दोडामर्ग आणि सावंतवाडी तालुक्यामध्ये वास्तव्य केल्यानंतर ओंका‍र नावाचा हा हत्ती आता थेट कुडाळ तालुक्याच्या हद्दीत येऊन पोहोचला आहे. सावंतवाडी तालुक्यातील आपला प्रवास संपवून त्याने कुडाळ परिसरात आपला मोर्चा वळवला असून तिथे आपला जम बसवला आहे.
हा हत्ती ओटवणे, असनिये, कोनशी, इन्सुली, मळगाव आणि नेमळे यांसारख्या विविध गावांच्या वाटेने प्रवास करत अखेरीस आकेरी गावात येऊन दाखल झाला आहे. सावंतवाडीची हद्द यशस्वीपणे ओलांडून तो आता कुडाळ तालुक्याच्या क्षेत्रात वावरत असल्याचे स्पष्ट झाले आहे.
ओंका‍र हत्तीला पाहण्यासाठी आणि त्याची एक झलक पाहाण्यासाठी स्थानिक नागरिकांची मोठी गर्दी जमताना दिसत आहे. मात्र, या गर्दीसोबतच शेतकरी आणि ग्रामीण भागातील सर्वसामान्य ग्रामस्थांचे मोठ्या प्रमाणात नुकसान देखील होत असल्याची माहिती समोर येत आहे.
या प्रवास दरम्यान शेतीचे व इतर जे नुकसान होत आहे, त्या सर्व नुकसानीची योग्य भरपाई वनविभागाकडून लवकरात लवकर मिळावी, अशी ठाम मागणी ग्रामस्थांकडून केली जात आहे.
गोव्यापासून सुरू झालेला दोडामर्ग, सावंतवाडी आणि आता कुडाळ असा लांबचा प्रवास करणारा हा ओंका‍र हत्ती यापुढील काळात आपला मोर्चा नेमका कोणत्या दिशेने वळवणार आणि कसा प्रवास करणार, याकडे आता संपूर्ण परिसराचे लक्ष लागून राहिली आहे
