महाराष्ट्र शासनाच्या महसूल व वन विभागाच्या पत्रानुसार, येत्या १५ नोव्हेंबर २०२६ रोजी आयोजित करण्यात आलेली कोकण व नाशिक विभागाची महसूल सेवक म्हणजेच कोतवाल पदाची लेखी परीक्षा सध्या तात्पुरत्या स्वरूपात स्थगित करण्यात आली आहे.
पदवीधर आणि शिक्षक मतदारसंघ निवडणुकीची आचारसंहिता लागू असणे तसेच वयोमर्यादेमध्ये योग्य ती शिथिलता देण्याबाबत शासन निर्णय अपेक्षित असणे, ही या परीक्षेचे नियोजन बदलण्यामागची मुख्य कारणे आहेत.
या स्थगितीमुळे इच्छुकांना दिलासा मिळाला असून, आता या भरती प्रक्रियेसाठी नवीन वेळापत्रक जाहीर करण्यात आले आहे, ज्यानुसार डिसेंबर महिन्यात पुन्हा कार्यवाही सुरू होईल.
नवीन नियोजनानुसार, या रिक्त पदांसाठीची जाहिरात आगामी १६ ते ३१ डिसेंबर २०२६ या कालावधीत प्रसिद्ध केली जाईल आणि त्यानंतर १७ जानेवारी २०२७ रोजी लेखी परीक्षा घेतली जाईल.
या संपूर्ण प्रक्रियेचा निकाल दुसऱ्याच दिवशी म्हणजेच १८ जानेवारी २०२७ रोजी जाहीर करण्यात येणार असल्याची माहिती सावंतवाडीच्या तशीसीलदारांकडून देण्यात आली आहे.
