रात्रीच्या अंधारात अल्पवयीन मुलींना बसमधून खाली उतरवणारे एसटी चालक-वाहक निलंबित

   Follow us on        

१४ नोव्हेंबर २०२६ रोजी घडलेल्या एका घटनेमध्ये, भंडारा आगाराच्या एस.टी. बसने प्रवास करणाऱ्या दोन अल्पवयीन मुलींना रोहा येथे रात्रीच्या सुमारास अंधारातच रस्त्यावर खाली उतरवण्याचा प्रकार समोर आला. या संवेदनशील प्रकरणामुळे मुलींच्या सुरक्षिततेचा प्रश्न ऐरणीवर आला असून वृत्तपत्रांमध्ये तसेच सोशल मीडियावर या घटनेची मोठ्या प्रमाणावर चर्चा सुरू झाली.

​ही गंभीर बाब लक्षात घेताच राज्याचे परिवहन मंत्री आणि एस.टी. महामंडळाचे अध्यक्ष प्रताप सरनाईक यांनी तातडीने या संपूर्ण प्रकरणाची दखल घेत चौकशीचे आदेश दिले. त्यांच्या निर्देशानुसार भंडारा विभाग नियंत्रक आणि आगार व्यवस्थापक यांनी प्राथमिक चौकशी पूर्ण करून अहवाल सादर केला.

​या प्राथमिक चौकशीत दोषी आढळल्यामुळे बसचालक अनिल सावरे आणि वाहक उदेभान मेश्राम यांना १६ नोव्हेंबर २०२६ पासून पुढील कारवाई होईपर्यंत अधिकृतपणे निलंबित करण्यात आले आहे. प्रशासनाकडून या कर्मचाऱ्यांविरोधात कायदेशीर व विभागीय कारवाईची प्रक्रिया देखील वेगाने सुरू करण्यात आली आहे.

​भविष्यात अशा प्रकारच्या घटनांची पुनरावृत्ती टाळण्यासाठी एस.टी.च्या सर्व कर्मचाऱ्यांसाठी विशेष सूचना जारी करण्यात आल्या आहेत. शाळकरी विद्यार्थी तसेच अल्पवयीन मुलांच्या प्रवासादरम्यान त्यांच्या सुरक्षिततेची पूर्ण जबाबदारी संबंधित कर्मचाऱ्यांनी पार पाडली पाहिजे आणि त्यांना सुखरूप त्यांच्या घरापर्यंत पोहोचवले पाहिजे, असे स्पष्ट निर्देश परिवहन मंत्र्यांनी दिले आहेत.

​कर्तव्यात कसूर करणाऱ्या किंवा प्रवाशांच्या जिवाशी खेळणाऱ्या कर्मचाऱ्यांना यापुढे केवळ निलंबनावर न सोडता थेट सेवेतून बडतर्फ करण्याची कठोर कारवाई केली जाईल, असा कडक इशाराही परिवहन मंत्र्यांनी दिला आहे.

Facebook Comments Box
   

Leave a Reply

Your email address will not be published. Required fields are marked *

Content Protected! Please Share it instead.  

Home
Kokan Blog
Downloads
Search