Konkan Railway: दक्षिण रेल्वेने एर्नाकुलम जंक्शन आणि हजरत निजामुद्दीन दरम्यान धावणाऱ्या साप्ताहिक एक्सप्रेस ट्रेनच्या (ट्रेन क्र. २२६५५ / २२६५६) डब्यांच्या रचनेत (Composition) बदल करण्याचा निर्णय घेतला आहे. प्रवाशांच्या सोयीसाठी रेल्वे प्रशासनाने हा निर्णय घेतला असून, याची अंमलबजावणी ऑक्टोबर महिन्यापासून होणार आहे.
डब्यांची जुनी रचना:
| डब्याचा प्रकार | डब्यांची संख्या |
| २ टियर एसी | ०२ |
| ३ टियर एसी | ०३ |
| ३ टियर एसी इकॉनॉमी | ०७ |
| स्लीपर | ०४ |
| जनरल | ०४ |
| जनरेटर कार | ०१ |
| एसएलआर/डी (SLR/D) | ०१ |
| एकूण | २२ |
डब्यांची नवीन रचना:
| डब्याचा प्रकार | डब्यांची संख्या |
| २ टियर एसी | ०२ |
| ३ टियर एसी | ०३ |
| ३ टियर एसी इकॉनॉमी | ०५ |
| स्लीपर | ०६ |
| जनरल | ०४ |
| जनरेटर कार | ०१ |
| एसएलआर/डी (SLR/D) | ०१ |
| एकूण | २२ |
स्लीपर डब्यांमध्ये वाढ: ट्रेनमधील स्लीपर (Sleeper) डब्यांची संख्या ४ वरून वाढवून ६ करण्यात आली आहे (म्हणजेच २ स्लीपर कोच वाढवले आहेत). तर स्लीपर कोच वाढवण्यासाठी, ३ टियर एसी इकॉनॉमी (3 Tier AC Economy) डब्यांची संख्या ७ वरून कमी करून ५ करण्यात आली आहे (म्हणजेच २ एसी इकॉनॉमी कोच कमी केले आहेत).
बदल कधीपासून लागू होणार?
ट्रेन क्र. २२६५५ (एर्नाकुलम जंक्शन ते हजरत निजामुद्दीन): २१ ऑक्टोबर २०२६ पासून एर्नाकुलम जंक्शनवरून सुटणाऱ्या ट्रेनला ही नवीन रचना लागू असेल.
ट्रेन क्र. २२६५६ (हजरत निजामुद्दीन ते एर्नाकुलम जंक्शन): २३ ऑक्टोबर २०२६ पासून हजरत निजामुद्दीनवरून सुटणाऱ्या ट्रेनला ही नवीन रचना लागू असेल.
रेल्वे प्रशासनाने प्रवाशांना विनंती केली आहे की, त्यांनी या बदलाची नोंद घ्यावी. ट्रेनच्या थांब्यांची अधिक माहिती आणि वेळेसाठी प्रवाशांनी अधिकृत संकेतस्थळ www.enquiry.indianrail.gov.in ला भेट द्यावी.
