गणेशोत्सवासाठी कोकणात जाणाऱ्या प्रवाशांसाठी एक अत्यंत दिलासादायक बातमी आहे. दक्षिण मध्य रेल्वेने गणेशोत्सवातील भाविकांची आणि प्रवाशांची अतिरिक्त गर्दी लक्षात घेऊन नांदेड ते सावंतवाडी रोड दरम्यान विशेष ट्रेन चालवण्याचा निर्णय घेतला आहे.
मराठवाडा रेल्वे प्रवासी महासंघाच्या सातत्यपूर्ण पाठपुराव्यामुळे ही विशेष गाडी सुरू करण्यात येत असून, ही ट्रेन नांदेड – पुणे – कल्याण – रत्नागिरी मार्गे सावंतवाडीला जोडेल.
गाडीचे तपशील व वेळापत्रक
गाडी क्र. ०७६५९ (नांदेड ते सावंतवाडी रोड विशेष):
फेऱ्यांच्या तारखा: १२ आणि १५ सप्टेंबर २०२६ (शनिवार व मंगळवार).
वेळ: नांदेडवरून रात्री २०:०० (८:००) वाजता सुटेल आणि प्रवासाच्या तिसऱ्या दिवशी पहाटे ०३:३० वाजता सावंतवाडी रोड येथे पोहोचेल.
गाडी क्र. ०७६६० (सावंतवाडी रोड ते नांदेड विशेष):
फेऱ्यांच्या तारखा: १४ आणि १७ सप्टेंबर २०२६ (सोमवार व गुरुवार).
वेळ: सावंतवाडी रोडवरून सकाळी ०७:३० वाजता सुटेल आणि दुसऱ्या दिवशी सकाळी ११:३० वाजता नांदेड येथे पोहोचेल.
प्रमुख थांबे
नांदेड, पूर्णा, परभणी, परळी वैजनाथ, लातूर रोड, लातूर, येडशी, बार्शी टाऊन, कुर्डुवाडी, दौंड, पुणे, लोणावळा, कल्याण, पनवेल, पेण, रोहा, माणगाव, खेड, चिपळूण, संगमेश्वर, रत्नागिरी, राजापूर रोड, वैभववाडी रोड, कणकवली, कुडाळ आणि सावंतवाडी रोड.
डब्यांची रचना (एकूण २४ ICF डबे):
२-टियर एसी (2AC): ३ डबे
३-टियर एसी (3AC): ५ डबे
शयनयान (Sleeper Class): १० डबे
सामान्य श्रेणी (General): ४ डबे
एसएलआर / लगेज व्हॅन (SLR): २ डबे
(टीप: गणेशोत्सवाच्या पार्श्वभूमीवर या विशेष गाडीसाठी रेल्वे प्रशासनाकडून विशेष (TOD – Train on Demand / 1.3) भाडे दर लागू राहतील.)
