूर रोड

१७. वैभववाडी रोड

१८. नांदगाव रोड

१९. कणकवली

२०. सिंधुदुर्ग

२१. कुडाळ

​महत्त्वाची माहिती:

​डब्यांचे स्वरूप: या गाडीला ‘एसी थ्री टायर इकॉनॉमी’ (AC 3 Tier Economy) डबे जोडण्यात आले आहेत.

​आरक्षण: गाडी क्र. ०१०७१ चे बुकिंग सध्या सुरू झाले आहे. प्रवाशांनी अधिकृत संकेतस्थळ किंवा रेल्वेच्या ॲपवरून आपले आरक्षण निश्चित करावे.

​टीप: अधिकृत माहितीसाठी प्रवाशांनी www.enquiry.indianrail.gov.in या संकेतस्थळाला भेट द्यावी किंवा NTES ॲपचा वापर करावा.

   Follow us on        

मडगाव: होळीच्या सणानिमित्त कोकणात जाणाऱ्या चाकरमान्यांची होणारी गर्दी पाहता रेल्वे प्रशासनाने जादा विशेष गाड्या चालवण्याचा निर्णय घेतला आहे. यामध्ये मडगाव-पनवेल साप्ताहिक स्पेशल आणि रत्नागिरी-पनवेल दरम्यान मेमू (MEMU) स्पेशल ट्रेनचा समावेश आहे.

​१. मडगाव जं. – पनवेल – मडगाव जं. साप्ताहिक स्पेशल (01106 / 01105)

​गाडी क्र. 01106: मडगाव येथून शुक्रवार, २७ फेब्रुवारी २०२६ रोजी सकाळी ०७:३० वाजता सुटेल आणि त्याच दिवशी संध्याकाळी १८:५० वाजता पनवेलला पोहोचेल.

​गाडी क्र. 01105: पनवेल येथून शुक्रवार, २७ फेब्रुवारी २०२६ रोजी रात्री १९:५० वाजता सुटेल आणि दुसऱ्या दिवशी सकाळी ०८:०० वाजता मडगावला पोहोचेल.

​या स्थानकांवर असेल थांबा:

करमळी, थिवि, सावंतवाडी रोड, कुडाळ, सिंधुदुर्ग, कणकवली, वैभववाडी रोड, राजापूर रोड, विलवडे, आडवली, रत्नागिरी, संगमेश्वर रोड, चिपळूण, खेड, माणगाव, रोहा आणि पेण.

​डब्यांची रचना: एकूण २० डबे (१८ शयनयान/Sleeper, २ एसएलआर).

​२. रत्नागिरी – पनवेल – रत्नागिरी अनारक्षित मेमू स्पेशल (01158 / 01157)

​गाडी क्र. 01158: रत्नागिरी येथून २७ फेब्रुवारी, २८ फेब्रुवारी आणि ०१ मार्च २०२६ रोजी सकाळी ०९:०० वाजता सुटेल आणि त्याच दिवशी दुपारी १६:१० वाजता पनवेलला पोहोचेल.

​गाडी क्र. 01157: पनवेल येथून २७ फेब्रुवारी, २८ फेब्रुवारी आणि ०१ मार्च २०२६ रोजी दुपारी १६:४० वाजता सुटेल आणि त्याच दिवशी रात्री २३:५५ वाजता रत्नागिरीला पोहोचेल.

​या स्थानकांवर असेल थांबा:

भोके, उक्षी, संगमेश्वर रोड, कडवई, आरवली रोड, सावर्डे, कामथे, चिपळूण, अंजनी, खेड, कळंबणी बुद्रुक, दिवाणखवटी, विन्हेरे, करंजाडी, सापे वामणे, वीर, गोरेगाव रोड, माणगाव, इंदापूर, कोलाड, रोहा, नागोठणे, कासू, पेण, जिते, आपटा आणि सोमाटणे.

​डब्यांची रचना: एकूण ०८ मेमू डबे.

​प्रवाशांना आवाहन: होळीच्या काळात होणारी गैरसोय टाळण्यासाठी प्रवाशांनी या विशेष गाड्यांच्या सेवांचा लाभ घ्यावा, असे आवाहन रेल्वे प्रशासनाकडून करण्यात आले आहे.

   Follow us on        

सावंतवाडी: कोकण रेल्वे आणि पश्चिम रेल्वेच्या वतीने आगामी काळात चालवण्यात येणाऱ्या अहमदाबाद-मंगळुरू विशेष गाडीच्या (०९४२४/०९४२३) थांब्यांच्या यादीतून सावंतवाडी रोड रेल्वे स्थानकाचा थांबा वगळण्यात आल्याने स्थानिक प्रवाशांमध्ये प्रचंड नाराजी पसरली आहे. यापूर्वी या गाडीला सावंतवाडी येथे थांबा दिला जात होता, मात्र २७ फेब्रुवारी ते २१ मार्च २०२६ या कालावधीत धावणाऱ्या विशेष फेऱ्यांसाठी प्रशासनाने जाणीवपूर्वक हा थांबा काढून घेतल्याचा आरोप केला जात आहे.

कुठल्याच लॉजिक मध्ये बसत नाही 

या गाडीला यापुर्वी असलेले जवळ जवळ सर्वच थांबे तसेच ठेवून सावंतवाडीचा थांबा काढण्यात आला आहे. कमी प्रवासी संख्या असलेल्या थांब्याना हात न लावता चांगली प्रवासीसंख्या footfall असलेल्या स्थानकाचा थांबा काढला हे कोणत्याही लॉजिक मध्ये बसत नाही.

जाणीवपूर्वक हा थांबा काढून घेतल्याचा आरोप

कोकण रेल्वेच्या महाराष्ट्र हद्दीतील स्थानकांमध्ये उत्पन्नाच्या बाबतीत ५ व्या स्थानावर असलेल्या सावंतवाडी स्थानकाचे या वर्षीचे उत्पन्न सुमारे १८ कोटी रुपये आहे. पुढील वर्षात हा आकडा २० कोटींच्या पार जाण्याची शक्यता असून, तसे झाल्यास स्थानकाला NSG-3 ही उच्च श्रेणी प्राप्त होईल. मात्र, ही श्रेणी मिळू नये आणि स्थानकाचा विकास होऊ नये, यासाठीच राजधानी, गरीब रथ आणि मंगळुरू स्पेशल सारख्या महत्त्वाच्या  गाड्यांचे थांबे जाणून बुजून नाकारले जात असल्याचे बोलले जात आहे.

कोकण रेल्वे प्रवासी संघटना (सावंतवाडी)ने याबद्दल नाराजी व्यक्त केली आहे. ​रेल्वे प्रशासनाच्या या भूमिकेमुळे सावंतवाडीच्या महत्त्वावर घाला घातला जात आहे. कोकण रेल्वे (KR) प्रशासनाकडून होणारा हा अन्याय थांबवून तात्काळ सावंतवाडी येथे थांबा बहाल करावा, अशी मागणी संघटनेने केली आहे.

उत्पन्न असूनही सुविधांपासून वंचित ठेवण्याच्या या धोरणामुळे पर्यटनावर आधारित असलेल्या या भागातील अर्थव्यवस्थेलाही फटका बसू शकतो अशी भीती व्यक्त करण्यात येत आहे.

ताजा कलम:

आज दुपारपर्यंत या गाडीला सावंतवाडी थांबा देण्यात आला नव्हता. ही बाब निदर्शनास येताच ‘अखंड कोकण रेल्वे प्रवासी सेवा समिती, महाराष्ट्र’चे सचिव श्री. अक्षय महापदी, श्री. मंदार सहस्त्रबुद्धे व त्यांच्या सहकाऱ्यांनी रेल्वे प्रशासनाकडे तातडीने पाठपुरावा केला. त्याचप्रमाणे संगमेश्वरचे श्री. संदेश जिमन यांनी कोकण रेल्वेचे CPRO श्री. नारकर यांच्याशी संपर्क साधून या त्रुटीकडे लक्ष वेधले. कोकण रेल्वे प्रवासी संघटना सावंतवाडी ने आपले पर्यन्त चालू ठेवले. या प्रयत्नांना परखड कोकणाई डिजिटल चॅनलच्या लेखणीची जोड मिळाली. प्रवासी संघटना आणि जागरूक नागरिकांच्या या संघटित प्रयत्नांना यश आले. दुपारी कोकण रेल्वे प्रशासनाची तातडीची बैठक पार पडली आणि अखेर सावंतवाडीला हा अधिकृत थांबा मंजूर करण्यात आला.

 

   Follow us on        

अहमदाबाद: आगामी सण आणि प्रवाशांची होणारी गर्दी लक्षात घेऊन पश्चिम रेल्वेने अहमदाबाद आणि मंगलुरू दरम्यान विशेष भाड्याने साप्ताहिक ‘स्पेशल ट्रेन’ चालवण्याचा निर्णय घेतला आहे. ही गाडी फेब्रुवारी आणि मार्च २०२६ या कालावधीत धावणार असून, यामुळे गुजरात, महाराष्ट्र आणि कर्नाटक या राज्यांमधील प्रवाशांना प्रवास करणे सुलभ होणार आहे.

​गाडीचे वेळापत्रक

​गाडी क्रमांक ०९४२४ अहमदाबाद – मंगलुरू स्पेशल २७ फेब्रुवारी, ६ मार्च, १३ मार्च आणि २० मार्च शुक्रवारी अहमदाबादवरून दुपारी १६:०० वाजता सुटेल आणि दुसऱ्या दिवशी रात्री २०:०० वाजता मंगलुरूला पोहोचेल. परतीच्या प्रवासासाठी, गाडी क्रमांक ०९४२३ मंगलुरू – अहमदाबाद स्पेशल २८ फेब्रुवारी, ७ मार्च, १४ मार्च आणि २१ मार्च या चार शनिवारी रात्री २२:३० वाजता सुटेल आणि सोमवारी पहाटे ०२:१५ वाजता अहमदाबादला पोहोचेल.

या स्थानकांवर असेल थांबा (Halts):

​या विशेष गाडीला प्रवाशांच्या सोयीसाठी अनेक महत्त्वाच्या स्थानकांवर थांबे देण्यात आले आहेत:

​गुजरात/महाराष्ट्र: नडियाद, आणंद, वडोदरा, भरूच, सुरत, वापी, वसई रोड, भिवंडी रोड, पनवेल, पेण, रोहा.

​कोकण रेल्वे मार्ग: माणगाव, खेड, चिपळूण, सावर्डे, संगमेश्वर रोड, रत्नागिरी, राजापूर रोड, वैभववाडी रोड, कणकवली, सिंधुदुर्ग, कुडाळ, थिवी, करमळी, मडगाव, काणकोण.

​कर्नाटक: कारवार, अंकोला, गोकर्ण रोड, कुमठा, मुरुडेश्वर, भटकळ, मूकंबिका रोड बिंदूर, कुंदापुरा, उडुपी, मुल्की आणि सुरतकल.

​प्रवाशांच्या आरामाचा विचार करून या गाडीमध्ये विविध श्रेणींचे डबे जोडण्यात आले आहेत. यामध्ये एसी २-टायर (AC 2 Tier), एसी ३-टायर (AC 3 Tier) यांसारखे वातानुकूलित डबे उपलब्ध आहेत. तसेच मध्यमवर्गीय प्रवाशांसाठी स्लीपर क्लास (Sleeper Class) आणि कमी खर्चात प्रवास करणाऱ्यांसाठी जनरल सेकंड क्लास (General Second Class) डबेही या गाडीला जोडले जाणार आहेत.

​ही रेल्वे विशेष भाड्यावर (Special Fare) चालवण्यात येणार असून, प्रवाशांनी वाढीव गर्दी टाळण्यासाठी आगाऊ आरक्षण करावे असे आवाहन करण्यात आले आहे. गाडी क्रमांक ०९४२४ चे बुकिंग सध्या सर्व पीआरएस (PRS) काउंटर्स आणि आयआरसीटीसीच्या (IRCTC) अधिकृत वेबसाईटवर सुरू झाले आहे.

   Follow us on        

मुंबई: होळीच्या सणानिमित्त गावी जाणाऱ्या चाकरमान्यांची आणि पर्यटकांची होणारी गर्दी लक्षात घेता, रेल्वे प्रशासनाने मडगाव जंक्शन आणि लोकमान्य टिळक टर्मिनस (LTT) दरम्यान विशेष गाड्या चालवण्याचा निर्णय घेतला आहे. यामुळे कोकणात जाणाऱ्या प्रवाशांना मोठा दिलासा मिळणार आहे.

​या विशेष गाड्यांचे वेळापत्रक आणि तपशील खालीलप्रमाणे आहेत:

​१. गाडी क्र. ०१००४ मडगाव जंक्शन – लोकमान्य टिळक (टर्मिनस) स्पेशल:

​दिनांक: १ मार्च २०२६ (रविवार) आणि ८ मार्च २०२६ (रविवार).

​वेळ: मडगाव जंक्शनवरून दुपारी १६:३० वाजता सुटेल आणि दुसऱ्या दिवशी सकाळी ०६:२० वाजता लोकमान्य टिळक टर्मिनस येथे पोहोचेल.

​२. गाडी क्र. ०१००३ लोकमान्य टिळक (टर्मिनस) – मडगाव जंक्शन स्पेशल:

​दिनांक: २ मार्च २०२६ (सोमवार) आणि ९ मार्च २०२६ (सोमवार).

​वेळ: लोकमान्य टिळक टर्मिनसवरून सकाळी ०८:२० वाजता सुटेल आणि त्याच दिवशी रात्री २२:४० वाजता मडगाव जंक्शन येथे पोहोचेल.

​गाडीचे थांबे:

​ही ट्रेन प्रवासात दोन्ही बाजूंनी खालील स्थानकांवर थांबेल:

करमळी, थिविम, सावंतवाडी रोड, कुडाळ, सिंधुदुर्ग, कणकवली, वैभववाडी रोड, राजापूर रोड, विलवडे, आडवली, रत्नागिरी, संगमेश्वर रोड, चिपळूण, खेड, माणगाव, रोहा, पेण, पनवेल आणि ठाणे.

​गाडीची संरचना (Composition):

​या विशेष ट्रेनला एकूण २० डबे असतील, ज्यामध्ये:

​शयनयान (Sleeper) – १८ डबे

​एसएलआर (SLR/D) – ०२ डबे

​गाडी क्रमांक  ०१००४ चे  आरक्षण उद्या दिनांक २५ फेब्रुवारी २०२६ रोजी पासून चालू होणार आहे.

प्रवाशांनी या विशेष गाड्यांचा लाभ घ्यावा, असे आवाहन रेल्वे प्रशासनातर्फे करण्यात आले आहे.

   Follow us on        

दिवा: कोकण रेल्वे मार्गावरील प्रवाशांची वाढती गर्दी आणि सोय लक्षात घेता, रेल्वे प्रशासनाने दिवा – चिपळूण – दिवा या मार्गावर विशेष अनारक्षित मेमू (MEMU) ट्रेन चालवण्याचा महत्त्वपूर्ण निर्णय घेतला आहे. ही विशेष गाडी १ मार्च २०२६ ते ८ मार्च २०२६ या कालावधीत दररोज दोन्ही दिशांनी धावणार आहे.

​गाडी क्रमांक आणि मार्ग

​गाडी क्र. ०११५९ (दिवा ते चिपळूण): ही गाडी रात्री २३:२५ वाजता दिवा स्थानकातून सुटेल आणि दुसऱ्या दिवशी सकाळी ०६:३० वाजता चिपळूणला पोहोचेल.

​गाडी क्र. ०११६० (चिपळूण ते दिवा): ही गाडी दुपारी १५:३० वाजता चिपळूणहून सुटेल आणि रात्री २३:१० वाजता दिव्याला पोहोचेल.

​प्रवासातील सर्व थांबे (स्थानके):

​या विशेष मेमू ट्रेनला प्रवासादरम्यान खालील स्थानकांवर थांबा देण्यात आला आहे:

​दिवा (सुरुवात), निळजे, तळोजे, कळंबोली, पनवेल, सोमटणे, आपटा, जिते, पेण, कासू, नागोठणे, रोहा, कोलाड, इंदापूर, माणगाव, गोरेगाव रोड, वीर, सापे वामने, करंजाडी, विन्हेरे, दिवाणखवटी, कळंबणी बुद्रुक, खेड, अंजनी आणि चिपळूण (अंतिम स्थानक).

या विशेष फेरीमुळे दिवा ते चिपळूण दरम्यानच्या अनेक छोट्या स्थानकांवरील प्रवाशांना मोठा दिलासा मिळणार असून, ही गाडी पूर्णपणे ‘अनारक्षित’ (General) स्वरूपाची आहे. त्यामुळे प्रवाशांना आगाऊ आरक्षणाची गरज नसून रेल्वे स्थानकावरील तिकीट खिडकीतून थेट तिकीट काढून प्रवास करता येईल. केवळ ८ दिवसांच्या मर्यादित कालावधीसाठी उपलब्ध असलेली ही सेवा रात्रीच्या वेळी प्रवास करून सकाळी कोकणात पोहोचू इच्छिणाऱ्या चाकरमान्यांसाठी अतिशय सोयीची ठरणार आहे.

​कोकणात जाणाऱ्या चाकरमान्यांनी आणि स्थानिक प्रवाशांनी या सुविधेचा लाभ घ्यावा, असे आवाहन करण्यात आले आहे.

   Follow us on        

मुंबई: कोकण रेल्वे मार्गावरून प्रवास करणाऱ्या हजारो चाकरमान्यांसाठी रेल्वे प्रशासनाने एक अत्यंत महत्त्वाचा आणि दिलासादायक निर्णय घेतला आहे. या मार्गावरील प्रवाशांची वाढती गर्दी आणि मागणी लक्षात घेता, अत्यंत लोकप्रिय असलेल्या कोकणकन्या एक्सप्रेस आणि मांडवी एक्सप्रेसच्या डब्यांच्या संख्येत कायमस्वरूपी वाढ करण्याचा निर्णय घेण्यात आला आहे. आता या दोन्ही गाड्यांमध्ये ३-टायर इकॉनॉमी श्रेणीचा एक जादा डबा जोडला जाणार असून, त्यामुळे या गाड्यांची एकूण क्षमता आता २२ ऐवजी २३ एलएचबी (LHB) डब्यांची होणार आहे.

​या बदलाची अंमलबजावणी मडगाव-मुंबई ‘कोकणकन्या एक्सप्रेस’ (२२११२) साठी २४ फेब्रुवारी २०२६ पासून, तर मुंबई-मडगाव ‘कोकणकन्या’ (२२१११) आणि ‘मांडवी एक्सप्रेस’ (१०१०४/१०१०३) च्या दोन्ही फेऱ्यांसाठी २५ फेब्रुवारी २०२६ पासून केली जाणार आहे. या निर्णयामुळे ३-टायर इकॉनॉमी श्रेणीतील डब्यांची संख्या आता २ वरून ३ झाली आहे. सुधारित रचनेनुसार या गाड्यांमध्ये १ कंपोझिट डबा (प्रथम श्रेणी + २-टायर वातानुकूलित), १ स्वतंत्र २-टायर वातानुकूलित डबा, ४ डबे ३-टायर वातानुकूलित, ३ डबे ३-टायर इकॉनॉमी, ७ शयनयान श्रेणीचे डबे आणि ४ सामान्य डबे असतील. याव्यतिरिक्त १ पँट्री कार, १ जनरेटर कार आणि १ एसएलआर डबा जोडलेला असेल.

​कोकणकन्या आणि मांडवीच्या क्षमतेत झालेली ही वाढ पाहता, आता दादर-सावंतवाडी ‘तुतारी एक्सप्रेस’चेही डबे २२ पर्यंत वाढवण्यात यावेत, अशी मागणी प्रवाशांकडून जोर धरत आहे. रेल्वेच्या या निर्णयामुळे प्रवाशांना अधिक जागा उपलब्ध होणार असून, आरक्षणासाठी होणारी ओढाताण कमी होण्यास मदत होईल.