आपल्या आजच्या जीवनशैलीने निसर्गाची अपरिमित हानी झाली आहे. ह्या हानीमुळे होणारे परिणाम दिसू लागले आहेत. आज लोकांची कमी होणारी रोगप्रतिकारक शक्ति आणि त्याचे एखाद्या आजाराला बळी पडणे हे चित्र आजकाल दिसत आहे. कोरोना काळात तर परिस्थिती खूपच गंभीर झाली होती. ह्या सर्वातून एक शिकवण मिळाली की आरोग्यासाठी निसर्गाला पर्याय नाहीच. आणि लोकाना खरच वाटू लागले की आपण निसर्ग संवर्धनासाठी काही तरी केलेच पाहिजे. 

तुम्हाला निसर्गासाठी काहीतरी करावेसे वाटत असेल तर ईथे तुम्हाला आम्ही लहानशी मदत करू शकतो. 

ऑयकॉस फॉर इकॉलॉजिकल सर्विसेस, पुणे ही संस्था २००२ पासून निसर्ग संवर्धन – पुनर्जीवन, जीविधीता संवर्धन, निसर्ग शिक्षण, पर्यावरण जागृती क्षेत्रात कार्यरत आहे. ह्या संस्थेच्या मानसी करंदीकर आणि केतकी घाटे यांनी कोरोना काळात 21 Prospects For Nature ह्या पुस्तिकेचे मराठीतून तसेच इंग्लिश मधून लिखाण केले आहे. त्यांनी ह्या पुस्तकात निसर्ग संवर्धनासाठी  २१ कृती सांगितल्या आहेत ज्या आपण आपल्या दैनंदिन जीवनात शहरात राहून सुद्धा करू शकतो.